رواية سليم ونغم واحدة من افضل الروايات الرومانسية المصرية حيث تلتقي نغم وسليم مصادفةً في مكتبة هادئة، فيولد بينهما انجذاب خفيف يفتح باب حكاية رومانسية تتحدى ماضيهما وجروحه، وتمنحهما فرصة لحب جديد يغيّر مسار حياتهما
.jpeg)
رواية سليم ونغم كاملة جميع الفصول
نونا يا حبيبتي ريحى نفسك جواز مش متجوز
ياسليم يبنى حرام عليك هو انا مش من حقى افرح بيك زى اى ام ف الدنيا وبعدين هو انت هتتجوز اى حد دى بنت عمك
ياماما يا حبيبي بنت عمى على عينى وراسي بس معلش يعنى مش سليم الأسيوطى اللى يتجوز فلاحة من الأرياف
"ثوانى بقا نعرف مين سليم دا شاب وسيم بس مغرور
عنده 25 سنة وماسك الشركه بتاعت والده وبتاع بنات
وعايش حياته بالطول والعرض زى ما بيقولوا"
-مالهم بس أهل الريف ياحبيبى دول احسن ناس
-اه ومين يشهد للعروسه
-يبنى بلاش مناهده واسمع الكلام والله ما هتلاقى زيها دى ادب وجمال
-يا ماما جواز مش هتجوز ها
وهنا بيتدخل عبدالله والد سليم
-ومالهم الفلاحين يا سليم ومش عاجبينك اهل الريف ف ايه ولا نسيت ان اصلك منهم هو عشان اتولدت واتربيت هنا خلاص هتقللل من قيمة الناس وتشوف نفسك
-يابابا انا مقولتش كدا بس هى دى الحقيقة هما جهلة وراجعيين والتخلف هناك ملهوش حدود ولا تعليم ولا تحضر ولا حاجه خالص البنت عندها ميكملش 15 سنة وتلقيها شايلة بدل الطفل اتنين واللى زيها لسه بيجليها فساتين وبتلعب وكمان تلاقيهم بيلبسوهم شوال كدا وولا دخول ولا طلوع وحابسينهم كأنهم عبيد ليه دا كله يعنى مش هو دا الريف اللى عايزنى اتجوز منه
-لا يا بمشمهندس مش هو واللى متخلف ف تفكيره انت مش هما عشان الاحترام مش رجعيه ومش معنى انهم بيحافظو على بناتهم ومش بيسيبوهم ف الشوارع والكباريهات اللى بتسهر فيها مع عاهرات لحد الفجر يبقوا جهلة،،، واللبس المحترم والمحتشم دين واخلاق يا سليم بيه مش تخلف والبنطلون مش هو التحضر
-نرمين بتتكلم: ياسليم يبنى صوابعك مش زى بعضها وبرضوا الناس مش زى بعضها انت معاك حق فيه فعلا بنات بتتجوز ف سن صغير بس دى كانت عادات وبدأت تتغير بس مش معنى انك شايف حاجة وحشه هناك يبقى الكل وحش او يبقوا متخلفين زى ما بتقول
-نهاية الكلام انت هتتجوز بنت عمك وهننزل بكرا عشان كتب الكتاب ومش عايز كتر كلام يا سليم
-يابابا اسمعنى بس
سابهم عبدالله ومشى
-ماما اعملى حسابك جواز مش متجوز
-يبنى ربنا يهديك ابوك مش هيسكت مش عايزين مشاكل انت مش هتخسر حاجه عشانى انا يبنى سافر بس معانا بكرا
-يانونا انتى مش فاهمانى ليه بس انا والله خايف ع البنات انتى متعرفيش دا ممكن يحصل أزمة قومية لو سليم الأسيوطى اتجوز
-ليه يا لمض إن شاء الله هتتسبب ف مجاعة
-لا يانونا بس ف قلوب بنات كتير هتتكسر
يتبع..
