رواية باسل وإيناس الصعيد كاملة جميع الفصول بقلم منال سالم

رواية باسل وإيناس واحدة من افضل الروايات الرومانسية المصرية حيث لم تتوقع إيناس أن لقاءً عابرًا سيغيّر حياتها، ولا أن باسل—بهدوئه وثقته—سيأسر قلبها بهذه السرعة.هو لم يعتد التعلّق، وهي تخشى الاقتراب، لكن بينهما شيء لا يمكن تجاهله… شرارة تجمعهما رغم ترددهما.هكذا تبدأ حكاية باسل وإيناس: حبّ يولد من صدفة، ويكبر رغم كل ما يحاولان إخفاءه

رواية باسل وإيناس الصعيد كاملة جميع الفصول

في مكان ما شبه مظلم

جلست تلك الفتاة على المقعد، وتلفتت حولها بحذر، ثم أخفض رأسها كي لا يلاحظ وجودها أفراد الأمن..

مــدت يدها لتخرج تلك الذاكرة الإلكترونية الصغيرة، ووضعتها في مكانها بالحاسوب، وضغطت على عدة أزرار على عجــالة لتنقل سريعاً تلك البيانات الهامة عليها..

حبست أنفاسها وترقبت مرور الثواني عبر شاشة الحاسوب وكــأنها أدهرٍ..

ابتلعت ريقها بتوتر، واختلست النظرات بحذرٍ بعينيها الخضراوتين..

ضغطت هي على شفتيها بقســـوة وهي تمتم بقلق بلكنة أجنبية:

-يا الله! It may take much time ( سوف يستغرق الأمر وقتاً )

إزدردت ريقها مجدداً، وتلفتت حولها بخوف، ثم حبست أنفاسها في صدرها، وترقبت إنتهاء نقل البيانات بفــارغ الصبر..

مرت ثوانٍ أخــرى، وتنفست الصعداء، ثم اعتلى ثغرها إبتسامة إنتصــار حينما أضاءت الشاشة بإكتمال عملية النقل..

سحبت الذاكرة الصغيرة من موضعها، ودستها في جيب بنطالها الجينز، ثم أغلقت الحاسوب، ونهضت وهي محنية للأسفل لتتجه نحو باب الغرفة..

شعرت بإهتزازة في جيبها، فمدت يدها لتمسك بهاتفها المحمول، ونظرت إلى شاشته، فقرأت اسم رفيقتها، فضغت على زر إلغاء المكالمة، ثم تسللت على أطراف أصابعها لتخرج من الغرفة..

إشرأبت بعنقها للأعلى لتتأكد من عدم ملاحظة أي أحد لها..

راقبت بتريث حركة الكاميرا الدائرية، ثم غطت رأسها ووجهها، وما إن تأكدت من إبتعاد زاويتها عنها حتى أسرعت بالركض ناحية مخرج الطواريء..

لم تتوقف ( سابين ) للحظة عن القفز نزولاً على الدرجات حتى وصلت إلى الطابق السفلي، ومنه عرجت إلى القبو حيث المخرج النهائي..

كان في إنتظارها سيارة رياضية أرتعشت إنارتها الأمامية فور أن رأتها..

ألقت هي بنفسها داخل السيارة لتنطلق بها مبتعدة عن المكان..

ظلت تلهث سابين لعدة لحظات، وأرجعت رأسها للخلف في المقعد، ثم مــالت بها للجانب لتحدق في رفيقتها مايدي التي سألتها بلكنة عربية غريبة:

-هل إنتهيتِ؟

أجابتها بصوت شبه متقطع:

-نعم

سألتها مارلي مجدداً بإهتمام:

-وهل رأكِ أحد؟

هزت كتفيها وهي تجيبها بنبرة حائرة:

-مش عارفة، I don t know yet، بس أنا خدت حذري

أومــأت الأخيرة برأسها ايجابياً وهي تردد بإقتضاب:

-أوكي.

سابين مشعل المصري هي شابة – ذات ملامح بسيطة – في الثالثة والعشرين من عمرها، متوسطة الطول، نحيفة، لديها شعر كستنائي اللون مموج قليلاً ورثته عن أمها الأجنبية لورينا، وعينان خضراوتان ورثتهما من أبيها مشعل، وأهداب كثيفة تغلفهما. ولها بشرة قمحية، وبصفة عامة فهي تجمع بين الملامح الشرقية والغربية في سماتها الجسمانية..

هي وحيدة والديها واللذين انتقلا للعيش في ولاية أخــرى، فاضطرت هي للعيش بمفردها لتكون بجانب مقر عملها..

تخرجت سابين من إحدى جامعات ولاية أوهــايو الأمريكية بتقدير مرتفع فأهلها للحصول على فرصة عمل مميزة في إحدى الشركات المرموقة…

تخصصت هي في دراســة البرمجيات وتكنولوجيا المعلومات، وأحرزت فيها إنجازاتٍ ملموسة مما جعلها مؤهلة للعمل في أشهر المؤسسات وأقواها..

لم تكتسب سابين الصداقات العديدة – كقريناتها – بسبب إنشغالها بالبحث العلمي المتواصل، ورغبتها في الوصــول إلى أعلى المنازل، ورغم هذا هي لديها صديقة مقربة من أصول لبنانية تدعى مارلي، كانت رفيقتها في الدراسة، ثم في السكن، وتتحدثان العربية معاً…

بعد مرور إسبوع،

في مقهى مـــا بولاية أوهايو،

أعادت سابين تشغيل الذاكرة في حاسوبها المحمول، وتفقدت تلك الملفات السرية، ثم أردفت قائلة بجدية:

-أنا سلمت نسخة منها للـ FBI ( المباحث الفيدرالية الأمريكية )، ومنتظرة جلسة المحاكمة.

ردت عليها رفيقتها مارلي بلكنة عربية قلقة وهي تتلفت حولها:

-أنا أخاف عليكي سابو، إنتي ممكن تتأذي.

ابتسمت لها سابين إبتسامة مطمئنة، وهتفت قائلة بهدوء:

-متقلقيش مارلي، أنا عاملة حسابي، محدش هايعرف حاجة لحد ميعاد الجلسة، There s nothing to worry about ( لا يوجد ما تقلقي لأجله ).

تنهدت مارلي بعمق، ومدت يدها لتمسك بكف رفيقتها، وضغطت عليه قليلاً وهي تردد بتحذير:

-بليز، دول عصابات ومافيا، وانتي لوحدك، وأنا مش هاقدر احميكي.

ردت عليها سابين بثقة:

-لو حصل حاجة، And I doubt ( وأنا أشك في هذا )، هما هيدخلوني برنامج حماية الشهود لحد نهاية المحاكمات.

أومــأت برأسها إيماءة خفيفة وهي تتابع قائلة:

-اوكي! But Take care ( خدي بالك ) honey.

ابتسمت لها بعذوبة وهي تقول:

-Don t worry ( لا تقلقي ).

ظلت الأوضـــاع هادئة بالنسبة لسابين حتى حـــان موعد أول جلسة محاكمة، فتحول الأمـــر إلى شيء مربك للغاية خاصة حينما أصدر القاضي حكمه بـ:.

(( ترسل كافة الأدلة المقدمة من المدعي العام إلى هيئة المحلفين للإطلاع عليها، وإبداء رأيهم المبدأي في القضية المعروضة أمامهم، كذلك يتم الإستماع إلى الشاهدة الرئيسية سابين مشعل المصري في الجلسة القادمة يوم، /، /، ، ويُحذر على المدعي عليهم الإنتقال أو السفر لحين إنتهاء المحاكمة )).

إستشعرت مارلي وجود خطر محدق برفيقتها خاصة حينما رأت في أعين أصحاب تلك المؤسسة الهامة – ذات النفوذ والصيت – نظرات عدائية للغاية، ونذير شـــر وهو ينهضون عن مقاعدهم..

مــــال أحدهم برأســـه على رفيقه، وهمس له بكلمات مقتضبة:

-Do it now نفذ الآن!

إزدردت مارلي ريقها بخوف، ومالت على سابين، وحدقت فيها بنظرات مضطربة، ثم همست لها:

-I m scared , it s not good at all ( أنا خائفة، الأمر غير مبشر على الإطلاق )

-Don t worry, they can t touch me ( لا تقلقي، لا يمكنهم إيذائي ).

انتظرت الاثنتين لبرهــة حتى أصبحت قاعة المحكمة شبه خاوية، فتحركت سابين نحو المدعي العام، وأجرت معه حواراً قصيراً طمأنها فيه على الوضع القانوني في القضية، وكذلك على توفير الحماية لها..

لم تستبشر مارلي خيراً، وتوقعت الأســـوأ، وبالفعل حدث ما كانت تخشاه، ففور خروجهما من المبنى القضائي، تفاجئت كلتاهما بسيارة دفع رباعي سوداء تنفتح نافذتها لتبرز منها فوهــة سلاح آلي، ثم أمطرهما بوابل من الطلقات النارية..

فانحنت الاثنتين وهما تصرخان بإهتياج للأسفل لتتفادهم..

تحولت المنطقة بعد عدة لحظات إلى بركة من الدمــاء، وسقط العديد من الضحايا الأبرياء من الذين تصادف وجودهم في نفس المكان، وأصيبت مارلي إصابة بالغة في ساقها وذراعها..

تجمع العشرات من الأشخاص حولهما، وصدحت صافرات سيارات الشرطة في الأجواء..

دب الرعب في قلب سابين بعد أن رأت بعينيها هــول المنظر، وأيقنت أنها بالفعل في خطر دامي إن لم تتحرك المباحث الفيدرالية فوراً وتتخذ الإجراءات اللازمة لحمايتها..

أوصلت رفيقتها للمشفى، وظلت قابعة معها إلى أن اطمــأنت عليها، فقررت التصرف فوراً للنجاة ببدنها، وانصرفت بصحبة رجــال الشرطة لضمان سلامتها الشخصية…

في مكتب حماية الشهود التابع للمباحث الفيدرالية،

ضربت سابين بقبضتها بعنف على الطاولة المعدنية وهي تصرخ بإهتياج باللغة الإنجليزية:

-لقد بت مهددة من قبل هؤلاء المجرمين، كيف تقول لي أهدأ، وأنا حياتي في خطر كبير.

أشـــار لها الضابط قائلاً بهدوء:

-سيدتي، نحن نبذل ما في وسعنا، والجلسة التالية بعد 4 أشهر من الآن.

صرخت فيه بإنفعال وعينيها تنذران بالشر:

-وماذا تتوقع مني أن أفعل طوال تلك المدة، هل أختبيء في منزلي وأنتظر موتي؟ أخبرني!

رد عليها بنبرة رسمية:

-سنرى الأفضل لكِ.

لوحت بذراعها وهي تضيف بصوت هـــادر:

-أنا أريد حماية شاملة، فأنتم من دفعني لعمل هذا.

رد عليها الضابط ببرود:

-إنها من أجل مصلحة وطنك.

صاحت فيه بغضب:

-أنا أقدر وطني، ولكن ماذا عن حياتي؟ ألا يوجد تقدير لها؟

لم تجد سابين أي رد منه، فهدرت بإنفعال واضح:

-حياتي على المحك ألا تفهم؟

أشـــار لها مجدداً بكف يده وهو يتجه نحو الباب:

-اهدأي سوف نتخذ اللازم.

وبالفعل عهدت المباحث الفيدرالية الأمريكية إلى توفير حماية لها عند منزلها، فشعرت بالطمأنينة نوعاً ما، ولكن للأسف تلاشى هذا الشعور سريعاً حينما تعرض المنزل للهجوم الضــاري وقتل جميع من فيه، ولحسن حظها أن سيارتها تعطلت أثناء عودتها إليه، فنجت من هذا الحادث الغاشم..

لم تهنأ هي بنوم عميق لعدة ليالٍ، وانتقلت من فندق إلى أخــر – ليلة بعد أخرى – بهوية زائفة حتى يتعذر الوصول إليها..

وظلت تتخفى عن الأنظار لتنجو بحياتها حتى فاض بها الأمر، فعادت إلى مكتب حماية الشهود التابع للولاية، ورفضت الخروج منه دون حل جذري في أمرها..

اجتمع بها مدير المكتب، وطمأنها قائلاً:

-لا تقلقي سيدتي، لقد تدبرنا أمرك، وسنضمن لكِ حماية قصوى.

هتفت فيه بصوت متشنج وهي ترفع حاجبيها في استنكار:

-كيف هذا، وقد قتل رجالكم عند باب منزلي؟ وأنا بت مهددة بالقتل في أي لحظة!

رد عليها بجدية:

-لن يتكرر الأمر، كان سوء تقدير منا للموقف برمته، ولكن أعدكِ أنكِ ستكونين تلك المرة في أمان تام.

سألته بإزدراء وهي تعقد ساعديها أمام صدرها:

-وكيف سيحدث هذا؟

في مكـــان أخـــر بالعاصمة المصرية ( القاهرة ) مجهز بالكثير من المعدات الرياضية، ويعج بالكثير من الرجـــال الأشداء..

إتخذ أحــد الأشخاص ذوي الأجسام الرياضية البارزة، والعضلات المفتولة أو كما يطلق عليه عادةً حائط بشري – وضعية القتال في منتصف الحلبة الرياضية، ثم أمــال رأســه للجانب ليتفادى لكمة مباغتة، وانحنى بجذعه للخلف قليلاً ليبتعد عن المهاجم، ثم سدد له لكمة مضادة وهو يهتف بحنق:.

-مش تاخد بالك يا باسل!

رد عليه ( باسل ) قائلاً بإستهزاء:

-إنت اللي باين عليك خستعت يا مسعد، ومابقتش نافع!

إعتدل ( مسعد ) في وقفته، ووضع يديه في منتصف خصره، ورمقه بنظرات ضيقة قبل أن يجيبه بنبرة محتجة:

-خستعت ايه بس! ده أنا بأتعلف زي التور من الحاجة كل ما بأروحلها!

رد عليه رفيقه بإبتسامة هادئة:

-ربنا يباركلك فيها!

تابع مسعد قائلاً بمزاح وهو يبرز عضلات ذراعيه:

-ما إنت لو بتجي عندنا زي تملي كان زمانك مربي عضلة الباي والتراي والفاموليا كلها، والسكس باكس كانوا فاطوا من مكانهم!

رفع باسل يده معترضاً وهو يقول:.

-لا يا عم أنا مش أد السمن البلدي بتاع الحاجة صفية.

التوى ثغره بإبتسامة عريضة وهو يضيف:

-إنت هاتقولي! إنت أخرجك لقمة وتجري، وعلى رأي أمي الضيف المجنون ياكل ويقوم

عبس باسل بوجهه وهو يهتف معترضاً:

-جرى ايه يا مسعد إنت هاتغلط؟!

رد عليه مسعد بهدوء وهو يرفع حاجبه للأعلى:

-لأ دي الحاجة مش أنا!

أشـــار باسل بإصبعه محذراً بنبرة عدائية:

-طب خد بالك لأحسن البونية الجاية هاطيرلك بيها صف سنانك!

عبس مسعد بوجهه، واعترض بجدية زائفة:

-لالالا، ده تهديد شديد اللهجة، وأنا لا أقبل!

-يا عم آآ…

-إنتبـــــاه

قالها أحد الأشخـــاص بنبرة صارمة ورسمية، فإنتصب الجميع في وقفتهم، وشدوا من صدورهم العريضة أمامه..

رمقهم القائد العسكري – ضياء – بنظرات إعجاب قبل أن ينطق بجمود:

-استرح!

إرتخت عضلات الجميع قليلاً، لكن لم يجرؤ أحد على التحرك من مكانه..

توجه القائد العسكري – ذو الرتبة العالية – إلى مسعد وباسل، فإنتصب الاثنين بجسديهما، وهتف الأخير قائلاً:

-تمام يا فندم

أشــار لهما بيده قائلاً:

-استرح!

ثم أخذ نفساً عميقاً، وتابع بجدية:

-أخبار التدريبات ايه يا وحوش؟

رد عليه مسعد بثقة بالغة:

-تمام يا فندم، إحنا جاهزين لأي مهمة.

تقوس فم القائد ضياء قليلاً وهو يردد:

-عظيم! أنا عاوزكم تكونوا جاهزين لأي حاجة هاكلفكم بيها.

تساءَل مسعد بتردد وهو يبتلع ريقه:

-هو، هو يا فندم مافيش أمل أنضم لـ آآ، لـ، للحرس الرئاسي؟

ضيق القائد ضياء عينيه، ورمقه بنظرات حادة قبل أن يرد عليه بجمود:

-لأ يا مسعد، وبعدين إنت هنا في أقوى فرع في القوات المسلحة، القوات الخاصة، فخر لأي حد إنه يكون فيها، وخصوصاً لواء الصاعقة.

برر مسعد موقفه قائلاً:

-أنا عارف يا فندم، أنا بس طموحي أوصل لـ آآ…

قاطعه القائد ضياء بنبرة جادة:

-لما تيجي فرصة مناسبة، وغير كده أنا دايما بأكلفك بالمهام الصعبة

هز مسعد رأســه بحركة خفيفة وهو يرد:

-شكراً يا فندم، وأنا جاهز لأي حاجة.

ظهر شبح ابتسامة على ثغره وهو يتابع بنبرة تفاخر:

-وده المطلوب منكم يا رجالة!

ثم أشـــار بعينيه وهو يكمل بنبرة آمـــرة:

-كملوا تدريباتكم!

انتصب الإثنين بجسديهما أكثر وهما يرددان بنبرة رسمية:

-تمام يا فندم

ثم تابعاه بأنظارهما إلى أن ابتعد عنهما، فنفخ مسعد في ضيق..

ربت باسل على كتفه وحفزه قائلاً:

-معلش يا مسعد، إنت عارف إنه مش هيوافق أبداً بسبب آآ..

قاطعه مسعد بنبرة شبه حانقة:

-أعمل ايه يعني؟ ما أنا حاولت كتير، بس للأسف يدوب بأنجح على الحروكرك يا بأسقط، وده ماينفعش خالص معاهم!

ثم غمغم بتهكم:.

-هما الظاهر عاوزين جهابزة في اللغة، قواميس ناطقة، إلياس المترجم، قاموس الموس من الألف للكوز، مش زي حالاتي يدوب بأفك الخط في الانجليزي!

تنهد باسل بصوت مسموع وهو يواسيه قائلاً:

-متكبرش الموضوع، بكرة تتعدل وتنجح!

رمقه بنظرات جامدة وهو يردد بخفوت:

-موت يا حمار، ده أنا جاهل في اللغة!

ســأله باسل بإهتمام وهو قاطب جبينه:

-بتقول ايه؟

نفخ مسعد بنبرة ضائقة وهو يقول بإمتعاض:

-متخدش في بالك، ويالا خلينا نكمل نفخ في أم العضلات دي!

-ماشي، وأهو الإحتياط واجب!

قطب مسعد جبينه بشدة، وتساءل بمزاح:

-واجب! طب لحد صفحة كام؟

لم يجبه باسل بل سدد له لكمة قوية ومباغتة في وجهه طرحته أرضاً على الفور..

مسعد محمد غـــراب، رائد بالقوات الخاصة – وتحديداً لواء الصاعقة – في القوات المسلحة المصرية في أواخــر العشرينات من عمره، يمتاز بالبشرة الخمرية، والطول الفاره، والجسد الممتليء بالعضلات البارزة.

عينيه بنيتان، وشعره كث – شبه مجعد – من اللون الأسود، ولديه شفتين غليظتين..

هو أخ وحيد وسط ثلاثة أخوات ( إيناس، أسماء، وإسراء )، تزوجت إثنتين منهما، وتبقت الصغيرة المشاكسة إيناس لصغر سنها، ولأنها ماتزال طالبة في المرحلة الإعدادية.

والده محمد كان لواءاً في قوات المشاة، وأحيل على المعاش قبل عدة أعوام، ووالدته السيدة صفية هي ربة منزل..

كان مسعد متفوقاً في دراسته فيما عدا مادة اللغة الانجليزية، فقد كان دائم الرسوب فيها، وتمكن بصعوبة من إجتياز إمتحانها و النجاح فيها في الثانوية العامة، ثم إلتحق بعدها بالكلية الحربية، وأثبت تفوقه الرياضي والأكاديمي، وانضم لصفوف قوات الصاعقة..

ودائماً ما يدفعه طموحه للترقي والحصول على مكانة أفضل بين أقرانه، وخاصة أن لديه هدف هــام يشغل كل تفكيره، ألا وهو الإنضمام إلى الحرس الرئاسي وحماية الرئيس…

وهو أيضاً محبوب بين زملائه، ومعروف عنه بروحه المرحة، وخفة دمـــه فإستطاع بسهولة أن يصنع الكثير من الصداقات، وصـــار له رفقاء في كل مكان، ولكن الأقرب إليه هو زميله باسل سليم..

ومنذ وقت قريب انضم مسعد إلى التشكيل الجديد لفرقة عمليات من نوع خـــاص جـــداً تتبع قوات الصاعقة، وظيفتها تأدية مهام خطرة للغاية وبالغة السرية، وعلى قدرٍ عالٍ من الدقـــة والحرفية، وقد وجد فيها السبيل لتحقيق مبتغاه والوصول للقصر الرئاسي، فالتوصيات التي تقدمها الفرقة بعد مدة لكل ضابط تفتح أمــامه الكثير من الفرص المميزة..

في منزل مسعد غراب،

أمسكت السيدة صفية بالمقلاة في يدها بعد أن انتهت من طهي الثوم والكسبرة معاً، ثم قذفتها على طاجن الملوخية الساخن وهي تشهق بنبرة شبه مرتفعة..

رمقتها ابنتها الصغرى إيناس بنظرات متعجبة، وتشدقت متسائلة:

-نفسي أعرف لزمتها ايه الحركة دي؟

ردت عليها صفية بثقة:

-ده اللي بيخلي مفعول التقلية يشتغل

سألتها إيناس بمزاح:

-هي تعويذة لا سمح الله؟

لكزتها والدتها في كتفها وهي تضع المقلاة في الحوض، ثم تابعت بجدية:

-ايش فهمك إنتي، خليكي في مذاكرتك، وسمعيلي يالا اللي بعد حملة فريزر.

ردت عليها إيناس بتذمر:

-يا ماما أنا خلصت التاريخ من بدري، ودخلت على التقلية، قصدي على الجغرافيا!

ضربت صفية مقدمة رأسها بكف يدها وهي تردد:

-أه صحيح، مخدتش بالي.

ابتسمت إيناس إبتسامة عريضة وهي تهتف بحماس:

-أنا رأيي نفضنا من المذاكرة ونركز مع الملوخية بالأرانب.

عبست والدتها بوجهها وهي تقول:

-انتي ما بتصدقي يا نوسة.

استنشقت إيناس رائحة الطعام الشهية التي تسيل اللعاب، وهتفت بسعادة:

-اه يا ماما، ريحتها تحفة.

ردت عليها صفية بتفاخر وهي تشير بكف يدها:

-طبعاً، ده أنا عليا شوية ملوخية بالأنارب إنما خرافة!

عدلت لها ابنتها جملتها الأخيرة قائلة بهدوء:

-أرانب يا ماما مش أنارب!

رمقتها والدتها بنظرات حادة، وردت بإصرار:

-هي بتتنطق كده! هتعدلي عليا.

هزت إيناس كتفيها في عدم إكتراث وهي تقول بخفوت:

-وأنا مالي، أنارب أنارب، المهم أكل في الأخر!

ثم مدت إصبعها لتتلمس الطعام، فضربتها والدتها على كفها وهي تنهرها بحدة:

-ايدك!

تأوهت من الآلم، وهتفت متذمرة:

-آآي، يا ماما ده أنا بس هادوق

-أما يجي أبوكي!

ردت عليها على مضض:

-ماشي!

ثم إستدارت بجسدها لتتجه نحو باب المطبخ، ولكنها توقفت عن الحركة لتسأل والدتها:

-أومال مسعد هاينزل أجازة امتى؟

نهرتها والدتها بنبرة شبه حادة:

-اسمه أبيه مسعد، ده الفرق بينكم أد كده، هو مش عيل بيلعب معاكي في المدرسة؟!

ردت عليها إيناس بعدم اكتراث:

-يا ماما فوكك من جو الأفلام ده، أبيه ونينة وطنط، احنا في عصر الفيس بوك، يعني خلصانة بشياكة، على وضعك يا برنس، سلام يا حمام، وهكذا دواليك!

لوت وصفية فمها وهي تقول:

-ماشي يا ليمضة! برابند في الكلام!

سألتها إيناس بإلحاح:

-ها مقولتيش هينزل امتى؟

-يوم ولا اتنين، لسه مقالش

-طيب..!

ثم إتجهت الإثنتين إلى خــارج المطبخ ليكملا حديثهما..

في غرفة مكتب ما بالقاهرة،

هب رجل ما – يرتدي ملابساً عسكرية – منتفضاً من على مقعده، واستطرد حديثه قائلاً بجدية بالغة:

-تمام يا فندم، واحنا على استعداد تام نتحمل المسؤلية، وعندنا من الضباط الأكفاء اللي يقدروا يسدوا في الموضوع ده.

انصت للطرف الأخـــر عبر الهاتف، ثم تابع بجدية:

-أكيد السرية موجودة، اطمن يا فندم.

مط فمه للأمام، وأكمل بهدوء:

-حاضر، مش أي حد، أنا فاهم ده كويس.

ثم تابع بنبرة جادة وهو عاقد جبينه:

-حالياً بأفكر في ضباط القوات الخاصة، هما أكفأ ناس يقدروا يقوموا بالمهمة دي، وتلقوا تدريبات عالية على التعامل مع أوضــاع أشد خطورة من اللي حضرتك بتحكي عنه.

أومــأ برأســـه عدة مرات، وأضاف قائلا:

-مفهوم، مفهوم، ممكن نستعين بتشكيلنا الجديد من قوات الصاعقة، هما حرروا رهائن قبل كده في كذا عملية، فمش هايتعذر عليهم حماية واحدة لفترة صغيرة.

هز رأسه بحركة خفيفة وهو يتسائل بنبرة رسمية:

-أها، تمام، هتوصل امتى؟

صمت لعدة ثوانٍ وأكمل قائلاً:

-تمام معاليك، والنهاردة هايكون عند حضرتك أسماء الضباط المكلفين بحمايتها.

التوى ثغره بإبتسامة باهتة وهو يقول:

-اطمن يا فندم، أنا بنفسي هاحط خطة تأمينها!

ثم كور قبضة يده، وإستند بها على سطح مكتبه، وختم حديثه قائلاً بجدية:

-تحت أمرك!

أنهى هو المكالمة، وفرك طرف ذقنه، وغمغم مع نفسه بخفوت:

-هي السهل الممتنع، بس محتاج أثبت كفاءة المجموعة الجديدة اللي شكلتها بنفسي، وده مش هايتم إلا لما أتكلم مع الفريق ضياء على إنفراد وفي عجالة..!

↚

في مكتب ما بجهة سيادية،

طرق الفريق ضياء بأصابعه بحركة ثابتة على سطح المكتب الزجاجي، ثم فرك طرف ذقنه بكفه الأخر، وتطلع إلى القائد بنظرات قوية، ثم استطرد حديثه قائلاً بهدوء:

-بس المهمة دي تخص رجال الشرطة أو أفراد من آآ…

رد عليه القائد مقاطعاً إياه بجدية مفرطة:

-الموضوع جاي من فوق يا سيادة الفريق

حرك الفريق ضياء رأسه موافقاً إياه في الرأي، وبرر قائلاً:.

-أنا فاهم، بس رجالتنا بيتعاملوا مع أهداف حية، وبنبعتهم لمهام في أماكن محدش يعرف عنها حاجة، إزاي هانقنعهم يحموا البنت دي من غير ما نقولهم؟!

شبك أصابع كفيه معاً، وانتصب بكتفيه أكثر، وتابع بهدوء جاد:

-احنا محتاجين فرد أو اتنين من رجالتنا يكونوا ملازمين ليها 24 ساعة بحجة مقنعة

-ممممم..

وأضاف قائلاً بتحذير:.

-ومش أي حِجة والسلام يا سيادة الفريق، ماتنساش احنا معانا مجموعة قمة في الذكاء والدهاء، من الأخر محنكين، ومش هايخيل عليهم أي كلام هيتقالهم!

هز رأسه بإقتناع وهو يقول:

-عندك حق يا فندم، أنا مختارهم بعناية، وعارف مهارات كل واحد فيهم

أشار له بإصبعه بعد أن حل كفيه، وأكمل بهدوء:

-فكر كويس، ورشحلي الأجدر بالمهمة دي

قطب جبينه، وضاقت نظراته وهو يرد:

-أنا في دماغي فكرة كده، بس مش عارف إن كانت هاتنفع ولا لأ.

سأله بإهتمام وهو محدق به:

-ايه هي؟

أجابه الفريق ضياء بجدية:

-هاقولك يا فندم، بس أنا محتاج كمان أنسق مع الهدف لضمان السرية

هز رأسه موافقاً وهو يتابع بنبرة جادة:

-تمام، اعتبره حصل، وهانبعت التعليمات بعد ما نتفق على الخطة المطلوبة سوا!

-تمام يا فندم

-وبالتوفيق!

في ساحة ما قتالية،

أخفض مسعد رأسه خلف ذلك الساتر الصخري، واختلس النظرات بحذر لينتقي النقطة المناسبة ليتحرك من عندها ويتسلل خلف خطوط العدو..

أشار له شريكه باسل بإصبعه بحركة ما، وهمس قائلاً:

-جاهز

-تمام

ثم أومأ مسعد برأسه بحركة خفيفة ليتحرك بعدها الاثنين بخطى حذرة نحو حائط ما..

إختبأ الاثنين وراءه، وهمس باسل بصوت خافت:

-هنطلع من هناك، الهدف قصادنا!

حذره مسعد بصوت خفيض:

-ماشي، بس إدي ( خلي ) بالك كويس

لوى باسل ثغره، وهمس متهكماً:

-أكيد يعني، ما احنا مش عاوزين نخسر

أضاف مسعد بسخرية:

-هو من امتى بنخسر؟!

-بلاش تنبر فيها.

-ده مش نبر، دي الحقيقة، وبعدين إحنا هانروح ونعلي الطموح!

نفخ باسل بنفاذ صبر، وهمس بغيظ:

-يادي الألشات الرخيصة اللي هاري أمي بيها، ارحمنا شوية

عبس مسعد بوجهه، ورد عليه بنبرة محتقنة:

-يا بني ده أنا بأديك طاقة

همس له باسل متذمراً:

-مش عاوزها، خليهالك

اعترض مسعد قائلاً بصوت خافت للغاية:

-براحتك

رمقه باسل بنظرات حادة، وكز على أسنانه قائلاً بنبرة مغلولة:.

-لا حول ولا قوة إلا بالله، ده تدريب يا مسعد، والرك في الأخر على أرض الواقع!

نفخ مسعد بعمق، وتابع قائلاً:

-بص احنا نسمي بالله وهتفرج

أكمل باسل بخفوت وقد ضاقت نظراته:

-عند 3 هنتحرك، وهنط من هناك، بعدها هتضرب نار في اتجاه 6: 00 وأنا في اتجاه 00: 00، وهينضم علينا بقية الفرقة، وآآ…

ظل باسل يشرح بإيجاز تفاصيل خطته بناءاً على الوضع المتاح أمامهما، وأصغى إليه مسعد بإنتباه تام، ثم همس بإعجاب:.

-الله ينور، الصراحة لفة دماغك دي كادو!

لوى باسل فمه قائلاً بسخط:

-كادو! ربنا يستر، جاهز؟

رفع مسعد إبهامه، ورد عليه بصوت خفيض للغاية وهو يغمز له:

-كله تمام

هز باسل رأسه قائلاً بحماس:

-على بركة الله

ثم أشار بإصبعه وهو يتابع بجدية:

-1، 2، 3.

وبالفعل قفز الاثنين من أعلى الحائط، وبدأ التراشق بالنيران، وأعقبها إلقاء القنابل الغازية، ثم دار قتال يدوي شرس مع عدة أشخاص وجوههم مصطبغة بالسواد، وانضم إليهما أخرين، واحتدمت الأجواء حتى سُمع صوت صافرة مدوية، وأعقبها صياح جهوري:

-انتباه

توقف الجميع عن الإقتتال، وانتصبوا بأجسادهم فقد حضر الفريق ضياء بشحمه إلى ساحة القتال في سابقة غريبة مما أثار دهشة وفضول الضباط..

عقد الفريق ضياء كفيه خلفه ظهره، وصاح بصوت آجش:

-عاش يا وحوش، التقارير اللي بتجيني أول بأول عن التدريبات بتبين مهاراتكم وأدائكم العالي، أنا فخور بيكم

ثم دنا من باسل ومسعد، ووقف قبالتهما، وحدق فيهما بنظرات غامضة، وتابع قائلاً بجدية مفرطة:

-مسعد عاوزك تخلص تدريب وتجيلي على مكتبي!

-تمام يا فندم

قالها مسعد بنبرة رسمية وهو يشد كتفيه للخلف.

ثم تحرك مبتعداً عنه، وتابع حديثه محمساً ضباطه بكلمات مشجعة لتشد من أزرهم، وأنهى حديثه قائلاً:

-ربنا يحميكم يا رجالة!

لم يتوقف عقل مسعد عن التفكير في سبب استدعاء الفريق ضياء له..

همس له باسل متساءِلاً:

-تفتكر هايكون عاوزك في ايه؟

ضغط مسعد على شفتيه قائلاً بجدية:

-مش عارف، بس شكله موضوع خطير!

-طب أما تعرف طمني

-ربنا ييسر

باسل سليم رضوان، هو الرفيق المقرب من مسعد، يصغره بثلاثة أعوام، ويحمل رتبة نقيب..

يمتاز كغيره من ضباط قوات الصاعقة بالجسد الرياضي القوي والطول الفاره، بالإضافة إلى شخصية جادة للغاية..

هو متفوق دراسياً، وبارع في المهارات العقلية والبدنية، ولديه سرعة بديهة..

لديه بشرة بيضاء لكنها اصطبغت باللون البرونزي بفعل أشعة الشمس، أما عينيه فهما عسليتان، وشعره يميل للون البني، ووجهه حسن الطلعة..

هو من عائلة مرموقة في مستواها الإجتماعي والثقافي، لديه أخوين أكبر منه ( خالد، وأحمد )، فالأول متزوج ويعمل في السلك الدبلوماسي بإحدى الدول العربية، والثاني طبيب أسنان، وملتحق ببعثة دراسية بالعاصمة الإنجليزية لندن..

والده مستشار قضائي، ووالدته أستاذة جامعية..

لم يعترض أحد من عائلته على انضمامه للكلية الحربية، وشجعوه على المضي قدماً فيها، وأثبت جدارته، وبرز سريعاً بين أقرانه، واستحق أن ينضم بعد برهة للتشكيل الجديد، ويحقق فيه إنجازات واضحة..

في إحدى المطارات الأمريكية،

تلفتت سابين حولها بحذر، ووضعت نظارتها القاتمة على وجهها، وعبثت بخصلات الباروكة الحمراء التي ترتديها لتغطي جبهتها، ثم أومأت برأسها قليلاً لضابط المباحث الفيدرالية المرافق لها، وتحرك الاثنين في إتجاه البوابة الأمنية…

ناولت هي الضابط المسئول عن إنهاء إجراءات السفر الأوراق المطلوبة، فهز رأسه بحركة خفيفة بعد إطلاعه على ما بها – وخاصة تلك الورقة المختلفة – وهتف بصرامة:.

-يمكنك الذهاب

ابتسمت له مجاملة، وخطت نحو وجهتها بثبات..

لحق بها ضابط المباحث الفيدرالية، وهمس لها بجدية وهو يسير إلى جوارها:

-اطمئني، نحن إلى جوارك

التوى ثغرها بإبتسامة هادئة وهي تهمس بإيجاز:

-شكراً

تابع الضابط قائلاً بتحذير:

-لقد نفذنا الجانب الخاص من خطتنا، وتذكري ما ستفعليه بعد ذلك، وسنكون على تواصل معكي في كل خطوة، لكن حافظي على السرية!

ردت عليه بهدوء وهي توميء برأسها:

-لا تقلق.

ثم أسرعت في خطواتها نحو الممر المؤدي للطائرة..

لاحقاً في مكتب ما بالقاهرة

دق مسعد الباب بدقات خفيفة على باب المكتب قبل أن يُسمح له بالدخول..

أدى التحية العسكرية لقائده، فأشار له الأخير بعينيه قائلاً بنبرة جادة:

-استرح يا مسعد

لم تتبدل تعابير وجه الأخير وهو يرد قائلاً:

-تمام يا فندم

ثم اتجه بعدها للمقعد القريب ليجلس عليه معتدلاً..

-ثواني وهاكون معاك

قالها الفريق ضياء وهو يطالع عدة أوراق أمامه.

هز مسعد رأسه بإيماءة خفيفة وهو يردد:

-براحتك يا فندم

مرت عدة دقائق، والصمت هو سيد الموقف، ومع ذلك كان مسعد يعتصر عقله بشدة محاولاً تخمين ما يريده الفريق ضياء منه..

أبعد الأخير الأوراق التي يمسكها، ثم حدق في ضابطه بنظرات غامضة قبل أن يسأله بهدوء:

-قولي يا مسعد

رد عليه الأخير بنبرة شبه عادية:

-أيوه يا فندم

انتصب الفريق ضياء في جلسته أكثر، وسأله بترقب:

-إنت لسه عاوز تنضم للحرس الرئاسي؟

لم يتردد مسعد في الإجابة عليه، وقال بثقة:

-طبعاً يا فندم، ده بعد اذن سيادتك

التوى فم الفريق ضياء بإبتسامة خفيفة، وأكمل:

-تمام، عموماً، أنا جايبك هنا عشان الموضوع ده

ضاقت نظرات مسعد، وسأله بثبات زائف:

-خير يا سيادة الفريق

أجابه قائلاً بجدية:.

-شوف يا مسعد، في خبيرة دولية محنكة بتعمل دراسات على مستوى عالي جداً عن أفراد الحراسات، وطلبت تعمل تقييم لعدد من الضباط التابعين للحرس الرئاسي، بس إنت عارف الكلام ده ماينفعش عندنا في مصر، فإقترحنا عليها إن التقييم ده يكون على القوات الخاصة، ورشحتك إنت للموضوع ده

أصغى مسعد بإنتباه تام لكل كلمة قالها قائده، ولكنه لم يفهم ما المغزى من ورائه، فسأله:

-بس أنا ايه دوري؟

أجابه الفريق ضياء بجدية:.

-لو تقييمها عنك طلع ممتاز هاتنتقل فوراً للحرس الرئاسي

اتسعت حدقتيه في صدمة، وهتف متساءلاً بعدم تصديق:

-بجد يا فندم؟

تشنجت تعابير وجه الفريق ضياء وهو يرد بضيق قليل:

-طبعاً جد، أنا مش بأهزر يا مسعد!

تنحنح بخشونة، واعتذر قائلاً:

-مقصدش يا فندم، بس، أصلي مش مصدق، يعني أنا هابقى من حرس الريس؟!

صحح له قائلاً وهو يشير بإصبعه:

-لو نجحت!

هتف مسعد بحماس واضح على تعابير وجهه، وفي نبرته:

-أنا هاعمل يا باشا أقصى طاقتي.

هز الفريق ضياء رأسه بحركة خفيفة وهو يضيف:

-تمام، أنا لسه مش عارف فترة التقييم هاتكون أد ايه، بس هي هاتكون ملازمة ليك طوال فترة وجودها هنا

-اللي تشوفه يا فندم

ثم تابع محذراً بجدية أكثر:

-ومش هوصيك، أمنها ورعايتها وآآ…

قاطعه مسعد قائلاً بثقة:

-يا باشا أنا هاكون زي ضلها

ثم تمتم مع نفسه بسعادة خفية:

-ده أنا هابقى زي البق لازق في قفاها، مش طالع ولا بالطبل البلدي، ده حرس الريس مش هزار!

أكمل الفريق ضياء حديثه بهدوء:

-كويس، كمان ماتنساش إنت من أكفأ الظباط عندي، وحصلت على ترقيات استثنائية قبل زمايلك اللي من دفعتك، غير كده كان زمانك لسه نقيب و آآ…

قاطعه مسعد بهدوء حذر:

-ولا يجي في بالك يا فندم، أنا أدها وأدود إن شاء الله

أومأ الفريق ضياء برأسه بإيماءة موافقة، وردد:

-تمام، متخيبش ظني فيك، لأني متوقع إنك تعمل المطلوب وزيادة، وخصوصاً إنك أثبت مهاراتك وتفكيرك السريع في ليبيا وكينيا.

تقوس فمه بإبتسامة مغترة وهو يهمس لنفسه:

-دي أقل حاجة عندي!

سأله هو بإستغراب:

-بتقول ايه؟

رد بإرتباك قليل:

-هاكون عند حسن ظن سعادتك

أشار له بإصبعه وهو يقول محذراً بلهجة شديدة:

-ده المتوقع، كذلك التقييم سري، لأنه لو اتعرف فرصتك هاتروح، وهتخسرها، وإنت عارف إن المنافسة قوية

-اطمن يا فندم، محدش هايعرف، ده مصيري متوقع على التقييم ده!

-عظيم، عاوزك تجهز نفسك، وتطلع على المطار في الميعاد ده تستقبلها

-أوامرك يا باشا.

ثم مد الفريق ضياء يده بورقة مطوية، وأكمل قائلاً:

-دي ورقة فيها بياناتها، اكتب اسمها عشان لما تستقبلها، لأنك مش هاتكون عارف شكلها

تناول هو الورقة منه، وألقى نظرة سريعة على محتواها، وتبدلت تعابير وجهه للصدمة، وتسائل بقلق:

-هي بالانجليزي الورقة دي

رد عليه الفريق ضياء متساءلاً:

-عندك مشكلة فيها؟

تنحنح بحرج وهو يرد بإقتضاب:

-لأ

ثم غمغم مع نفسه قائلاً بتحسر:.

-انجليزي يا مرسي، باين كده من أولها إن أنا بخ خلاص من الليلة كلها!

أضاف الفريق ضياء قائلاً بنبرة عادية:

-مسعد ماتنساش تلبس بدلة وإنت رايح هناك، مش لازم ميري في المطار!

انتبه له مسعد ورد عليه بجدية:

-حاضر يا فندم

ثم نهض عن مقعده وأدى له التحية العسكرية مجدداً..

أنهى الفريق ضياء حديثه بإبتسامة متفائلة وهو يقول:

-أنا حاطط أمل كبير عليك، وبأنبه عليك للمرة الأخيرة موضوع التقييم سري!

حرك مسعد رأسه بخفة وهو يرد عليه:

-تمام معاليك

ثم تحرك في إتجاه الباب، وهمس لنفسه برجاء وهو يدس الورقة في جيبه:

-يا رب صبرنا وربحنا، وبين عبادك ما تفضحنا!

في منزل مسعد غراب

انتهت السيدة صفية من مسح الصالة الخارجية لمنزلها، وأسندت الممسحة والدلو بجوار باب المنزل، ثم تحركت في اتجاه المطبخ لتكمل طهي الطعام بعد أن رفعت صوت التلفاز..

توهمت ابنتها إيناس أنها سمعت صوت قرع الجرس، ولم تضع في إعتبارها أنه منبعث من التلفاز، فركضت مسرعة نحو الباب، ولم تنتبه إلى الأرضية المبتلة، فإنزلقت قدمها، وسقطت على وجهها وهي تصرخ متأوهة من الآلم..

جاءت والدتها على إثر صراخها، ولطمت على صدرها وهتفت مصدومة:

-يا لهوي، مالك يا نوسة؟

فركت إيناس ظهرها، وتأوهت بصوت مكتوم وهي تجيبها:

-آآه، مش تقولي يا ماما إنك ساقية الأرض مياه!

سألتها والدتها بفتور:

-هو انتي وقعتي؟

تعجبت إيناس من سؤال والدتها الأغرب، وردت عليها متهكمة:

-لأ، كنت بأعمل أمبليه!

نهرتها صفية قائلة بحدة:

-يا بت اتعدلي وانتي بتتكلمي، آآخ، ياما نفسي ربنا يهديكي وتتشال الحتة الزيادة دي من لسانك.

مدت يدها للأمام، وهتفت بتذمر:

-طب خدي بإيدي وساعديني

لوحت لها والدتها بذراعها، وردت عليها وهي تتحرك مبتعدة:

-أنا مش فايقة للدلع بتاعك ده، أنا ورايا طبيخ، قومي لوحدك

ضغطت إيناس على شفتيها بغيظ، وهتفت متبرمة:

-ماشي يا ماما، براحتك، بس افتكريها!

في نفس التوقيت فُتح باب المنزل، وولج مسعد إلى الداخل وهو يحمل حقيبة صغيرة على ظهره..

تفاجيء بوجود أخته الصغري ممددة على الأرضية، فهتف متعجباً وهو يرفع حاجبه للأعلى:

-نوسة!

ثنيت إيناس ركبتها، وردت عليه بإبتسامة:

-مسعد، حمدلله على سلامتك

سألها مستفهماً وهو يغلق الباب خلفه:

-ايه يا بنتي مالك فارشة في الأرض كده ليه؟

ردت عليه مازحة:

-كنت بأقوم بدور الفالة ( الخرقة )

حرك رأسه بإيماءة خفيفة وهو يقول:

-ماشي..

↚

في منزل مسعد غــــراب،

تأنق مسعد على غير عادته، وإرتدى أكثر حِلاته أناقـــة لتليق بتلك المهمة الخــاصة..

خرج هو من الغرفة، فوجد والدته قد أعدت له الطعام ووضعته في علب بلاستيكية، ثم أسندتها بداخل حقيبة سمراء..

رسمت على ثغرها ابتسامة سعيدة وهي تقول:

-اتفضل يا حبيبي، حبة أكل يستاهل بؤك

تناول منها الحقيبة السمراء، وسألها بإهتمام:

-طابخة ايه يا أمي؟

أجابته بنبرة أمومية وهي تشير بكف يدها:.

-ورق عنب وكرنب من اللي قلبك بيحبه، وشويتلك الفراخ في الفرن، وعملتلك كمان رز بالخلطة!

تحمس مسعد كثيراً وهو يرد بإشتهاء:

-الله! الله! أنا رأيي أطنش المهمة وأقعد أكل أحسن!

ربتت والدته على كتفه، وهتفت بمرح:

-بالهنا والشفا يا حبيبي، مطرح ما يسري يمري

أمسك بكف يدها، ورفعه إلى فمه ليقبله، ثم قال ممتناً:

-تسلم ايدك يا حاجة، هاتوكل أنا على الله!

رفعت يديها للأعلى – وكذلك بصرها – وهتفت بتضرع:.

-ربنا يحميك ويحرسك في طريقك، ويسدد خطاك!

تنهد بعمق وهو يضيف قائلاً:

-يا رب، ادعيلي، لأحسن أنا محتاج كل الدعاء الأيام دي أوي

ردت عليه بإبتسامة صافية:

-بأدعيلك وربي اللي عالم

-ماشي يا أمي، أشوفك على خير

-مع السلامة يا مسعد! ربنا يوفقك يا بني ويكرمك!

اتجه مسعد إلى الباب، وأخـــذ نفساً عميقاً، وزفره على عجالة وهو يدير المقبض ليخرج وهو يمني نفسه بأنه الأجدر لتلك المهمة القادمة…

على متن الطائرة،

نهضت سابين من على مقعدها، وسحبت تلك الحقيبة اليدوية من الدرج العلوي، ثم ســارت ناحية المرحاض الخلفي..

ولجت داخله، وأوصدت الباب خلفها، ثم تفقدت الوثائق الأخــرى التي كانت معها

احتفظت هي بملحوظات صغيرة عن طبيعة مهمتها في القاهرة..

كانت مدركة أنها مقبلة على شيء هــام، خاصة وأنها ستتعامل مع نوعية معينة من الرجال الأشداء، وعليها أن تكون مقنعة حتى تنطلي عليهم الخدعة..

كذلك تأكدت من وجود ثياب بديلة لتغير فيها حينما تترجل من الطائرة حتى تعود لهيئتها الأصلية..

في المقهى الحديث،

ولج مسعد إلى داخل المقهى، وبحث بعينيه سريعاً عن والده، ولكن سد عليه الطريق النادل الذي هتف بحماس:

-مسعد باشا! أهلاً وسهلاً بسيادتك

رد عليه مسعد بإقتضاب:

-شكراً يا سيدي!

ثم أدار رأســـه للجانب وســأله بجدية:

-سيادة اللوا فين؟

استدار النادل برأســه للخلف، وأشــار بيده وهو يجيبه بإبتسامة سخيفة:

-هناك في الركن المميز بتاعه

رد عليه مسعد بإيجاز:

-ماشي

أضاف النادل قائلاً:.

-أجيب لسيادتك الأورد ولا آآ…

قاطعه مسعد قائلاً وهو يتحرك في اتجاه والده:

-لا مش عاوز حاجة، أنا ماشي على طول

أومـــأ النادل برأســه، وتابع قائلاً:

-براحتك يا باشا، أنا موجود في الخدمة، ناديني وهتلاقيني قصاد سيادتك

وبالفعل وجد مسعد والده في مكانه المعتاد يلعب الطاولة مع أصدقائه المسنين..

أخــذ نفساً عميقاً، وانتصب بكتفيه، ثم وقف قبالته، وأدى له التحية العسكرية وهو يقول بنبرة رسمية:

-تمام يا فندم!

التوى ثغر أبيه بإبتسامة سعيدة وهو يهتف له بحماس:

-استرح يا سيادة الرائد!

سحب مسعد مقعداً جانبياً، وجلس عليه وهو يقول:

-مساء الخير عليكم

رد عليه أحدهم متسائلاً بإهتمام:

-ازيك يا مسعد؟

أجابه قائلاً بإبتسامة ودودة:

-الحمدلله

أضـــاف أخر قائلاً بتبرم:

-سيادة اللوا مش راحمنا في الطاولة

ورد عليه شخص ثالث بمزاح:

-ده خبير دولي

وأضـــاف الشخص الأول قائلاً:

-خصم مش سهل

رد عليهم محمد قائلاً بزهــو وتفاخر:.

-دي حاجة بسيطة، وبعدين أهي حاجة أشغل بيها وقتي بعد ما طلعت على المعاش!

شعر مسعد بالضجر من ذلك الحديث الممل، فنفخ بحذر، ثم تنحنح بخشونة، واستطرد قائلاً بصوت خفيض وهو يشير بكفه:

-بابا، أنا كنت جاي آآ…

قاطعه أبيه بصرامة:

-استنى شوية

أصــر مسعد قائلاً:

-يا بابا مافيش وقت، ده آآآ..

قاطعه والده مجدداً ولكن ليوجه حديثه إلى رفاقه وهو يقول:

-عارفين يا جماعة مسعد ده بيفكرني بأخويا الكبير الله يرحمه.

لوى مسعد ثغره بضيق واضح على تعابير وجهه، وهمس بإمتعاض:

-آآخ، ايوه هنبدأ التسييح، وسرد الملحمة التاريخية!

تابع محمد قائلاً بتباهي:

-أنا زي ما قولتلكم قبل كده اني سميته مسعد على اسم أخويا الشهيد، بطل من أبطال حرب أكتوبر، ده لولاه آآ…

قاطعه مسعد قائلاً بحنق:

-كنا خسرنا سينا، وضاعت كل حاجة، ومخدناش اليوم أجازة، عارف والله يا سيادة اللوا، كمل الحكاية دي بعدين، أنا هاسلم وآآ…

رمقه والده بنظرات حادة، وقاطعه بنبرة جادة:

-يا بني اصبر، خليني أكمل

رد عليه مسعد بنفاذ صبر:

-الطيارة مش هاتستنى

انعقد ما بين حاجبي أبيه، وســأله بإهتمام غريب:

-طيارة؟!

سعل بخفوت، ثم رد عليه بتوتر قليل:

-قصدي المهمة، عندي تدريبات وآآ، وشوية آآ..

ثم رسم ابتسامة بلهاء على وجهه، وغمز قائلاً:

-ما تفكك يا باشا مني!

رد عليه محمد متفهماً:

-ماشي يا سيادة الرائد، لينا أعدة سوا

لوح له بكفه وهو يقول:

-أكيد، سلام.

عنفه والده قائلاً بجدية مبالغة:

-التحية العسكرية يا ولد

انتصب مسعد في وقفته، وصاح بثبات:

-تمام يا فندم!

في المطار،

هبطت الطائرة على المدرج المخصص بها، واستعد الجميع للنزول منها..

تملك سابين الحماسة لرؤية ذلك البلد الذي ولد فيه أبيها،

و ارتسم على شفتيها إبتسامة مشجعة..

شعرت بدفء الأجواء وهي تنزل على الدرج المعدني، وتلفتت حولها محاولة إلقاء نظرة عامة على المكان المحيط بها..

ولجت هي إلى القاعة الخاصة بإنهاء الإجراءات، فوجدت الزحــام بها شديداً، ولمحت بعينيها لوحة معدنية تشير إلى المراحيض، فغيرت وجهتها، وســارت نحوها لتبدل ثيابها، وترتدي ما يتناسب مع صورتها الموضوعة في جواز سفرها الأصلي..

في نفس التوقيت، صف مسعد سيارته أمـــام مدخل المطار، ومسح بمنشفة ورقية ذلك العرق المتصبب على جبينه..

نفخ بضيق وهو يحاول إرخاء رابطة عنقه قليلاً، وتمتم بإنزعاج:

-خنقة من أولها

تذكر أنه نسي مراجعة تلك الورقة المطوية التي أعطاها له الفريق ضياء، لذا بحث سريعاً عنها في جيوبه، وتملكه الخوف وهو يهمس:

-لأحسن تكون ضاعت! دي هاتبقى كارثة!

حبس أنفاسه وهو يبحث عنها بتوتر حتى وجدها بداخل حافظة نقوده، فتنفس الصعداء..

زفــــر بصوت مسموع وهو يحدث نفسه بعتاب:

-مش تفتكر حطتها فين ياخي بدل حرقة الدم دي! ده أنا أعصابي باظت، من أولها كده!

تنفس بعمق ليضبط إنفعالاته من جديد، ثم حدق في الورقة بنظرات مطولة..

فرك ذقنه بحركة ثابتة، وأردف قائلاً بحيرة:

-طب دي أستهجى اسمها إزاي؟

ظل يحاول قراءة الاسم عدة مرات لكنه كان يفشل في تهجئته، لذا فكر للحظات في الإستعانة بشخص ما ليساعده على ترجمة اسمها، ولكن خشي من افتضاح المهمة، فطرأ بباله أخته الصغرى إيناس، وتذكر مدى براعتها في اللغة الإنجليزية، فتهللت أساريره، وصــاح بحماس:

-هي مافيش غيرها، الأروبة الأوزعة هاتجيب أرار المكتوب هنا!

وبالفعل أخـــرج هاتفه المحمول من جيب سترته، وهاتف أخته التي أجابته بحدة:.

-عاوز ايه يا مسعد، مش كنت عاوج وشك عليا؟!

رد عليها بنبرة دبلوماسية زائفة:

-ده انتي الحتة اللي في الشمال يا نوسة!

هتفت إيناس قائلة بعدم اقتناع:

-طالما قولت كده تبقى مزنوق في حاجة

حرك رأسه إيجاباً وهو يرد عليها:

-ايوه، ميزتك إنك فهماني!

ســألته أخته بجدية:

-ها، قول، عاوز ايه؟!

أخــذ نفساً عميقاً، وزفره مرة واحدة وهو يجيبها بهدوء:.

-شوفي يا ستي، أنا معايا كام كلمة مش عارف أترجمها، فخدي ثواب في أخوكي وترجميهالي!

ردت عليها بنبرة عادية:

-ماشي، اقراها!

هتف محتجاً وهو يمرر أصابعه في شعر رأســـه ليفركه:

-بأقولك مش عارف أقراها عشان أترجمها!

ردت عليه بصوت شبه آمـــر:

-طب اسبلهالي ( Spell it )

ســألها مندهشاً مما قالته وقد رفع حاجبه للأعلى:

-آآ، ايه ياختي؟!

أوضحت له قائلة:

-استهجى حروفها يعني

-ماشي، استني.

أخـــذ مسعد نفساً عميقاً، وزفره ببطء وهو يحاول قراءة الحروف بهدوء حذر:

-بصي أول حرف إس ( S )

ردت عليه بهدوء:

-ماشي، اللي بعده

أضاف قائلاً بعد لحظة بصوت شبه متلعثم:

-تاني حرف آه

ســألته متعجبة مما قاله:

-آه! انت في حاجة بتوجعك؟

برر لها قائلاً بنفاذ صبر:

-يا بت الحرف بتاع الأبوول!

صححت له قائلة بتفاخر:

-اسمها آبل ( Apple ) يا مسعد

نفخ بضيق وهو يقول:

-عديها، خدي الي بعدها، بـ، آآ، بـ. آآ

ســألته إيناس مستفهمة:.

-تقصد بي ( P )؟

رد عليها متسائلاً بفضول:

-مش عارف، بس هي هاتفرق معاكي؟

أجابته قائلة بجدية واضحة في نبرتها:

-طبعاً في النطق هاتفرق

-ممممم

ســـاد صمت لدقيقة كاملة، حاول فيها مسعد محاولة نطق الحرف مع نفسه قبل أن يرد عليها..

نفذ صبر إيناس، فســألته بإستفهام في مرة واضحة:

-طب هي عاملة ازاي؟ يعني B for book or P for Pen؟!

لم يفهم كلمة واحدة مما قالته، فهتف معترضاً:.

-بالراحة عليا يا إيناس، وفهميني واحدة واحدة! أنا مش ملاحق

ســـألته بهدوء:

-أوكي، هي ( بي ) خفيفة ولا تقيلة؟

رد عليها بجدية:

-اللي فاكره إننا بنطلع فيها لسانا

هتفت مستنكرة وقد إرتفع صوتها في الهاتف:

-نعم؟ مافيش ( بي ) بنطلع فيه لسانا

-لا والله؟!

ســألته مرة أخرى بهدوء حذر رغم ضيقها منه:

-طب العصاية فوق ولا تحت؟

ســألها بعدم فهم وهو يحك مقدمة رأسه:

-عصاية مين؟

ردت عليه بسخرية من جهله:.

-يالهوي يا مسعد، ده انت واقع خالص!

ثم قهقهت بصوت مرتفع لتثير غيظه، فانزعج من أسلوبها المتهكم منه، وعنفها قائلاً:

-اتلمي أحسنلك، وبطلي تريقة، بدل ما آآ…

قاطعته قائلة بغطرسة:

-انتي اللي عاوزني مش أنا!

هتف بها بصوت شبه غاضب:

-خلاص، مش عاوز منك حاجة

ردت عليه بتعجب:

-ده انت اللي متصل!

تمتم مسعد مع نفسه بسخرية:

-تعويذة دي ولا اسم؟!

أدركت إيناس أنها تمادت في المزاح مع أخيها، فإعتذرت له قائلة:.

-خلاص يا مسعودي متزعلش، ها، قول اللي بعده!

نفخ بنفاذ صبر وهو يرد قائلاً:

-انجزي وهامليكي الباقي وانتي جمعيها وقوليلي

لمع عقلها فجــأة، وقررت أن تستغل الفرصة وتحصل منه على مبلغ مالي لتشتري ما تحتاج إليه، فهتفت بنزق:

-ماشي تدفع كام؟

رد عليها بإمتعاض:

-إيناس مش وقتك

بررت له موقفها قائلة بدلال:

-بصراحة يا مسعودي دي فرصتي ولازم أستغلها!

اغتاظ مسعد من استغلالها للموقف، ولم يعد يتحمل المجادلة معها، فصاح بغلظة:.

-أنا غلطان إن عبرت واحدة زيك

ردت عليه قائلة بتحدٍ:

-مضايق ليه، مش قولتلك مسيرك تحتاجني، وإنت طنشتني لما بأقولك تشيلني!

هتف قائلاً بحنق:

-طيب خليكي فكراها، وأهو مسير الموز يجيبك يا قرد!

صاحت فيه بنبرة مغتاظة:

-أنا قرد يا مسعد

رد عليها ببرود متعمداً إستفزازها بعد أن أغاظته:

-لأ، نسناس، غوري شوفي مذاكرتك يا فقر!

توعدت له قائلة بغضب:

-والله يا مسعد لـ، آآآآ…

لم يصغْ إلى صياحها الهائج وتهديدها له، بل أغلق الهاتف في وجهها، وحاول أن يترجم هو اسمها بمجهوده الشخصي دون اللجوء لأي مساعدة…

بحث بداخل تابلوه سيارته عن ورقة فارغة ليدون فيها اسمها..

وبالفعل عاود تكرار المحاولة، وبدأ في تهجئة اسمها ببطء:

-صـ، سـ، آآ، لأ هو صاد، طيب اللي بعدها آه، يعني صــا..!

تحمس بعد نجاحه في قراءة أول حرفين، وهتف بإعجاب:

-والله أنا أنفع بس أركز، استعنى على الشقا بالله!

تابع المحاولة وأكمل القراءة بصعوبة واضحة:

-بـ، بــ، ، طب نلزق البه في الصـا، تبقى صابـ، صابآآ..

هتف بعدم تصديق دون أن يكمل القراءة للنهاية:

-صابرين، طلع اسمك صابرين!

ضرب بيده المقود، وأكمل متباهياً بصياح:

-يااااه! ده أنا طلع عين أم في فك طلاسم اسمك، وفي الأخر صابرين، آآآه يا شيخة، والله أنا أنفع بس أتحط على الطريق الصح

اعتدل في جلسته، ومط كتفيه وهو يتابع بثقة:

-نكمل بقى بقية الاسم، يا مسهل.

أكمل التهجئة قائلاً بحذر:

-مـ، مـا، ماء!

التوى ثغره وهو يقول مازحاً:

-ماء، مالي قلبت شبه الخروف، أكيد هي حاجة تانية!

ابتلع ريقه، وأكمل ببطء:

-مـ، ما، آآ، سـ، ماسـ، آآ، ماسهال!

حك جبينه وهو يغمغم بإستغراب:

-ماسهال! دي جاية من إسهال ولا ايه؟! اسم عجيب! بس مش هايكون أغرب من بتاعي!

تقوس فمــه بإبتسامة مغترة وهو يحدث نفسه:

-المهم إني جبته في الأخر، حلاوتك يا مسعد وإنت مركز، يا قاموس المفهومية يا متعلم!

مـــد يده ليدون على ورقة أخــرى فارغة اسمها وهو يقول:

-مش ناقص غير أكتبه على الورقة دي بخط كبير عشان تشوفه الست لما تيجي!

شعــــر هو بإضطراب قليل في معدته نتيجة خوائها من الطعام، فزفر بضيق:

-وده وقته! أشوف الولية اللي جاية من برا الأول وبعد كده أكل المحشي وأحلي كمان!

نظر في شاشة هاتفه المحمول فوجد أن الوقت قد تجاوز المحدد بقليل، فصاح بهلع:.

-أوبا، ده أنا شكلي سرحت على الأخر، وإتأخرت عليها، ربنا يستر وماتكونش جت!

ترجل من السيارة، وركض مسرعاً نحو الداخل وهو يحمل في يده الورقة المدون عليها اسمها…

انتهت سابين من إجراءات الخروج، وظلت تلوح بيدها محاولة الحصول على قدر من الهواء، فالرطوبة عالية، والجو شبه حـــار، ومختلف تماماً عن الجو بولاية أوهـــايو..

ما أثار إنزعاجها حقاً هو أسلوب المحيطين بها الفظ، فالكل يتدافع للخروج دون إنتظار دوره..

رمقتهم بنظرات ساخطة، ولم تعقب..

فهي لم تأتِ لإثارة المشاكل..

تحركت بخطوات ثابتة نحو الممر المؤدي للخـــارج، فاستمعت هي إلى صوت سباب لاذع، وشتائم بغيضة من أحد الأشخاص الذين يحاولون المرور..

حدجته بنظرات مستنكرة، وتمتمت مع نفسها بضيق:

-أوغــاد!

اتجهت بعدها إلى المنطقة الخاصة بإستلام حقائب السفر، وسحبت حقيبتها، ثم تفاجئت بمن تصدمها لتأخذ حقيبتها قبلها وهي تقول بحنق:

-حاسبي ياختي، هي مش ناقصاكي إنتي كمان.

فغرت سابين فمها مدهوشة من تصرف المرأة الوقح، وكانت على وشك الرد عليها، ولكن ألجم لسانها عبارتها التالية وهي تقول بإهانة صريحة موجهة إليها:

-بنات كسر وقيع جايين من زبالة برا يلوفوا على رجالتنا هنا، جتكم مصيبة تاخدكم، كلكم نفخ وبلاستيك!

حذرتها سيدة أخــرى واقفة بجوارها:

-دي أجنبية خدي بالك

حدجتها تلك السيدة بنظرات إحتقارية، وردت بعدم إكتراث:

-دي حمارة مش هاتفهم حاجة، يالا بينا!

هزت سابين رأسها مستنكرة ما سمعته تواً، وسريعاً ما تلاشت الصورة الوردية عن وداعة الأشخاص هنا..

وقف مسعد في الخــــارج، وإشرأب بعنقه لأكثر من مرة محاولاً رؤية جميع من يخرج من بوابة المطار الداخلية..

رفع الورقة التي بيده للأعلى، وغمغم بصوت حاد:

-هي مجاتش ولا ايه؟ أنا نافوخي ســاح من الحر والجو نــار!

خرجت سابين من المطار، وبحثت بعينيها بدقة عن الضابط الذي من المفترض أن يكون في إنتظارها، لكنها لم تجد أي أحد، فقط أوجه غريبة محدقة بها وكأنها كائن فضائي..

نظرت إلى هيئتها لتتأكد أنها لم ترتدي ما يدعو للشك..

هي فقط ترتدي سروالاً من الجينز الضيق، وأعلاه كنزة وردية رقيقة بلا أكتاف تغطي أردافها، وتضع نظاره شمسية أعلى رأسها…

التفتت إلى الجانب برأسها، وضاقت عينيها بنظرات غريبة حينما رأت تلك اللافتة الصغيرة التي يحملها أحد الأشخاص..

تحركت في إتجاهها، وأمعنت النظر جيداً فيما دون عليها..

التوى ثغرها بإبتسامة صغيرة وهي تقرأ اسمها المكتوب باللغة الانجليزية..

فتنهدت في إرتياح وهي تهمس لنفسها:

-Finally ( أخيراً )

تحركت سابين صوبه، وأشـــارت إلى نفسها بإصبعها حينما وقفت قبالته وهي تردد بجدية باللغة الإنجليزية:

-هذه أنا ( That s me )

تأملها مسعد بنظرات متفحصة لهيئتها، وانفرج فمه بإندهاش واضح، فقد كان يتخيلها امرأة عجوز في الخمسينات من عمرها، لكنها كانت على عكس توقعاته تماماً، فتاة شابة جميلة، وربما مثيرة قليلاً بملابسها تلك..

ابتلع ريقه بصعوبة، ورد عليها متساءلاً بتلعثم وهو يشير إلى اسمها المدون على الورقة:

-إنتي دي؟

أومـــأت برأسها إيجاباً، فهتف بحماس وهو يرسم ابتسامة بلهاء على وجهه:

-يا أهلا وسهلاً، دي إيجيبت ( مصر ) نورت!

ضيقت عينيها في عدم فهم من لكنته العجيبة، ورمقته بنظرات إستغراب، فقد كانت هيئته لا توحي بأنه ضابط حماية على الإطلاق قد جاء لإستقبالها وإيصالها إلى مقر عملها المؤقت، بل شخص أبله يقف أمامها يتميز فقط بالطول الفاره والجسد الرياضي العريض..

أشــــــار لها مسعد بيده لتتحرك، ففهمت ما يريد، وأكمل قائلاً بحماس كبير:

-إن شاء الله هتتبسطي معايا، قصدي معانا!

هزت رأسها مستنكرة، ووضعت يدها على جبينها، وحدثت نفسها بقلق:

-في غلط في الموضوع، استحالة ده يكون الشخص اللي هايحميني، ده، ده شكله غبي يا متخلف، إزاي يعملوا كده معايا، لازم أكلم الـ FBI، وأفهم بالظبط أنا هتعامل مع مين!

عبست سابين بوجهها، وظلت ترمق مسعد بنظرات إزدراء جلية من خلف نظارتها التي وضعتها على وجهها..

أرادت هي أن تفرض حدوداً جادة للتعامل معه حتى تتضح الصورة كاملة أمامها، وقررت أن تتواصل معه باللغة الانجليزية فقط..

أشــــار لها مسعد بيده مجدداً لتتحرك خلفه إلى الأمــــام حيث ركن سيارته..

وتابع قائلاً بإهتمام:

-أنا مش عاوزك تقلقي، أنا هاكون معاكي، وإن شاء الله هاتتبسطي هنا، أنا خير من يمثل القوات الخاصة، مش هاتندمي!

نفخت بضيق واضح، وتجهمت قسمات وجهها أكثر من ثرثرته اللامتناهية..

وضع مسعد حقيبة سفرها في صندوق السيارة، وتفاجيء بها تجلس في المقعد الخلفي وكأنه سائقها الخاص فلم يعقب، وتحرك نحو مقعد القائد ليقود السيارة..

تنحنح بخشونة، وحرك المرآة الأمامية لينظر إليها، واستطرد حديثه متسائلاً بإبتسامة عريضة:

-إنتي اسمك صابرين ماسهال، صح؟

التوى فمها بتهكم، وانعقد ما بين حاجبيها في صدمة..

وتساءلت مع نفسها بذهول:

-هو بيقول اسمي؟ ولا قصده ايه بالظبط؟!

أضـــاف قائلاً بتنهيدة:.

-أنا مسعد غراب يا مدام صابرين؟ صحيح إنتي مدام ولا آنسة؟ سامحيني أنا عاوز أعرف مقصدش آآ…

لم تنتبه هي إلى بقية ما يقوله، بل كانت تضغط على شفتيها بغيظ، فقد كان ثرثاراً للغاية، ورأسها مصاب بصداع كبير بعد ساعات من السفر المتواصل، وهي ليس لديها المقدرة لتحمل تلك الحماقات التي يتفوه بها أو حتى الرد عليها…

استشعر مسعد عدم تقبلها لأسلوبه، فزفر بخفوت، وهمس لنفسه:.

-بينها غبية وهاتقرفني! بس أنا مش عارف هاتكلم معاها إزاي؟

أدار محرك السيارة وتحرك بها مبتعداً عن المطار..

كان الطريق مزدحماً، خاصة وأنه وقت الذروة، فتحركت السيارة ببطء شديد..

حاول هو أن يسترسل في الحديث مرة أخــرى معها، فأردف قائلاً بنبرة مرتفعة لتنتبه له:

-أكيد هايبقى في سكة بينا عشان نتكلم، صح يا مدام صابرين؟

ما أثار غضبها حقاً هو نطقه لإسمها بصورة خاطئة، فصححت له قائلة:.

-It s Sabeen not Sabreen ( إنه سابين، وليس صابرين )

هز رأسه متفهماً وهو يردد بثقة بالغة:

-ايوه، أيوه أنا فاهمك، صابرين!

حركت رأسها مستنكرة غبائه، ونفخت بصوت مسموع:

-أووف!

ظن مسعد أن الحرارة العالية تزعجها، فأكمل مبرراً:

-عندك حق تنفخي، الجو حر على الأخر، لولا بس التكييف بايظ في العربية كنت شغلتهولك ورطبت على قلبك بشوية هوا ساقعين!

أدركت سابين أنها لن تتحمل أسلوبه العجيب في التفاهم معها، فهو يزداد غباءاً، وصبرها قد نفذ حقاً، لذا قررت أن تتراجع فوراً عن رأيها في التحدث معه بالإنجليزية فقط، وهتفت بنزق بلكنة عربية متكسرة:

-أنا بأعرف شوية أربي ( عربي )!

هتف بحماس وقد تقوس ثغره بإبتسامة واسعة:

-اشطا يا صابرين، ايوه بقى، مش تقولي كده من بدري! إحنا نلزق الجميل من عندك، والحلو من عندي، وهانعمل أحلى ريمكس سوا!

لم تتمكن سابين من فهم عبارته الأخيرة، فرددت بحيرة وقد قطبت جبينها:

-أنا not افهم u ( أنا مش فهماك )

هتف بحماس وهو يشير بيده:

-استني بس، ده انتي هاتسمعي مني درر يا صابرين!

صححت له مجدداً بجدية:

-سابين

قال لها ببرود استفزها:

-ايوه صابرين، انتي مش عارفة العربي بتاعنا

نفخت بإنزعاج أكثر، وتمتمت قائلة:

-Oh stupid ( شكله غبي )!

حـــاولت أن تضبط أعصابها معه فهو يثير رغبتها في التخلص منه بسبب غبائه المفرط من وجهة نظرها، وقررت أن تغير الحديث معه، فســألته بإهتمام زائف بلكنتها المصطنعة:

-إنت، اسمك ايه؟

أجابها وهو يتنحنح بحرج:

-مسعد محمد غراب!