↚
-عشان خاطري ياسليم سافربس معانابكرا
-يووه عشانك بس يا نونا هاجى وامري لله
ف مكان تانى وبالتحديدف مكان ريفى بس مش ف الصعيدنفسها يعنى بنوتة بتقرأ قرآن بصوت ملاكى وبتدخل عليها امهانغم يا حبيبتي بتعملى ايه-بتوقف نغم قراءه وبترد تعالى يا أمى اتفضلى
-عايزه اتكلم معاكى يا حبيبتي ف موضوع
-أكيد يا ست الحبايب
-يا نغم يبنتى احنا من يوم الحادثه اللى حصلت وخسرنا أبوكى واخوكى الله يرحمهم وانا مليش غيرك ف الدنيا وعايزه اطمن عليكى وبدأت تبكى-مالك بس يا ماما فيكى ايه يا حبيبتي اللى حصل دا كان نصيب واحنا ملناش اننا نعترض قدرربنا
-ونعم بالله يبنتى بس انتى لازم تتجوزى يا نغم ولازم اطمن عليكى قبل ام. وت
-بعيد الشر عنك يا ست الكل وبعدين جواز ايه بس قولى بقا انك عايزه تخلصى منى صح ها قولى
-بابتسامه بتتكلم ناديه وبتقول: عمك عبد الله كلمنى يانغم وطالب ايدك لابنه سليم
-نغم باستغراب عمى؟! ودا فين دا ياماما عمرك ما قولتيلى إن ليا عم
-ليكى يا حبيبتي بس هو سافر من زمان واتجوز واستقر ف القاهره ومن وقتها مجاش تانى
المهم يا نغم هما جايين بكرا يبنتى ودا ابن عمك يعنى هيخاف عليكى وهيصونك ولو مت هبقى مطمنه عليكى وكمان متعلم دا مهندس يعنى انسان محترم
-حاضر ياماما اللى ربنا عايزه
ورجعت تانى للقراءه بس ثوانى ولقت نفسها بدأت تسرح وتقول يا ترى اليوم مخبيه ايه يا نغم
"نغم بنت بسيطه ومتدينه إلى حد كبير ومنتقبه عندها عشرين سنه" بقلمي شيرين ذكي
الصبح بدرى نرمين بتصحى سليم ياحبيبى قوم بقا هتتأخر على عروستك
-سليم بنوم بيقولها بتكلمى مين ياماما
-يا حبيبى بكلمك انت هكلم مين
-سليم بدأ يفتح عينيه : هو انتى لابسه ورايحه فين يا نونا
-يادى النيله عليا ياسليم حرام عليك اللى بتعملوا فيا يبنى قوم هنتأخر ع الناس
-يوووه حاضر يا ماما
-وبالفعل وصولوا للقرية ودخلوا البيت ونادية أم نغم رحبت بيهم وطلعوا الأوض عشان يرتاحوا
على العشا بيتكلموا
- نرمين : امال عروستنا فين يا ناديه مش هتسلم علينا
-معلش يا أم سليم هى ف المسجد اصل عندها دروس هناك وكمان هى بتحفظ الاطفال قرآن
-عبد الله: ماشاء الله ربنا يبارك لك فيها يارب
بتدخل نغم وتقول السلام عليكم ورحمه الله وبركاته
-بيردوا السلام وبتسلم على عمها اللى اول مره تشوفه ومرات عمها وبترفع النقاب عادى لان سليم اصلا مكنش موجود هو نايم من وقت ما رجعوا
رمين : ماشاء الله عليكى يا نغم ربنا يحفظك يبنتى
-نغم : تسلمى يا مرات عمى ربنا يبارك ف عمرك