فغرت شفتيها متعجبة، وســألته مستفهمة وقد تحولت نظراتها للغرابة:

-What ( ماذا )؟

استشعر مسعد الحرج من اسمه، وظن أنها تسخر منه، فتبدلت تعابير وجهه للضيق، ورد عليها بإقتضاب:.

-مسعد غراب، إسمي مسعد غراب! مش عاوز تريقة!

حاولت سابين أن تلفظ اسمه، فبدت متلعثمة وهي تقول بلكنتها الغريبة:

-مو، مـــوسـ، موسأد، أو، أوراب

صــُدم مسعد من طريقتها المثيرة في لفظ اسمه، وهتف مشدوهاً وهو يرفع حاجبيه للأعلى:

-ايه ده، قوليها تاني كده؟!

ســألته بإستغراب من طريقته:

-What ( ماذا )؟

هتف بتحمس وهو يسلط أنظاره على صورتها المنعكسة في المرآة:

-اسمي، Name، مسعد غراب!

هزت كتفيها في عدم مبالاة، وكررته بحذر، ولكن تلك المرة بنبرة رقيقة:

-مــو، موسـأد

تنهد بصوت مسموع، وهتف بسعادة:

-الله! تاني معلش!

عقدت ما بين حاجبيها بإستغراب أعجب، وحركت رأسها وكأنه تسأله عما يريد، فأجابها بتلهف:

-آآآ، اسمها آجــ، أيوه Again يا صابرين!

شعرت سابين أنها ربما تردد اسمه بطريقة خاطئة، فلهذا يريد منها تكرار اسمه بطريقة صحيحة..

فقالت متساءلة بجدية:

-موســـأد، Right ( صح )؟

شكرهاً ممتناً، وحدق أمامه بنظرات سعيدة، وحدث نفسه بحماس واضح على تعابير وجهه:

-ده أنا كان عندي تلوث سمعي، تيجي البنات تتعمل منك، موسأد، موســأد، والله شكلي هاحب اسمي منك…!

↚

في مكتب ما،

أومأ الفريق ضياء برأسه بإيماءة خفيفة وهو يستمع إلى ما يُقال عبر هاتفه المحمول، واستطرد حديثه قائلاً بإعجاب:

-تمام، كده كل شيء ماشي زي ما احنا مرتبين

اعتدل في جلسته، وتساءل بإهتمام:

-هو خد باله؟

حرك رأسه مجدداً، وأضاف بهدوء:

-عظيم، أنا عايز العينين تفضل عليهم لحد ما توصل عندي بدون ما حد يحس!

مط فمه للأمام، وأصغى لما يقال من الطرف الأخر، ثم تابع بجدية:

-ماشي، بلغني بالجديد أول بأول!

أنهى الفريق ضياء المكالمة مع ذلك المجهول، وهمس لنفسه بتوجس:

-ربنا يستر يا مسعد وماتعكش الدنيا معاها!

في الساحة التدريبية،

أغلق باسل ضلفة خزانته الخاصة بقوة، وزفر بضيق وهو يطالع شاشة هاتفه المحمول، جلس على المقعد الخشبي المسنود أمامها، ومط فمه للأمام، ثم فرك رأسه بكفه، وبدى حائراً بدرجة ملحوظة، ولما لا؟ فقد اختفى رفيقه مسعد منذ برهة ولم يعرف عنه أي شيء إلى الآن..

تنهد بإنهاك، وتمتم مع نفسه بضجر:

-كان المفروض يكلمني! طب أنا هاطمن عليه ازاي وأعرف اللي حصل، وأنا نازل أجازة يومين!

تصفح هو ورقة تصريح الأجازة التي حصل عليها من قائده، ثم طواها بعناية ووضعها في حافظة نقوده..

ثم حك طرف ذقنه بإصبعيه، وتابع حديث نفسه:

-ممكن يكون طلع على البيت مرة واحدة، خلاص أنا هاعدي عليه قبل ما أروح!

نهض من على المقعد، ورفع ساقه للأعلى ليربط حذائه، ثم اعتدل في وقفته، وسحب حقيبته، وألقاها على كتفه وتحرك نحو الخارج..

في سيارة مسعد غراب،

لم تختفِ الإبتسامة السعيدة من على وجه مسعد بعد أن أطربت أذنيه بصوت سابين وهي تلفظ اسمه..

ظل يختلس النظرات نحوها من المرآة الأمامية، بينما حدقت هي في النافذة الملاصقة لها لتتأمل معالم القاهرة..

استطرد مسعد حديثه متساءلاً بمرح:

-ايه رأيك يا مدام صابرين في البلد، جود ( Good ) ها؟

لوت ثغرها لتنفخ بهدوء، ولم تعقب عليه، ولكنها كانت منزعجة من ضجيجه المتواصل، فحدثت نفسها قائلة بحنق:.

-مش ممكن، ده كارثة متنقلة، مش بيسكت لثانية، لأ وعارف إني مش بأفهم عربي، واللي طالع عليه يقولي صابرين، أنا كرهت نفسي من نص ساعة معاه، يا ريت أوصل بسرعة عشان أخلص منه!

أكمل مسعد قائلاً بإستمتاع:

-إيجيبت طبعاً غير أي بلد، حاجة كده مليانة آآ..

لم تتحمل سابين أكثر من هذا، فقاطعته متوسلة:

-بليز! Can you shut up ( ممكن تصمت )؟

عقد جابينه بإندهاش كبير، وسألها بغموض بادي على تعابير وجهه:

-عاوزة شطا؟ ليه؟!

ردت عليه بإمتعاض وهي تنفخ بضجر:

-أووف، إنت مش يفهمني!

هتف قائلاً بحيرة وهو محدق في إنعكاس صورتها:

-ما هو لو أنا أعرف عاوزة ايه هاعمله يا مدام صابرين

انزعجت سابين من استمراره في إلصاق لقب سيدة بها، فصاحت بضجر:

-بليز Stop saying Ma am ( كف عن قول سيدة )، أنا Miss ( آنسة )، مس، نو مدام، سابين بس!

تشكل على فم مسعد ابتسامة ودودة وهو يرد بسعادة:

-وماله لما نشيل التكليف بينا!

همست لنفسها بإستغراب مرددة بتلعثم:.

-تاك آآ، هاه؟!

بينما هز رأسه متعجباً وهو يضيف بإندهاش:

-حقيقي الأجانب دول ليهم حاجات غريبة، بس معنديش مانع، أنا أقولك صابرين حاف، وأنتي تقوليلي موسأد حاف

قالت سابين بلكنة رقيقة:

-هاف!

أوضح لها قائلاً بثقة:

-اسمها حاف، بال ( ح ) يعني من غير أي اضافات! نو سبايسي

أدركت سابين أنها تتعامل مع شخص لديه مشكلة عويصة في فهم اللغة الانجليزية، فهتفت بإستياء وهي تحاول السيطرة على أعصابها:

– أووه، بليز، هدوء!

-مش عاوزة دوشة، فهمتك، طيب.

في شركة ما بولاية أوهايو،

هب رجل ما ذو طلة مهيبة من على مقعد مكتبه، وضرب بكف يده سطحه بعنف وهو يصيح متساءلاً بإهتياج في الهاتف المحمول:

-ماذا تعني؟ هل تلاشت هكذا دون أن تترك أثراً؟

استدار حول مكتبه، وأكمل بغضب هادر:

-ابحثوا عنها حتى تجدوها، فلن أضع رأسي على المحك لأجل حمقاء مثلها أفسدت كل شيء!

عودة إلى القاهرة، وتحديداً في سيارة مسعد،

علق مسعد في زحام السير، وبدى الطريق طويلاً للغاية بالنسبة لسابين، حاول هو أن يسلك طريقاً مختصراً، ولكن كل الطرق مزدحمة فهي ساعة الذروة..

كما زادت حرارة الجو المصحوبة بالرطوبة، فأصابتها بالحنق الشديد..

استشعر مسعد ضيقها، وفكر في طريقة للتهوين عليها، ولكن قطع تفكيره المتعمق رنين هاتفه..

مد يده ليلتقطه، ثم حدق في شاشته فوجد اسم باسل عليها، فضغط على شفتيه، ولم يجبه..

فهو قد تلقى تعليمات شديدة بشأن عدم إخبار أي شخص بشأن طبيعة مهمته الحالية، والتي تقتضي استقبال الخبيرة، ثم إيصالها إلى مكتب قائده الفريق ضياء ليبلغه بالتالي..

تعطلت حركة السير بسبب حادث تصادم سيارتين، فتوقفت السيارات، وبدأت الأبواق تصدح عالياً، بالإضافة إلأى أصوات تذمرات ممزوجة بالسباب من قائدي السيارات..

هزت سابين رأسها بإنزعاج، ووضعت يدها على مقدمة جبينها الذي أمالته للأمام، وهتفت بضجر بلكنة عربية غريبة:

-هانوصل امتى؟

رد عليها بإبتسامة مهذبة:

-قريب إن شاء الله، اصبري بس

سألتها بنفاذ صبر بعد أن سئمت من الوضع الممل:

-When ( متى )؟

فرك مسعد فروة رأسه بحيرة، وحاول تفسير تلك الكلمة الموجزة التي نطقتها تواً، فيأس من فهمها، فردد بحماس وهو يشير بيده:

-بصي احنا هانروح ونعلي الطموح، يعني جوو ( Go ) لقدام.

هزت رأسها مستنكرة ردوده الغريبة عليها، وهمست بحنق:

-oh, shit ( تباً )!

التفت مسعد برأسه للجانب فلمح حقيبة الطعام التي أعدتها له والدته وأسندها إلى جواره، فتشكل على فمه ابتسامة سعيدة..

ثم قطع الصمت السائد لثوانٍ بينهما قائلاً بحماس:

-تلاقيكي جعانة ودماغك هتنفجر من الصداع، أنا عندي بقى الحل لكل ده

رفعت سابين رأسها لتنظر نحوه، ورمقته بنظرات غريبة، بينما تابع هو بتحمس أكثر:.

-شوفي يا صابرين أنا معايا شوية أكل بيتي هتاكلي صوابعك وراه

انفرجت شفتيها بصدمة مما يقول، وهتفت بنزق:

-هاه، What ( ماذا )؟

أجابها بتفاخر وهو يغمز بعينه:

-أمي عاملة محشي إنما ايه، خرافة، استني دوقي من صوباع وهايعجبك.

لم تفهم ما الذي يقصده، ولكنها رأته يفتح تلك الحقيبة البلاستيكية السمراء، ويخرج منها علباً ما، وبدأ برصها على المقعد، ثم فتح أحدهم، وقربها من أنفه ليستنشق رائحتها، فتجهمت تعابير وجهها من تصرفاتها المريبة، وهمست لنفسها بقلق:

-ده مش طبيعي! مجنون! أنا ممكن أموت مشلولة منه!

استدار بجسده نحوها، ومد يده ليلتقط منشفة ورقية ثم أمسك ب ( إصبع ملفوف الكرنب )، وقربه منها وهو يهتف بإصرار:.

-كلي المحشي ده، هايعجبك، ده، ده اسمها ايه، ايوه، افتكرت حاجة معمولة ( هاند ) بيت!

صححت له قائلة:

-It s Handmade ( مصنوع يدوياً )

لم يعبأ بما قالته، وهتف متحفزاً وهو يحرك يده للأمام:

-أي حاجة بس كليه

بدت علامات الإشمئزاز واضحة عليها بعد أن تأملت الملفوف بتمعن دقيق، ورفضت بإصرار أشد وهي تشير بكفيها:

-No , no, no ( لا، لا )

اعترض على رفضها قائلاً بإستغراب:.

-بتنونوي ليه الوقتي، ده طعمه حلو والله، على فكرة أمي نضيفة في أكلها!

حركت سابين رأسها معترضة بوضوح وهي تقول:

-I don t want ( لا أريد )

تابع مسعد قائلاً بتشجيع:

-دوقي بس يا صابرين، والله ما هتندمي، بصي أنا بأكله كده

ثم تناوله أمامها بإشتهاء وكأنه يتناول قطعة من حلوى الشيكولاته وهو يردد:

-الله الله! يا سلام!

فغرت فمها مشدوهة، ثم سريعاً ما أغلقته، ونظرت نحوه بنفور..

التقط هو إصبعاً أخراً ملفوفاً بطريقة جيدة، وقربه منها وهو يهتف بحماس:

-خدي ده حلو والله، هايعجبك وملفوف لفة فخيمة ولا ورق البفرة

لوت شفتيها في تأفف وعي تجيبه:

-مش آوز ( عاوزة )

رد عليها متعجباً بإصرار:

-وز ايه؟ بأقولك محشي، كلي يالا، هاتكسفي ايدي

أبعدت يده بعيداً عنها وهي تحتج قائلة:

-No , stop it ( لا، توقف عما تفعل )

حرك هو يده بقوة نحوها هاتفاً بإلحاح:

-خديه، هيعجبك.

وفجأة انزلق إصبع الملفوف من يده، وسقط على سروالها الجينز فلطخه، فصرخت بهلع وكأن حية لدغتها

انتفض مسعد في مكانه، واعتذر قائلاً بتبرير:

-أسف، أسف، والله ما اقصد، ده، ده اتزفلط من ايدي غصب عني، هي السمنة اللي زحلقته، أمي مكترة منها فالصوباع بيفط من ايد الواحد!

صرخت فيه سابين بإنفعال مهينة إياه بعدة شتائم لاذعة بالإنجليزية دفعة واحدة بعد أن رأت الكارثة التي أحدثها بها، فلم يستوعب منها ما تقول، ولكنه فهم من تصرفاتها المتشنجة أنها غاضبة للغاية، فعبس بوجهه ورد عليها بحنق قليل:

-يا ستي مكانش صوباع محشي وقع، محسساني إني رميتك بنابلم ( قنبلة )!

أشارت له بإصبعها وهي تصيح بصرامة:

-ششش! Enough ( كفاية )، I am done with you ( اكتفيت مما تفعله بي ).

لم تعجبه طريقتها الحادة في الصراخ فيه، فرمقها بنظرات ساخطة، وجز على أسنانه قائلاً بصوت خفيض يحمل الضيق:

-أنا غلطان إني عبرتك، اتفلقي!

رمقته بنظرات غاضبة، وسألته مستفهمة بإنفعال:

-What re you saying ( ماذا تقول )؟

ثم أعادت تكرار سؤالها بلكنتها العجيبة ولكن بغضب:

-إنت قول ايه؟

تجاهلها عمداً، وحدق في الطريق أمامه، وهمس من بين أسنانه بغيظ:

-بنت مين يعني عشان تتنكي أوي على اللي جابونا!

حاولت أن تتذكر اسمه لتنادي عليه، ولكنها نسيته، فضربت بكفها كتفه وهي تسأله بحدة:

-مو، موس، ، أوه، u اسمك ايه؟

التفت برأسه إلتفاتة صغيرة ناحيتها، ونظر لها من طرف عينه، فأغاظتها نظراته الضائقة نحوها، فتشنجت تعابيرها، ثم أزعجها بشدة أنه أشاح بوجهه بعيداً عنها وكأنها شخص نكرة..

ففغرت شفتيها مصدومة من تصرفه هذا..

تنهد مسعد بإنهاك، ثم أضاف بفتور:.

-احنا قربنا نوصل! أنا هاوديكي عند الباشا، وكل واحد فينا من سكة، صحيح الرياسة تناكة، بس احنا مش ماية في التلاجة!

أرجعت ظهرها للخلف، وحدقت فيه بإندهاش أعجب، بينما تابع هو بضيق واضح في نبرته:

-من الأول أنا عارف إننا مش هانسلك مع بعض يا صابرين، يالا، تتعوض من سكة تانية، وأهي الجيات أكتر من الريحات!

فهمت سابين من كلماته أنه إنزعج من أسلوبها الفظ معه، ولكنها لم تخطيء فهو من تعمد استفزازها بإلحاحه المستمر بتناول ذلك الطعام الغريب، فلطخ ثيابها، وأصابها بالإنفعال..

أرادت أن تعتذر منه، ولكنها فكرت سريعاً إن فعلت هذا فسيكتشف أنها تفهم كل كلمة لفظها، وهي عليها أن تكون حذرة في التعامل مع الأخرين، وخاصة الغرباء..

لذا أثرت الصمت، واكتفت بتنظيف سروالها بمناديل مبللة..

زفرت بضيق فقد ظلت بقعة الملفوف مطبوعة عليه، بالإضافة إلى رائحته المميزة..

بينما لم ينبس مسعد ببنت شفة طوال الطريق..

في منزل مسعد غراب،

صاحت السيدة صفية بنبرة مرتفعة شبه آمرة من داخل غرفة نومها:

-افتحي يا نوسة الباب لبتاع الزبالة، وأديله الكيسة اللي في المطبخ

نهضت إيناس من على الأريكة بتثاقل، وتمتمت بتذمر:

-هو مافيش إلا أنا

ثم ولجت للمطبخ، وأحضرت كيس القمامة،

واتجهت بعدها لتفتح باب المنزل بعد أن سمعت قرع الجرس مرة أخرى وهي تردد بصوت عالٍ وحاد:

-جاية يا بتاع الزبالة!

كانت هيئتها بثيابها المنزلية غير لائقة على الإطلاق، ولكنها كافية للإعتقاد بأنها خادمة هذا المنزل وليست من قاطنيه..

شهقت مصدومة حينما رأت باسل أمامها، وشعرت بالحرج الشديد منه وخاصة أنها كانت تمد يدها بكيس القمامة..

أخفت الكيس خلف ظهرها، ورسمت إبتسامة بلهاء على ثغرها وهي تقول:

-باسل، خير

ضاقت نظراته بغضب واضح وهو يسألها بجمود بعد أن استمع لعبارتها الأخيرة والتي نعتتها فيه بجامع القمامة:

-هو مسعد هنا؟

تلعثمت من نظراته المسلطة عليها وهي تجيبه بتلعثم:

-أيوه آآ، لأ، هو نزل!

سألها مستفهماً بعد أن إرتاب من ردها الغير مقنع:

-يعني جه؟

تنحنحت بخفوت، وأجابته بهدوء حذر:

-اه، بس مشى تاني

سألها بجدية وهو يفرك جبينه بإصبعيه:

-متعرفيش راح فين؟

هزت رأسها نافية وهي تقول بإختصار:

-آآ، لأ

أشار لها باسل بيده وهو يتابع بضيق:

-ماشي، قوليله لما يرجع إني عديت عليه، وخليه يعبر أهلي ويرد على الموبايل!

ردت عليه هامسة بإبتسامة سخيفة:

-من عينيا يا بِسِلّة ( نوع خضار بزلاء )

لم يسمع باسل ما قالته بوضوح، فرفع حاجبه للأعلى، وهتف بصوت أكثر جدية:

-نعم!

حاولت أن تكتم ضحكاتها من هيئة وجهه المتجهم، وردت بهدوء مصطنع:

-حاضر يا باسل

رمقها باسل بنظرات متفحصة لهيئتها الغريبة فبدى متأففاً نوعاً ما، ثم أشاح بوجهه وهو يتحرك مبتعداً متمتماً بتهكم:

-بتاع الزبالة شكله أحسن منها!

خجلت إيناس من نظراته المستهزأة بها، وعاودت النظر إلى هيئتها فأدركت أنه على حق في النفور منها، وعللت قائلة بحزن:

-ماهو ده مش منظر أفتح بيه الباب! دي ليه حق يقرف يقرب مني، يا خسارة البريستيج اللي بقى بلح قصاده!

في مكتب ما بجهة سيادية،

ولجت سابين إلى تلك البناية الشاهقة وحديثة الطراز عبر بوابتها الأمنية، وتأملتها بإنبهار واضح في نظراتها..

لحق بها مسعد كظلها، وحافظ على وجود فارق خطوتين بينهما..

استقبلهما بعض الرجال من ذوي الحلات السوداء، ثم أرشدهما أحدهم إلى غرفة ما، فاتجه الاثنين نحوها، وجلسا في مكتب ما لبعض الوقت منعزلين عن العالم الخارجي..

تحاشى مسعد النظر إليها، ومال بجسده للأمام ليستند بمرفقيه على فخذيه، ونكس رأسه قليلاً للأسفل، وظل يتمتم بكلمات مبهمة يواسي فيها نفسه، بينما وضعت سابين ساقاً فوق الأخرى لتغطي تلك البقعة الظاهرة في سروالها والتي حاولت تجاهلها لتخفي حرجها، ولكن لتأكدها من نظرات المحدقين بها فقد كانت متأكدة أنها في حالة مزرية بسبب غباء هذا المتطفل..

بعد برهة من الصمت الحذر، نفخ مسعد بإستياء، وأرخى ظهره للخلف وهو يقول بعدم اكتراث وبنبرة خفيضة مواسياً نفسه:

-كان لازم يعني أوافق على المهمة دي وأعمل نفسي أدها، وانا عارف من الأول إن مافيش فايدة منها!

تنهد بعمق وهو يكمل بيأس:

-يالا مافيش أجدع من إن الواحد يعمل بالحكمة اللي بتقول خليك في حتت وريح جتتك!

ظلت سابين تهز ساقيها بعصبية وهي تغمغم مع نفسها بسخط بعد أن رمقت مسعد بنظرات شبه إحتقارية وهي مكفهرة الوجه:

-الواحد ممكن يتعامل مع أي حد إلا الغبي! وأنا وقعت مع أغبى الناس، مش ممكن ده يكون مؤهل لحماية حتى نفسه، ده أخره يكون حارس في مول، شركة وتبقى كتير عليه أصلاً، بجد أنا مش مصدقة إني هاخلص أخيراً منه، وأتعامل مع ناس أذكياء، بس لازم أتكلم مع ال FBI..!

في نفس التوقيت ولج الفريق ضياء إلى داخل الغرفة، فهب مسعد منتفضاً من مقعده، وانتصب بشدة في وقفته، وهتف بنبرة متصلبة:

-تمام يا فندم

-استرح يا مسعد

قالها الفريق ضياء بهدوء وهو يشير بيده، فنفذ الأخير أمره، وأرخى جسده قليلاً. ثم اتجه نحو سابين، ومد يده ليصافحها وهو يقول بإبتسامة رسمية باللغة الإنجليزية:

-مرحباً بك في مصر آنسة سابين!

ردت عليه بنفس االلكنة الإنجليزية وهي تبادله ابتسامة رقيقة:

-أشكرك.

سألها الفريق ضياء بإهتمام:

-كيف كانت رحلتك؟

ردت عليه بصوت متعب:

-مرهقة نوعاً ما!

ثم سلطت أنظارها على مسعد، وأكملت بحنق:

-ولكنها لا تقارن بمن قابلت

استدار برأسه حيث تنظر، وقال مبتسماً:

-أرى أنكِ تعرفت على مسعد

انتبه مسعد إلى اسمه الذي قيل وسط ذلك الحوار الغير مفهوم، فأدرك أن الحديث عنه..

تساءلت سابين بهدوء حذر:

-هل يمكن أن نتحدث على انفراد؟

لم ترغب هي في الحديث أمام مسعد عما يخصها، فإمتثل الفريق ضياء لطلبها، وأردف قائلاً بجدية:

-مسعد!

رد عليه بصوت شبه جاد:

-ايوه يا فندم

أشار له بعينيه وهو يضيف بصوت آمر:

-روح جهز نفسك، وانتظر مني التعليمات الجديدة

حرك مسعد نظراته نحو سابين، ورمقها بحدة قبل أن يجيب بجدية:

-حاضر يا سيادة الفريق

ثم تحرك بعدها ناحية الباب وهو يتوقع الأسوأ منها..

أشار الفريق بيده لسابين لتجلس وهو يقول بهدوء:

-تفضلي.

ردت عليه بإبتسامة رقيقة:

-أنا بأتكلم آربيك ( عربي ) كويس جنرال!

التوى ثغره بإبتسامة عريضة وهو يقول:

-كويس، يعني نقدر نتفاهم من غير ما يكون في عقبات

أومأت برأسها ايجاباً وهي ترد بثقة:

-أكيد!

ثم تحولت نبرتها للعدائية وهي تضيف:

-بس أنا مش قايلة للكائن اللي كان هنا

انعقد ما بين حاجبي الفريق ضياء في إندهاش، وسألها متعجباً:

-قصدك مسعد؟

هزت رأسها وهي ترد عليه بضيق:

-ايوه، ده غريب وآآآ…

قاطعها معترضاً:.

-مسعد غراب من أفضل الناس اللي هاتتعاملي معاهم، ومؤهلين لحمايتك

هتفت بتهكم واضح على تعابيرها:

-ده!

رد عليها بجدية:

-أيوه، أنا عارف إن موضوعك سري، وقليل جداً اللي عارفينه، وبالتالي أنا رشحت أجدر حد بالمهمة دي

احتجت سابين قائلة بإهانة:

-جنرال، ده، ده آآ، أنا مش عارفة أقولها ازاي But he s dump ( متخلف )

عبس الفريق ضياء بوجهه، وصاح بإنزعاج:

-آنسة سابين، مقبلش إنك تقولي على واحد من أمهر رجالتي كده.

شعرت هي بخطئها، فتداركته مسرعة:

-أنا مش عارفة أتعامل معاه، فإزاي هنتواصل سوا، ده، ده مش بيفهمني حتى!

فرك الفريق ضياء ذقنه، وأضاف قائلاً بحرج قليل:

-احم، هو، هو عنده مشكلة في اللغة، بس صدقيني عملياً هو من أكفأ الضباط!

توسلت له قائلة بإستعطاف:

-بليز، ممكن نغيره جنرال، بليز، ده طلبي!

هز رأسه نافياً وهو يبرر لها:

-صعب! كل ما يكون عدد اللي عارفين بطبيعة وجودك هنا قليل يكون أفضل!

سألته مستفهمة بجدية:.

-هو عارف أنا هنا ليه؟

أردف قائلاً بنفي:

-لأ، هو معتقد إنك خبيرة دولية وبتعملي أبحاث، ما إنتي قريتي المطلوب منك، اللي بلغني إن ال FBI عرفوكي ب آآ…

قاطعته سابين قائلة بيأس:

-أها، أنا عارفة ده، بس توقعت حد مختلف

أخذ الفريق ضياء نفساً عميقاً، وزفره على مهل، ثم تابع قائلاً بجدية:

-آنسة سابين، احنا بنحاول نوفرلك الحماية المطلوبة من غير ما نثير الشكوك، وأظن إننا مش هنعرضك للخطر

ابتسمت بسخرية:

-أتمنى!

أضاف قائلاً بثقة:

-اطمني، احنا أد كلمتنا، وأقامة سعيدة في مصر، وإن شاء الله تكون تجربة مختلفة!

ردت عليه بإبتسامة مجاملة:

-شكراً

وضعت سابين يدها على كتفها لتفركه قليلاً فقد آلمتها عضلاتها بعد ذلك المجهود المرهق، ثم تساءلت بهدوء:

-هو أنا هاروح الفندق امتى؟

قطب جبينه متعجباً وهو يرد عليها:

-فندق! واضح إن في سوء فهم عندك

ضاق ما بين حاجبيها بإندهاش وهي تسأله:

-ليه؟

ضغط على شفتيه، ورد عليها بهدوء وهو يشير بيده:.

-هاوضحلك أكتر.

على الجانب الأخر، في غرفة جانبية،

بدل مسعد ثيابه المدنية بزيه العسكري، وظل يسب في نفسه بحنق واضح على تعابير وجهه المشدودة، كز على أسنانه قائلاً بغل:

-زمانتها بتجَوِد مع الفريق ضياء وبتقول عني في الخمر يا ليل، وطبعاً أمريكانية، يعني مافيش خط أحمر معاها، هتدوس لحد ما ألوص، وأنا كده ضعت!

نفخ بغيظ وهو يكمل:

-منك لله يا صابرين، بقى دي أخرتها! أنا لو وقفت عسكري تشريفة يبقى فضل ونعمة!

صاح أحد الضباط بصوت مرتفع وهو يلج للغرفة:

-مسعد، الفريق ضياء عاوزك حالاً

رد عليه مسعد بإمتعاض:

-حاضر، اديني جاي!

انتهى الفريق ضياء من إعادة سرد تفاصيل الخطة الموضوعة لتأمين سابين بإيجاز، ففهمت الأخيرة مقصده بإقتناع قليل، ورغم إعتراضها على وجود مسعد معها في خطة الحماية إلا أنه لم يكن لديها خيار أخر سواه..

ردت عليه بإستياء وهي تتنهد وقد بدى على وجهها علامات غير راضية:

-اوكي جنرال، أنا موافقة!

انتبه الاثنين إلى صوت دقات ثابتة على الباب، فصاح الفريق ضياء قائلاً بنبرة رسمية وهو يدير رأسه في إتجاهه:

-ادخل!

ولج مسعد للداخل بهيئته العسكرية فإتسع فم سابين في إندهاش ملحوظ حينما سلطت أنظارها عليه، فقد بدى كشخص أخر له طلة مهيبة غير ذلك الأبله الذي تعاملت معه قبل قليل، رمشت بعينيها عدة مرات لتتأكد أنه نفس الشخص، وهمست بلا وعي:

-م، موسأد!

لم ينظر هو نحوها، فقد كان متوقعاً أنها أنهت مهمته معها قبل أن تبدأ، لذا أدى التحية العسكرية قائلاً بصرامة دون أن يظهر حنقه منها:

-تمام يا فندم!

أردف الفريق ضياء قائلاً بجدية:.

-اتفضل يا مسعد استلم مهمتك مع الخبيرة!

إرتفع حاجبيه للأعلى في صدمة، وتحركت أنظاره تلقائياً نحوها، وهتف بعدم تصديق:

-أنا…!

↚

لم تختفِ علامات الإندهاش من على وجه سابين بعد أن رأت مسعد بزيه العسكري..

بينما أفاق هو من صدمته الكبيرة، وأشاح بنظراته بعيداً عنها، و انتبه إلى صوت الفريق ضياء وهو يؤكد عليه محذراً:

-هتكمل مهمتك معاها للأخر يا سيادة الرائد، ومش عاوز آآ..

قاطعه مسعد قائلاً بجدية واضحة وقد انتصب بجسده:

-اطمن يا فندم، هانفذ الأوامر كلها

هز الفريق ضياء رأسه بإيماءة خفيفة وهو يتابع:.

-تمام، عاوزك تنتقل لمركز التدريب، وتقوم باللازم هناك

رد عليه بإيجاز جاد:

-حاضر

وأضاف قائلاً بصرامة:

-من اللحظة دي هي مسئوليتك، ومش عاوز أخطاء

-تمام سيادتك

تابعت سابين الحوار الرسمي بينهما بتعجب واضح على قسمات وجهها المشدوه، فقد تبدل حال ذلك المتطفل الغبي – من وجهة نظرها – ليصبح أكثر جدية بطريقة مثيرة للإعجاب..

لم تتوقع هي أن تتأثر بهيئته المختلفة، فحاولت أن تحافظ على جمودها أمامه..

انتبهت لصوته الجاد وهو يوجه حديثها لها قائلاً:

-اتفضلي!

لوت فمها بإبتسامة مصطنعة، ثم نهضت من على المقعد وودعت الفريق ضياء..

تنحى مسعد جانباً ليفسح لها المجال لتمر أولاً، ثم تحرك في إثرها..

سار الاثنين سوياً في الممر المؤدي إلى المصعد الموجود في نهايته، ولم يجرؤ أحدهما على قطع لغة الصمت السائدة بينهما…

وضع مسعد نظارته الشمسية السوداء على وجهه، وتعمد أن يشب بجسده للأعلى ليبدو أكثر صلابة وقوة..

نظرت له سابين بإستغراب بطرف عينها، وازدردت ريقها بتوتر، فقد لاحظت الفرق الشاسع بينهما في الحجم..

بعد أقل من ثلاث دقائق كان كلاهما يقف أمام سيارة مسعد، والذي استطرد حديثه قائلاً بنبرة شبه منزعجة وهو يفتح الباب الأمامي:

-اركبي

ضيقت نظراتها وحدقت فيه بغموض، فلوى ثغره بعد أن حك طرف ذقنه، وتمتم مع نفسه بضيق:

-باينها مش هاتفهمني!

لذا دون تردد جمع علب الطعام البلاستيكية، وأبعدها عن المقعد ووضعها بالخلف، وأشار لها بيده لتجلس..

تنهدت بإرهاق، وركبت في السيارة دون أن تنطق بكلمة..

دار مسعد حول السيارة، وركب خلف عجلة القيادة، وأدار محركها، وتحرك بها بهدوء تام..

في منزل مسعد غراب،

أبدلت إيناس ملابسها، وإرتدت كنزة ضيقة من اللون الأبيض، وأعلاها قميصاً فضفاضاً ( كاروه ) يجمع بين اللونين الأحمر والأسود على سروالها الجينز، وعقدت شعرها الأسود – المجعد – برابطة شعر صغيرة على هيئة ذيل حصان ثم ضفرته على هيئة جديلة لتتمكن من جمعه، ثم خرجت من غرفتها، وصاحت بنبرة عالية وهي تعلق حقيبتها الرياضية على كتفها:

-ماما، أنا نازلة الدرس!

ردت عليها السيدة صفية بنبرة عالية:.

-ماشي، بس ماتتأخريش، خلصي وتعالي على طول!

هتفت قائلة بتهكم:

-هو أنا اللي بأشرح، الرك على المستر لما بيخلص

حذرتها والدتها قائلة:

-طيب يا ليمضة، بس متتلعكيش وإنتي راجعة

-حاضر

خرجت إيناس من منزلها، فقابلت والدها على الدرج، فسألها مستفهماً:

-رايحة فين يا نوسة؟

أجابته بضجر وهي تتنهد بتعب:

-عندي درس يا بابا، الواحد زهق طلوع ونزول

ربت على كتفها قائلاً بحنو:

-ربنا يوفقك يا بنتي، هانت

-ايوه!

أضاف والدها محمد قائلاً بجدية:

-خلي بالك من نفسك يا نوسة

ردت عليه وهي تهز رأسها قليلاً:

-حاضر يا بابا

سألها والدها بهدوء وهو يشير بكفه:

-مش عاوزاني أوصلك للمكان اللي هو فيه؟

أشارت بإبهامها للخلف، وهي تجيبه:

-لأ يا بابا، ماهو مش بعيد، جمب فرن العيش اللي على ناصية الشارع

هز رأسه خفيفاً، وتابع بجدية محذراً إياها:

-طيب، على مهلك وإنتي ماشية

-حاضر.

قالتها إيناس وهي تركض نزولاً على الدرج، بينما أكمل والدها طريقه نحو منزله…

في سيارة مسعد،

ظل مسعد طوال الطريق محدقاً أمامه، ومتحاشياً النظر إلى سابين الجالسة إلى جواره، فقد فضل الصمت لترتيب أفكاره القادمة في التعامل معها خاصة وأنه بات مسئولاً بصورة رسمية عن مرافقتها طوال فترة وجودها، بالإضافة إلى رغبته في الحصول على توصية مميزة في تقييمها النهائي مثلما تصور ليترقى وينضم للحرس الرئاسي..

ما أثار فضول سابين – نوعاً ما – هو تعمده تجاهلها، وكأنه يلقنها درساً بطريقته الخاصة لفظاظته السابقة معه..

حاولت أن تكسر حاجز الجليد بينهما، فأردفت قائلة بلكنة رقيقة وهي مسلطة أنظارها عليه:

-u، اسمك، ايه؟

تثاءب مسعد بدلاً من إجابتها، ثم حرك رأسه للجانبين لتسمع فرقعة فقرات عنقه، فضاقت نظراتها متعجبة من تصرفه الغريب..

أعادت تكرار سؤالها بنبرة مرتفعة:

-اسمك؟

رمقها بنظرات باردة من طرف عينه، وسلط أنظاره على الطريق، ثم هتف بنبرة متذمرة عالياً وهو يشيح بيده خارج نافذة السيارة:

-إنت يا بني، مش تحاسب، في بني آدمين معاك في الشارع، مش طريق أبوك ده!

فغرت شفتيها متعجبة من صياحه الجهوري الغاضب..

طرق بأصابعه على عجلة القيادة، وظل يندندن مع نفسه بكلمات غير واضحة..

فضغطت على شفتيها مغتاظة، ثم رسمت على برود مصطنع، ورددت قائلة بتلعثم:

-إنت، مو، ما، موس، موس، موس.

جاهد ليخفي إبتسامته من محاولتها الفاشلة لتهجئة اسمه، ورد عليها ساخراً وهو ينظر نحوها:

-هتفضلي تقولي مز كتير، كده أنا هاتغر في نفسي! وهاصدق إني مز

لم تستوعب المقصد من جملته الأخيرة، ولكن أدهشها إبتسامته العذبة..