نازل سليم من على السلم وبتلمحه نغم وبتلتفت قبل ما يشوفها وبتنزل النقاب
-سليم: يا نونا انتى فين
-تعالى يا آدم احنا هنا
-بتستأذن نغم وبتطلع اوضتها
-عبدالله: شوفى يا مرات اخويا احنا طالبين ايد نغم لسليم هو ابن عمها وهيصونها ويحافظ عليها واحنا مش هنلاقى احسن منها ناديه : اكيد يا ابو سليم ربنا يتتم بخير بس فيه حاجه عايزاكم تعرفوها
عدى حوالى اسبوعين ونغم وسليم ما شافوش بعض ولا مره ولا حتى صدفه هى بتقضى يومها عادى اغلبه ف المسجد وف مساعده والدتها وهو ينام طول النهار ويفتح نت طول الليل-بعد ماعدى الأسبوعين كانت كل حاجه جاهزة لكتب الكتاب وبالفعل كتبوا الكتاب وقرروا بقا انهم ينزلوا القاهره-نرمين ؛ مبروك ياحبيبى والله نغم ست البنات يا سليم
-سليم: نغم دى مين يا ماما نرمين بفزع: يادى الفضايح يبنى حرام عليك نغم دى مراتك ياسليم امال انت كنت بتكتب كتابك على مين
-اه هى اسمها نغم طيب والله كويس إن الفلاحين بيسمونغم ودى انهى واحده عشان مش عارف
-اه ما انت مش شفتها خالص بص هى منتقبة فاكر يوم ما جينا وانت نزلت وهى استاذنت ومشيت اهى هى دى نغم
-اه وهى لبسه نقاب ليه بقا لازم وحشها انا عارف ياماما من الاول انى هدبس ابدا والله يبنى دى زى القمر-سليم بتريقة اه منا عارف دى تلاقيها أمر بالستربس والله احسن برضو عشان مش عايز اشوف شكلها ويلا نرجع بقا عشان اتخنقت وسابها ومشى بعد ما نغم ودعت والدتها نزلت وركبوا العربيه واتحركوا ونرمين وعبدالله راحوا الفيلا ونغم وسليم راحوا شقتهم سليم مش مهتم لوجود نغم وبعد ما دخلوا البيت هى دخلت اوضه النوم وغيرت هدومها وصلت وهو ف اوضه تانيه غير هدومه وبعدها فونه رن بيرد سليم
الو
مبروك ياسليم بيه مش كنت تقول كنا هنفرح معاك
بس اعمل حسابك مش هايدى الدسوقى اللى يتلعب بيها يابشمهندس.سلام. بقلمي شيرين ذكى
سليم يا هايدى استنى اسمعينى بس كانت قفلت
سليم لنفسه منا اللى جبته لنفسي ادينى هخسر حبيبتي عشان حته البتاعه اللى جوه دى
دخل سليم بغضب اوضه نغم ومن غير مايبص ناحيتها بيقولها بصى يا اسمك ايه انتى اه بنت عمى وعلى راسى بس انا اتجوزتك عشان خاطر اهلى ودا اللى ليكى عندى لكن حياتي ملكيش دخل بيها ولا ليكى دعوه بيا.
بتلتفت نغم وبتقول لعلمك انا كمان وافقت عشان خاطر امى
↚
سليم: يلهوى يخربيت جمال أمك هو انتى ازاى كدا انتى بجد حوريه..هو انتى حقيقى ولا ديكوربجد صاروخ
نغم: ها هو انت بتقول ايه مش فاهمه منك حاجه
سليم: طيب انا همشى قبل ما اعمل اللى ف دماغى وهتبقى مشكله.
سليم كانت دى أول مرة ف حياته كلها يشوف نغم ومن الآخر أول مرة يشوف بنوتة جميلة بالشكل دا وبدون أى
ميك اب فجتله حاله ذهول وفضل متنح فترة بيبصلها بس بعد شوية اتمالك نفسه وخرج من اوضتها
سليم ف الاوضه التانيه بيكلم نفسه،هى البت دى بجد ولا ايه حكايتها هو فيه كدا دا انا تقريبا كنت بشوف ف الليله الواحدة بالخمسين بت ف الديسكو وف الشارع وف كل حتة طيب لما هى حلوه وجميله كدا لابسه نقاب ليه وبعدين جمال من نوع مختلف انا اول مره اشوف حد كدا..فاق سليم من شروده وتفكيره وقال لا بس انا بحب هايدى انا مالى بيها بكره هصالح هايدى ونرجع لبعض ومليش دعوه بدى خالص وانا كدا كدا فى دماغى خطة اخلص بيها منها بس مش دلوقتي عشان ابويا...
&يوم جديد على ابطالنا&
صحى سليم من النوم ولبس وخرج نزل الشركة بدون اى اهتمام لوجود نغم او بمعنى أصح هو بيحاول يهرب من عينيها..نزل سليم الشركة وبمجرد ما وصل نادى على السكرتيرة وقالها تنادى على المهندسه هايدى طبعا هى نفسها هايدى اللى كلمته امبارح اللى هى حبيبته وشغاله معاه ف الشركة واللى برضو طمعانة فيه
-الباب خبط ودخلت هايدى وبتقول: حضرتك طلبتنى يا بشمهندس اى خدمة
سليم: بمشهندس اه دى زعلانه بقا ويومنا طويل
هايدى: هو حضرتك عايزنى ف حاجه ولا اروح اكمل شغلى
سليم:-اه طبعا عايزك يا دودى هو انا اقدر استغنى عنك وبعدين ايه حكايه بشمهندس دى تعالى بس هو انتى لسه زعلانه وشدها من ذراعها قربها منه والله كنت هقولك بس مش ادتينى فرصه خالص
هايدى:-تقولى ايه يا سليم بعد كل اللى بينا رايح تتجوز
سليم:-يا هايدى اسمعى بس الجوزاه دى كلها فيك اصلا انا ولا كنت عايزها ولا اعرفها بس ابويا ضغط عليا ولو مكنتش وافقت كنت هخسر الشركة كدا
هايدى ف بالها بتقول تخسر الشركة امال انا بعمل كل دا ليه
سليم:يا هايدى والله مكنت اعرفها دى بنت عمى مش من هنا من الريف اصلا وكانت دى اول مره اشوفها ف حياتى كلها اصلا
هايدى:اه من الريف فلاحة يعنى ماشى ياسليم انا هصدقك اما نشوف اخرتها
سليم:-اخرتها فل يا قلب سليم استنى بس عليا انفذ اللى ف دماغى واخد الشركة وهخليها ترجع بلدهم ضحكت هايدى بصوت عالى ماشى يا سولى
يتبع
↚
هايدى:-خلاص ياسولى نتقابل النهارده
خرجت من مكتبه وسليم كان مبسوط إنه عرف يصالحها
بعد شوية خبط على المكتب
طق طق طق ادخل
سليم سمع صوت عماد ومعرفش يمسك نفسه وقال:- طبعا ياض ادخل
هو:-ياعم انا كنت داخل انت فاكرنى هستأذن
سليم:-يخربيتك وحشتنى ايه الغيبه دى
هو:-انت كمان يا كابو وحشتنى واخدوا بعض بالحضور عامل ايه من غيرى يلا
سليم:-اتجوزت ياخويا متسافرش تانى
هو:-وسع وسع بقا كدا نونا تجوزك وانا لأ طيب بس انا اروحلها
سليم:-يعنى دا كله اللى همك دى دبستنى مش جوزتنى
هو:-اشطا وربي فرحان فيك عشان تهمد وتسيبك من اللى اسمها هايدى دى
سليم:-ملكش دعوه بهايدى ياعماد دى حبيبتي وعمرى ما هتخلى عنها انت فاهمنى
عماد:-حبييتك تانى ياسليم ياض انت مش اتجوزت
سليم:-ياعم جواز ايه دا على الورق بس عشان خاطر ابويا