تفاجئت به يجيبها بهدوء وهو ينظر لها من خلف نظارته القاتمة:

-أنا اسمي مسعد يا صابرين

صمت هو للحظة ثم أضاف معاتباً:

-شوفتي أنا فاكر اسمك وانتي لأ! ليا لي عندك حق عرب!

احتارت سابين كثيراً في إيجاد الوصف الملائم لهذا الشخص العجيب، فتارة تجده أبلهاً، وتارة تجده جاداً، وفي أحيان أخرى خفيف الدم..

أفاقت سريعاً من تفكيرها فيه، ورسمت تعابير الجمود على وجهها، وعقدت حاجبيها، وكانت على وشك الرد عليه، ولكن رن هاتفه، فنظر إليه، ومد يده ليمسك به، ثم هتف قائلاً بنبرة فاترة وهو محدق في شاشته:

-باسل!

تابعته سابين بإهتمام، وظنت أنه لن يجيب على اتصال رفيقه مثل المرة الأولى لوجودها، لكنه فاجئها برده عليه قائلاً بحماس:

-برنس! فينك؟

سأله رفيقه بجدية:

-انت اللي فينك يا مسعد، مش باين ليه؟

رد عليه بإمتعاض:

-معلش، كان عندي مأمورية رخمة

ردد باسل بإستغراب:

-رخمة!

التفت مسعد برأسه نحو سابين ليجيبه على مضض:

-جدا، وحط عليها كل اللي يجي في بالك من كلام إنت عارفه!

ثم حدق أمامه، وتابع ساخراً:

– لأ وريحتها محشي!

إنفرج فم سابين في صدمة مما يقول، واحتقنت عينيها غيظاً منه، وهمست لنفسها بغل:

-أنا ريحتي محشي؟!

تساءل باسل بعدم فهم:

-محشي؟! ايه اللي بتقوله ده يا مسعد؟!

حرك رأسه للجانبين، ورد عليه بفتور:

-متخدش في بالك!

سأله باسل بإهتمام:

-المهم خلصتها؟

رد عليه نافياً:

-لأ لسه، إنت عارف بقى، المأموريات اللي من النوع ده مابتخلصش!

أضاف رفيقه قائلاً:

-الله يعينك

فرد عليه مسعد بتنهيدة مطولة:

-يا رب

سأله باسل بإستفسار:.

-طيب هاترجع المركز، ولا هاتعمل ايه دلوقتي؟

رد عليه بجدية:

-لأ رايح هناك، ماهي المأمورية معايا، قصدي هاكمل باقيتها هناك!

سأله بإهتمام أدق:

-دي تبع الفريق ضياء؟

شرد مسعد للحظة، وسأله بعدم فهم:

-مين؟

أجابه باسل بتعجب:

-المأمورية، شبهه يعني، حاجة آآ…

قاطعه مسعد معترضاً وهو يدقق النظرات في سابين:

-لأ المأمورية أحلى، دي خضرا وآآ..

ضاقت نظراتها، وحدجته بحدة، فتنحنح بحرج، وتابع بجمود:

-احم، أقصد باردة ومعندهاش دم!

لم يفهم ما الذي يقوله رفيقه، فسأله بحيرة:

-انت يا بني ركز معايا وقولي بتكلم عن ايه بالظبط؟

أجابه بإبتسامة بلهاء:

-المأمورية اللي قصادي

كزت سابين على أسنانها بحنق، وهمست بصوت خفيض للغاية:

-أنا يتقال عني مأمورية، اوكي!

أضاف مسعد قائلاً بغطرسة:

-قبل ما انسى ابقى عدي على البيت عندي وقول لأبويا مسعد غراب أدها وأدود، سامعني مسعد

عضت سابين على شفتها السفلى، وهمست لنفسها:

-أها، موسأد، افتكرت

تساءل باسل بجدية:.

-انت في حد جمبك يا مسعد؟

رد عليه الأخير بإيجاز:

-أيوه

تفهم رفيقه الموقف سريعاً بذكائه، وأدرك أن صديقه ربما يكون غير قادر على الحديث حالياً بأريحية كما إعتاد منه، فبادر قائلاً بهدوء:

-تمام، طيب أما تفضى كلمني براحتك

رد مسعد قائلاً بنبرة عالية:

-ماشي يا صاحبي، عاوز مني حاجة؟

-لأ يا كبير، ولو عرفت تنجز مأموريتك بدري هتلاقيني عند الكافيه اللي جمبك

-ماشي، سلام.

أنهى مسعد المكالمة معه، وألقى بالهاتف على التابلوه، وأدار رأسه في اتجاه سابين التي كانت وجنتيها تشتعل حنقاً، ورسم إبتسامة باردة على ثغره وهو يقول:

-ده صاحبي، بس لسانه اييييه، بينقط مازوت!

ضغطت على أسنانها بغيظ وهي تهمس:

-هو برضوه ولا انت!

تابع قائلاً بهدوء وهو يشير بيده:

-طبعاً إنتي مش فاهمة حاجة من اللي بأقولها، بس اشطا

نفخت بضيق، وفتحت فمها لتتحدث إليه، ولكنه أضاف بحماس:.

-عارفة يا صابرين، أنا قلبي انشرحلك، صحيح انتي قفلتيني منك في الأول، بس يالا، المسامح كريم، وأهوو اللي ما يعرفك يجهلك!

ردت عليه بنبرة شبه محتدة رغم رقتها:

-إنت آآ، اكلم too much ( كتير )!

-لأ ده أنا رغاي وودني، خدي من ده كتير

جاهدت لتفهم مصطلحاته، وسأله مستفهمة:

-ايه؟

رفع نظارته القاتمة لأعلى جبهته، وحدجها بنظرات غامضة وهو يقول بجدية:

-شوفي احنا لسه مع بعض، والمشوار في أوله، بس عاوزك تعرفي حاجة.

تعجبت من نظراته المسلطة عليها، وسألته بحيرة:

-ايه؟

مال برأسه نحوها، وأضاف قائلاً بنبرة شبه غامضة وهو يغمز لها بعينه اليسرى:

-اللي مايربيهوش الأهالي، يربيه مسعد طول الليالي!

في منزل مسعد غراب،

أسندت صفية صينية المشروبات الباردة على الطاولة الصغيرة، ثم مدت يدها لتمسك بكأس زوجها، وناولته إياه، فشكرها ممتناً، ثم جلست إلى جواره في الشرفة..

نظر محمد ناحيتها، وتنهد قائلاً بشوق:

-البنات وحشوني يا صفية

ردت عليه بنبرة حنونة:

-ربنا يصلح حالهم، هما قالوا هايجوا قريب!

التوى فمه ليضيف بضجر:

-ايوه، بيقولوا كده ومش بنشوف وشهم

ضاقت نظراتها وهي تقول بعتاب:

-مش مع إجوازتهم يا محمد.

هز رأسه موافقاً وهو يقول بفتور:

-على رأيك، المهم يكونوا متهنيين

ابتسمت له صفية وهي تضيف:

-اطمن أنا مكلماهم وهما بخير

ثم تنهدت بحرارة وهي تضيف بتمني:

-عقبال ما نطمن على مسعد!

رد عليه بجدية:

-إن شاء الله، هو الواد ده مقالكيش إن كانت في واحدة كده ولا كده في دماغه

ضربت صفية كفاً على كف وهي تقول بحزن:.

-لأ، وبعدين يا حسرة قلبي عليه، مافيش حاجة بتكمله، كل ما نروح نشوفله واحدة يمكن تعجب، نبص نلاقي المفروض اتفركش قبل ما يبدأ

حرك محمد كفه في الهواء وهو يقول بتعجب:

-أنا مش عارف بس حظه قليل ليه مع البنات مع انه طيب وأخلاقه كويسة

ضاقت نظرات صفية حتى أصبحت حادة وهي تنظر إلى زوجها، وسألته مستنكرة:

-تفتكر ليه يا سيادة اللوا؟!

رد عليه بهدوء وهو يهز كتفيه:

-مش عارف.

تمتمت صفية مع نفسها بضجر وهي تهز رأسه بحركة ثابتة:

-أل يعني مش عارف، من اسمه طبعاً!

في مكان أخر،

انتهت إيناس من درسها الخاص، ووقفت مع رفيقاتها أسفل البناية يتبادلن الحديث عن المنهج الدراسي العقيم..

قفزت إحدى الفتيات بحماس وهي تتجه نحوهن، وهتفت بتنهيدة عميقة:

-مش هاتصدقوا يا بنات، آسر هايروح معايا السينما

عبست إيناس بوجهها، وسألتها بإستغراب:

-وانتي هاتروحي معاه عادي يا هدير؟

ردت عليها هدير بثقة وهي تتغنج بجسدها:

-اه طبعاً، ده الكراش بتاعي!

قطبت إيناس جبينها أكثر، ورددت بتعجب:

-كراش.

ردت عليها ( هند ) بتنهيدة حارة:

-ايوه، كل البنات هاتموت عليه

التوى ثغر إيناس وهي تضيف بسخرية:

-بس أنا شايفاه عادي، مافيش فيه حاجة!

اعترضت هدير قائلة بضيق:

-انتي مش فاهمة أصلاً

حذرتها إيناس بجدية:

-يا بنتي احنا صغيرين على الكلام ده

هتفت هدير بإحتجاج واضح في نبرتها ونظراتها:

-صغيرين ايه بس، اللي أدنا زمان كانوا بيخلفوا عيال

أضافت هند بمزاح:

-واضح إن هدير مستعجلة!

قهقهت إيناس وهي تقول بمزاح:

-جدا.

إغتاظت هدير من إستهزاء إيناس بها، فإعتدلت في وقتها، ووضعت يدها على خصرها، وعبست بوجهها وهي تقول بسخط:

-متزعليش مني يا إيناس، بس مين هايبصلك أصلاً، وانتي كده؟!

ثم رمقتها بنظرات شبه مهينة من رأسها لأخمص قدميها..

تشنجت تعابير وجه إيناس إلى حد ما، وسألتها بحنق:

-تقصدي ايه؟ وضحي كلامك معايا

أجابتها بغطرسة:

-أي ولد بيحب البنت اللي تلفت نظره، فبيدور على طريقة يتكلم بيها معها زيي كده!

ردت عليها إيناس بتذمر:.

-أها، طب ما أنا بأتكلم مع زمايلي عادي، بالعكس بيجوا يسألوني عن مواعيد الدرس، وعن الملخصات لو نزلت وآآ..

قاطعتها هدير قائلة بنبرة متهكمة:

-ده عشان انتي زيهم

عقدت إيناس ما بين حاجبيها بضيق، وسألتها بإستفسار:

-نعم، مش فهماكي!

أخذت هدير نفساً عميقاً، وزفرته دفعة واحدة وهي تجيبها بجدية:

-هما بيكلموكي كأنك بوي ( ولد ) زيهم

هتفت إيناس بصدمة وهي فاغرة فمها:

-بوي!

أوضحت لها هدير قائلة بفتور وهي تشير بإصبعها:.

-اقصد ولد، ما انتي مش فارقة عنهم حاجة، شوفي طريقة لبسك وشكلك، وحتى تسريحة شعرك!

صدمت إيناس مما قالته رفيقتها على مرأى ومسمع بقية الفتيات، فعجزت عن الرد عليها..

تابعت هدير قائلة بسخرية:

-يا نوسة ده أنتي مش بتفكري تفردي شعرك ولا تعملي فيه حاجة وهو أكرت كده!

أضافت هند قائلة بمزاح:

-بصراحة انتي محتاجة تتصنفري عشان تباني قصادهم بنت!

ثم ضحكت الفتيات على هيئتها بطريقة استفزتها أكثر..

حافظت إيناس على هدوئها، وردت قائلة ببرود:

-أنا عاجبني شكلي كده، وبعدين أنا مش هابص على عيال، دول بياخدوا المصروف من أبوهم!

تقوس فم هدير للجانب وهي تقول:

-وهو حد قالك كلمي دول، في شباب تانيين أكبر ينفعوا!

هزت إيناس رأسها معترضة، وتابعت بجدية واضحة:

-وأنا مش عاوزة، أنا هدفي الوقتي أنجح وأجيب مجموع حلو عشان أدخل فصول الفائقات في ثانوي

أشارت لها هدير بيدها في عدم إكتراث وهي تردد:.

-خليكي انتي في مذاكرتك اللي مش هاتجيب نتيجة، وفي الأخر هتتساوي مع أي واحدة غشت ونجحت! كله محصل بعضه

عنفتها إيناس قائلة:

-يا باي على الإحباط بتاعك!

ثم علقت حقيبتها على كتفها، وتابعت بإصرار:

-أنا مبسوطة باللي أنا فيه

وضعت هند يدها على كتف هدير، وأردفت قائلة برقة:

-خليها على راحتها

التفتت هدير برأسها نحوها، وردت بتصنع:

-أنا بأنصحها!

نفخت إيناس بضجر وهي ترد عليها:.

-وأنا مش عاوزة النوعية دي من النصايح، ويالا باي عشان ألحق أروح البيت!

ردت عليها هدير بسخط:

-ده انتي ساكنة هنا، تتأخري ايه بس

أوضحت لها إيناس قائلة:

-أنا معودة بابا على مواعيدي اللي زي السيف

أضافت هند قائلة بصوت خافت:

-سبيها يا هدير، ويالا احنا عشان نظبط خروجة السينما

-اوكي

سارت إيناس بمفردها في الطريق الخلفي وهي تتعجب من تفكير رفيقاتها حول الإرتباط بالشباب..

فلم تنتبه هي لوجود شخص ما يراقب فريسته القادمة لسرقة ما معها من نقود في غفلة منها..

التوى ثغر ذلك اللص بإبتسامة خبيثة، وألقى ببقايا سيجارته على الأرضية بعد أن حدد هدفه، ثم تبعها بحذر..

أخرجت إيناس هاتفها المحمول لتتابع أخر المستجدات على صفحتها بالفيس بوك، وكانت مندمجة في قراءة بعض التعليقات على منشور ساخر..

اقترب اللص من إيناس، وأصبح على بعد خطوتين منها..

كانت حقيبتها تتدلى من على كتفها بطريقة مغرية لأي شخص ليسرقها، وبالفعل نفذ اللص خطوته التالية حينما توقفت لتطبع تعليق ما…

جذب بعنف الحقيبة منها، وركض سريعاً للأمام، فصرخت هي مصدومة من فعلته، وعَلِق ذراعها بالحقيبة مما اضطر اللص لضربها بقوة في كتفها ليحرر الحقيبة..

وقعت إيناس على الأرضية كردة فعل لضربته المباغتة، ولكنها لم تستسلم لآلامها، حيث نهضت سريعاً، ووقفت على قدميها لتركض على إثره وهي تصرخ بصوت مرتفع:

-حرامي، الحقووووني، اتسرقت! حرامي، حد يمسكه

لم يتوقع اللص أن تركض تلك الفتاة خلفه، فحاول تضليلها، والهروب منها..

في نفس التوقيت، أنزل النادل قدح القهوة الساخن الذي طلبه باسل على طاولته القريبة من الرصيف، فشكره، ثم بدأ يرتشفها ببطء..

ظل ينظر إلى حركة سير السيارات والزحام في أول الطريق بعدم إهتمام..

ولكن سريعاً انتبه لما يحدث على الناصية، واعتدل في جلسته، وضاقت نظراته ليدقق في تلك الفتاة الصغيرة وذلك الرجل الذي تركض خلفه…

ارتسمت علامات الصدمة على وجهه حينما تأكد من هويتها، وهتف بذهول:

-إيناس!

هب باسل سريعاً من على مقعده، وركض خلفهما..

استطاع أحد المارة الإمساك باللص، وأوقعه أرضاً، ولكن ضربه الأخير بقوة، ثم زحف مبتعداً ليتمكن من النهوض، وعبر للناحية الأخرى من الطريق فتعذر على أحد الإمساك به..

كانت إيناس على وشك عبور الطريق أثناء حركة السيارات السريعة دون إكتراث، فشاغلها الأكبر الإمساك بمن سرقها، ولكن قبض باسل على ذراعها، وأحكم قبضته عليه، ثم جذبها للخلف وهو يصيح بها:.

-استني يا إيناس، إنتي مجنونة

تلوت إيناس بذراعها محاولة تحريره وهي تردد بإصرار:

-حاسب يا باسل، خليني أمسك الحرامي

صاح بها بصوت هادر وهو يرمقها بنظرات غاضبة:

-إنتي مش شايفة الشارع!

أضافت بسخط:

-ده سرقني!

أشار بكفه بنبرة شبه محتدة:

-خلاص، هرب

ثم أرخى قبضته عنها، فنفخت بضيق، واحتجت قائلة:

-يوووه، ما إنت لو مامسكتنيش كنت آآ…

قاطعها قائلة بجدية:

-كنتي بقيتي مفرومة على الإسفلت.

صدمت من رده، ورمقته بنظرات غريبة، بينما تابع باسل قائلاً بجدية:

-إنتي مش واخدة بالك من الإشارة المفتوحة!

التفتت حيث أشار، وركلت الأرض بقدمها اليمنى وهي تنفخ بتبرم:

-أوف! فلت مني ابن المحظوظة

اقترب أحد الأشخاص من إيناس، ومد يده بحقيبتها وهو يقول بنبرة خشنة:

-اتفضلي يا بنتي شنطتك أهي!

ردت عليه إيناس بإمتنان:

-كتر خيرك يا عمو!

حذرها الرجل قائلاً بجدية:

-خلي بالك وانتي ماشية

ردت عليه إيناس بإعتراض:.

-هو غفلني بس!

أضاف الرجل قائلاً بصوته الآجش وهو يتحرك مبتعداً:

-ربنا يحميكم يا بنتي وينجحك

ابتسمت له مجاملة وهي تقول:

-متشكرة يا عمو

عقد باسل ساعديه أمام صدره، وسألها بضيق بادي في نبرته وفي نظراته إليها:

-خلصتي؟

ردت عليه بجدية وهي تتفحص محتويات حقيبتها:

-استنى أما أطمن على الشنطة!

تفاجيء مما تفعله وأرخى ذراعيه، وإعترض قائلاً بسخط:

-هو هيلحق يبص فيها!

هتفت إيناس قائلة بإصرار:

-برضوه، ده فيها شقى عمري كله.

سألها بإهتمام:

-فلوس يعني؟

ردت عليه بجدية مفرطة:

-لأ ملخص الدراسات!

ضرب بكف يده مقدمة جبينه، وتمتم بحنق:

-أخت مسعد، هاخد منها ايه!

تنهدت إيناس بإرتياح، واعتلى ثغرها إبتسامة عريضة وهي تقول:

-كله تمام الحمد لله

عقد باسل ما بين حاجبيه، وسألها معاتباً بإنزعاج:

-وبعدين إنتي ازاي أصلاً تجري ورا حرامي بالشكل ده؟

ردت عليه بشراسة وهي تجز على أسنانها بقوة.

-اومال عاوزني أسيبه، ده لو كنت طولته، كنت خدته مقص، وبركت فوقيه، وأديته باللوكميات واحدة ورا التانية لحد ما أنزل صف سنانه!

التوى ثغره بتهكم، ورد عليها بسخرية:

-لأ باين إنك تقدري تعملي كده

انتصبت إيناس بجسدها، وهتفت بفخر:

-ماتستقلش بيا، ده أنا كنت بألعب كارتيه!

رد عليها بسخرية:

-بتلعبي ولا بتأكليه؟!

عوجت شفتيها لتقول بإعتراض:

-هيهيهيه، بايخة!

أشار باسل بكفه لها وهو يضيف بهدوء:

-طب تعالي أوصلك البيت.

ردت عليه بتذمر وهي تعلق حقيبتها على كتفها:

-ما هو هناك أهو، مش هاتوه يعني!

رمقها بنظرات حادة وهو يقول بتبرم:

-يا ساتر على لسانك، عنده حق مسعد يتهبل منك!

رمشت بعينيها وهي تتساءل بتلهف:

-هو بيحكيلك عني؟!

هز رأسه نافياً:

-لأ، إطلاقاً

تابعت إيناس قائلة بحماس:

-ماشي، عارف يا باسل الصيف الجاي هاتعلم تايكوندو ولا كونج فو عشان أبقى مستعدة لأي مفاجأت!

شعر باسل بالملل من ثرثرتها الزائدة، وأردف قائلاً بإقتضاب:.

-يالا يا إيناس، ربنا يهديكي!

تجاهلته إيناس، وظلت تنفض سروالها الجينز من التراب العالق به، فصاح بها مستهزئاً:

– يالا يا وحش الكونج فو

ضاقت نظراتها، وعبست بوجهها وهي تردد بسخط:

-بتتريق!

رد عليها بإيجاز وهو يهز رأسه نافياً:

-لأ!

انتهت إيناس مما تفعله، ثم سارت إلى جوار باسل بخطوات ثابتة وعلى ثغرها إبتسامة سعيدة، ولكن سريعاً ما تلاشت حينما انتبهت لصوته الخفيض وهو يتمتم لنفسه ساخراً منها لتشعر بإهانته الصريحة نحوها وهو يقول:

-استحالة تكون دي بنت…!

↚

ضغطت إيناس على شفتيها بقوة محاولة التحكم في النيران المستعرة بداخلها عقب إهانة باسل لها..

رمقته بطرف عينها بنظرات شرسة، وبدى الوجوم واضحاً على تعابير وجهها، فمهما كانت تصرفاتها لا يحق له الإساءة إليها..

لم تستطع إيقاف تلك الأفكار العنيفة التي اجتاحت عقلها لتأديبه..

ودت لو تعلقت بعنقه، وقبضت عليه بكفيها وخنقته بقوة حتى يشعر بآلمها من كلماته، فبعض الكلمات وإن كانت موجزة قد تصيب في مقتل..

التفت باسل برأسه فجأة نحوها، فوجدها محدقة به بنظرات غير مريحة، فسألها بإستغراب:

-مالك؟ بتبصيلي كده ليه؟

ضاقت نظراتها الغاضبة نحوه، وأجابته بإقتضاب:

-مافيش

لم يعر باسل للأمر أي اهتمام، ولم يهتم حتى بسؤالها عن سبب عبوسها المفاجيء، فزاد حنقها منه..

حدق أمامه، وأشار لها بيده وهو يقول بجمود:

-احنا وصلنا، اطلعي يالا

كزت على أسنانها وتوعدته في نفسها:

-ماشي يا بسلة، هاوريك!

تحركت بخطى سريعة نحو مدخل البناية، بينما استدار هو عائداً للمقهى..

وقعت عيني إيناس على حجر صغير مُلقى عند بوابة البناية، فطرأ ببالها فكرة طائشة..

لم تتردد في فعلها، بل أسرعت بالإنحناء، ومدت يدها لتلتقط الحجر، ثم التفتت عائدة في إثر باسل..

وقفت في مكانها، وركزت أنظارها عليه، ثم أرجعت ذراعها للخلف، وألقته بكل ما أوتيت من قوة عليه..

ارتطم الحجر بظهر باسل، فقبضت ذراعها وهي تهتف لنفسها بتشفي:

-احسن.

شعر باسل بآلم مفاجيء في ظهره، فإلتفت للخلف ليرى ما الذي حدث وقد تحول وجهه للعبوس الشديد..

في تلك الأثناء ركضت إيناس عائدة للداخل كي لا يراها..

لمح باسل طيف شخص ما يركض، فتحرك بخطوات أقرب للركض، فرأها وهي تصعد على الدرج، فحك مؤخرة رأسه وهو يقول بضجر:

-هبلة دي!

لف هو ذراعه للخلف ليفرك موضع الآلم، وتساءل مندهشاً:

-عملت كده ليه؟!

ركضت إيناس على الدرج، ولم تتوقف لإلتقاط أنفاسها اللاهثة، فقد خشيت من ردة فعل باسل..

ولكن مازال ذلك الشعور بالسخط والضيق مسيطراً عليها..

خاصة وأنها كانت كلمات جارحة بما تكفي لإشعارها بالنقص…

في نفس التوقيت رأت هدير رفيقتها إيناس وهي تسير إلى جوار ذلك الشاب الوسيم أثناء عبورها للجانب الأخر من الطريق، وانفرج فمها بصدمة جلية على تعابيرها..

فهي لم تتوقع أن تراها بصحبة أي أحد، وأثار فضولها أن تعرف المزيد عن علاقتهما سوياً…

عبثت بشعرها المصفوف بعناية، وطرحته للخلف بدلال وهي تغمغم مع نفسها:

-مش ممكن، المز ده ماشي معاها، أكيد في بينهم حاجة، لازم أطأس منها وأعرف!

عقدت هي النية على كشف غموض تلك العلاقة الغير منطقية من وجهة نظرها خلال المساء عندما تنتهي من فسحتها الحالية…

في منزل عائلة مسعد غراب،

فتحت إيناس باب منزلها بالمفتاح الذي يخصها، ثم سارت نحو غرفتها، وصفقت الباب خلفها بعصبية، وألقت بحقيبتها دون إكتراث على الأرضية، ثم وقفت أمام المرآة لتتأمل هيئتها بدقة..

ظلت محدقة لنفسها لفترة من الزمن..

أمسكت بخصلات شعرها المجعد وهي ترتجف، ودققت النظر في حاجبيها الكثيفين والغير منمقين..

تحسست بأناملها بشرتها، وأدارت وجهها للجانبين لتتفحصه أيضاً..

وأدركت أنها بالفعل لا تمتلك مواصفات الجمال القياسية..

هي فتاة عادية، بسيطة الملامح، بشرتها غير بيضاء لتلفت الانتباه، ولا تمتلك أعين ملونة، أو حتى تضع عدسات لاصقة كغيرها، بل هي على العكس مشاكسة، حادة الطباع، تتصرف بطريقة صبيانية للغاية..

تأملت ملابسها أيضاً، لم يكن بها أي لمحة أنثوية على الإطلاق..

ترقرقت العبرات في عينيها بعد أن رأت بوضوح أنها بالفعل تشبه الرجال في أغلب صفاتهم..

وتردد في أذنيها صدى كلمات باسل المهينة، فنكست رأسها خزياً، وسدت أذنيها بكفيها بقوة..

ولجت والدتها إلى غرفتها، ونظرت لها متعجبة، وسألتها بإستغراب:

-مالك يا نوسة؟ في حاجة حصلت؟

رفعت هي رأسها للأعلى، ونظرت إلى والدتها بأعينها الدامعة، تحركت شفتيها بحركة عصبية، وقاومت رغبتها في البكاء، لكنها لم تتحمل نظرات والدتها نحوها…

شهقت صفية بقلق حينما رأت ابنتها على تلك الحالة، وأسرعت نحوها وهي تسألها بخوف:.

-حصلك ايه يا نوسة؟ اتكلمي!

أجهشت إيناس بالبكاء وهي تمتم قائلة:

-هو، هو أنا وحشة يا ماما

احتضنتها والدتها، وضمتها إلى صدرها، ثم مسدت على شعرها وهي تقول بحزم:

-وحشة، قطع لسان اللي يقول عنك كده

أرجعت إيناس رأسها للخلف، وحدقت في عيني والدتها وهي تسألها بجدية مفرطة:

-هو أنا شبه الولاد؟

قطبت صفية جبينها بتعجب، وعبس وجهها وهي ترد عليها بتساءل:

-الله! مين قالك كده؟!

ابتلعت تلك المرارة العالقة بجوفها وهي تتابع بصعوبة:

-طب، طب أنا ليه مش زي بقية البنات عندي شعر حلو وعينين ملونة؟!

ردت عليها والدتها بإستنكار:

-لا حول ولا قوة إلا بالله، في ايه يا إيناس، اقعدي كده واهدي وفهميني بالظبط اللي حصل!

سردت إيناس لوالدتها ما حدث مع رفيقاتها بعد أن جلست كلتاهما على طرف الفراش، وتعمدت هي حذف الجزء الخاص بباسل حتى لا تتعرض للتوبيخ..

أشفقت صفية على حال ابنتها، ومسحت على وجنتها برفق، ثم أردفت قائلة بنبرة أمومية حانية:

-دول بنات تافهين وهبل، انتي زي القمر وحلوة

اعترضت إيناس قائلة بتبرم:

-بس، بس أنا اتقالي استحالة تكوني بنت!

كانت تقصد بعبارتها الأخيرة ( باسل ) الذي أساء إلى شخصها..

هدرت والدتها بنبرة شبه منفعلة:

-دول اتعمى في عينهم، وغيرانين منك

التوى ثغرها بتهكم وهي تقول:

-هايغيروا مني ليه؟!

ردت عليها والدتها بثقة:.

-عشان انتي أشطر منهم ومتفوقة، هما عاوزين يحبطوكي وآآ…

لم تقتنع إيناس بما تقوله والدتها، ولم تنتبه إلى باقي حديثها فقد وجدت أنها مبررات واهية وغير كافية لإخماد النيران المستعرة بداخلها..

ربتت صفية على ظهر ابنتها، وتابعت قائلة بهدوء جدي:

-مش عاوزاكي تحطي في بالك الكلام الفارغ ده، وركزي في مذاكرتك، إنتي داخلة على امتحانات، ومحتاجة كل ثانية عشان تنجحي وتجيبي مجموع وتحققي اللي نفسك فيه.

كفكفت إيناس عبراتها بكم قميصها، وردت بإقتضاب:

-ربنا يسهل

ابتسمت لها والدتها إبتسامة دافئة وهي تقول:

-ربنا يهديكي يا بنتي، ويبعد عنك ولاد الحرام!

هزت إيناس رأسها بهدوء ولم تضفْ كلمة، ولكن عقلها لم يتوقف عن التفكير فيما حدث لها..

في مكتب ما بجهة سيادية،

أغلق الفريق ضياء الملف الذي كان بحوزته، وحدث قائده قائلاً بجدية:

-ده يا فندم تقرير أولي باللي حصل

تناوله القائد منه، وتفحصه بنظرات سريعة وهو يوميء برأسه متفهماً، ثم رد عليه بنبرة رسمية:

-عظيم، أنا محتاج أكون على اطلاع أول بأول بالمستجدات، الموضوع حساس جداً

تقوس فم الفريق ضياء بإبتسامة محدودة وهو يقول:

-اطمن يا فندم، أنا بنفسي بأشرف على العملية دي.

أشار له القائد بإصبعه وهو يقول بنبرة محذرة للغاية:

-أنا متأكد من اهتمامك، بس لازم تأكد على رجالتك عدم التعرض ليها، ماتنساش إنها لوحدها معاهم، واحنا عارفين الشباب ودماغهم!

استنكر الفريق ضياء ما يقوله، واعترض قائلاً:

-أنا رجالتي بعاد كل البعد عن النوع ده من الأفكار

رمقه القائد بنظرات جادة وهو يؤكد عليه:

-الحرص واجب برضوه

هز الفريق ضياء رأسه متفهماً، وأردف قائلاً بهدوء:

-حاضر يا فندم، أنا هانبه على الكل.

-تمام..

في سيارة مسعد،

دندن مسعد مع نفسه بلحن مرح وهو يضرب بأصابعه على المقود، بينما تهدل كتفي سابين في إنهاك واضح عليها..

التفتت نحوه برأسها، وسألته بنبرة خافتة ورقيقة ولكن باللغة العربية الفصحى:

-متى سنصل ( الفندق )؟

أدار مسعد رأسه ناحيتها، وعقد ما بين حاجبيه بإستغراب وهو يردد بعدم فهم:

-بندق، انتي جعانة؟

عضت على شفتها السفلى وهي ترمقه بنظرات حادة، بينما تابع هو قائلاً بإندهاش:.

-أنا مش معايا بندق، والحاجات دي مش بنشوفها إلا في ياميش رمضان، يا إما على وش التورتة لما تكون محترمة ومتوصي عليها!

تنهدت بتعب من ثرثرته المبالغة، ثم ابتسمت له بتصنع وهي تقول بإنهاك:

-بليز، أنا آوز ( عاوزة ) أنام

هز رأسه بحركة خفيفة، وهتف متحمساً:

-أها فهمتك، احنا قربنا نوصل خلاص

سألته جدياً وهي عابسة الوجه:

-أنا هاذهب إلى أين؟

أشار لها بكفه وهو يقوس فمه بضيق:.

-بلاش وحياة أهلك جو الدبلجة السوري ده، كلميني عربي

استغربت منه، واعترضت قائلة:

-هذا آربيك ( عربي )

أخفض نبرة صوته وهو يردد بخفوت:

-هذا وهذه وجو الإعراب ده أنا واقع أصلاً فيه

أدار رأسه في إتجاهها مرة أخرى، وأكمل قائلاً بجدية:

-احنا محتاجين كورسات تواصل سوا يا صابرين، لأحسن الدنيا هتكلكع معانا، وهانلوص!

ردت عليه بضجر وهي تحرك رأسها بيأس:

-بليز ممكن إنت اكلم بالراهة ( بالراحة )

غمز لها قائلاً بمرح:.

-حاضر، عيوني، بالراحة بالراحة، بشويش بشويش!

بعد برهة، وصل مسعد بسيارته إلى مركز التدريب الخاص بتشكيله العسكري..

اعتدلت سابين في جلستها على المقعد، وتأملت المكان بنظرات دقيقة ومتفحصة..

كانت تتوقع أن يتجه بها إلى الفندق، ولكنها تفاجئت به يصطحبها إلى مكان أخر مليء بمن يشبهه من ذوي الثياب العسكرية، وأصحاب الأجساد القوية…

لاحظ مسعد حالة الشرود البادية على وجهها، فاستطرد حديثه قائلاً بتحمس:

-أهلا بيكي في معقل الرجال، هنا هتشوفي العجب كله.

ابتلعت ريقها بتوتر فقد كان المشهد مربكاً، فهي أنثى بمفردها وسط هذا المجتمع الذكوري..

رسمت ابتسامة هادئة على ثغرها، ولم تعقب بشيء..

ركن مسعد السيارة في المكان المخصص لها بالجراج..

بينما جابت سابين بنظراتها المترقبة المكان من حولها..

ترجل هو من سيارته، ودار حولها ليفتح الباب لسابين..

ابتسمت له ممتنة، ثم ترجلت هي الأخرى منها..

أشار لها بيده وهو يقول بجدية:

-تعالي، احنا هانروح المبنى الرئيسي من هنا.

أومأت برأسها إيجاباً وهي تقول بإيجاز:

-اوكي

فتح مسعد صندوق السيارة، وسحب حقيبة سابين للخارج، ثم أغلقه، وتحرك للأمام، ولحقت هي به..

استمعت سابين إلى صوت صافرات إعجاب تأتي من نواحي متفرقة، وبعض العبارات المتغزلة بها دون أي خجل، فتوردت وجنتيها حرجاً مما يحدث..

صاح أحدهم بنبرة عالية:

-منور يا مسعد

بينما أضاف أخر:

-نورك غطا على الكهربا

وهتف ثالث متغزلاً:

-جميل و أبيض

-حوش اللي وقع منك يا مسعد.

-حلاوتك زايدة النهاردة ومغطية

-مش هتاخدنا بالحضن يا مسعد، ده حتى وحشة في حقك

تنحنح مسعد بخفوت، فقد أزعجه ما يحدث من تجاوزات غير مقبولة، وأدار رأسه في اتجاهها، ورسم ابتسامة بلهاء على ثغره وهو يقول:

-معلش، احنا آآ، شعب عاطفي بطبعه

ضيقت نظراتها وسألته بإيجاز:

-بجد؟

تنحنح بصوت مسموع، وتابع قائلاً بحرج:.

-احم، مش مقتنعة صح، بصي هما الشباب مأفور حبتين، بعيد عنك عندهم جفاف عاطفي، حرمان من الحنان، بس طبعاً ده بيحصل في حدود الأدب!

رفعت حاجبها مستنكرة وهي تقول لنفسها بسخط:

-لأ باين!

وصل مسعد عند البوابة الرئيسية للمبنى العسكري، فأسند حقيبتها على الأرضية، وإستدار نحوها، وأشار لها بيده قائلاً بحزم:

-استنيني هنا ثواني

-اوكي

ولج هو للداخل، بينما وقفت هي بمفردها تتلفت حولها بحذر..

وقعت أنظارها على أعين الرجال المحدقين بها، فدب في أوصالها رعشة خفيفة..

أشاحت بوجهها بعيداً، وتمتمت مع نفسها بقلق:

-شكل الأيام الجاية هاتكون صعبة، يا ريت أمشي من هنا بسرعة!

غاب مسعد لفترة فشعرت سابين بالقلق من غيابه الذي طال..

وبالطبع لم تسلم من التعليقات السخيفة والمبالغة من الشباب المتحمس لوجود أنثى وسطهم..

لمحته وهو يسير بخطوات سريعة نحوها وهاتفاً بجدية:.

-معلش اتأخرت عليكي، بس كان في مشكلة كده وبأحلها

نظرت له بحيرة وهي تحاول فهم ما يقول، لكنه سريعاً ما أضاف بعدم اكتراث:

-بس متقلقيش، مسعد الجن، بيظبط كل حاجة

ابتسمت له وهي تردد على مضض:

-اوكي

لمح هو الشباب المتجمع على مقربة منها، فلوح لهم بذراعه وهو يهتف بحماس:

-منورين يا رجالة

رد عليه أحدهم بمكر وهو يغمز له:

-ايه يا مسعد مش تعرفنا

أجابه بحذر وقد إرتسم على قسمات وجهه ملامح جادة:.

-خبراء أجانب، أمريكان، ها، أمريكان، ماشي، يعني مارينز، وحركات، فخدوا بالكم، ومتوصي عليها من فوق!

هتف أخر بنبرة عالية رغم عدم اقتناعه:

-تمام يا باشا، احنا موجودين في الخدمة لو عوزت حاجة

لوح لهم بكفه وهو يرد:

-شكراً

تساءلت سابين بإرهاق وهي محدقة بمسعد:

-موسأد، هو أنا هأنام فين؟

رد عليها بإبتسامته العريضة:

-هنا يا صابرين

ارتفع حاجبيها للأعلى في تعجب واضح، وهتفت مصدومة:

-ايه What) )؟

رفع لها إبهامه بعلامة الإنتصار وهو يرد بثقة:

-أنا خدتلك أوضة مخصوص، زي ما بيقولوا وصاية، احنا بنعتبرها فايف ستارز

سألته بنزق وهي تنفض خصلات شعرها:

-في فندق هنا؟

تجهم وجهه وهو يرد بجمود:

-لأ طبعاً، في أوض للظباط!

أشارت له بإصبعها وهي تسأله بفضول:

-إنت نام هنا؟

رد عليها بجدية

-ايوه، أومال يعني بأبات في الطل، الكل بيبات هنا

هزت رأسها متفهمة وهي تقول بخفوت:

-أها، I got it ( فهمتك ).

انحنى مسعد بجذعه للأمام ليمسك بحقيبتها، ثم أشار لها برأسه وهو يتحرك قائلاً:

-تعالي هاوريكي هتقعدي فين!

ثم رمقها بنظرات ذات مغزى، وأكمل سيره نحو غرف الضباط الملحقة بالمبنى السكني المتواجد في زاوية المركز..

تبعته سابين بخطوات حذرة، وازدردت ريقها بتوجس وهي تحدث نفسها:

-مش مرتحالك، شكلك ناوي على حاجة…!

↚

في مركز التدريب،

تحركت سابين خلف مسعد وتلفتت حولها بحذر متأملة أوجه المحدقين بها وكأنها كائن فضائي قد هبط تواً من مكوكه الصاروخي..

كانت الحرارة عالية للغاية، ولا يوجد أي مساحة للإستظلال بها..

لوحت بيدها في الهواء محاولة تحريك تلك النسمات الثابتة لعلها ترطب عليها، لكن دون جدوى..

تساءلت هي بصوت مرهق:

-موسآد، ألا يوجد مظلات؟

إستدار برأسه نحوها، وسألها بعدم فهم وهو محدق بها:

-ايه؟

ردت قائلة بإنهاك:.

-مظلات!

هز رأسه بالإيجاب وهو يقول بحماس:

-اه طبعاً موجود، ده احنا عندنا تشكيل بالكامل على أعلى مستوى ممكن تتخيليه!

سألته بتلهف وهي تتلفت حولها:

-فين؟ ( Where )

أومأ بعينيه وهو يجيبها بثقة:

-في المركز بتاعهم، هما مش هنا، وبيقوموا بمهمات في آآ…

أدركت سابين أن مسعد لم يفهم سؤالها جيداً، فقاطعته معترضة وهي تشير بيدها:

-نو نو نو ( No, no) موسأد، إنت مش إفهم، أنا أتكلم عن مظلة، ممم، Umbrella ( شمسية ).

حك مؤخرة رأسه بيده، وسألها بحرج:

-اللي هي آآ، بسطيهالي شوية

ردت عليه بجدية:

-Umbrella!

بدى مسعد غير قادراً على فهم لكنتها، فعضت على شفتها السفلى وهي تحاول إجابته باللغى العربية، فخرج صوتها متلعثماً وهي تقول:

-هي شم، شم، آآ..

قاطعها قائلاً بحماس مفرط:

-شمامة

إرتفع حاجبها للأعلى، وفغرت فمها لتردد بحيرة:

-ماذا ( What )؟

فسر لها قائلاً بهدوء:.

-شمام، بتاع أصفر كده بيتاكل، بيتقال عليه في الفلاحين أناناس، وهو شبه الكنتالوب وآآ…

قاطعته قائلة بعد أن توصلت لمعنى الكلمة الصحيح:

-لأ، هي شمسية!

أرجع رأسه للخلف، وتنهد بعمق وهو يضيف بعتاب زائف:

-آها، طب ما تقولي شمسية، لزمتها ايه تعوجي بؤك عليا

ابتسمت له ابتسامة باردة وهي تسأله:

-سوري، هي فين؟

أجابها بإيجاز وهو يهز كتفيه في عدم مبالاة:

-مافيش!

ردت عليه بلكنة عربية متكسرة:

-هاه، فيش!

حرك رأسه مؤكداً بجدية:

-ايوه، مافيش شماسي هنا!

قطبت جبينها بشدة، واحتجت قائلة بضيق واضح في نبرتها وتعابير وجهها:

-ليه موسأد؟ دي مهمة، إحميك من الشمس!

برر لها قائلاً بإمتعاض وقد ظهرت علامات الوجوم إلى حد ما في تقاسيمه المشدودة:

-يا صابرين احنا مش بتوع شمسيات ومظلات والحركات دي، احنا أقصى طموحنا هنا ناخد أجازة ومانشوفش وش ناس معينة، ومحدش يقرفنا فيها!

-اوه! غريب ( Wired ).

اعترض طريق مسعد أحد زملائه، وتشكل على وجهه ابتسامة سخيفة وهو يتساءل بفضول:

-مين دي يا مسعد؟ مش تعرفنا يا بطل!

رد عليها بنبرة قاتمة وهو يرمق زميله – فادي – بنظرات ساخطة:

-اهو ده واحد من الوشوش اياها!

هتف فادي قائلاً بإصرار:

-مردتش عليا! مين دي يا باشا؟

أجابه مسعد بفتور:

-خبيرة أجنية يا فادي!

أردف فادي قائلاً بسخرية:

-خميرة

احتقن وجه مسعد نوعاً ما، ورمقه بنظرات قوية وهو يتابع بنبرة جادة للغاية:.

-بأقولك خبيرة دولية جاية هنا، فبلاش ألشك الرخم الله يكرمك

تفحص فادي سابين بنظرات دقيقة أحرجتها من رأسها لأخمص قدميها وهو يكمل بتعجب:

-واحنا من امتى بيبعتولنا صواريخ كده أرض جو من غير ما يقولولنا؟!

تحرك مسعد بجسده ليسد عليه الرؤية، وتابع قائلاً على مضض:

-بأقولك ايه يا فادي دي تقفيل بلاد برا، أمريكاني يعني، ومتوصي عليها من فوق أوي!

ثم رفع إصبعه ليحذره قائلاً:.

-فخلي بالك، شغل العواطف والترحيب الأوفر والحركات النص لبة دي ماتكولش معاها، فمافيش داعي منه!

حك مؤخرة رأسه بعدم اقتناع وهو يتمتم:

-ماشي، ماشي، بس قولي هي جاية زيارة عندنا؟

نفخ مسعد بنفاذ صبر وهو يجيبه:

-حاجة زي كده!

سأله فادي بفضول وهو يضيق نظراته:

-يعني هاتقعد معانا؟

أجابه بإمتعاض بادي في نبرته:

-احتمال!

ارتسمت ابتسامة عريضة على ثغره، وهتف بتحمس زائد:.

-يا سيدي احنا عاوزين نخدم، ونقوم بواجب الضيافة مع الأجانب، لزوم تنشيط السياحة!

رد عليه مسعد ساخراً:

-اه، ما أنا عارف قلبكم الرهيف، فجأة الحس الوطني زاد عندكم وفاض!

أضاف فادي قائلاً ببرود:

-طبعاً

ثم تحرك للجانب، وحدق في سابين بنظرات مطولة وهو يسألها بصوت رخيم:

-والجميل اسمه ايه؟

وضع مسعد يده على كتف فادي، وضغط عليه بقوة وهو يقول بحنق:

-صابرين مابتعرفش عربي، فلخص.

قطب فادي جبينه بإندهاش، ومط فمه قليلاً بتعجب وهو يردد بعدم تصديق:

-مممم، صابرين، بقى الحلاوة دي كلها اسمها صابرين

رد عليه مسعد بإمتعاض:

-حكمة ربنا زي ما أنا اسمي مسعد!

أضاف فادي قائلاً ببرود مستفز:

-يا شيخ، طب أنا بأعرف لغات كويس!

هز مسعد رأسه بحركة خفيفة وهو يضيف ساخراً:

-ايوه، معاك لغتين وهاتخويها بالتالتة قريب

قهقه فادي بطريقة سخيفة، ثم هتف:

-دمك خفيف يا مسعد

نفخ مسعد بصوت مسموع وهو يرد عليه:.

-متشكر يا سيدي

لوح فادي بيده وهو ينظر في إتجاه سابين ليضيف:

-عاوز أقولك يا أستاذة إن مسعد ده أكتر واحد آآ…

قاطعه مسعد ليقول بحنق:

-مختلف هنا

مازحه فادي قائلاً بضحكة عالية:

-لأ متخلف!

انزعجت سابين من أسلوب ذلك الشخص السمج، ورمقته بنظرات ساخطة وزفرت بهدوء..

انزعج مسعد من اسلوبه الفج في المزاح، وحذره بجدية واضحة:

-هاتغلط يا فادي؟!

رسم فادي على شفتيه ابتسامة هادئة وهو يرد عليه بحذر:

-بأهزر معاك، فكك بقى!

ثم اندفع بجسده ناحية سابين التي تراجعت خطوة للخلف، ومد يده ليصافحها وهو يقول بنبرة دبلوماسية:

-هالو أنا فادي

ردت عليه سابين بفتور وهي تسحب يدها سريعاً من قبضته:

-هاي أنا سابين!

تعمد فادي أن يتحدث باللغة الإنجليزية مع سابين، فقد وجدها فرصة للتودد إليها دون أن يعترضه مسعد، لذا رفع حاجبيه في إعجاب، وتمتم قائلاً وهو يغمز لها:

-واو، اسمك جميل ( Nice name by the way ).

ظهر على وجه سابين علامات الإنزعاج واضحة من طريقته المصطنعة، ومع هذا أجبرت نفسها على الحفاظ على هدوئها أمام ذلك السخيف، وضغطت على شفتيها لتجيبه بإبتسامتها المهذبة:

-ثانكس

سألها فادي بفضول وهو يعمق نظراته نحوها:

-هل هذه أول زيارة لكِ لمصر ( Is it your first time to visit Egypt )؟

أومأت برأسها إيجابا وهي ترد عليه برقة:

-أها، نعم

أضاف هو قائلاً بإبتسامة عريضة:.

-أتمنى أن تستمتعي بإقامتك معنا ( Hope you enjoy staying here )!

لم يفهم مسعد كلمة واحدة مما تقال وظل يحرك رأسه ببلاهة وهو ينظر نحوهما، ولكن نفذ صبره، فصاح بحنق:

-وأنا هاقضيها متفرج كده كتير، قصر يا سيدي في الكلام

نظر له فادي قائلاً بعتاب:

-حاضر، مش بأرحب بالخبيرة

رد عليه مسعد بسخط وهو يرمقه بنظرات منزعجة:

-كفاية ترحيب، حتى كتر السلام بيقل المعرفة.

تجاهل فادي حديث مسعد، وإستدار برأسه ليتأمل سابين مجدداً بنظراته الجريئة، ثم أضاف بتهكم متعمداً إهانة زميله وهو يشير نحوه بإبهامه:

-ضعي في الإعتبار أن مسعد لا يعرف الإنجليزية، هو جاهل وغبي ( Mos ad doesn t know English at all, he s stupid and dump )

ردت عليه سابين بضيق:

-أها، أعرف هذا ( Yeah, I know this )

سأله مسعد بجدية وقد استشعر وجود خطب ما:

-انت بتقولها ايه؟

ابتسم له ببرود وهو يجيبه:

-بشكرلها فيك.

رمقه مسعد بنظرات حادة وهو يتابع بتبرم:

-لأ واضح فعلاً، أنا حاسس بده

اقتربت سابين من مسعد، وارتفع بقدميها عن الأرضية الإسفلتية قليلاً لتهمس له في أذنه بلكنتها العربية الغريبة:

-هو قول إنت هومار ( حمار ) في إنجليش

سمعها فادي، وتعجب من ردها باللغة العربية، فتنحنح بحرج، وهتف مسرعاً بمزاح:

-دونكي يعني!

حدجه مسعد بنظرات نارية، وكز على أسنانه بقوة قائلاً:

-كتر خيرك يا فادي

أضاف فادي بنبرة سخيفة:.

-عشان تعرف معزتك عندي!

رد عليه مسعد بهدوء مصطنع:

-شكراً يا سيدي، تسلم على ذوقك، يعني مش عارف من غيرك شكلي كان هيبوظ ازاي أكتر من كده!

ثم إستدار برأسه ناحية سابين، وصاح بها بنبرة شبه آمرة:

-يالا يا صابرين لأحسن لو طولنا شوية هانفجر هنا!

-اوكي

قالتها سابين وهي تتحرك خلفه بخطوات مسرعة..

ظلت أنظار فادي معلقة بهما، وحك موخرة رأسه عدة مرات وهو يتنهد بحرارة، ثم حدث نفسه بمكر:

-شكلها هتلعب معانا كلنا!

في منزل مسعد غراب،

اتجهت السيدة صفية لتفتح باب المنزل بعد أن سمعت تلك الدقات الخافتة عليه، وارتسم على محياها إبتسامة عذبة وهي ترحب بالضيفة قائلة:

-تعالي يا هدير، خشي يا بنتي

قبلتها هدير من وجنتيها، وهتفت بإبتسامة رقيقة:

-هاي طنط، إزيك؟

ردت عليها صفية بنبرة أمومية:

-الحمدلله يا بنتي!

ثم ربتت على ظهرها وهي تسألها بإهتمام:

-اخبارك انتي ايه؟ ومامتك صحتها عاملة ايه؟

هزت رأسها بحركة خفيفة وهي تقول بهدوء:.

-تمام يا طنط

ثم بحثت بعينيها عن إيناس، وتساءلت بجدية:

– هو، هو إيناس موجودة؟

أومأت صفية برأسها إيجاباً وهي ترد:

-أيوه، خشيلها، هتلاقيها في أوضتها!

رسمت هدير ابتسامة ناعمة على ثغرها، ونظرت لها ممتنة وهي ترد:

-اوكي يا طنط.

تفاجئت إيناس برفيقتها هدير تقتحم عليها الغرفة، فنهضت من على الفراش، وحدقت فيها بذهول، وسألتها بإندهاش:

-في حاجة حصلت يا هدير؟ إنتي جيتي ليه هنا؟ هو المستر قال حاجة جديدة وأنا معرفش؟

أشارت لها بكفها وهي تجيبها بهدوء:

-اهدي يا نوسة، مافيش حاجة حصلت!

سألتها الأخيرة بنزق وهي قاطبة لجبينها:

-أومال جاية بنفسك هنا ليه؟!

ردت عليها هدير ببرود وهي ترمقها بنظرات غير مريحة:

-وحشتيني!

زاد انعقاد ما بين حاجبي إيناس، ونظرت لها بعدم تصديق، ثم هتفت معترضة:

-ده بجد!

زادت ابتسامتها الغامضة اتساعاً وهي ترد عليها:

-أه طبعاً

عقدت إيناس ساعديها أمام صدرها، وضاقت نظراتها بشدة وهي تحدق بها، ثم أردفت قائلة بعدم اقتناع:

-هدير، جيتك النهاردة مش عادية

لوحت لها رفيقتها بإصبعها، وطلبت منها بهدوء:

-اقفلي بس الباب علينا وهافهمك!

تحركت إيناس صوب الباب، وأرخت ساعديها، وردت متمتمة بإيجاز:

-اوكي.

تأكدت هي من غلق الباب، ثم استدارت لتواجه رفيقتها، وسألتها بلا تردد:

-خير؟!

جذبتها هدير من ذراعها لتجلس إلى جوارها على طرف الفراش، ثم ضافت نظراتها المتفرسة في ملامح وجهها، وأخفضت نبرة صوتها وهي تسألها بفضول جلي:

-قوليلي يا نوسة مين المز اللي كان معاكي؟

فغرت إيناس شفتيها بتعجب لتقول:

-مز!

أومأت برأسها وهي تهتف بحماس واضح في تعابير وجهها وتصرفاتها:

-ايوه، الشاب اللي بطول وعرض اللي كان ماشي معاكي.

هزت إيناس كتفيها نافية:

-بس أنا مكونتش ماشية مع حد

غمزت لها هدير وهي تتابع بلؤم:

-عليا برضوه، ده أنا شيفاكي معاه!

أنكرت إيناس قائلة بإصرار:

-يا بنتي محصلش

عبست هدير بملامح وجهها، وزمت فمها وهي تحتج قائلة:

-إيناس، مش تلفي عليا، أنا شوفتك بعينيا وانتي راجعة معاه هنا!

فكرت إيناس قليلاً فيما تقوله رفيقتها، وشردت لوهلة مستعيدة ما حدث معها، ثم تشدقت ب:

-لأحسن تكوني بتكلمي عن باسل!

انفرجت شفتي هدير بإعجاب واضح وهي تقول:

-ايه ده، هو اسمه باسل، واو، لايق عليه!

هزت إيناس كتفيها في عدم مبالاة، وتابعت بفتور:

-بس ده صاحب أخويا

حركت هدير رأسها مستنكرة وهي تقول بعبوس زائف:

-صاحب أخوكي! وماشي معاكي عادي؟!

ردت عليها إيناس بجدية:

-يا هدير ده اكبر مني بكتير، يعني الفرق بينا مش أقل من عشر سنين!

عضت هدير على شفتها السفلى بإعجاب، وأردفت بنبرة متحمسة:

-واو، كمان، يعني فاهم وخبرة!

نهرتها إيناس قائلة بحدة:

-انتي يا بت هبلة، ده زي أخويا!

اعترضت هدير على ما تقوله ب:

-اخوكي مين، مافيش كلام من ده معاه!

تعجبت إيناس مما تصرح به رفيقتها، وقطبت جبينها بحيرة، وبرقت عينيها وهي تهتف بإنزعاج:

-هدير، وضحي كلامك!

تنهدت هدير بعمق، ثم همست بنبرة هائمة وهي تشرد بنظراتها:

-المز شكله جامد طحن، يستاهل الواحد يمشي معاه!

وفجأة تحولت نظراتها للجدية وهي تحذرها:

-اوعي تضيعيه منك.

التوى ثغر إيناس بإبتسامة ساخرة وهي ترد بإستخفاف:

-بطلي هبل!

وضعت هدير يدها على فخذ رفيقتها، وضغطت عليه قليلاً وهي تضيف بجدية:

-يا نوسة أنا عاوزة مصلحتك، واحد زي ده هتلاقي ألف واحدة تحوم حواليه!

نهضت إيناس من جوارها، وأولتها ظهرها، ثم شردت لوهلة فيما قالته، وتخيلت نفسها برفقة باسل يسيران سوياً بمفردهما..

ولكنها سريعاً ما نفضت تلك التخيلات عن ذهنها، وازدردت ريقها، ثم تنحنحت بخفوت، واحتجت بجدية زائفة وهي ترد:

-هدير إحنا في إعدادي، وكام شهر وهنبقى في ثانوي، ماينفش الكلام ده، كمان هو مش بيفكر أصلاً فيا بالطريقة دي!

أرجعت هدير جسدها للخلف، ووضعت ساقها فوق الأخرى، ثم هزتها بحركة ثابتة وهي تسألها ببرود:

-ليه يعني؟

ابتلعت إيناس ريقها بتوتر، وهتفت بجدية مبالغة:

-لأنه ماينفعش!

أخذت هدير نفساً عميقاً، وزفرته على مهل، ورفعت كفها للأعلى، ثم تابعت بهدوء وهي تنظر إلى طلاء أظافرها:

-خليكي ناصحة، واجبريه يشوفك قصاده!

حكت إيناس جبينها، وسألتها بإهتمام:

-قصدك ايه؟

اعتدلت هدير في جلستها، وردت عليها بنبرة عملية:

-ده فرصة، شاب وبيشتغل واكيد عنده شقته، والنوع ده من الشباب بيحب يخطب الصغرين، و سنة ولا اتنين ويخطبك وتتجوزوا!

اندهشت إيناس من تفكير رفيقتها الذي يتجاوز مرحلتهما العمرية الحالية، ورمشت بعينيها عدة مرات محاولة إستيعاب ما تقوله…

ثم حذرتها قائلة وهي تشير بسبابتها:

-بس لو انتي فضلتي زي ما انتي كده شبه البويز مش هايفكر فيكي من أساسه!

-ممممم

أضافت هدير بخبث وقد نهضت عن الفراش:

-أنا عاوزة مصلحتك، وقولت اللي يملاه عليا ضميري

بدى الإرتباك واضحاً على تعابير وجه إيناس، وفركت فروة رأسها بحيرة وهي تغمغم بقلق:.

-مش مرتاحة يا هدير

لفت هدير ذراعها حول كتف رفيقتها، وهمست لها بمكر:

-فكري فيها براحتك، وهتعرفي إني غرضي مصلحتك، أوكي؟

ثم سحبت ذراعها، وتحركت بخطوات رشيقة نحو الباب..

سألتها إيناس بتلهف وهي تتابعها بنظراتها:

-انتي رايحة فين؟

ردت عليها بنعومة:

-هارجع البيت

استغربت إيناس من إنصرافها المفاجيء، وهتفت:

-بس انتي جيتي فيه ايه وآآ..

قاطعتها هدير بنبرة رقيقة:.

-هانبقى نرغي براحتنا بعدين، المهم انتي فكري في اللي قولته، اوكي!

ضغطت إيناس على شفتيها لترد قائلة:

-ماشي، ربنا يسهل

لوحت لها رفيقتها بكفها وهي تقول:

-باي يا نوسة

-باي باي

جلست إيناس على طرف الفراش لتفكر ملياً فيما قالته رفيقتها، ما أثار إندهاشها حقاً هو مفهومها الغير عقلاني في تناول أمور لا تتناسب مع عمرهن الزمني..

ومع هذا تغير منظورها للمسألة برمتها، وبدأت تفكر فيها من ناحية أخرى…

في مركز التدريب،

توقف مسعد أمام عدة مبانٍ منخفضة متلاصقة – مطلية باللون الأبيض الذي يميل للرمادي – لا تتجاوز الثلاث طوابق، ثم التفت برأسه نصف إلتفاتة نحو سابين، واستطرد حديثه قائلاً بهدوء:

-المفروض إنتي هاتقعدي هنا

حدقت هي في المباني بنظراتِ دقيقة وتأملت هيئتها بفضول عجيب..

فقد كانت مختلفة عما خطر في تصورها، فكانت أقرب للمساكن العادية التي يرتادها المصطافون قديماً كما رأت في صور والدها الفوتغرافية القديمة، لا يوجد بها أي شيء مميز..

تحرك مسعد للأمام، ومر في الرواق حتى وقف أمام باب خشبي أزرق، وأسند الحقيبة إلى جوارها، ثم أخرج المفتاح الصغير من جيبه، ووضعه في موضعه وفتحه، ثم دفعه بيده لينفتح على مصرعيه، واستدار برأسه للخلف ليقول بنبرة مرتفعة:

-تعالي يا صابرين.

اتجهت نحو الباب، ووقفت على عتبته، وحدقت في الظلام الدامس الذي يغلف الغرفة، وشعرت بثقل الهواء في الداخل، ثم ابتلعت ريقها، وهمست متساءلة بجدية وهي تشير بإصبعها:

-أنا Stay here ) أبقى هنا )؟

رد عليها مسعد بهدوء:

-هو أنا مش فاهم بتقولي ايه، بس ده مكانك، وإن شاء الله تعجبك الأوضة!

تسمرت هي في مكانها، فصاح بها بحماس:

-خشي برجلك اليمين

مالت برأسها نحوه لتسأله:

-ايه ( What )؟

ابتسم لها وهو يقول:.

-ادخلي يا صابرين، دي ليلتك فل إن شاء الله!

هزت رأسها إيجاباً، ولكنها ردت بتوجس ظاهر في نبرتها:

-اوكي، بس It s dull ( مظلمة )

بدت عبارتها غامضة بالنسبة له، ولكنه لم يهتم، وأشار لها بيده قائلاً بإصرار:

-ادخلي بس وهانورلك النور

هزت رأسها معترضة، وأشارت نحوه لتقول بإلحاح بلكنتها الرقيقة:

-إنت أول!

ابتسم لها ببلاهة وهو يضيف بمزاح:

-متخافيش مافيش عفاريت جوا، هما بيطلعوا بالليل بس.

دب في جسدها إرتعاشة خفيفة فقد فهمت مقصده، وصاحت بخوف:

-ايه؟

تجمدت تعابير وجهه وهو يضيف بنبرة خافتة:

-بسم الله الرحمن الرحيم، سلام قول من رب رحيم

ارتعدت سابين قليلاً، وسألتها بقلق:

-إنت قول ايه؟

رد عليها بنبرة خافتة للغاية أخافتها نوعاً ما:

-باستعيذ بالله من الشيطان!

انكمشت على نفسها، وبدت مذعورة بدرجة ملحوظة، ورمشت بعينيها لتردد بتوسل:

-موسأد، بليز، أنا أخاف!

انتصب مسعد بجسده، وصاح بصلابة عجيبة:.

-تخافي وأنا موجود، هو إنتي معاكي ابن أختك، عيب عليكي يا صابرين!

ثم ولج بعد عبارته للداخل، وبحث عن مفتاح الإنارة ليضيء المكان..

تأملت سابين الغرفة بعد أن تمت إضاءتها بنظرات متفحصة، وجابت ببصرها كل ركن فيها..

احتوت الغرفة على فراش عريض بالمنتصف، وخزانة ملابس بسيطة محفورة في الحائط الجانبي، وكذلك طاولة على الجانب موضوع إلى جوارها مقعدين بلاستيكين، وكومود ملاصق للفراش

قطع تأملها صوت مسعد وهو يسرد قائلاً:.

-بصي دي أحسن حاجة متوفرة حالياً، كان في أوضة تانية، بس احم، آآ، المجاري طافحة فيها، والريحة مقولكيش فواحة، نشادر أقل وصف ليها!

هزت رأسها متفهمة وهي تقول بهمس:

-اوكي

ابتسم لها ابتسامة مطمئنة، ثم أضاف محذراً:

-مش عاوزك تقلقي من أي كائنات تشوفيها هنا!

شهقت مصدومة مما قاله، وسألته بتوتر:

-ايه ( What )؟

أوضح لها ما يقصد بهدوء مريب:.

-ما انتي مش لوحدك، واحنا مش في العمران أوي، احنا في وسط صحرا، والطبيعي إنك تلاقي مخلوقات تانية بتشاركك كل حاجة!

اتسعت حدقتيها في صدمة، وبدت غير قادرة على تفسير ما قاله، فأضاف موضحاً:

-مش عاوزك تقلقي، هما مش بيطيروا، دول أغلبهم زواحف!

سألته بنبرة حائرة بعد عبارته الغامضة:

-مش فهماك!

أولها ظهره، وأضاف بجدية وهو يشير بيده:

-انتي بس سدي عقب الباب بفوطة ولا ملابة قديمة عشان التريشا ( نوع من أنواع الثعابين ).

فغرت فمها مدهوشة نوعاً ما، وتمتمت بإستغراب:

-هاه

أردف مسعد قائلاً بضجر:

-إنتي مال الغباء نزل عليكي مرة واحدة كده ليه!

ردت عليه بحنق:

-أنا مش افهم كلمة دي

فسر لها ما يقصد قائلاً بصوت شبه متلعثم:

-التريشا دي يعني تعبان، اللي هو اسمه كان آآ، سآآ، سن، سناكس ( Snacks ) ( مقرمشات )

توهمت سابين أنه يتحدث عن نوع من الطعام الخفيف، فسألته بتعجب:

-ده يتاكل؟

فرك طرف ذقنه بكفه، وأجابها بهدوء:.

-هو احنا هنا ممكن ناكله عادي، بس معرفش انتي نظامك ايه معاه!

قضمت سابين شفتها قليلاً، وسألته بحرج خاصة حينما تعذر عليها فهم ما يردده من كلمات بدت غامضة لها:

-ممكن U ( انت ) إوصف تيشة دي!

صحح لها قائلاً:

-تريشا، مش تيشة!

-اوكي

تابع مسعد قائلاً وهو يفسر بيده:

-هو صغير وبيمشي على بطنه، وبيعمل صوت سسسس

جحظت بعينيها مصدومة، وتساءلت بهلع:

-إنت اقصد Snake ( ثعبان )؟

هز رأسه موافقاً بقوة:

-ايوه، هو ده!

شهقت بذعر جلي، وكتمت فمها بكفيها:

-أوووه

تعجب مسعد من ردة فعلها المبالغ فيها، وسألها بإستغراب:

-في ايه؟

قفزت في مكانها بخوف وهي ترد بنبرة مرتعدة:

-هنا في snakes ( ثعابين )؟!

أجابها بثقة وثغره يعلوه إبتسامة عريضة:

-بالهبل، متعديش!

حركت سابين رأسها بصورة هيسترية بعد أن دار بمخيلتها أوهاماً مزيفة عن وجود تلك الأفاعي الغريبة في غرفتها، وصاحت بنبرة خائفة:

-أنا مش اقعد هنا.

مرر مسعد يده في فروة رأسه، وتأملها بنظرات متعجبة، ثم تمتم مع نفسه بريبة:

-أومال لو عرفتي الباقي هتعملي ايه…؟!

↚

في مركز التدريب،

تلفتت سابين حولها بذعر، ورفعت ساقها عن الأرضية الصلبة لتتأكد من عدم وجود أي أفاعٍ أسفل قدميها

وضع مسعد إصبعه على طرف أنفه ليحكه قبل أن يضيف بهدوء:

-أنا بأوضحلك الحياة هنا عاملة ازاي

ابتلعت سابين ريقها بصعوبة، وهمست بقلق:

-أنا آآ، أهاف ( أخاف ) من انت تقوله

تمطع بذراعيه قبل أن يتابع بحماس:.

-شوفي يا صابرين، ساعات وانتي اعدة كده في حالك هتلاقي فيران معدية، متخافيش، طول ما هي صغيرة انتي في أمان!

رددت بلكنتها العربية الغريبة وقد إرتفعت حاجبيها للأعلى:

-ف، فران!

أومأ برأسه إيجاباً وهو يوضح بثقة:

-فيران، جمع فار، البتاع الصغير اللي بياكل الجبنة

سألته سابين بنعومة:

-انت أقصد mouse؟

اعتلى ثغره ابتسامة عريضة، وهتف بسعادة:.

-ايوه، هو ميكي ماوس، احنا هنا عندنا أحجام كتير منه، سمول، وميديم، واكس اكس اكس لارج!

تشكل على تعابير وجهها علامات الذهول، بينما أكمل هو بنفس النبرة الواثقة:

-بصي كلهم عادي، انتي بس ممكن تقلقي من الفاميلي سايز، ده مايعرفش أبوه، ديله غبي، وسنانه رهيبة، وشكله أصلاً مقرف وجربان ويجيب المرض!

امتعض وجهها لتهتف بتأفف بعد أن بدت نظرات الإشمئزاز واضح في عينيها:

-إيوو

أشار بسبابته وهو يضيف بجدية:.

-اه، نسيت أقولك احنا عندنا أم أربعة وأربعين!

تعجبت من العبارة الأخيرة، وسألته بإستفهام:

-اي دي موسأد؟

أوضح لها بهدوء وهو يفرك جبينه:

-دي بنقول عليها بالإنجليزي آآ، انا فاركها دي سهلة خالص!

تابعته بنظراتها المتوترة وهو يتحرك ذهاباً وإياباً، وفجأة صاح بحماس جلي:

-ايوه، افتكرت، هي اسمها فور باي فور

عقدت ما بين حاجبيها في إندهاش، ولوحت بذراعيها قائلة:

-هي Car، بيب بيب!

هز رأسه نافياً:

-لأ، أم أربعة وأربعين!

هزت سابين كتفيها في عدم مبالاة، ورددت بيأس:

-مش إفهم

قال لها مبتسماً:

-دي عادية، لما تشوفيها هتعرفيها

-اها

ثم حذرها قائلاً بجدية:

-المهم خلي بالك من العقارب، دول مش كيوت خالص، ومش لونهم اسود زي عندكم، لأ دول صفر وسمهم والقبر!

تشنجت تعابير وجهها قليلاً وهي تهتف بصعوبة:

-آآ، مش إعرف قولها!

فسر لها مشيراً بيديه:

-عقارب، البتاع اللي شبه الكابوريا، اللي بيعمل كده بديله!

ارتجف جسدها وقد فهمت ما يقول، ورددت بإرتعاد:

-أها، عرفته، ده مرعب!

عبس مسعد بوجهه وهو يضيف:

-جدااا، العناكب وشغل سبايدر مان هتلاقيه أساسي هنا

أشارت سابين بإصبعها للأسفل وهي تتساءل بإرتباك:

-اووه، وأنا suppose to ( المفروض ) أقعد مع دول؟ صح؟!

حرك رأسه إيجاباً وهو يجيبها بحماس:

-اينعم، الله ينور على دماغك، شوفي أنا كده حاطيتك على أول الطريق، وإنتي اجتهدي معاهم!

ثم رسم ابتسامة عريضة على ثغره في محاولة منه لطمأنة سابين التي بدت أكثر ذعراً وهلعاً عن ذي قبل..

وفجأة هتفت بصوت مرتجف وهي تتحرك نحو باب الغرفة:

-أنا مش اقعد هنا موسأد، Never ( استحالة )

اعترض مسعد طريقها قائلاً بإستغراب وهو يفتح ذراعيه في الهواء:

-ليه بس، والله اطمني، دي حاجات عادية

هزت رأسها رافضة وهي تحاول المرور من أمامه:

-نو، نو، أنا Scared ( خائفة )

نفخ بضيق وهو يتوسل لها:.

-أمانة عليكي كلميني بحاجات أفهمها!

حدقت فيه بعينيها الناعستين، وهمست له برقة:

-أنا أهاف موسأد ( أخاف )

تنهد بحرارة وهو يطالع نظراتها وهمس لنفسه:

-أهاف، يا سيدي على الرقة!

ثم تنحنح بخشونة واعتدل في وقفته، وأردف قائلاً بجدية:

-بصي، أنا معاكي، حطي هدومك انتي بس في الدولاب ومالكيش دعوة!

عقدت ساعديها أمام صدرها، وهزت رأسها معترضة وهي تقول بإصرار:

-نو، ( لا )

-يا صابرين متخافيش، مافيش حاجة فيه حتى بصي.

قالها مسعد وهو يتحرك صوب خزانة الملابس، ثم فتح ضلفتيها على مصرعيهما ليرى ما بالداخل، فكانت خاوية إلا من بعض الحشرات..

التفت برأسه نحوها نصف إلتفاتة، وهتف بصوت هاديء:

-أهوو، مافيش إلا صراصير وبس!

إرتخى ساعديها فوراً في صدمة، وسألته:

-ايه؟

أجابها بثقة وهو يبتسم لها:

-صرصار، معروف إنه صديق البنات الأول، حتى شوفي.

أمسك مسعد بذلك الصرصور القابع على رف الدولاب من شواربه بإصبعيه، ثم إستدار بجسده ناحيتها، ورفعه في وجهها، فصرخت بهلع وهي تركض للخارج:

-إيوو، مامي!

تعجب من ردة فعلها المبالغة، واستنكر صراخها المخيف، وصاح بسخط:

-في ايه يا صابرين، ده صرصار مش خنفسة، ده أنا حتى محدفتوش عليكي زي الهبلة إيناس!