عماد:-المهم انك اتجوزت قبلى بس اما اروحلك بس يا نونا
سليم:-طيب روح ونتقابل بالليل
عماد:-تمام ياصاحبى سلام
سليم:-سلام... بقلمي شيرين ذكى
"دا عماد ابن خال سليم يعنى عمته تبقى نرمين هو وسليم صحاب من وهما عيال ومعاه ف الشركه بس كان مسافر ف شغل وبيكره هايدى بشكل مش طبيعي لانه عارف حقيقتها وعارف عنها حاجات كتير هنعرفها قدام شويه"
ف الفيلا نرمين وعبدالله بيتكلموا
نرمين:-بجد يا عبدالله مكناش هنلاقى زى نغم ابدا جمال واخلاق والله سليم محظوظ بيها ربنا يهنيهم
عبدالله:-بس خايف عليها من ابنك يا نرمين البت مؤدبه ومتربيه وهو صايع واخلاقه زفت وهيجيلها كل يوم الفجر من الديسكو والاماكن المعفنه اللى بيروحها
نرمين:-بكره يعقل ويسيبه من الكلام دا ويبقى احسن واحد ف الدنيا وانا متأكده إن نغم هتغيره
عبدالله:-والله دا نفسي بس بجد مش عايزينه يظلمها معاه دى يتيمة دا غير الامانه اللى امها حملتهالنا كمان والسر اللى قالته
نرمين:-اه والله معاك حقك دا لو عرفت هتتعذب وتتعب جامد اوى
عبدالله:-احنا نستنى شويه وبعدين نبقى نقولها
سليم قضى يومه ف الشركة عادى وبعدين رجع البيت مشفش نغم بس لقى أكل جاهز ومحطوط على السفره وكان جعان اوى فأكل وبعدها سمع صوت من اوضه نغم وفضوله كان هيموته فراح قرب من الاوضه وسمع صوت نغم وهى بتقرأ قرآن وصوتها ف منتهى الجمال فمعرفش يمنع نفسه وفضل واقف فتره يسمعها بس شويه ونغم انتبهت إنه دخل الشقه فقامت
نغم:-عايز حاجه او محتاج حاجه اجهزهالك
سليم:لا شكرا بس مين قالك تجهزى اكل
نغم:دا واجب عليا
يتبع..
↚
سليم:-طيب وجبتى فلوس من فين
نغم:-انا معايا فلوس انا اصلا بشتغل
سليم بصدمة:تشتغلى ايه
نغم:انا بعمل شغل اون لاين عن طريق النت وبعدين انا متعلمه على فكره ودارسه العلوم الشرعية واخدت سنتين ف كليه دراسات اسلاميه بس الحادثه اللى حصلت لابويا واخويا خلتنى سبت الكليه عشان خاطر ماما كانت محتاجنى بس رجعت اتابع الدراسة اون لاين
سليم مستغرب نفسه هو انا ليه بيسألها ليه مهتم ومبسوط كدا انه بيسمعها وبعدين قالها تمام بس متجبيش حاجه من معاكى تانى اللى تحتاجيه قوليلي عليه وانا هسيبلك كل يوم وكمان ولو عايزه تكملى دراستك عادى انا ممكن بسهوله اخليكى تقدمى
نغم:-انا فعلا كنت عايزه بس هنا كل الجامعات مختطلتة وعشان كدا هدرس اون لاين وافضل برضو اشتغل
سليم:-تمام لو احتاجتى حاجه قوليلي
-نغم:-أكيد تسلم بعد اذنك وسابته ودخلت وهو عينه عليهادخل سليم اوضه بيفكر ف نغم وافتكر صوتها وهى بتقرأ قرآن وكان مبسوط وبعدها قال هنام شويه عشان ميعاد هايدى بالليل وفعلا نام بقلمي شيرين ذكى
نغم كانت ف الحمام بتستحمى بس مره واحده صرخت جامد وقالت الحقنى ياسليم الحقنى صوتها كان جامد لدرجه سليم قام من نومه مفزوع وجرى على مكان الصوت لاقها ف الحمام
سليم:-مالك يا نغم فيه ايه
-نغم:-اااااه الحقنى الحقنى ياسليم الحقنى وبتصرخ وتتنهد
-سليم:-يبنتى مالك فيكى ايه طيب افتحى طيب؟!!!!