ثم ألقاه مسعد خلف ظهره، وتبعها بخطوات متريثة وهو يمط فمه في تعجب…

لم تتمكن سابين من الفرار، فقد أمسك بها فادي – ذاك الضابط السمج الذي إلتقته سابقاً من خصرها، ومنعها من الركض، ورفعها عن الأرض قليلاً لينظر لها بإستمتاع وهي تتلوى في أحضانه محاولة تحرير نفسها من قبضته المحكمة حولها..

ضربته هي بقبضتيها في صدره بعنف، ولكن لم تكن قوتها بالهائلة لتبعده عنها وتتخلص منه…

خرج مسعد من الغرفة فوجده ممسكاً بها، فصاح به بصوت غاضب:

-فادي، إنت بتعمل ايه؟

رد عليه ببرود وهو ينظر لها بجرأة:

-ولا حاجة يا باشا، أنا بأرحب بالزبونة!

لكمته سابين بقبضتها المكتورة في صدره، وصرخت فيه:

-دعني أذهب ( Let me go )

وقف مسعد أمامه، ونزع قبضته عنها وهو يصيح به بغلظة:

-سيبها يا فادي!

همس لها فادي بنبرة اخافتها:

-على عيني أسيبك يا قمر

انهالت هي عليه بعدة شتائم متتالية باللغة الانجليزية بعد أن حررها، فرمقها فادي بنظرات حادة، وتحولت تعابير وجهه للوجوم، وصاح بصوت مهدد:.

-نعم؟ الكلام ده ليا أنا؟!

استشعر مسعد الخطر من نبرته المزعجة، وتعابيره المشدودة، فسأله بحذر:

-هي قالتلك ايه؟

كز على أسنانه بشراسة، ولم يجب على مسعد، ففهم الأخير أنها وبخته بسباب لاذع، فأردف قائلاً بمزاح ليخفف من حدة الأجواء:

-يبقى قالتلك ( تباً ) زي ما بنقرى في الأفلام

لوح لها فادي بكف يده وهو يتابع بصوت عدائي:

-لولا إنك في حماية مسعد باشا كنت اتصرفت معاكي!

لم تعبأ سابين بتهديده الزائف، وهتفت متحدية إياه:

-إنت غبي، أنا هاشتكيك!

غمز لها مسعد محذراً:

-مابلاش الغلط يا صابرين!

ثم تحرك قليلاً ليسد بجسده الطريق على فادي لو فكر في التعرض لسابين، وسأله بجدية وهو محدق به:

-عاوز ايه يا فادي؟

رمق هو سابين بنظرات ساخطة، ورد عليه بنبرة مغلولة:

-انا كنت جاي اخدم

هتف مسعد بضيق:

-متشكرين يا فادي، مش محتاجين خدماتك!

أشارت سابين بسبابتها متعمدة إهانة فادي وهي تضيف بسخط:.

-أنا مش أوز ( أعوز ) حاجة منك إنت!

صاح بها فادي بنبرة غليظة وهو يتحرك للفتك بها:

-مالك في ايه، مفرودة على ايه!

جفل جسد سابين من عنفه، وابتلعت ريقها بإرتعاد قليل، ورغم هذا إدعت ثابتها..

منعه مسعد بجسده، وحال دون إعتراضه إياها وهو يهتف بصوت قوي:

-ملكش دعوة بيها يا فادي، وكلمني أنا لو عندك حاجة!

ثم إستدار برأسه ناحية سابين، وصاح بصوت آمر:

-تعالى جمبي يا صابرين!

تحركت هي لتقف خلفه، ولم تكف عن رمق فادي بنظرات إحتقارية

همس لها مسعد من بين أسنانه:

-إنتي مش أده، ده لو عطس فيكي هايلزقك في السقف!

ثم انتبه ثلاثتهم إلى ذلك الصوت الجهوري الصادح من بعيد:

-مسعد، في ايه؟

اتسعت حدقتي مسعد في إندهاش، وهتف بذهول:

-باسل؟!

في مقهى ما،

قطمت هدير قطعة من ال ( تشيز كيك ) الموضوعة أمامها، وتلذذت بها وهي تلوكها في فمها، فنظرت لها هند بنظرات حادة، وهدرت فيها بضيق:

-يا بنتي اتكلمي، أنا زهقت، قالتلك ايه؟

ابتلعت تلك القطعة، ومسحت بالمنشفة الورقية فمها، وردت بهدوء:

-مش صاحبها

هتفت هند بسعادة وقد برقت عينيها بحماسة واضحة:

-بجد؟!

أومأت برأسها بحركة خفيفة وهي تكمل موضحة:

-ايوه، ده صاحب أخوها، وبالنسبالها عادي!

عضت هند على شفتها السفلي، وأكمل بإعجاب:

-واو، حلو أوي، دي فرصتنا نتصاحب عليه!

ردت عليها هدير بنبرة هادئة:

-اها، ما أنا بأفكر بس في سكة اقرب منه عن طريقها

هزت هند حاجبها وهي تسألها بمكر:

-يعني هي هاتكون كوبري؟!

أجابتها هدير بإيجاز:

-بالظبط

شدت هند كتفيها، وأضافت بتحمس:

-وأنا معاكي

-اوكي يا بيبي!

اقترب منهما شاب ما، وتساءل بصوت رخيم:

-ها يا بنات، جاهزين للسينما؟

ردت عليه هدير بنعومة:

-ايوه.

أشار لها برأسه وهو يقول:

-طب يالا

سألته هند بجدية:

-مين هيحاسب؟

ابتسم لها الشاب قائلاً:

-انا هادفع أكيد

نظرت له هدير بإمتنان وهي تقول:

-ثانكس

رد عليها بهدوء:

-على ايه، دي حاجة بسيطة!

في مركز التدريب،

تفاجيء مسعد بحضور باسل إلى مركز التدريب في هذا التوقيت، خاصة وأنه يعلم بمسألة حصوله على أجازة، إذن فوجوده هنا يعد أمراً غامضاً إن لم يكن مريباً..

لذا سأله بنزق وهو ينظر نحوه:

-انت مش كنت أجازة يا باسل؟

رد عليه رفيقه بجدية واضحة:

-ايوه، بس اتلغت!

سأله مسعد مستفهماً وقد دارت برأسه العديد من التساؤلات:

-ليه؟

أجابه بصوت جاد وهو يوزع أنظاره مابين سابين وفادي:.

-الفريق ضياء بلغني أتواجد معاك ضروري هنا عشان الخبيرة

رد عليه مسعد بتساؤل أخر:

-هو انت عرفت؟

أجابه باسل بإيجاز:

-ايوه

تنحنح فادي بصوت خشن، وفرك مؤخرة رأسه بيده، وأردف قائلاً بجمود:

-واضح كده إني وجودي مالوش لازمة

رد عليه باسل بجدية وهو يحدجه بنظراته الصارمة:

-يا ريت تسيبنا مع بعض شوية يا فادي!

همس مسعد من بين أسنانه:

-انت كلك على بعضك مالكش لازمة.

ثم تابعه ثلاثتهم بأنظارهم الحانقة وهو يتحرك مبتعداً عنهم، إستدار باسل في اتجاه سابين، ورحب بها قائلاً بود:

-هاي أنا باسل!

ردت عليه بإبتسامة مهذبة وهي تجيبه باللغة الإنجليزية:

-وأنا أدعى سابين ( me Sabeen )

صاح مسعد متذمراً:

-اتكلموا عربي الله يكرمك، أنا مش ناقص خوتت دماغ!

رد عليه باسل بهدوء:

-اوكي

ثم وجه حديثه إلى سابين قائلاً بجدية:.

-أنا، أنا مش عاوزك تقلقي يا مدام، احنا هنا معاكي، وهنلازمك لحد ما تخلصي التقييم بتاعك، ولو في أي مشكلة بلغيني بها على طول، وأنا هاتصرف

تنهدت سابين بإرتياح، ونظرت له ممتنة وهي تقول:

-اوكي! ثانكس

وتشكل على ثغرها إبتسامة رقيقة وهي تهمس لنفسها بإعجاب:

-واو، أخيرا حد بيفهم هتعامل معاه!

تساءل باسل بجيدة وهو يطالع المكان من حوله بنظرات متفحصة:

-انت هاتقعدها فين يا مسعد؟

رد عليه مسعد بسخرية:.

-تفتكر يعني في الفورسيزون، هنا طبعاً!

سأله بجدية:

-أقصد أنهو أوضة تحديداً؟

أجابه مسعد بهدوء وهو يفرك صدغه:

-بص كلهم مليانين بلاوي زرقة، فأنا منقيلها أحسن واحدة

مال عليه باسل برأسه، وهمس معترضاً:

-لأ ماينفعش، مش ناقصين فضايح ولا تكدير من الفريق ضياء!

ثم استدار ناحية سابين ليقول بصوت جاد يحمل الصرامة:

-مدام سابين انتي هتتواجدي في أوضتي، هي تمام ونضيفة، وانا هانقل مكانك!

رفع مسعد حاجبه للأعلى مستنكراً، وهتف معترضاً بضيق:

-يا سلام على الرجولة، وهاتعمل ايه في السمجين وأصحاب الحس الوطني اللي جمبك!

فكر باسل فيما قاله رفيقه، ورد عليه قائلاً:

-أها، عندك حق، أنا مفكرتش في دول خالص

تابع مسعد قائلاً بتبرير:

-مش بأقولك، هي هنا المبنى مافيش فيه حد كتير، والرجل قليلة، فتكون براحتها!

ساد صمت لوقت محدود بين الجميع..

تحركت سابين للأمام لتترك لهما مساحة من الحرية للحديث، وحدقت في المكان حولها لتتأمل معالمة..

بينما فرك باسل ذقنه وهو يفكر جدياً في حل لتلك المعضلة، فهو يعلم حالة الغرف السكنية الموجودة بتلك المباني، وأنها لا تصلح إلى حد ما لإقامة مريحة..

ولكن لا بديل عنها، فوجود تلك الخبيرة في أي مبنى أخر قد يعرضها لمضايقات غير محمودة العواقب من الشباب المتواجد بها..

لذلك سعي لإيجاد حل سريع ومؤقت حتى تتم معالجة تلك المشكلة..

وضع باسل يده على كتف رفيقه، وصاح مقاطعاً ذلك الصمت قائلاً:

-أنا عندي اقتراح أفضل، احنا ننقل معاها

لوى مسعد فمه قائلاً بنبرة محتجة:

-نعم، بقى انت عايزني أنا مسعد غراب أسيب الجناح الغربي، واقعد هنا في القبلي عشان أتقلي!

رد عليه باسل بصوت جاد:

-المصلحة بتقول كده!

هتف مسعد معترضاً بغلظة:.

-يخربيتها مصلحة، ده مافيش مروحة توحد ربنا هنا، دي المنطقة زيرو خدمات في كل حاجة، احنا هنتشوي على نار هادية وهنتعذب ولا كفار قريش!

رد عليه باسل معاتباً:

-ويعني انت كنت عاوز تقعدها هنا لوحدها؟

تنحنح مسعد بحرج، وأجابه بإبتسامة خفيفة:

-هي مكانتش لوحدها أوي

سلط باسل أنظاره على سابين، وهمس محذراً:

-طب اسكت لأحسن بتبصلنا

رد عليه مسعد بنبرة ممتعضة:

-لعلمك هي بتفهم عربي بس بتستعبط

أضاف باسل قائلاً بتوبيخ:.

-والله إنت اللي شكلك ولا فاهم حاجة

رد عليه مسعد محتجاً:

-أنا مثقف في اللغة!

صحح له باسل ما لفظه قائلاً:

-إنت أمي ( جاهل ) يا بني!

اقتربت منهما سابين، وسألتها بجدية وهي توزع نظراتها بينهما:

-إنتو قولوا ايه؟

رد عليها باسل بهدوء جاد:

-بنظبط كل حاجة، ومتقلقيش يا مدام، هانكون معاكي

رفعت كفها في وجهه، وهتفت بنعومة:

-أنا مس ( Miss)، نو، مدام

تصنع باسل الإبتسام وهو يرد عليها بإختصار:

-سوري.

ثم لكز رفيقه بخفة في كتفه وهو يكمل بجدية:

-طب يالا، فين الشنط يا مسعد؟

أشار له الأخير بإصبعه قائلاً:

-في الأوضة جوا

-ماشي

وبالفعل تعاون باسل مع مسعد في تجهيز الغرفة الخاصة بسابين لتكون ملائمة لها..

ورغم حالة الخوف المسيطرة عليها من البقاء في هذا المكان الغريب لكنها كانت ممتنة لوجود الاثنين معها، حالياً، فمازال الليل في أوله..

في منزل مسعد غراب،

أمسكت إيناس بالمرآة الصغيرة، وقربتها من حاجبها لتطالعه بنظرات متفحصة..

ثم قربت الملقط منه، وحاولت نزع تلك الشعيرات المتمردة، ولكنها تأوهت متألمة حينما تمكنت بصعوبة من إزالة واحدة..

ألقط بالمرآة والملقط، ونفخ بضيق وهي تمتم لنفسها:

-يعني الشعرتين دول لما هاشيلهم هيبصلي مثلاً، دي حاجة بتوجع أوي!

زفرت مجدداً بإنهاك، وألقت بجسدها على الفراش، ثم تقلبت على جانبها، وتابعت بضجر:.

-ماهو أنا مش عاوزة أكون شبه الولاد، محتاجة أروح لحد متخصص يصنفرني على رأي البنات

عقدت كفيها خلف رأسها بعد أن استلقت على ظهرها، ثم حدقت في سقفية الغرفة، وأكمل حديث نفسها:

-بكرة هاشوف مع هدير الحل!

في مركز التدريب،

لم تتمكن سابين من النوم مطلقاً في فراشها، فقد كانت مرتعدة من تعرضها للهجوم من أي نوع من الزواحف التي تحدث عنها مسعد مسبقاً..

انكمشت على نفسها في الفراش، وحاولت تغطية ساقيها، ولكن لإرتفاع الحرارة، لم تستطع تحمل الغطاء كثيراً، فقذفته بعيداً..

ضغطت على عينيها بقوة، وتنفست ببطء وهي تهمس لنفسها:

-اهدي يا سابوو، مافيش حاجة، دي أوهام.

سمعت صوت ( زنة ) مزعجة قريبة من أذنها، فدست رأسها في الوسادة..

مرت ثوانٍ قبل أن تشعر بلدغة في ساقها، فجذعت في نومتها، واعتدلت لترى ما الذي لدغها..

بدأت في حك ساقها، ورأت المتسبب بها

بالطبع كان الناموس المزعج يملأ الغرفة، وهي لم تسلم من لدغاته..

نفخت بيأس، ونهضت عن الفراش وهي تسب بكلمات مبهمة..

بحثت حولها عن المبيد حشري لكنها لم تجد العبوة، فزفرت بإستياء، ثم انحنت لتلتقط خفيها، وارتدته في قدميها، وتحركت في اتجاه باب الغرفة..

وقبل أن تمسك بالمقبض وتديره، نظرت إلى هيئتها..

ضربت مقدمة رأسها بكفها، وعاتبت نفسها قائلة:

-ازاي هاخرج كده، مش ينفع

كانت سابين ترتدي منامتها الصيفية القصيرة ذات اللون الأصفر، وهي لا تصلح بأي حال للوقوف خارج فراشها، فماذا عن خارج باب غرفتها..

التوى ثغرها بإبتسامة باهتة وهي تتابع بخفوت:

-أوه، كنت هانسى الروب!

ارتدت ذلك الروب الحريري، وأحكمت إغلاق رباطه حول خصرها، ثم نفضت شعرها للخلف بعد أن أعادت ترتيبه، وفتحت الباب لتلج للخارج..

أخذت هي نفساً عميقاً حبسته للحظات في صدرها قبل أن تقذفه دفعة واحدة من رئتيها..

وضعت يديها على خاصرتها، وتأملت المكان بنظرات متمعنة..

كان الظلام يغلف كل شيء تقريباً، فيما عدا بعض الأجزاء التي تضاء بأعمدة إنارة قوية..

شهقت بذعر حينما سمعت صوتاً رجولياً يقول:

-مساء الفل

استدارت برأسها ناحية مصدر الصوت، فوجدت مسعد جالساً على مقعد خشبي يميل به للخلف ومستنداً على الحائط

رمقته بنظرات حادة، وقبل أن تفتح شفتيها لتنطق، أردف هو قائلاً بهدوء:

-معرفتيش تنامي صح؟

عاتبته سابين قائلاً بتبرم:

-موسأد، إنت هوفت ( خوفت ) أنا

ابتسم لها قائلاً

-مقصدش!

ثم صمت للحظة قبل أن يكمل بتذمر:

-بس مش جايلي نوم، وهاموت من الناموس والحر!

أومأت برأسها موافقة اياه وهي تقول:

-أوه، انت عندك حق، الموسكيتو هنا فظيع

فغر فمه ليسألها بعدم فهم:

-ايه؟

أوضحت له قائلة بعد لحظة من التفكير:

-موسكيتو، ن، ناموس!

هز رأسه متفهماً، وصاح بحماس:

-اها، اسمه موسكيتو، شوف اللؤم وعاملين القرص بتاع الناموس على اسم كيتو، العلم نور والله!

زفرت سابين وهي تقول بضجر:

-موسأد، بليز شوف حل في الموسكيتو

رد عليها بأسف:

-يا صابرين، الموسكيتو عندنا غير أي موسكيتو!

-ليه؟

أجابها قائلاً وهو يشرح مستخدماً يديه:

-في بينا كده، زي ما تقولي علاقة دم، مش بيجوز معاهم حاجة

هزت كتفيها في عدم فهم، وهمست بنعومة:

-مش إفهم

فرك رأسه بكفه، ثم أخذ نفساً عميقاً، وزفره على مهل ليقول:

-بصي هما مصاصين دماء، مش هاسيبوكي إلا لما يشربوا دمك، وإنتي دمك بالنسبالهم شربات، فأكيد هايشفطوكي ويسبوكي جلد على عضم، حاجة زي الموميا كده، ها وصلت!

رغم عدم استيعابها لنصف ما قاله إلا أنها بادلته ابتسامة رقيقة وهي تقول بهدوء:

-أها، اوكي، أنا هاتمشى هنا شوية

اعتدل في جلسته بعد أن أخفض المقعد فجأة، وهتف مصدوماً:

-تتمشي

هزت رأسها إيجاباً وهي تقول بتنهيدة متعبة:

-ييس، أنا أحس بالملل

هب واقفاً، وتحرك ناحيتها، وأردف قائلاً بجدية:

-صابرين، الكلام ده ماينفعش هنا، في وحوش برا، محرومين يا عيني، أقل حاجة ممكن يغتصبوكي!

ارتعدت فرائصها مما قاله، وسألته مشدوهة:.

-ايه؟

حاول هو ألا يثير ذعرها أكثر، فبحث عن حجة أخرى مقنعة، فهتف بنزق:

-ده غير طبعاً السلعوة اللي عندنا

حاولت هي أن تلفظ تلك الكلمة، فظهر صوتها متقطعاً وهي تقول:

-س، سي، ايه؟

همس قائلاً وهو مثبت أنظاره عليها:

-سلعوة، اسمها سلعوة

سألته بإهتمام وهي محدقة به:

-دي ايه سيأوة ( سلعوة )

أجابها بصوت خفيض:

-دي شبه الكلب الوِلف عندكم، بس حرمه، المدام بتاعته يعني!

حركت سابين كتفيها في عدم إكتراث وهي تقول:.

-أنا أول مرة إسمع عن سيأوة دي

عبس بوجهه، وتقوس فمه بإمتعاض وهو يضيف:

-ماتشوفيش وحش منها، حاجة أعوذو بالله

سألته بترقب:

-هي خطر؟

صمت للحظات، وسلط أنظاره على الفراغ أمامه، ثم أجابها بهدوء:

-زمان واحنا صغيرين كانوا بيقولولنا السلعوة دي بتخبط على الباب، واللي بيفتحلها بتاكله!

اعترضت قائلة بإستغراب:

-بس دي Animal ( حيوان )!

هز رأسه قائلاً بجدية:

-ايوه فاهمك، هي بتخبط بإيدها!

ضيقت سابين عينيها، ورمقته بنظرات حادة فقد أيقنت أنه يسخر منها، ويحاول التلاعب بأعصابها، خاصة بعد أن رأت تلك الإبتسامة الصغيرة على فمه..

وضع يدها على خصرها، وتساءلت بعبوس:

-موسأد، إنت هوف ( خوف ) أنا؟

رد عليها بجدية عجيبة:

-طبعاً!

ثم وضع يده على ذراعها، فشهقت مصدومة، وسحبها عنوة ناحية غرفتها وهو يضيف بصوت أكثر جدية:

-خشي يا حاجة جوا، أومال عاوزاني أسيبك تخرجي كده، خليكي مع الناموس أحسن!

حاولت سابين تخليص ذراعها من قبضته، وهي تهتف معترضة:

-موسأد، استنى!

لم يصغِ إليها، بل إستمر في دفعها وهو يقول:

-بلا موسأد بلا بتاع، يالا يا ماما، احنا عندنا ولايا!

سألته مستفسرة وهي تقف على عتبة غرفتها:

-ايه ولايا دي؟

رد عليها بإنهاك:

-انتي رغاية أوي، وأنا دماغي قفلت، بكرة أفهمك

أسبلت سابين عينيها لترمقه بنظرات ناعمة، وأخفضت نبرة صوتها لتقول برقة مغرية:

-موسأد، أنا مش آوز أقعد alone ( لوحدي ).

رمش بعينيه متأثراً بطريقتها الرقيقة في الحديث، ورد عليها بتنهيدة حارة:

-هييييح، هو في كده

ثم رسم علامات جادة على وجهه، وأكمل بجدية:

-أنا هنام هنا على الباب، ولو شوفت حاجة هاصحيكي

-بجد؟

هز رأسه عدة مرات وهو يقول بإيجاز:

-أينعم!

ثم رسم ابتسامة مطمئنة على شفتيه وهو يضيف:

-نامي وحطي في بطنك بطيخة صيفي!

همست سابين مرددة بصوت رقيق للغاية:

-بطيها؟

رد عليها مقلداً إياها:

-ييس، بطيها!

نظرت له ممتنة، وشكرته قائلة وهي تشير بأصابعها:

-اوكي موسأد، باي!

رد عليها بصوت هاديء وهو يلوح بكفه:

-سلام يا صابرين!

أغلقت الباب بهدوء، فتنهد مسعد مرة أخرى بعمق، وحدث نفسه قائلاً:

-وإن غداً لناظره قريب، يا صابرين…!

↚

في مركز التدريب،

عانت سابين كثيراً وهي تتقلب على الفراش حتى استطاعت أن تغفو قبيل الفجر بقليل..

كانت قواها منهكة للغاية، ولكنها لم تستطع النوم..

وحينما استسلم عقلها له بصعوبة، صدح صوت ال ( بروجي ) ليرج أركان المكان، فهبت مذعورة من مكانها، وسقطت عن الفراش وهي تصرخ بهلع..

استغرقها الأمر عدة لحظات لتستوعب أنها صوت الصافرة الخاصة بالجيش، والتي تعلن عن بدء النوبة الصباحية للجميع..

تحسست مواضع الآلم في جسدها، ونهضت بتثاقل عن الأرضية الصلبة مستندة على مرفقيها..

ألقت بجسدها المرهق على الفراش لتغفو، ولكن صدح الصوت المزعج بقوة مرة أخرى، فزفرت بغضب، وأطلقت سبة مبهمة، ثم رفعت رأسها المشعث عن الوسادة..

كانت تبدو كالموتى في شحوبها وفي هيئتها العامة..

جرجرت ساقيها إلى المرحاض لتغتسل وهي تتثاءب بإرهاق..

صرخت مفزوعة حينما مدت يديها أسفل الصنبور، فألهبتهما المياه الساخنة..

حدقت في البخار المتصاعد منها، وتمتمت بحنق:

-هي دي مياه سخنة ولا باردة، مش معقول كده!

قامت بتبديل فتح الصنابير، فكان الوضع أسوأ..

وبصعوبة بالغة تمكنت من الإغتسال وتبديل ثيابها إلى زي رياضي ملائم من اللون الرمادي ومن ماركة شهيرة..

خرجت من الغرفة، وأغلقت الباب خلفها، ثم تأملت المكان بنظرات سريعة خاطفة..

كان الوضع هادئاً إلى حد كبير، فتعجبت في نفسها، وتساءلت عن سببه وهي تعبث بإصبعها بخصلة شعرها المتدلية على الجانب..

قطع تفكيرها المتأني صوت مسعد من خلفها وهو يقول بصوت شبه متحشرج:

-صباح الخير

شهقت مصدومة، ووضعت يدها على صدرها، وأطبقت على شفتيها بقوة لتعاتبه قائلة ونظراتها الحادة مسلطة عليه:

-بليز موسأد، مش هوف ( خوف ) أنا

رد عليها بإبتسامة عريضة وهو يدنو منها:

-ده أنا بأصبح بس.

حدقت أمامها، وأشارت بعينيها وهي تتساءل بجدية:

-فين جنود هنا؟

أجابها مازحاً:

-على الجبهة!

فغرت شفتيها في عدم فهم من رده الغريب، ، فتدارك الموقف قائلاً بهدوء:

-بأهزر، النهاردة وبكرة أجازة في المركز، فهتلاقي معظم الناس هنا مش موجودين

رددت برقة:

-أجازة، You mean Holiday ( أنت تقصد عطلة )

أومأ برأسه وهو يجيبها:

-ايوه، الأجازة الأسبوعية بتاعتنا!

ثم وقف قبالتها، وتنهد بعمق وهو يطالعها بنظرات متفحصة..

خجلت هي من نظراته المسلطة عليها، وأشارت بيدها في الهواء وهي تسأله بضجر:

-أوكي، بس ليه صوت مزعج يضرب

أجابها بهدوء وهو يعقد ساعديه أمام صدره:

-ده الأساسي بتاعنا

أسبلت عيناها وهي تقول برقة:

-انت مش ممكن قولهم يوطوا الصوت شوية موسأد؟!

أومأ برأسه وهو يطالعها بنظراته الحالمة، فقد كانت رقيقة للغاية، ملامحها آسرة إن توقفت عن العبوس، وعينيها جميلتان تجبراه على التحديق فيهما بإستمرار..

أفاق من شروده على صوتها وهي تردد بإندهاش:

-موسأد، إنت سامع أنا، ممكن قولهم Stop ( يوقف ) الصوت ده!

ازدرد ريقه، ورد عليها:

-أها، ده عند أمه يا أدهم

قطبت جبينها وهي تسأله بريبة من عباراته الغامضة:

-ايه؟

ابتسم لها وهو يتابع:

-متخديش في بالك، المهم قوليلي نمتي كويس؟

هزت كتفيها وهي تتنهد بإرهاق:

-مش أوي!

أكمل مسعد قائلاً بهدوء:

-عادي، بكرة هاتتعودي، كلنا كنا كده في الأول!

ثم أشار لها بيده ليتحركا للأمام، فسألته مستفهمة وهي ترسم ابتسامة خفيفة على محياها:

-اوكي، بس احنا نعمل ايه موسأد؟

أجابها بثقة وهو ينتصب بجسده:

-هناكل من الميس بعد ما نعمل تمام الطابور!

عقدت ما بين حاجبيها بتعجب، ورددت بإندهاش بلكنة غريبة:

-هاه، مس! تابور! أنا مش أفهم

لوح لها بذراعه وهو يقول بحماس:

-بصي ده مش بيتشرح، ده بيتشاف، تعالي هاوريكي.

تابع الاثنين سيرهما نحو قاعة الطعام الخاصة بالوحدة التدريبية، فقابلا في طريقهما باسل، الذي بادر قائلاً بهدوء وهو ينظر إلى سابين:

-صباح الخير!

ردت عليه سابين بإبتسامة رقيقة:

-هاي باسل

بينما أردف مسعد قائلاً بحماس:

-صباحك فل يا باسول

تساءل باسل بإهتمام وهو يحك مقدمة رأسه:

-أهلا، اخبارك ايه؟

أجابته بإيجاز:

-فاين ( بخير )

أومأ برأسه وهو يردد بهدوء:

-عظيم.

شعر مسعد بالإنزعاج من إهتمام باسل بالخبيرة، وتمكنه من الحصول على انتباهها الجاد، فبدى على تعابير وجهه الإنزعاج، لذا دون تأخير هتف قائلاً بضجر:

-مش جعان يا باسل، ولا هنقضيها كلام كتير! احنا كده الطابور فاتنا، وآآآ..

رد عليه الأخير مقاطعاً بصوت رخيم:

-أنا واقع، بس بينا أوام نلحق الطابور

غمز له بعينه اليسرى وهو يقول:

-ماشي.

تحركت سابين إلى الأمام أولاً، بينما أبطأ مسعد في خطواته ليراقبها في سيرها، فاقترب منه باسل، وسأله بجدية وهي يشير بعينيه إليها:

-هي هاتاكل من أكلنا؟

رد عليه مسعد بصوت خافت:

-مش عارف

اتسعت عيني باسل قليلاً وهو يتابع محذراً:

-بس دي، دي ممكن يجيلها آآ…

قاطعه مسعد قائلاً بهمس:

-ششش، مش لازم الفضايح دي الوقتي

التفتت سابين برأسها نحوهما، ثم حدقت في مسعد وسألته بنعومة:

-قولوا ايه موسأد؟

رد عليها وهو يبتسم إبتسامة عريضة:

-ده أنا بأسأله عن طبق اليوم

أومأت برأسها متفهمة وهي تجيبه:

-أوكي!

في إحدى المدارس الخاصة،

جلست إيناس إلى جوار هدير على المقعد الخشبي في فناء المدرسة الواسع، وارتشفت عصيرها، ثم ألقت بالعبوة الفارغة في سلة المهملات الموضوعة إلى جوارها، وألحت قائلة:

-ها قولتي ايه؟

مطت هدير شفتيها للأمام، وعبثت بقدمها في الأرضية الإسفلتية وهي جالسة في مكانها، وظلت محدقة أمامها بنظرات غامضة دون أن تصدر كلمة…

تنهدت إيناس بصوت مسموع بعد أن ضجرت من صمت رفيقتها، ثم تابعت بإلحاح:.

-يا هدير إنتي عارفة الأماكن دي أكتر مني، فقوليلي هما فين

ردت عليها هدير بجمود:

-بصي يا إيناس، أنا أعرف كوافيرات كتير، بس طبعاً كل واحدة تكلفتها غير التانية

عضت إيناس على شفتها السفلى، ثم أردفت قائلة بحذر:

-أنا عاوزة واحدة سعرها حنين عليا، أنا برضوه مش معايا فلوس كتير، ومش عاوزة أعمل حاجات ملفتة!

هزت هدير رأسها وهي تقول بجدية:

-اوكي، هو في واحدة قريبة منك، بس مش عارفة أسعارها

ابتسمت إيناس وهي تهتف بحماس:.

-خلاص نعدي عليها بعد المجموعة ونسألها

ضاقت عيني هدير وهي تتابع بمكر:

-ماشي، بس أنا عاوزة منك خدمة

سألتها إيناس بإهتمام وهي تطالعها بنظرات دقيقة:

-ايه هي؟

صمتت هدير للحظات قبل أن تجيبها بغموض:

-موبايل المز

تشكل على وجهها علامات الصدمة بعد جملتها الموجزة، ورمشت بعينيها غير مصدقة ما طلبته منها للتو، وفهمت مقصدها، ولكنها حاولت إنكاره..

لذا ابتلعت ريقها، وسألتها بتوجس:

-قصدك مين؟

التوى ثغر هدير بإبتسامة ماكرة وهي تجيبها:

-هو في غيره، الشاب الجان اللي كان ماشي معاكي!

هتفت إيناس دون وعي:

-باسل!

رفعت هدير حاجبيها للأعلى في تصريح واضج بالإعجاب وهي تقول:

-ايوه

ثم ظلت محدقة في إيناس لتراقب ردة فعلتها بعد طلبها الخطير هذا..

أمسكت الأخيرة بطرف جديلتها، وأخذت تعبث بها في غير هدى لتفكر فيما عرضته صديقتها..

فالطلب يبدو من ظاهره سهلاً يسيراً، لكن ربما تنفيذه سيؤدي إلى أمور غير محمودة العواقب..

نفخت إيناس بإستياء وهي تقول:

-بس أنا قولتلك، ده أكبر مننا بكتير و مش بتاع آآآ…

قاطعتها هدير بإصرار واضح في نبرتها:

-مالكيش إنتي دعوة!

ثم وضعت يدها على كتف رفيقتها، وضغطت عليه بأصابعها برقة وهي تكمل بمكر:

-وبعدين أنا هاظبطه مع بنت خالتي، هي أده في السن!

التفتت إيناس برأسها نحوها، وهتفت بقلق:.

-هدير، اوعي تكوني ناوية تعملي معاه مشاكل، أنا مش ناقصة وجع دماغ من مسعد ولا من أصحابه، دول مش زينا!

التوى ثغر هدير بإبتسامة ماكرة وهي تجيبها:

-يا بنتي، ده احنا هانبقى أصحاب وبس، زي ما انتي وهو أصحاب

إنزعجت إيناس من تصريح رفيقتها الدائم بأنها صديقة مقربة لرفيق أخيها، فهتفت معترضة بشدة وقد تحول وجهها للعبوس:

-بس هو مش صاحبي!

أخفضت هدير نبرة صوتها لتهمس بفحيح ماكر:

-سوري، مقصدش، يعني احنا هانبقى معارف بس.

فركت إيناس كفي يدها معاً، وتطلعت أمامها لبرهة، ثم انتصبت في جلستها، وصاحت بضجر:

-أنا مش مرتاحة

رمقتها هدير بنظرات حادة قبل أن تستدير بجسدها للجانب، فقد يئست من عناد رفيقتها، ثم فكرت سريعاً في معاتبتها بطريقة ملتوية، لذا هزت كتفيها بقوة، وهتفت بإمتعاض وهي تعقد ساعديها أمام صدرها:

-خلاص مافيش داعي يا إيناس، إنتي مش بتثقي فيا، وأنا بأساعدك من غير ما استنى منك آآ…

عضت إيناس على أناملها لتقاطعها بنبرة متوترة بعد أن استشعرت غضبها الملحوظ:

-اوكي يا هدير، هاجيبلك رقمه، بس الأول اوعديني، متعمليش مشاكل معاه

أرخت الأخيرة ساعديها، وأدارت جسدها ببطء ناحيتها، ورسمت على ثغرها ابتسامة ماكرة وهي تهمس بصوت ناعم:

-اطمني يا نوسة، ده وعد

أطرقت إيناس رأسها للأسفل لتردد بإستسلام:

-ماشي!

في قاعة الطعام الملحقة بالوحدة التدريبية،

سحبت سابين المقعد الشاغر للداخل قليلاً بعد أن جلست عليه، بينما تحدث باسل مع أحد الأشخاص ليعطيه بعض التعليمات، وتوجه مسعد للطاهي ليأخذ منه الطعام..

تلفتت سابين حولها لتنظر إلى المكان بفضول في محاولة منها لحفظ تفاصيله..

هو لا يحتاج إلى مجهود كبير في تذكره..

فقاعة الطعام كبيرة، والطاولات دائرية ومتراصة بصورة منتظمة..

وحول كل طاولة عدة مقاعد معدنية..

وقعت عيناها مصادفة على ذلك السمج الذي كان يرمقها بنظرات جريئة أربكتها قليلاً وهو يجلس في الخلف..

حاولت أن تبدو أمامه غير عابئة به، ولكنها لن تنكر تلك القشعريرة الخفية التي دبت في أوصالها منه، فنظراته لم تكن مريحة بالمرة..

أسند مسعد على الطاولة صينية معدنية فانتبهت هي إلى صوتها، ورفعت رأسها للأعلى في اتجاهه، وابتسمت له مجاملة دون أن تنبس بكلمة..

هتف هو بحماس وهو يشير إلى بعض الأطعمة المعلبة:.

-شوفي أنا جايبلك خير منتجاتنا، حاجة فخر الصناعة الوطنية، من أجود أنواع الأكل الفاجر، قصدي الفاخر

دققت سابين النظر في تلك المعلبات الصغيرة، وتفحصتها بإهتمام وهي تسأله بجدية:

-ده ايه؟

رد عليها بثقة:

-كلي، ومتسأليش، دي مضمونة

نفضت أصابعها برقة، ورمشت بعينيها وهي تسأله بإلحاح:

-بس أنا آوز اعرف ده أيه؟

سحب المقعد ليجلس إلى جوارها، ورد عليها بسخرية:

-يا صابرين ماتبقيش زنانة زي الستات المصرية، كده مش حلو عشانك!

حاولت أن تعيد ما قاله، فبدى صوتها مذبذباً وهي تردد:

-زان، آآ، ايه؟

أخذ هو نفساً عميقاً، وأجابها بتنهيدة مطولة:

-هو لسه اليوم في أوله، وأنا هاريحك!