-شويه وصوت نغم اختفى وسليم بينادى مش بترد وقلق جامد وكسر الباب ودخل لقى نغم مرميه على الأرض ومش عليها حاجه غير فوطة.... وسليم بصلها وتنح...#يتبع
↚
-نغم عماله تصوت وتقول الحقنى يا سليم الحقنى ياسليم وهو جرى على مكان الصوت لاقها ف الحمام وبتصرخ
-سليم: مالك يا نغم حصللك ايه
-نغم بصريخ: الحقنى الحقنى ياسليم
-سليم:-افتحى الباب طيب.... صوت نغم اختفى وسليم بينادى مش بترد وقلق جامد وكسر الباب ودخل لقى نغم مرميه على الأرض ومش عليها حاجه غير فوطة فبصلها وتنح..
-سليم بيكلم نفسه لا وحيات امك مهو كدا مش هينفع،،،يلهوى ياسليم هو دا وقت دماغك الوس***
دى الحق البت هتموت يخربيتك وشالها ودخل بيها
الاوضه وحاول يفوقها بس مكنتش بتفوق فجاب إزازة البرفان وحاول معاها وبدأت تستعيد وعيها وقامت
-سليم: ايه اللى حصل يا نغم كنت بتصرخى ليه
-نغم : مهو كان عمال يبصلي وبيبرق وكل ما حاول اجرى افتح الباب عشان اخرج يروح عنده ومكنتش عارفه اعمل ايه
-سليم:-هو مين دا اللى بيبصلك
-نغم:-دا كمان كان شنبه طويل وكنت حاسه إنه شوية وهيأكلنى وربنا
-سليم:-اه هو مين يعنى اللى هيأكلك مكنش فيه حد معاكى جوه
-نغم:-يادى النيله يبقى اكيد استخبى وهيجى تانى انا هروح عند أمى مليش دعوه ها
-سليم:-يبنتى اهدى بس وقوليلى هو مين دا ردى على أمى
-نغم:-هو انت مشفتش الصرصور اللى كان ف الحمام
سليم بغيظ:-ياروح أمك كل دا عشان صرصور
نغم بخوف:اه ماانت مشفتش كان بيبصلى ازاى
سليم وهو بيبصلها:-والله معاه حق صرصور بيفهم
نغم:-بتقول حاجة
سليم:- لا ابدا أنا اتكلمت
بس مكنتش اعرف انك جبانة كدا خايفه من حتة صرصور
نغم:-منا عندى فوبيا منهم من وانا صغيره،،،هو انت مبتخافش منهم يعنى
سليم:-لا حاسبي دا انا سليم الأسيوطى هخاف من صرصور
نغم بضحك:-لا ياعم حاسب انت عشان مش معايا فكه ،، يلهوى دا جه وراى هناك اهو وراك
سليم بفزع يلهوى الصرصور وثوانى بالظبط وكان سليم من خوفه لمس السقف ونزل 😹😹😹
ونغم هتموت ضحك عليه وقالت:- ياعينى عليك انت سليم الاسيوطي صحيح هتخاف من ايه مهو مفيش حاجه اصلا
سليم بابتسامة غضب:- انتى بتشتغلينى يا نغم
نغم ف سرها ياعم اقعد بقا كدا وانت خايف من صرصور
سليم:-بت بتقولى ايه
نغم بضحك:-العب بليه هههههه
سليم:-العب بليه🙄😲😲،،نغم انتى وقعتى على دماغك
نعم:-لا ابدا بتقول كدا ليه
سليم:-أصلك قلبتى عمى إبراهيم مره واحدة
نغم:-لا متاخدش ف بالك ياسطا...ويلا روح شوف الصرصور مشى ولا لسه عشان عايزه استحمى
سليم:اسطا كمان وربنا شكلك وقعتى على دماغك حاضر هروح ياسطا بس خدى بالك
يتبع.