أمسك بأول علبة صغيرة، ورفعها نصب عينيها ليجيبها بجدية:

-دي حلاوة طحينية يا ستي، حاجة كده اسمها بارميزان، على أبوها، سادة، ده تمامنا هنا، لكن لو عاوزاها بإضافات، هانجيبها متهربة!

قطبت جبينها دون أن تعقب، بينما أكمل هو بهدوء جاد وهو يمسك بعلبة أخرى:.

-والحلوة اللي مش باينلها ملامح دي تبقى مربى، ده شوية جيلي نشف مننا، فقولنا نعمله مربى، وأهوو بيتاكل، والباقي مجهول المصدر والهوية!

ظهر على وجهها علامات الإندهاش، وهتفت بإنبهار:

-واو، انت Mean ( تقصد ) إنها Natural ( طبيعية )؟

فرك مسعد مؤخرة رأسه محاولاً تخمين معنى تلك الكلمة العجيبة التي لفظتها تواً، وزم فمه ليقول:

-بصي هي مش بعيدة عن اللي قولتيه

أسبلت سابين عينيها قليلاً، وهمست برقة:

-موسأد!

ابتسم لها ببلاهة وهو يهتف بتلهف:

-عيون موسأد

سألته بجدية لا تتناسب مع نبرتها الرقيقة السابقة:

-إنت ليه مش اتعلم انجليش؟

أجابها بتفاخر وهو يحرك عنقه للجانبين:

-ومين قالك إن أنا مش متعلم، ده أنا قاموس يا صابرين!

اندهشت هي من رده الواثق، فإستندت بذقنها على مرفقها، وسألته بإهتمام وهي ترمش بعينيها:

-إنت تعرف لغات؟

أجابها دون تردد:

-اه طبعاً

أرجعت ظهرها للخلف، وهتفت متساءلة بحماس:.

-واو، Like what ( مثل ماذا )، آآ، زي ايه؟

تنحنح مسعد بصوت خشن قبل أن يجيبها وهو يشير بيده:

-شوفي يا صابرين، أنا بالصلاة على النبي معايا 3 لغات مالهومش رابع

هتفت بعدم تصديق وهي ترفع حاجبيها للأعلى:

-3!

تابع مسعد قائلاً بثقة وهو يشير بأصابعه:

-أيوه، لغة عربية، ولغة شعبية، ولغة زبالة!

انفرجت شفتيها في صدمة واضحة، ورددت:

-هاه

أكمل قائلاً بتحذير وهو يغمز لها:.

-ومانصحكيش بالتالتة، لأحسن لساني بيبقى زفر أوي فيها، ويمكن تكرهي حياتك بعدها!

أغلقت فمها، وضغطت على شفتيها لتقول بحرج وهي تهز رأسها:

-أوه، اوكي

انضم إليهما باسل، وتساءل قائلاً بجدية وهو يجلس على المقعد الثالث:

-ايه الأخبار؟

رد عليه مسعد وهو يمط فمه بتفاخر:

-كله تمام يا ريس

أشار باسل بعينيه للطعام، وتساءل بإهتمام وهو مسلط أنظاره على سابين:

-ها الأكل عجبك؟

توردت وجنتيها قليلاً من نظراته المحدقة بها، وهمست بصوت حرج وهي تخفض عيناها:

-لسه مش دوق!

تابع باسل قائلاً بحماس واضح في نبرته:

-عموماً، دي حاجة بسيطة، أنا وصيتلك على كام حاجة محترمة!

اغتاظ مسعد من إسهاب رفيقه في الحديث معها، ولاحظ تأثرها الطفيف بردوده على قسمات وجهها، فضغط على شفتيه بقوة ليقول:

-ده أنت متوصي بيها على الأخر

التفت باسل برأسه ناحيته، وابتسم قائلاً:

-عشان تعرف آآ…

لم يكمل جملته حيث قاطعهم ذلك السمج فادي الذي هتف بنبرة عالية:

-الحلو منور عندنا من بدري، صباحو فل!

نفخت سابين بضيق واضح، وأشاحت بوجهها للجانب..

بينما نظر مسعد له شزراً، وغمغم بضجر:

-أهلاً بالرخم!

أردف باسل قائلاً بإمتعاض:

-ايه يا فادي، انت مش كنت نازل أجازة؟ لحقت تغير رأيك؟!

ابتسم له فادي بسخافة وهو يقول:

-لا ما أنا قولت أقعد معاكو أونسكو!

ثم سحب مقعداً ليجلس على مقربة من سابين، وتابع ببرود مستفز:.

-ايه أخبار الخبراء معاكو، عرفوا يناموا، ولا آآآ…

قاطعه مسعد قائلاً بنفاذ صبر:

-انت هتزاولنا!

حركت سابين مقعدها لتبتعد عن فادي، وهمست بكلمات مبهمة، فسألها فادي بإهتمام:

-ايه؟

صاح باسل بجدية وقد تصلبت تعابير وجهه:

-فادي، الأستاذة مش بتاعة رغي، هي جاية تعمل شغل وتمشي، مش لازم نوريها الوش الوحش بتاعنا

بينما أضاف مسعد على مضض:

-دي ممكن تزرفك تقرير يرجعك المطافي!

قهقه فادي بنبرة مرتفعة ليثير حنقهم أكثر من أسلوبهم الفظ والثقيل في التعامل، ثم جاهد ليتلقط أنفاسه وهو يقول بصعوبة

-رهيب يا مسعد باشا، انت عارفني راجل خدوم!

تمتم مسعد بضجر من بين أسنانه:

-أم دي خدمة فالق دماغنا بيها!

أكمل باسل قائلاً بتحذير:

-حل عن سمانا السعادي! ممكن

نهض فادي بتثاقل عن مقعده، وتابع ببرود وهو يشير بكفه للخلف:

-عموماً أنا هنا لو احتاجتوا حاجة

هب مسعد واقفاً، وأردف قائلاً بخشونة:.

-يالا يا صابرين، خلينا نقوم نشوف ورانا ايه!

وضع فادي إصبعيه على مقدمة رأسه ليحيهم، وأكمل بإبتسامة سخيفة:

-سلام يا رجالة!

ثم سلط أنظاره على سابين، وتابع بغمزة ماكرة:

-سلام يا، يا خبيرة!

لوى مسعد ثغره بتأفف جلي على محياه، بينما رمقه باسل بنظرات نارية فهو يدرك نوايا ذلك السمج المزعجة..

تنحنحت سابين بحرج، ثم استطردت حديثها بخفوت رقيق:

-هو، هو بس في Problem ( مشكلة )صغير؟

استدار الاثنين نحوها، وبادر باسل بسؤالها:

-مشكلة ايه هي؟

أجابته سابين بهدوء:

-أنا أرسلت فاكس أطلب تقارير تقييمية، وهتوصل آآ، in two days ( خلال يومين )

تساءل مسعد بعدم فهم:

-يعني المطلوب نعمل ايه؟

أجابته بإبتسامة ناعمة:

-اهنا ( إحنا ) في أجازة لحد تقرير يوصل عشان أنا إشتغل!

رسم مسعد على وجهه ابتسامة سخيفة وهو يردد بصوت خافت:

-ده كده فل على الأخر!

في إحدى مراكز التجميل النسائية،

دفعت إيناس باب المركز بيدها للداخل لتلج إليه، ثم جابت بعينيها المكان لتتبين معالمه سريعاً..

كان المركز شبه خالياً من رواده في تلك الساعة المبكرة، ولكنه كان على درجة عالية من الرقي..

قاطع تأملها صوت أنثوي رقيق:

-أي خدمة

ارتبكت إيناس، وبدى على تعابيرها التوتر، وحاولت إجابتها فخرج صوتها متلعثماً:

-أنا، انا كنت جاية آآ، آآ، اعمل، قصدي أسأل عن آآ…

رمقتها الفتاة بنظرات شاملة قبل أن تقاطعها متساءلة بصوت واثق:

-إنتي عاوزة تعملي حواجبك؟

اتسعت مقلتي إيناس في إندهاش قليل، وهتفت بصوت متردد:

-هاه، حواجبي!

أشارت نحوهما الفتاة بإصبعها وهي تجيبها بإيجاز:

-ايوه!

حاولت إيناس أن تخفي إرتباكها، وعضت على شفتها السفلى قليلاً، وأجابتها بنبرة مضطربة:

-اه، أيوه، أنا، أنا كنت جاية لكده

ثم همست لنفسها بحرج:

-هما، هما باين عليهم انهم وحشين؟

لم تفهم الفتاة ما قالته إيناس، فسألتها:

-افندم؟

ردت عليها إيناس بإحراج:

-لا ولا حاجة، أنا بأكلم نفسي بس

هزت الفتاة رأسها متفهمة، ثم لوحت لها بيدها لتتحرك للأمام وهي تقول بجدية:

-طب تعالي معايا

جلست إيناس على المقعد الخاص بتجميل السيدات، وبدت أكثر توتراً وهي تحاول التمدد عليه، وبحذر شديد أرجعت رأسها للخلف، وبدت غير مسترخية وهي ترمش بعينيها كثيراً أثناء تحديقها في سقفية المكان..

شعرت بظل ما يقترب منها، فوجدت عيني الفتاة محدقة بها، ثم أشارت لها برأسها وهي تقول:

-اقعدي براحتك، متقلقيش

ثم رسمت ابتسامة مجاملة وهي تسألها بفضول:

-دي أول مرة تعمليهم صح؟

ابتلعت إيناس ريقها، وأجابتها بهمس:

-آآ، اه!

مسحت الفتاة بإصبعها على حاجبي إيناس، وتابعت بصوت هاديء:

-اوكي، أنا مش هاعمل حاجة فيهم، هاشيل بس الزوايد، ومش هاتحسي بحاجة

ردت عليها إيناس بتوتر:

-اوكي، بس ممكن أسأل في حاجة تانية؟

أجابتها الفتاة بإيجاز:

-اتفضلي

أخذت إيناس نفساً عميقاً، وحبسته للحظة في صدرها فقد أربكها اقتراب الفتاة منها وتحديقها بها كأنها فأر تجارب، ثم زفرته على مهل، وسألتها بحرج:

-هو، هو أنا لو حبيت أعمل شعري يتكلف كام؟

ردت عليها الفتاة بإسهاب:

-تقصدي استشوار ومكواة، ولا فرد الشعر بالبروتين، ولا انتي عاوزاه كيرياتين، في حنة سودة كمان!

بدت إيناس تائهة بعد ما سمعته، وزادت علامات الحيرة على تصرفاتها، ورددت بعدم فهم:

-هاه، ده ايه ده كله؟

أكملت الفتاة بصوتها الجاد:

-في أوبشنز كتير هنا، على حسب اللي يناسبك، شوفي انتي حابة ايه أكتر!

اعتدلت إيناس في جلستها، وفركت عنقها – و الذي تألم بسبب إرجاعه لوقت ليس بالقليل للخلف – بيدها، ثم

سألتها بإهتمام:

-وتكلفة كل حاجة منهم ايه؟

تنهدت الفتاة وهي تجيبها:.

-بصي على حسب، الأرخص هو الفرد بالاستشوار و بالمكواة السراميك، بيفضل شعرك كام يوم حلو، وبعد كده بتغسليه فبيرجع زي ما كان!

حكت إيناس طرف ذقنها وهي تسألها بجدية:

-أها، طب والبروتين ده؟

ردت عليها الفتاة بهدوء:

-ده بيفرد الشعر لفترة طويلة، وبيبقى زي الحرير بالظبط

مطت إيناس شفتيها في إعجاب، فربما يكون هذا هو الحل الأمثل لشعرها المجعد، ثم تساءلت بإهتمام أكبر:

-والله، والكيرياتين زيه؟

أجابتها الفتاة وهي تشير بيدها:

-ده قريب من البروتين، بس نسبة الفورمالين أعلى شوية، وسعره أرخص!

صمتت إيناس للحظة لتفكر فيما قالته، فقد أعجبت بتلك الحلول السحرية لعلاج مشاكل الشعر، وبالتالي ستتغلب على سخرية الأخريات منها، ولاح في خيالها صورة لها وهي في هيئتها الجديدة..

سريعاً ما أفاقت من أحلامها الوردية، وتساءلت بجدية:

-أها، يعني تكلفتهم كام؟

ردت عليها الفتاة بهدوء:

-على حسب طول الشعر وكثافته.

أشارت إيناس بيدها وهي تتساءل:

-طب، طب بالتقريب كده، أنا شعري لو حبيت أعمله يتكلف كام؟

زمت الفتاة شفتيها، وأمسكت بجديلة إيناس لتتفحصها، ثم أجابتها:

-مممم، يعني مش أقل من 5 ألاف جنية!

ارتفع حاجبيها للأعلى في ذهول، وصرخت مصدومة:

-نعم، ليييييييه؟

لوت الفتاة ثغرها بإستغراب من ردة فعلها المبالغ فيها، وبررت قائلة بتهكم قليل:

-يا آنسة، شعرك سوري يعني شبه سلك المواعين، هياخد مجهود في الفرد!

نهضت إيناس عن المقعد، ورمفت الفتاة بنظرات ساخطة، ثم صاحت فيها بإنفعال:

-إن شاء الله ماعنه اتفرد، أل 5 ألاف جنية أل، ده أنا لو طلبت 100 جنية من ماما هتعملي قضية، أقوم أقولها هاتي 5 ألاف أفرد شعري، ده مش بعيد تفردني أنا بالفلوس دي..!

ثم تحركت كالمغيبة في اتجاه باب مركز التجميل، فسارت الفتاة خلفها، وسألتها بإندهاش:

-يا آنسة، إنتي رايحة فين؟ مش هاتعملي حواجبك.

التفتت إيناس برأسها نصف إلتفاتة نحوها، وحدجتها بنظرات غاضبة وهي تجيبها بإمتعاض:

-لأ، أنا عاوزاهم كده شبه المقشات!

ثم استدارت برأسها للأمام لتتابع بتهكم:

-5 ألاف جنية، اتقوا الله يا عالم يا ظلمة، ده أنا أغلى شامبو جبتو في حياتي معداش ال 20 جنية…!

↚

حصلت هدير على رقم هاتف باسل المحمول من إيناس، وبدأت في رسم خطة ماكرة في ذهنها للتقرب منه أكثر..

لم تعبأ بحنثها بوعدها لصديقتها في عدم الإضرار بها أو حتى الإساءة إليها، فشاغلها الأكبر هو مرافقته بغض النظر عن أي شيء يمكن أن يحدث، ونفذت خطتها بالفعل، وبدأت في مهاتفته لتثير فضوله أولاً، ثم بعدها ستنتقل للخطوة التالية وهي التودد إليه..

كما تغاضت إيناس ( مؤقتاً ) عن فكرة تجميل نفسها وتعديل مظهرها بعد أن وجدت أن التكلفة ستكون باهظة بالنسبة لها وتفوق قدراتها المالية المتاحة، بالإضافة إلى توبيخ هدير لها لذهابها بمفردها لأحد المراكز دون انتظار رأيها الجوهري في تلك المسألة الحساسة من وجهة نظرها…

مر يومان على سابين وهي في متواجدة في مركز التدريب، وحاولت فيهما قدر إستطاعتها الإندماج والتكيف مع طبيعة الحياة هناك..

أرهقها محاولتها المضنية للنوم بسلام، ولكنها لم تحظَ على الساعات الوافية التي يحتاجها جسدها للإسترخاء، فبدى وجهها أكثر تعباً عن ذي قبل، وقلت نضارته إلى حد ما، ورغم هذا لم يقلل من جمالها الطبيعي..

و كالعادة لم تسلم من سخافات فادي المتكررة ونظراته الوقحة كلما رأها…

ولكن ما كان يريحها هو وجود مسعد دوماً إلى جوارها، وكذلك باسل الذي كان أكثر تفاهماً معها..

شعرت بالحنين إلى أهلها ورفاقها رغم عدم مضي وقت طويل، لكنها كانت تشتاق إلى وجودهم في حياتها..

أقنعت نفسها أنها فترة مؤقتة ستمر بأي حال من الأحوال لتعود كما كانت..

كذلك استغلت الفرصة في مراجعة دورها كخبيرة أجنبية جاءت لتقييم عدد من الضباط الأكفاء لتبدو مقنعة ومنطقية حينما يتم سؤالها مباغتة من قبل أي شخص وخاصة السمج الذي يلاحقها كظلها…

لم يتوقف عقل مسعد عن التفكير في ( صابرين ) التي استحوذت على عقله، فقد كانت مختلفة وغامضة بشكل مثير..

كذلك استشعر بفراسته التي قلما تظهر بأن هناك خطب ما وراء السماح بوجودها في وحدتهم الخاصة غير كونها خبيرة دولية وحصولها على امتيازات عجيبة، لم ينالها أحدهم مسبقاً، بالإضافة إلى صغر سنها الذي حيره كثيراً..

فهي تبدو أقل عمراً بكثير من خبيرة محكنة درست وأجرت الأبحاث الموثوقة على مدار سنوات عمرها القليلة..

ومع هذا حاول ألا يعطي الموضوع أكثر مما يستحق، فهي في النهاية قد جاءت إلى هنا من أجل تقييمه، وربما ستكون فرصته للوصول إلى هدفه السامي وهو الحرس الرئاسي..

أما باسل فقد أعجبته سابين كثيراً، فهي شابة ناضجة، مفعمة بالنشاط، وطموحة إلى أبعد الحدود..

ما أبهره حقاً، هو تمكنها من الحصول على ذلك المنصب الهام في تلك المؤسسة الدولية التي تمثلها بالرغم من كونها لم تتخطَ منتصف العشرينات..

تمنى أن يقابل في حياته فتاة مثلها، قادرة على فعل المستحيل وتحقيق أحلامها بإصرار، ورغم هذا كان حذراً فيما يتمناه، ففي النهاية وجودها مرتبط بوقت زمني، ومحدد بمهام بعينها..

ما أزعجه أيضاً خلال تلك الفترة هي تلك الاتصالات الهاتفية المتكررة من أرقام مجهولة في أوقات مختلفة من الليل، و ترفض الرد عليه رغم أسلوبه اللاذع في إهانة المتصل حينما يسأله عن هويته..

لكنه كان يستمع إلى صوت تنهيدات مطولة وعميقة، وهمسات خافتة بإسمه، فأثارت حنقه أكثر…

على الجانب الأخر، لم يقتنع فادي بمهمة سابين المتواجدة في مركز التدريب الخاص بهم بأي شكل، ولم تَخيل عليه وظيفتها كخبيرة دولية ذات مستوى رفيع، خاصة وأنها صغيرة السن، وعلى حسب بحثه المتأني على مواقع الانترنت المختلفة حول طبيعة الخبراء ومهامهم، وجد أن متوسط أعمارهم يتخطى حاجز الأربعين عاماً، وأبحاثهم الدولية تتخطى العشرات…

لذا فقد استنتج أنها ليست خبيرة بالمعنى التقليدي..

كذلك هي أنثى مثيرة، ولافتة للأنظار بطبيعتها المتحررة تتناقض تماماً مع هيئة الخبير المعتاد، وهي وحيدة في معقل الرجال الأشداء، ومعنى السماح لمثلها بالبقاء معهم أن وراءها سر خطير، فقرر أن يتحرى بنفسه عن السبب الحقيقي لوجودها، بالإضافة إلى شعوره بالتسلية لوجود من تثير رغباته كرجل يتوق للنساء، فزادت حماسته تجاهها…

في مركز التدريب،

تحركت سابين بتثاقل في اتجاه المرحاض بعد أن صدح صوت البروجي المزعج ليوقظها من أعمق أحلامها..

تثاءبت وهي تغسل وجهها بالمياه، وأمالت رأسها للأمام بعد أن أغمضت عينيها المتعبتين لتستند بكفيها على حافة الحوض..

بدت أكثر إرهاقاً عما مضى، وغفت للحظة قبل أن تشهق بذعر حينما تكرر الصوت المزعج مرة أخرى..

نفخت بتعب، وسارت عائدة إلى فراشها وهي تمتم بصوت ناعس:

-مش قادرة، أنا عاوزة أنام.

ثم ألقت بجسدها عليه لتغط في سبات عميق بعد عدة دقائق…

لم تشعر بمرور الوقت وهي غافية، فقد كان جسدها منهكاً للغاية، ولم تعدْ تستطيع الصمود أكثر من هذا…

وقف مسعد أمام باب غرفتها، وحدق فيه بإندهاش، ثم حك مؤخرة رأسه عدة مرات وهو يتساءل مع نفسه بقلق:

-هي مش ناوية تخرج النهاردة ولا ايه؟ دي اتأخرت أوي!

فرك طرف ذقنه بتوتر قليل، وتابع حديث نفسه بتوجس:

-طب أخبط عليها، وأشوف مالها، ولا استنى شوية! ماهو يمكن تكون في الحمام ولا حاجة، جايز عندها امساك ومش عارفة آآ…

أطرق رأسه في حرج ولم يتابع جملته، ثم ركل بقدمه الأرضية، وحسم أمره قائلاً:.

-أنا هاخبط عليها، ماهو مش معقول اسيبها كده، مش يمكن جرالها حاجة وأنا مش دريان!

اقترب من الباب، ودق عليه بخفة، وهتف بصوت عالي نسبياً:

-صابرين، صاحية؟

انتظر أن تجيبه، لكن لا شيء، فدق مجدداً بقوة أكبر، وصاح عالياً:

-يا صابرين، يا ست الخبرا، كل ده نوم، الضهر ادن!

لم يجد إجابة منها، فتوجس خيفة، وهدر بقلق:

-انتي كويسة؟ صابرين سمعاني؟

زاد من عنف الدقات عليه، وأكمل مهدداً:

-أنا هاكسر الباب لو مردتيش عليا.

بقي الوضع على ما هو عليه، فتراجع عدة خطوات للخلف قبل أن يندفع بقوة للأمام ليرتطم بالباب بقسوة محاولاً تحطيمه..

كرر فعلته مرتين بقوة، ومع المرة الثالثة انخلع الباب، وسقط أرضاً ليحدث دوياً هائلاً، فإنتفضت سابين فزعة على إثر الصوت الرهيب…

شهقت مذعورة حينما رأت طيف مظلم لشخص ما أمامها، وتوجست خيفة أن يكون ذلك الشخص أحد القتلة المحترفين الذين يسعون خلفها، فصرخت بهلع..

اقترب مسعد منها، وطمأنها قائلاً:.

-اهدي يا صابرين، ده أنا مسعد!

فركت عيناها بيديها، وحدقت فيه بتركيز، وسريعاً ما اكتست وجنتاها بحمرة غاضبة، وعاتبته قائلة بصوت محتشرج:

-ليه آملت ( عملت ) كده موسأد؟!

نظر لها بإستغراب، وأثار ريبته هلعها الغير مبرر، لكن ما أدهشه حقاً هو بكائها أمامه..

دفنت وجهها في راحتيها، وأكملت نحيبها المكتوم..

فغر مسعد فمه مشدوهاً، واقترب من فراشها، وجلس على طرفه، وأمسك بكفيها ليبعدهما عن وجهها، وسألها بقلق:.

-في ايه يا صابرين؟ للدرجادي أنا فزعتك؟

حاولت أن تضبط أنفاسها، وسحبت يديها من قبضتيه بهدوء، ومن ثم أجابته وهي تبكي:

-مش إمل ( اعمل ) كده موسأد، أنا هاف ( أخاف )

نظر لها بإشفاق، وشعر بوخزة في قلبه تجاه عبراتها، وأردف قائلاً بأسف:

-حقك عليا، أنا مقصدش والله

أغمضت عينيها، وظلت تنتحب بخفوت، فحاول التخفيف عليها، فهتف بإبتسامة عريضة:

-انتي برضوه اللي غلطانة يا صابرين، في حد ينام زي القتيل بعد الرقع ده كله!

فتحت عيناها اللامعتين لتنظر إليه في عدم فهم، وسألته بصوت مختنق:

-ايه؟

تابع قائلاً بعتاب زائف:

-وبعدين أنا استعوقتك!

انفرجت شفتيها في عدم فهم، فأكمل موضحاً:

-اقصد انتي اتأخرتي كتير، وده ماينفعش

عبست بوجهها وهي تعاتبه:

-بس مش جود ( جيد ) إنك تكسر باب كده موسأد

وأشارت بعينيها إليه، فاستدار برأسه للخلف، وعاود النظر إليها ليقول بثقة:

-مسمارين يا صابرين وكل حاجة ترجع زي ما كانت، إنتي جيتي في جمل!

رددت برقة وهي ترفع حاجبيها للأعلى:

-جمل؟!

أومأ برأسه إيجاباً وهو يوضح لها:

-اه، سفينة الصحراء، إنتي مش عارفة عربي يا صابرين ولا ايه؟

هزت رأسها بحركة خفيفة وهي تهمس:

-أها، اوكي!

تابع هو قائلاً بجدية وهو يغمز لها:

-بس اطمني، أنا مش هاقول لحد على اللي شوفته

رمشت بعينيها غير مستوعبة ما قاله تواً، فبرر لها وهو يشير بيده في الهواء:

-جو الريالة والشعر المنكوش والحركات دي، أنا واخد على كده!

شهقت مصدومة، وتوردت وجنتيها خجلاً منه، ووضعت يديها عفوياً على رأسها لتهندم من شعرها المشعث، واعتذرت بحرج:

-أوبس، سوري، شكلي بشع!

ابتسم لها قائلاً بمزاح:

-لما انتي شكلك كده بشع، أومال ايناس أختي يتقال عنها ايه لما بتصحى من النوم! يا بنتي ده انتي ملاك جمبها

سألته بفضول وهي تميل برأسها للجانب:

-إيناس! انت آندك ( عندك ) Sister( أخت )؟

أجابها مسعد بإنزعاج مصطنع:

-عندي 3 بعيد عندك، أسوأهم ايناس، نسخة مني!

ثم أخفض نبرة صوته، ومال عليها بجسده ليهمس لها بجدية:

-بصي هي مش شبهي أوي، بس زي ما تقولي احنا فولة واتقسمت نصين في خفة الدم والحلاوة والشقاوة واللي بالك فيه..!

أسبلت سابين عينيها خجلاً منه، وتراجعت للخلف قليلاً، وتشكل على وجهها علامات الحزن، وهمست قائلة:

-أنا مش آندي حد، I miss my family, my friends and my beloved ones ( أنا أفتقد عائلتي، واصدقائي، وكل أحبائي )

مط فمه في حزن زائف وهو يردد بضيق:.

-يا عيني عليكي ياختي!

تنهدت سابين بعمق، وأضافت بصوت شبه مختنق:

-آرف ( عارف ) موسأد، أنا نفسي في ايه؟

سألها بإهتمام:

-ايه؟

أجابته بصوت خفيض وهي تنظر أمامها بشرود:

-أنا مهتاج ( أحتاج ) آآ، Hug ( حضن ) أوي

حك جانب رأسه في محاولة للفهم، فكررت هي الكلمة الأخيرة مرة أخرى أمامه، فارتسم على ثغره ابتسامة عريضة بعد أن ظن أنه فهم مقصدها، وهتف بحماس:.

-تحجي! ماتقولي كده يا شيخة، وأنا والله نفسي أروح أحج وأعمل عمرة كمان، بس إن شاء الله هاقدم في القرعة اللي جاية، ويمكن تضرب معايا وأطلع! وساعتها هدعيلك يا ستي، يمكن ربنا يهديكي وتتحجبي كده، وأستتك، قصدي تتجوزي

هزت رأسها بإستياء من ثرثرته الزائدة، وردت عليه بضجر:

-اوه، لأ مش ده موسأد، أنا اتكلم عن هوضن ( حضن ).

ارتفع حاجباه للأعلى بعد أن فهم مقصدها الأساسي، وظهر على نبرته الحماسة وهو يرد عليها بعد أن فتح ذراعيه في الهواء:

-يا حرام، تعالي في حضن ابن خالتك

نظرت له بإندهاش وهي تقول:

-ايه؟

هز رأسه بأسف زائف وهو يبرر لها:

-ده أنا محروم من حنان الأم، خشي في حضني، خشي!

تصلبت تعابير وجهها، وصاحت فيه محذرة:

-موسأد!

أطرق رأسه حزناً، وعاتبها:

-ليه تقتلي الطموح جوايا يا صابرين؟ ده أنا غلبان!

ضيقت نظراتها لتصبح أكثر حدة، وصاحت بصرامة:

-إيب ( عيب ) موسأد، إيب!

غمز لها بعينه اليسرى وهو يمازحها:

-إيب، طالعة من بؤك زي السكر!

ثم همس لنفسه بسعادة:

-آآآخ، أموت أنا في الأخلاق

كتفت سابين ساعديها أمام صدرها، وهمست بنعومة:

-موسأد! بليز

هز رأسه موافقاً وهو يقول:

-حاضر، انتي أومريني بس!

ثم نهض من على الفراش، واتجه نحو الباب، واستدار بجسده نحوها ليكمل بجدية:

-بالمناسبة الورق بتاعك جه، هو مع باسل في الصالة.

رددت بإستغراب:

-صالة؟!

أوضح لها بهدوء وهو يشير بيده:

-ايوه، عندنا تدريب لياقة من بدري، وانتي مجاتيش، فهو احتفظ بيه معاه هناك، لو تحبي أجيبهولك هنا

هزت رأسها نافية، وأصرت قائلة:

-نو ( لأ )، انا هاجي معاك

ابتسم لها قائلاً بمرح:

-ماشي يا قمر، وأنا هاظبطلك الباب كده لحد ما أبعت حد يصلحه، خشي انتي بس البسي جوا، وأنا ستر وغطا عليكي هنا

ردت عليه برقة وهي تحرك رأسها إيجابا:

-اوكي.

في الصالة الرياضية،

أحكم فادي غلق رابطة قفازه الرياضي حول معصمه، وضرب به كفه الأخر بقوة، ثم سلط أنظاره على باسل الذي كان يتلاكم مع أحد زملائه، وهمس لنفسه بنبرة شبه مغلولة:

-هانروح من بعض فين؟

ثم تحرك بخطوات ثابتة في اتجاه الحلبة، وصاح بصوت جهوري:

-باشا، أنا جاهز!

أوقف باسل التدريب مع زميله، وأشار له برأسه ليشكره، ثم استدار نحو فادي، ورد عليه بثقة:

-وماله يا فادي، الرينج ( الحلبة ) مفتوح للكل.

ضرب مجدداً بكفيه معاً، وصاح بقوة وهو يحني جسده ليعبر عبر الحبال الغليظة:

-تمام يا باشا

اتخذ الاتنين وضعية الاستعداد، ثم تلاحما بشراسة، وسددا لبعضهما البعض اللكمات القوية..

بدى الحال كأنه قتال ضاري، وليس مجرد تدريب روتيني..

في نفس التوقيت، ولجت سابين مع مسعد إلى داخل الصالة وهي تبتسم، ولكن سريعاً ما اختفت ضحكتها، وحل محلها الوجوم حينما رأت ذلك التشابك العنيف..

وضعت يدها على فمها لتكتم شهقتها الخائفة، وتساءلت بقلق:

-أوبس، ده كده اوكي موسأد؟

اجابها مسعد بإبتسامة متباهية:

-ده العادي بتاعنا يا صابرين، متخافيش، دلوقتي تلاقي فادي متكوم على الأرض

لم يكمل هو جملته حتى انهار باسل أرضاً على إثر لكمة عنيفة مباغتة في وجهه، أعقبها جلوس فادي فوقه، ثم إنهال عليه بلكمات متتابعة أشد شراسة لم يتمكن من تفاديها، فشهقت سابين بفزع، وركضت نحو الحلبة..

انزعج مسعد من ردة فعلها القلقة عليه، وزفر في ضيق فما يحدث هو أمر طبيعي لا يحتاج للمبالغة، وسار خلفها بتكاسل نحو الحلبة..

انحنت سابين عبر الحبال، وجثت على ركبتيها أمام باسل بعد أن ابتعد فادي عنه، وتساءلت بخوف وهي تمد يدها نحوه:

-باسل، إنت أوكي، كويس؟

استند هو على مرفقيه ليعتدل، وأجابها بخفوت:

-أنا تمام

هتف فادي قائلاً بسخرية:

-جرى ايه يا خبيرة، مايبقاش قلبك رهيف! ده هزار مع الباشا!

رمقت سابين فادي بنظرات مشتعلة، ثم أشاحت بوجهها بعيداً عنه متعمدة تجاهله لتنظر في اتجاه مسعد، وهتفت بتوجس:

-موسأد، بليز check ( تفقد ) باسل

رد عليها باسل بهدوء:

-صدقيني أنا بخير، متقلقيش

أضاف مسعد قائلاً بإنزعاج واضح:

-ما هو زي الجن قصادك أهوو! ماجرالوش حاجة، جمدي قلبك كده

التوى ثغر فادي بإبتسامة ساخطة، وتساءل بسخرية:

-تحب تاخد دور يا باشا معايا؟

حدجه مسعد بنظرات نارية، ورد عليه بصوت قاتم:.

-مش النهاردة يا فادي

سلط فادي أنظاره على سابين، وسألها بتهكم:

-والخبيرة مانفسهاش تجرب هي كمان؟

أغاظها تحديه الساخر منها، فنهضت على ساقيها، واتجهت نحوه ووجهها متشنج للغاية، ثم أشارت بإصبعها وهي تكز على أسنانها بقوة لتقول:

-U know what ( إنت عارف )، إنت تستاهل تاخد بوكس في ( فيس ) بتاعك!

تحرك خطوة قبالتها حتى تقلصت المسافة بينهما كثيراً، ورمقها بنظرات جريئة أرجفتها، وأردف قائلاً بصلابة:

-طب ما تيالا!

تأججت النيران في صدر مسعد فجأة من حركته المهددة، ولم يشعر بنفسه إلا وهو يضع يده على كتف سابين ليضغط عليه بقسوة، فالتفتت نحوه وظهر على تعابير وجهها تعابير متألمة، لكنه لم يهتم، وأرجعها عنوة للخلف ليقف مكانها، وهتف قائلاً بتجهم وهو ينظر إلى ذلك السمج بنظرات محتدة للغاية:

-فادي، شوفلك سكة السعادي!

رد عليه بوقاحة محاولاً استفزازه:

-مش بنشوف الخبيرة ومزاجها

هدر فيه مسعد بإنفعال جلي:

-فادي!

أشار له الأخير بكفيه في الهواء، وتراجع منسحباً للخلف وهو يدندن بصافرة خافتة…

كور مسعد قبضة يده بحنق، وبدى عليه الانفعال واضحاً..

سمع صوت باسل من خلفه يقول:

-مالهاش لازمة العصبية يا مسعد، هو طول عمره معروف برخامته ورزالة أهله!

لم يتحمل مسعد أي تبرير من باسل يخص ذلك السمج، فقد اكتفى من أفعاله الفظة والوقحة تجاه سابين، فاستدار بجسده نحو باسل معتقداً أنه يقف خلفه، ورفع ذراعه ليسدد له بقبضته لكمة عنيفة ليسكته، ولكنها وجدت سبيلها في وجه سابين التي تحركت دون قصد في اتجاهه فأصابها إصابة مباشرة..

صرخت سابين متأوه من الآلم قبل أن تسقط مغشياً عليها على أرضية الحلبة…

↚

في الصالة التدريبية،

سدد مسعد لكمة مباغتة بقصد إصابة باسل، لكنها وجدت طريقها في وجه سابين، والتي فقدت وعيها من إثر قوتها..

صُعق هو مما فعله، وهتف بإسمها مصدوماً:

-صابرين!

ثم جثى على ركبتيه سريعاً أمامها، ومد ذراعيه أسفل ظهرها ليرفعها قليلاً عن أرضية الحلبة وأسند رأسها على صدره، وحاول أفاقتها

عنفه باسل قائلاً بقلق وهو ينزع قفازيه:

-انت عملت ايه يا مسعد؟

ربت مسعد على وجنتها بكفه، ودافع عن نفسه قائلاً بتوتر:

-وربنا ما شوفتها، هو وشها اللي خبط في ايدي!

حدجه باسل بنظرات حادة، وعاتبه قائلاً بغلظة:

-وشها يا مفتري!

قبض على فكها بيده، وحركه للجانبين بحركة متوترة وهو يهتف بهلع:

-صابرين، فوقي!

جثى باسل قبالته، ونظر له شزراً وهو يقول بتبرم:

-انت كده بتفوقها؟

رفع مسعد رأسه لينظر في اتجاه رفيقه، ورد عليه بتذمر:

-وأنا كنت هاعرف منين إنها هاتقع بالقاضية!