↚
نغم بخوف يلهوى يلهوى هو فين وجريت على سليم واخدها ف حضنه وهمسلها كدا خلصين ياسطا
نغم بعدت عنه بقا كدا بتردهالى يعنى اعمل حسابك مخلصناش يا كابتن
سليم:-يلهوى أحلى كابتن وربي انتى متتسميش غير حور أنا هناديكى بعد كدا حورى
بصت ف الأرض من كسوفها وسكتت شوية وبعدين قالت:- طيب يلا عشان تموته عشان استحمى
سليم بصلها بضحك عشان هى لسه ما اخدتش بالها انها مش لبست هدومها وقالها هو انتى بجد لسه عايزه تروح له تانى
نغم:-أيوا عشان أستحم...
ومكملتش الكلمة وبصت لنفسها ولاحظت انها مش لابسه هدومها وانها بس كانت لفه نفسها بفوطه مش أكتر وبصت لسليم ووشها احمر وهتموت من الكسوف وهو لاحظ كسوفها اللى زادها جمال وحاول يطلعها من الموقف وقالها
سليم:-طيب أنا هروح اشوف الصرصور وابتسم وخرج
وهى مكانها بتضحك
راح سليم الأوضة وكل ما يفتكر اللى حصل يفضل يضحك وكان مبسوط اوى وخاصه لما نغم قربت منه حضنته وقطع تفكيره رنه فونه وكانت هايدى بس هو حاسس إنه مش عايز يرد وفعلا سابها بس هى فضلت ترن فرد...
سليم:-ايوا يا هايدى
هايدى؛-ايه قلب هايدى اتأخرت ليه
سليم:-بلبس ونازل اهو
هايدى:-ماشي يا روحى مستنياك
الا بالحق يا سولى هى البت اللى اتجوزتها دى حلوه؟!
سليم كان هيقول دى ملاك بس لحق نفسه وقالها لا ابدا عاديه واصلا هى بتلبس نقاب وانا ف اوضه وهى ف اوضه مليش دعوه بيها
هايدى:-طمنت قلبي طيب يلا بقا تعالى
سليم:-تمام يلا سلام
هايدى:-سلام ياقلبي
سليم من جواه مكنش عايز ينزل بس لبس ونزل
&ف ملهى ليلى،،،ديسكو يعنى&
كانت هايدى هناك وكانت لابسه فستان كاب وفوق الركبه وفارده شعرها وبترقص دخل سليم وهى جريت عليها حضنته وباسته من خده وهو بادلها وبعدها شربوا كتير ورقصوا كتير وهايدى وقفت مع شاب وكان قريب منها
جامد وسليم بصلها وكان غضبان ومتنرفز جدا راح شدها من دراعها وزعق ويقولها بطلى مياعة وقلة أدب شوية
هايدى زقته وانت مالك وبعدين مش انا اللى تزعقلى انت اخرك تزعق للبتاعه اللى جبتها من تحت الجاموسه واتجوزتها
سليمهايدى احترمى نفسك انتى سكرتى وزودتيها
هايدى:-لا انا مش سكرانه يا بمشمهندس بس انت غلطت جامد لما اتجوزت الفلاحه الجاهله دى
سليم مستحملش وضربها بالقلم على وشها واتجمع كام شاب وقعدوا يتخانقوا معاه بس سليم اصلا قوى فمحدش قدر يضربه وبعدها ساب المكان ومشى وهو مخنوق جدا
هايدى بعضب:بقا انا تضربنى ياسليم عشان الجهله بتاعك