حاول باسل تفحص حالة سابين، وتفقد رأسها ليتاكد من عدم وجود أي نزيف دموي، أو تجمع ما بها، وهتف بسخط من بين أسنانه:

-ده مش بعيد يكون جالها تربنة في المخ ولا إرتجاج!

قفز قلب مسعد في صدره خوفاً عقب جملة رفيقه الأخيرة، وصاح بإرتباك وهو يمسح على جبين سابين:

-بعد الشر، إن شاء الله تبقى كويسة!

دقق باسل النظر فيها، وتابع قائلاً بخوف:

-ربنا يستر وما يكونش عندها نزيف في المخ

رمقه مسعد بنظرات نارية، وهتف بحدة:.

-ايه يا عم بلاش تخوفني! دي لوكامية عادية مش إيد مرزبة!

لاحظ أحد الضباط وجود خطب ما بداخل الحلبة، فتساءل بإهتمام وهو يشرأب بعنقه للأعلى:

-خير يا رجالة، في حاجة حصلت؟

رد عليه باسل بتلعثم وهو يوزع أنظاره ما بين سابين ومسعد:

-هاه، ده مسعد آآ…

قاطعه مسعد قائلاً بإبتسامة عريضة تعمد رسمها على محياه:.

-لا مافيش يا باشا، الخبيرة تعبت، ضربة شمس، ما انتو عارفين أجانب بقى وكده، مالهومش في حلاوة شمسنا ولا خفة ضلنا!

أومأ الضابط برأسه متفهماً، ولوح بذراعه وهو يقول بهدوء:

-تمام، احنا موجودين لو في حاجة!

أدى له مسعد التحية العسكرية وهو يقول بإمتنان:

-شكراً، يدوم!

حدج باسل مسعد بنظرات ساخطة، فقد ذهل من كذبته الغير متوقعة، وبدى على تعابير وجهه علامات الاستنكار مقروءة للعيان، وضغط على شفتيه بقوة ليضبط إنفعالاته، وهمس بقسوة من بين أسنانه:

-ضربة شمس إزاي يا بني آدم واحنا جوا هنا؟!

ابتسم له مسعد بسخافة وهو يرد عليه بصوت خفيض:

-ماشيها ضربة شمس! مش ناقصين شوشرة، احنا هنتعامل معاها

سأله باسل بعدم اقتناع:

-طب هاتعمل ايه يا فالح؟

أشار له مسعد برأسه وهو يتابع بثقة:.

-فضيلي انت بس سكة في أوضة اللبس، وأنا هاتصرف

ضيق باسل نظراته، وأردف قائلاً بتوجس:

-يا خوفي تودينا في داهية

التوى ثغر مسعد بإبتسامة متغطرسة، ورد عليه بتفاخر:

-اطمن، ده أنا أفكاري هتعجبك!

نهض باسل عن أرضية الحلبة، وتلفت حوله بريبة، ثم عبر من خلال حبال الحلبة، وظل يتمتم بكلمات غير واضحة وهو يتجه نحو باب جانبي..

بينما لف مسعد ذراعه حول خصر سابين، ووضع ذراعه الأخر أسفل ركبتيها، ثم حملها واتجه بها نحو غرفة تبديل الملابس الملحقة بالصالة الرياضية..

في مكان أخر،

كان الفريق ضياء يتابع أحد العروض العسكرية بصحبة القادة في إحدى الكليات الحربية..

نظر إلى الضباط بزهو وفخر، ولكن سريعاً ما تبدلت قسمات وجهه المرتخية، وتشنجت نوعاً ما، فقد شعر بوخز حاد في صدره..

وضع يده على قلبه، وحاول فركه بحركة دائرية ثابتة، وجاهد للحفاظ على ثباته وهدوءه أمام الأخرين، ولكن زادت حدة الوخزات، وأصبحت أكثر شراسة فلم يستطع التحمل، وضغط على شفتيه بقوة مقاوماً إصدار شهقة مرعبة، وفجأة إنهار عن مقعده ليرتطم بالأرضية وهو يصرخ بفزع..

انتفض الجالسون إلى جواره من أماكنهم ليتجمعوا حوله ويروا ما حدث له..

وسريعاً سيطر الخوف الشديد على ملامحهم حينما رأوا اهتزازة جسده العنيفة…

-اطلبوا الاسعاف

قالها أحد القادة بصوت جهوري وهو يلوح بيده في الهواء..

في غرفة تبديل الملابس،

تأكد باسل من خلو غرفة التبديل من أي ضباط، كما تفحص المراحيض ليضمن عدم وجود أحد بها، ثم وقف بجوار الباب منتظراً قدوم مسعد الذي أومأ له برأسه وهو يلج للداخل..

تحرك الاثنين نحو المرحاض الداخلي بخطوات سريعة..

وقف مسعد أمام حوض الاغتسال، وأنزل سابين على قدميها، ولكنه أحاط بخصرها بذراعه، وأحكم قبضته عليها حتى لا تسقط منه، ثم أبعد بيده الأخرى خصلات شعرها المتدلية على وجهها، ورفع رأسه لينظر إلى باسل وهو يهتف فيه:

-افتح الحنفية خليني أحط دماغها تحت المياه

رد عليه باسل بتهكم:

-هي سكرانة يا مسعد؟

أجابه مسعد بجدية وهو يزيح خصلاتها:

-لأ، بس المياه بتجيب نتيجة مع أي حد.

فتح باسل الصنبور، وملأ كف يده بالمياه الباردة، ثم نثرها برفق على وجه سابين والتي أصدرت أنيناً خافتاً وهي تحرك رأسها بحركة بسيطة..

تنفس مسعد الصعداء بعد حركتها المحدودة، وهتف بإرتياح:

-الحمدلله، بتفوق أهي!

مال باسل برأسه للجانب ليطالع وجهها، ثم وضع يده على وجنتها ليربت عليها، وهمس لها بصوت هاديء:

-سابين، سمعاني، سابين

انزعج مسعد من تصرف رفيقه، وكز على أسنانه بضيق، ثم صاح بحنق:.

-تعالى أما نخليها تفرد جسمها برا

-ماشي

وبالفعل انحنى مسعد ليحملها بين ذراعيه بخفة، وتحرك بها نحو المقعد المعدني الموضوع في منتصف الممر بين خزانات الملابس، ثم أسندها برفق عليه، وجثى على ركبته أمامها، واحتضن كفها بين راحتي يده، وهمس لها بصوت خافت:

-صابرين، اصحي يا ماما، فوقي يا قمر!

نظر له باسل بإستخفاف، وردد بتهكم:

-ماما، ده منظر واحد بيفوق واحدة؟!

التفت مسعد برأسه نحوه، وحدجه بنظرات حادة وهو يرد عليه بضجر:

-سيبنالك انت الجنتلة كلها!

أضاف باسل قائلاً بجدية:

-أنا رأيي نروح بيها عند الدكتور آآ…

قاطعه مسعد بإمتعاض وهو يشير بيده:

-ايوه، وتقلب بسين وجيم، ودي أجنبية، وأخوك يتسوح فيها!

تابع باسل قائلاً بعتاب يحمل اللوم:

-ماهو اللي انت عملته مايصحش.

استشاط مسعد غضباً بسبب تلميحات باسل المتكررة عن كونه المخطيء الأول فيما حدث لسابين، وازعجه اهتمامه الزائد بها رغم محاولته هو إصلاح خطأه، فهدر بتذمر:

-تصدق بالله البوكس ده كان ليك، بس حظها الفقري خلاها تلبس فيه!

أصدرت سابين أنيناً خافتاً، وحركت رأسها للجانب، وهمست بصوت واهن:

-آآآه

انتفض باسل على إثر صوتها، وهتف بتلهف:

-اهي فاقت الحمدلله!

كز مسعد على أسنانه بحنق، ولم يعد يتحمل اهتمام باسل المبالغ فيه بسابين وكأنه المنقذ الشجاع الذي يفهم في كافة الأمور، وأصبح قاب قوسين أو أدنى من ارتكاب حماقة، فهتف بنزق:

-طب روح أمن لنا الجو بدل ما الناس تفكر إننا بنعمل حاجة شمال معاها

قطب باسل جبينه بشدة عقب عبارته الفظة، وعنفه بضيق:

-احترم نفسك! ده كلام يتقال قصادها

لوى مسعد فمه ليغمغم بتبرم:

-أل يعني هي هاتفهم معناه

ردت عليه سابين بصوت خفيض:.

-أنا، افهم انت، موسأد

تفاجيء بها محدقة به، فإرتخت ملامح وجهه المتشنجة، وهتف بسعادة:

-أهي، فهمتك يا باسل! يالا أمن الطريق

رفع باسل حاجبه للأعلى في تعجب من تبدل حال رفيقه الغير مفهوم، ورمقه بنظرات غامضة قبل أن يتركه ويتحرك نحو الممر..

اعتدلت سابين على المقعد، وأنزلت ساقيها للأسفل، ووضعت إصبعيها على مقدمة رأسها لتفركها..

جلس مسعد إلى جوارها، وظل يتأملها بنظرات غريبة لم يفعلها مع أي واحدة من قبل..

شرد في إيماءات وجهها المتشنجة إلى حد ما، وفي التواءة ثغرها وهي تتألم بخفوت، وتنهد بعمق وبحرارة…

رفعت سابين عينيها لتنظر إليه بإستغراب، وسألته بلكنة شبه متحشرجة:

-موسأد، إنت بصلي كده ليه؟

أغلق فمه المنفرج، وأجابها بإرتباك:

-هاه، ولا حاجة

تحسست موضع الآلم أعلى عينها اليمنى، وهمست بأنين:

-أوه، دي اوجعني

هز رأسه متفهماً، وهمس لها بتنهيدة مطولة:

-أها معلش.

عقدت سابين ما بين حاجبيها، ونظرت له بحيرة، وسألته بعدم فهم:

-ايه مآلش دي؟

أجابها بثقة:

-دي الكلمة الدراجة اللي بنطيب بيها خاطر أي حد، وهي شغالة مع الكل!

هزت رأسها متفهمة، وسألته بقلق وهي تمرر يدها في خصلات شعرها:

-اوكي! بس أنا شكلي لسه جود ( جيد )؟

جاب مسعد بنظراته تفاصيل وجهها بنظرات مطولة، وتشدق قائلاً بتلعثم:

-والله آآ…

ارتبكت قليلاً من نظراته المتأملة لها، وشعرت بوجود خطب ما بها، فتمتمت برقة:.

-قول موسأد!

سلط مسعد أنظاره على موضع إصابتها، وضغط على شفتيه ليقول بملامح ممتعضة:

-بصي هي قلبت شبه الوحمة!

رددت سابين بعدم فهم:

-وهمة!

أشار لها مسعد بيده وهو يحاول طمأنتها بإبتسامته المجاملة:

-شوفي، إنتي حطي عليها تلج، وهاتروح!

سألته بإيضاح:

-انت اقصد Ice ( ثلج )؟

أضاف قائلاً بجدية:

-يعني، بصي علاج الحالات دي دهنة مرهم هيموكلار، لغوسيها كده، ونصاية وهتروق!

سألته سابين بهلع وهي تتحسس إصابتها بحذر:.

-هي باينة أوي؟

رد عليها مسعد بإبتسامة واسعة:

-أنا هاعمل نفسي مش شايفها، بس هي هاتزرق وتقلب على أخضر قبل ما تدي اللون البنفسجي

شهقت سابين بفزع وهي تضع يدها على فمها:

-اوه

حاول مسعد التهوين من خطورة المسألة بعد أن لاحظ حالة القلق الممزوجة بالخوف البادية عليها، فأردف قائلاً بمزاح:

-قدري يا صابرين إن موسكيتو من بتوعنا علمت عليكي

ردت عليه بوجه عابس:

-دي إوجع جامد موسأد!

لامها مسعد قائلاً بضيق مصطنع:.

-ما انتي اللي غلطانة يا صابرين، جيتي في وش البونية، واتصدرتي، وأنا ايدي طارشة!

سألته سابين بخوف:

-دي ممكن مش روح؟

هز كتفيه في عدم مبالاة وهو يجيبها:

-والله على حسب النوايا!

هزت رأسها مستنكرة وهي تقول بأسف:

-هرام موسأد، هرام ( حرام )

كانت على وشك البكاء، فأمسك مسعد بكفيها، ومال بجسده نحوها وهو يقول بجدية:

-حقك عليا، أنا مقصدش، وأدي راسك أبوسها.

اقترب كثيراً منها ليقبل جبينها، فهبت مذعورة من مكانها، ورمقته بنظرات حادة وهي تقول بصوت شبه صارم:

-انت إمل ( اعمل ) ايه موسأد؟

وقف هو الأخر في مكانه، وأجابها بإبتسامة:

-بأبوس الواوا

لوحت بإصبعها محذرة وهي تقول بلهجة قاسية:

-Stop ( توقف عما تفعل )، مش إعمل ده!

عاد باسل من الخارج وهو ينظر إلى الاثنين بإستغراب، ثم صاح قائلاً بنبرة عالية وهو يدنو من سابين:

-سلامتك يا سابين، هو مايقصدش.

أدار مسعد رأسه في اتجاهه، ورد على مضض:

-ماهي البونية كانت من نصيبك، بس حظك نار

ابتسم له باسل مغيظاً إياه وهو يقول:

-الحمدلله

وضعت سابين يدها على إصابتها، وتأوهت وهي تقول:

-أوه، لسه موجودة

رد عليها مسعد بضجر وهو يدس يده في جيبه:

-خلاص بقى يا صابرين ماتبقيش إتمة

فغرت شفتيها لتسأله مستفهمة:

-ايه؟

أوضح لها قائلاً بإنهاك:

-يعني تبقي قافوشة كده، دي بونية مش حقنة عضل

هزت رأسها في حيرة، ورددت:

-أنا مش افهمك!

لكز باسل مسعد في كتفه بقوة وهو يقول محذراً:

-خف عليها مش كده يا مسعد!

نفخ الأخير بإنزعاج ليردد بنفاذ صبر:

-ماشي

رن هاتف باسل برقم غريب، فزفر في ضيق، وأردف قائلاً بإمتعاض:

-استنى أما أشوف مين قارف أهلي بالمكالمات دي!

أراد مسعد أن يستغل الفرصة ليوهم سابين أن لرفيقه معجبات كثر يهاتفن إياه حتى لا يترك لها الفرصة لتفكر به، فصاح بمرح:

-ايوه يا عم معاكسات ومعجبين وفانز! مش ملاحق!

رددت سابين بإستغراب واضح عليها:.

-فانز

ابتسم لها مسعد قائلاً بتباهي:

-أهوو، بعرف انجليش اهوو! ماليش أد

تقوس فم باسل بضيق وهو يقول:

-معجبين ايه بس، ده حد ثقيل قارف أهلى اتصالات ومش عارف أوصله

أضاف مسعد قائلاً بجدية:

-عليك وعلى التروكولر، هايجيب أمه

رد عليه باسل بنبرة شبه حانقة:

-أرقامه مش متسجلة، بيشتغلني

مط مسعد فمه ليهتف بإعجاب:

-ناصح!

توعد باسل بشراسة وهو يطالع شاشة هاتفه المحمول:

-أنا لو بس عرفت هو مين هانفخ اللي جابوه! مش هارحمه

-حقك.

أولاهما باسل جسده، وتابع بصوت جاد:

-طيب، هارد عليه، وارجعلكم

ابتسم مسعد بسعادة وهو يضيف:

-حلو، خد الباب في ايدك

التفت باسل برأسه نصف التفاتة، ورمقه بنظرات محذرة، وهدر بصوت صارم:

-مسعد

تنحنح الأخير في حرج، وهمس بإنصياع:

-بهزر، سيبه مفتوح على الأخر!

ثم تمتم مع نفسه بمزاح:

-هو احنا هنعرف نعمل حاجة أصلاً هنا ولا في حتة تانية!

في نفس التوقيت، طلبت هدير من إيناس أن تتصل بأحد الأرقام بإعتبار أنه الرقم الخاص بصاحبة مركز تجميل شهير، لكنها كانت مكيدة للإيقاع بها، فقد تعمدت تسجيل رقم باسل بإسم فتاة ما لتنطلي الخدعة عليها..

وبحسن نية طلبته إيناس دون توقع الغدر من رفيقتها، فتفاجئت بصوت رجولي يسألها بغلظة:

-مين معايا؟

قطبت إيناس جبينها مندهشة، وتابعت الرد عليه بإستغراب:

-حضرتك مش ده رقم آآ…

قاطعها باسل قائلاً بوقاحة:.

-ما تقولي إنتي مين يا *** بدل ما ****

فغرت إيناس شفتيها مصدومة من كم الشتائم اللاذعة التي تلقتها منه، وسبته قائلة بحنق:

-انت قليل الأدب، ازاي تكلمني أصلاً كده

هدر فيها باسل بفظاظة:

-ماهو انتو لو متربية أصلاً كنتي بطلتي حركاتك السافلة دي

صاحت فيه إيناس بإنفعال:

-لم لسانك بدل ما آآ..

وما إن تأكدت هدير من اندماج الاثنين في المكالمة حتى أسرعت بتنفيذ الجزء الثاني من خطتها، فصاحت متساءلة بنبرة عالية متعمدة أن يسمعها الطرف الأخر على الهاتف بوضوح:

-ها يا إيناس هتعرفي باسل إنك اللي بتتصلي بيه، ولا لسه هاتشتغليه كمان؟

صدمت إيناس مما قالته رفيقتها، ورمقتها بنظرات مذهولة، وهتفت بعدم استيعاب:

-ايه؟

حلت الصاعقة على رأس باسل بعد ما سمعه تواً، و ربط سريعاً بين ما قالته تلك الفتاة وشخصية صوت المتحدثة، وردد بغرابة:

-إيناس!

ظلت إيناس على حالتها المصدومة لوهلة، وعجزت عن النطق، فقد ألجمت المفاجأة لسانها الطليق، وهمست بصوت مرتبك ومتلعثم إلتقطه أذنيه:

-ب، باسل!

هب فيها بصوت صارخ أفزعها:

-هو ده رقمك يا إيناس، ردي عليا؟!

وقع الهاتف من يد إيناس، وركضت نحو رفيقتها، وارتجفت وهي تسألها بهلع:.

-هدير، انتي عملتي ايه؟

استطاعت أن تسمع صراخ باسل وهو يتساءل بغضب جم:

-سمعاني يا إيناس، انتي اللي بتشتغليني؟

رسمت هدير على وجهها قناع البرودة، وتساءل بهدوء وهي تعقد ساعديها أمام صدرها:

-في ايه يا نوسة؟

وضعت إيناس يديها على رأسها، وأغمضت عينيها بقوة وهي تلعن حظها العثر، فقد زجت بها رفيقتها في كارثة بكل المقاييس..

فتحت عينيها فجأة، وحدجت هدير بنظرات نارية محتدة، ثم أنزلت كفيها لتضعهما على كتفي هدير، وضغطت بأصابعها عليهما بقوة، وصرت على أسنانها بشراسة لتقول:

-هدير، انتي وقعتيني في مصيبة أنا مش أدها…!

↚

برزت عروق إيناس المحتقنة بالدماء الغاضبة بوضوح وهي تنظر بنظرات مشتعلة إلى رفيقتها هدير التي أوقعتها في مكيدة محكمة..

صاحت بها بصوت هادر وهي تهزها بعنف:

-ازاي تعملي فيا كده؟

أزاحت هدير قبضتيها عنها، ونظرت لها ببرود، ثم تحركت مبتعدة لخطوة قبل أن تجيبها بجمود:

-عادي

صرخت فيها إيناس بإنفعال وهي تتحرك لمواجهتها:

-بتقولي عادي، بالبساطة دي!

ثم قبضت على ذراعها، وأكملت بصوت هادر:.

-انتي وديتني في مصيبة، ده باسل يا هدير، انتي طلعتيني زبالة قصاده

التوى ثغر هدير بإبتسامة غير مكترثة زادت من استفزاز إيناس، فهتفت بنبرة مغلولة وقد احتقنت عيناها بطريقة مخيفة:

-انتي، انتي مش عارفة هو ممكن يعمل فيا ايه؟ ده أقل حاجة ممكن يعملها إنه يقول لمسعد

لكزتها هدير بكوعها لتحرر قبضتها، وهتفت بعدم مبالاة:

-متصدعنيش بقى! محسساني إنه آآ..

لم تكمل جملتها حيث هوت إيناس على صدغها بصفعة مفاجئة وقوية، ومن ثم صرخت فيها بإهتياج:

-دي أقل حاجة تستحقيها مني، إنتي استحالة تكوني صاحبتي أو بتتمنيلي الخير، إنتي شر!

صدمت هدير مما فعلته بها، ووضعت يدها على وجنتها لتتحسس موضع الألم، وتلون وجهها بحمرة مريبة، ثم صاحت بعدم تصديق وهي ترفع حاجبيها بإستنكار:

-انتي بتضربيني يا إيناس؟!

مدت إيناس ساقها بحركة بارعة لتلفها حول ساق هدير، فأوقعتها أرضاً، ثم جثت فوقها، وهتفت بتوعد:

-ده أنا هاموتك! انتي مش عارفة عملتي فيا ايه

وبالفعل انهالت باللكمات عليها، وحاولت خدشها في عنقها بأظافرها، وقاومت الأخيرة ضرباتها قدر المستطاع، وصرخت متأوهة:

-آآآآه، طب والله ماسيباكي، وهاتشوفي

جذبتها إيناس من خصلات شعرها بعنف، وتابعت بصوت محتد:

-منك لله يا شيخة، خدي.

صاحت هدير بصراخ، وأصيبت إصابات مباشرة في عينيها وفمها، ونزفت من أنفها، وهدرت بتهديد صريح:

-آآي، اوكي يا إيناس هتشوفي، والله لأوريكي

لم تعبأ بها إيناس بل أكملت ضربها، ونظرت لها بإستهزاء وهي ترد عليها بسخط:

-اكتر من كده ايه!

وما إن أفرغت شحنة غضبها فيها حتى نهضت عنها، وبصقت عليها لتقول بتقزز:

-دي أخر مرة أعرف واحدة زيك!

ثم لملمت أشيائها، وطرحت حقيبتها على كتفها، وركضت مبتعدة عنها وهي تحاول الصمود لكي لا تنهار باكية..

تأوهت هدير بأنين واضح، وبدى وجهها متورماً للغاية، فتلمسته بحذر، وضاقت نظراتها وهي تتوعدها:

-وأنا هادفعك تمن ده غالي!

لم يصدق باسل أذنيه عقب تلك المكالمة..

استغرقه الأمر عدة لحظات ليستوعب أن الأخت الصغرى لرفيقه المقرب كانت تتحاذق عليه وتشاغله كأي فتاة لعوب..

كور قبضة يده بحنق، ثم ضرب بها بعنف على الحائط المجاور له..

تحرك مسعد صوبه، ونظر له متعجباً من حالة العصبية البادية عليه، وسأله بإبتسامة مرحة وهي يغمز بعينه:

-ايه، الجو مزعلك ولا ايه؟

التفت باسل برأسه نحوه، ونظر له مطولاً دون أن ينبس ببنت شفة، فقد كان في موقف حرج..

تردد في إخبار مسعد بالهوية الحقيقية للمتصل المزعج، فهو لا يضمن عواقب المسألة إن عرف أنها أخته إيناس.

لاحظ مسعد شروده، فسأله مجدداً بإهتمام وهو يتفرس ملامحه بدقة:

-ايه يا عم باسل، إنت سرحان كده في ايه؟

ضغط باسل على شفتيه بقوة، وأخذ نفساً عميقاً حبسه في صدره المشتعل بالنيران المستعرة، ولم يجبه.

انضمت سابين إليهما وتساءلت بغرابة وهي توزع نظراتها بينهما:

-في ايه؟

-في حاجة حصلت؟

قالها مسعد وهو يضع يده على كتف زميله، فانتفض الأخير من لمسته، وظهر على وجهه علامات الإنزعاج..

نفخ باسل بضجر، وأجابه بصعوبة وهو يحاول الحفاظ على نبرة صوته المنفعلة:

-مافيش

سأله مسعد بفضول وهو يحاول التحديق به:

-يعني معرفتش مين اللي قرفاك؟

جمد باسل تعابير وجهه، وأجابه بإقتضاب:

-لأ..!

ثم صمت للحظة قبل أن يكمل بتوعد خفي:.

-بس هحسابها كويس لو وصلتلها

أومأ مسعد برأسه موافقاً إياه ليضيف:

-أكيد طبعاً، أقل حاجة تجيبها تحت آآ…

لم ينتبه باسل إلى بقية حديث رفيقه فقد شرد في التفكير في الأسباب التي دفعت إيناس لإرتكاب تلك الحماقات التي أوقعتها في المحظور، واعتصر عقله لإستنتاجها، لكنه لم يجد إجابة مرضية له..

تابعت سابين ذلك الحديث بينهما دون أن تفرض نفسها وتتدخل في الحوار، وأخذت تتلمس بحرص بالغ الكدمة البارزة في وجهها..

وفجأة هتف باسل دون وعي:

-مسعد، أنا رايح مشوار وراجع تاني!

رفع مسعد حاجبه للأعلى، وتساءل مندهشاً من تصرف رفيقه الغريب:

-مشوار، ازاي؟ ومن غير تصريح؟

أجابه بغموض دون أن يبدو على وجهه أي تعبير:

-حاجة مستعجلة كده هاشوفها

هز مسعد رأسه بحركة ثابتة وهو يتمتم بخفوت:

-أها

تساءلت سابين بإهتمام وقد لاحظت التغيير البادي عليه:

-باسل، إنت go where ( إلى أين تذهب )؟

أجابها بإختصار:

-حاجة افتكرتها، مش هتأخر!

أردف مسعد محذراً وهو يشير بيده:

-ماشي، بس خلي بالك لو اتكشف إنك مش موجود من غير آآ…

قاطعه باسل قائلاً بجدية:

-أنا هاظبط الدنيا، متقلقش!

مط مسعد فمه ليقول بجدية:

-طيب، وأنا هتابع معاك

لوح له باسل بذراعه وهو يستدير بظهره قائلاً بإيجاز:

-تمام، سلام

تابعته سابين بنظراتها إلى أن اختفى، والتفتت برأسها ناحية مسعد لتسأله برقة:

-هو ماله موسأد؟

انزعج قليلاً من اهتمامها به، وأجابها على مضض:.

-مش عارف والله، وبعدين مالناش إحنا دعوة، خلينا في الوحمة بتاعتك

وضعت أناملها عفوياً عليها، وهمست بصوت شبه متآلم:

-أوه!

سارت إيناس هائمة على وجهها تفكر في الكارثة التي حدثت معها..

لم يتوقف عقلها للحظة عن التفكير في طريقة للخروج من هذا المأزق الحرج.

فقد عجزت عن إيجاد أي مبرر مقنع ينفي عنها تلك التهمة الباطلة..

كانت تود العودة إلى منزلها، والتفكير بصورة عقلانية فيما حدث، لكنها لم تستطع بسبب الدرس الخصوصي الهام الذي حان موعده.

ومع هذا جلست شاردة أثناءه لا تعي كلمة واحدة مما يقولها المعلم.

فشاغلها الأكبر، وما يخيفها أكثر، بل ما يرعبها على الإطلاق هو ردة فعل باسل تجاه ما حدث..

رسمت في عقلها عدة سيناريوهات متوقعة، وكلها كانت تنهي بجريمة قتل!

لاحظت رفيقاتها شحوبها، وعدم تركيزها، فتساءلن خلسة عما بها، فبادرت هند متساءلة بهمس:

-مالك يا نوسة؟ إنتي مش مركزة معانا من الصبح

نظرت لها من طرف عينها بنظرات خاوية، وأجابتها بإقتضاب وهي عابسة الوجه:

-مافيش!

عضت على شفتها السفلى وهي تسألها بفضول أكبر:.

-حد زعلك؟ طب انتي شوفتي هدير وآآآ…

احتقنت عيني إيناس إلى حد كبير عقب ذكر اسم من أذتها، وبدت قسماتها شبه متشجنة بفعل تأثير فعلتها النكراء، ورغم هذا كافحت بصعوبة لتحافظ على هدوئها، فهي لم تردْ إثارة أي بلبلة..

لذا ضغطت على شفتيها بقسوة، وردت عليها:

-لأ..

زادت هند من محاصرتها بالأسئلة، خاصة أن تصرفات إيناس كانت مريبة للغاية، وتساءلت بصوت خفيض:

-بس إنتي آآ..

قاطعهما صوت ذكوري صارم وهو يشير بيده:.

-ركزوا يا بنات معايا، الجزء اللي جاي مهم!

-حاضر يا مستر!

قالتها هند بإبتسامة مصطنعة، بينما استمر الوجوم ظاهراً على ملامح وجه إيناس…

في المشفى العسكري،

خرج الطبيب من غرفة الطواريء وهو عابس الوجه، ثم اتجه إلى أحد القادة المتواجدين بالممر حتى وقف قبالته، فاستطردت حديثه قائلاً بجدية:

-للأسف الفريق ضياء مر بأزمة قلبية حادة، واتحط في العناية المركزة

ارتسمت علامات الصدمة بوضوح على وجه القائد، وهتف بذهول:

-ايه؟ أزمة قلبية!

تابع الطبيب قائلاً بنفس النبرة الجادة:

-الزيارة ممنوعة عنه الفترة الحالية لحد ما تستقر الحالة.

رد عليه القائد العسكري متساءلاً بريبة:

-بس هو مكانش بيشتكي من حاجة!

أوضح الطبيب قائلاً بنبرة رسمية:

-مش عارف التفاصيل الصراحة، بس أنا ببلغ حضرتك من وقع كشفي عليه

هز القائد رأسه بتفهم وهو يقول بهدوء حذر:

-شكراً يا دكتور، واكيد لما هايفوق هانفهم اللي حصل

-أكيد

قالها الطبيب وتحرك عائداً إلى غرفة الطواريء ليتابع عمله..

شبك القائد العسكري يديه معاً، وحدث نفسه بقلق:.

-في حاجات كتير هتتأثر بمرضك يا سيادة الفريق، وأولها آآآ…

صمت ليأخذ نفساً عميقاً، ثم لفظه دفعة واحدة ليردد بعدها بتوجس:

-ربنا يستر!

في الوحدة التدريبية،

استأذنت سابين لتعود إلى سكنها لترتاح قليلاً بعد الذي تعرضت له، وكذلك لتعالج تلك الكدمة الموجعة بما معها من أدوية ملائمة، في حين توجه مسعد للصالة الرياضية ليمارس تدريباته اليومية ويحافظ على لياقته العالية..

في نفس التوقيت، وصلت أنباء إصابة الفريق ضياء بأزمة قلبية إلى الجميع، وسادت حالة من الحزن بينهم، خاصة أنه من سعى جاهداً لتأسيس هذا التشكيل القتالي المميز..

كان مسعد ممسكاً بإحدى الرافعات المعدنية حينما وصله الخبر، فإنهار على قدميه مصدوماً وملقياً إياها بعدم إهتمام وهو يردد غير مصدقٍ:

-مش ممكن، الفريق ضياء!

وضع يديه على رأسه، وضغط عليها بقوة، وحدق أمامه في الفراغ بذهول..

تساقطت حبات عرقه بغزارة من جبينه من فرط المجهود أولاً، ثم من تأثير الخبر الصادم

هز رأسه مستنكراً وهو يتابع بصدمة:

-يادي الكارثة، ازاي ده حصل؟ ده كان لسه كويس ومكلمني!

نهض عن الأرضية، وجمع متعلقاته في حقيبته الرياضية، وأكمل بجدية:

-لازم أروح أطمن عليه بنفسي! مش ممكن أعرف ومسألش

ثم ركض مسرعاً إلى الخارج وهو يلقي بحقيبته على كتفه، ولكنه تسمر في مكانه فجأة بعد أن تذكر وجود سابين معه في الوحدة، فزم فمه بإمتعاض وهو يحدث نفسه بضجر:

-طب وصابرين، هاعمل معاها ايه؟ ما هي معايا على نفس الخط، هي جاية بتوصية منه، والمفروض تعرف باللي حصل!

اتسعت حدقتيه بهلع وهو يفكر بصوت مسموع:.

-بس ممكن يمشوها بعد اللي حصل؟ ماهي جاية بأوامره، ومحدش هايقبل إنها آآ، مش ممكن! معتقدش!

ركل الأرضية الإسفلتية بقدمه وهو يكمل بضيق:

-بس لو حصل، يبقى كده المهمة بالكامل فكست! الخبيرة هاتطير ترجع بلدها، وأنا هاتسوح، والفريق ضياء يتحال على المعاش، سترك يا رب!

في منزل مسعد غراب،

اتجهت صفية نحو باب المنزل لتفتحه بعد أن سمعت دقاته عليه، قطبت جبينها بإستغراب وهي ترى باسل أمامها، فسألته بقلق:

-باسل، خير يا بني؟ مسعد ابني جراله حاجة؟

رسم على ثغره ابتسامة هادئة وهو يجيبها:

-اطمني يا طنط، هو كويس!

ارتبك قليلاً وهو يتابع بهدوء:

-ده، ده بالأمارة باعتني أطمن عليكو

زادت ابتسامتها السعيدة إتساعاً، وهتفت بإمتنان:.

-كتر خيرك يا ضنايا، مكنش في داعي تتعب نفسك، كفاية مكالمة منك!

ثم أضافت قائلة بعد أن عبست بوجهها:

-أو حتى تقول للواد ده يتصل بأمه يسأل عليها، ولا زي تملي بينسى أهله لما يروح الوحدة

دافع باسل عنه قائلاً بإبتسامة مهذبة:

-معلش، ضغوط عندنا وكده!

وضعت صفية يدها على ذراع باسل، وصاحت بنبرة دافئة:

-ربنا معاكو ويحميكو.

فرك باسل طرف ذقنه بحركة عصبية، فقد جاء هنا إلى غرض أخر غير السؤال المزيف عن أحوال العائلة، ولكن عليه أن يتقن دوره جيداً حتى لا يثير الريبة..

اختلس النظرات من حوله بحذر، وتساءل بهدوء مصطنع:

-أومال سيادة اللوا كويس؟

أومأت صفية برأسها إيجاباً وهي تجيبه بحسن نية:

-اه يا حبيبي، هو بخير

ضاقت نظراته وأصبحت أكثر حدة وهو ينتقل للسؤال الأخر، فهذا هو سبب مجيئه المفاجيء..

فتساءل بتركيز وعيناه مسلطتان عليها:.

-وآآآ، وإيناس تمام؟

هزت رأسها بخفة وهي تجيبه:

-اه، هي لسه برا!

ثم تابعت ردها وهي تشير بيدها:

-عندها درس في عمارة 45 اللي ورانا، شوية وهترجع

تحولت نظراته للقتامة، وكز على أسنانه ليقول بهدوء كان بالغ الصعوبة:

-أها، عارفها!

ثم رسم تلك الابتسامة السخيفة على ثغره وهو يكمل:

-يالا ربنا ينجحها

رفعت صفية عينيها للسماء لتقول بتنهيدة:

-يا رب يا بني! البت دي بتتعب أوي

رد عليها بتهكم:

-أه، واضح!

تجمدت تعابير وجهه، وأضاف بصوت آجش:

-طيب يا طنط، أنا هستأذن

رفعت حاجبها للأعلى مستغربة من ذهابه المفاجيء، واستنكرت قائلة:

-الله! هو انت لحقت يا باسل؟!

رد عليها بصوت فاتر:

-معلش، يدوب ألحق أخلص كام حاجة كده وأرجع الوحدة!

هزت رأسها متفهمة وهي تقول بخفوت:

-طيب يا حبيبي، خلي بالك من نفسك

أولاها ظهره وهو يرد بجدية:

-إن شاء الله، سلامو عليكم

-وعليكم السلام!

قالتها صفية وهي تودعه، ثم مصمصت شفتيها لتتمتم مع نفسها بتنهيدة إرتياح:

-فيه الخير والله!

هبط باسل عن الدرج بخطوات أقرب إلى الركض، ثم استقل سيارته التي صفها أمام مدخل بناية رفيقه، واتجه بها إلى الطريق الجانبي حيث العقار الأخر لينتظر إيناس هناك…

فهو لن يمرر ما حدث منها مرور الكرام ودون محاسبة، ولن يهدأ حتى يفهم سبب جموحها الغير عقلاني معه، فليس معنى إختياره لعدم أخبار رفيقه بما فعلته أخته الصغرى ألا يتهاون في حقه

ترقب خروجها من مدخل البناية بنظرات متوعدة وهو جالس في مقعده بالسيارة..

وما إن لمحها تلج للخارج، حتى تحولت تعابير وجهه للشراسة، ونظراته إلى الإظلام، و…

↚