.jpeg)
رواية امل ومحمود كاملة جميع الفصول
-لو سمحت
لفلي واوبا شكله بيرفكت مش هبص خلاص
-ايوا
بعد نظري عنه بتوتر
-كنت عايزه اعرف مدرج سنه اولي فين؟!
شاورلي وهو بيتكلم،
-المبني الي هناك ده الدور الاول
ابتسمت بهدوء،
-شكراً
كمل طريقه وانا مشيت بتوتر وخوف من الكليه الي اول يوم ليا فيها كليه الحقوق هحاول احبها وان شاء الله انجح
دخلت اول محاضره والشاب الي سألته علي المدرج كان واقف جمب الدكتور و طلع مساعد الدكتور يلهوي بقي
الدكتور بدء يعرف نفسه وعرفنا علي الشاب ده و طلع اسمه محمود
-الدكتور اتكلم،
واي حاجه محتاجنها تقدرو تسألو محمود وهو هيساعدكو
المحاضره بدأت وهو كان بيمر بين المدرجات مش فاهمه بيعمل اي ده
البنت الي جمبي ميلت عليا وقالت،
-مش هسيبه غير مااوقعه انهارده
برقت بصدمه من كلامها بصتلها وقولتلها،
-مين ده؟
-المز ده مساعد الدكتور
ضحكت بسخريه الضحكه اتمسحت بسرعه لما لقيته بيبصلي وشاورلي علي علامه السكوت
اتوترت واتحرجت اكتر .. منها لله حاولت اركز والله في المحاضره لكني مكنتش فاهمه حاجه كانت ماده قانون
خلصت المحاضره وطلعنا بيرك والمحاضره التانيه كانت بعد ساعه
قعد علي كرسي في الكافيه
ملقتش حد بجد اتعرف عليه بس حاسه بإني تايهه كل سنه من بدايه مرحله جديده كنت ببقي مطمنه علشان صحابي معايا لكن دلوقتي بقيت لوحدي دمعه نزلت من عيني مسحتها بسرعه لما لقيت واحد قعد جمبي
-اخبارك انا مروان
بصتله باستغراب ،
-اسفه مش بتكلم مع ولاد
حاولت اقوم لكنه اتكلم باحراج ،
-اسف مكنش قصدي ادايقك حسيتك لوحدك قولت اسليكي شويه
بعصبيه مكتومه،
-انا مش لوحدي وشكراً مش محتاجه تسليه
مشيت بعصبيه لدرجه اني مكنتش شايفه حد قدامي
وجايه ارجع تاني حسيت اني عايزه افضي عصبيتي عليه معرفش كنت هعمل اي ولسه بلف اتخبطت في واحد
بتوتر ،
-اسفه مكنش قصدي
-انتي كويسه؟
بصيتله كان هو محمود ده
بعد نظري بسرعه لاني مبعرفش ابص لحد في عيونه ،
-اه تمام
كان لسه هيتكلم بس قاطعه حد من الطلبه
نفس البنت الي قالتلي هتوقعه اتكلمت بمايصه،
-دكتور محتاجه افهم حاجه في الماده
مشيت وانا مستغربه من البنات الي بتنزل من مستواها بجد لي بيعملو كده دعيت ربنا يهديهم
كان هو عيونه عليها وهي بتختفي من المكان
مشيت لغيت لما وصلت لمكان بعيد شويه عن الطلبه قعد علي الرصيف وطلعت الهاند فيري وشغلت قرأن وفضلت اعيط جامد حاسه اني مخنوقه اوي كل حاجه اتغيرت كل حاجه اختلفت كنت مفكره الكليه هتبقي حاجه حلوه لكن مش زي ماتوقعت كنت مفكره هبقي كويسه لوحدي بس تعبت اكتر
مسحت دموعي بسرعه لما حسيت بحد ورايا
-اي ياحلوه انتي ديماً هتقعدي لوحدك ولا اي؟!
بصيت لقيته نفس الشخص الي كلمني في الكافيه
بصتله ببرود وانا بقوم وتجاهلته وعديت من جمبه بس هو فاجئني لما مسك دراعي واتكلم بغيظ
-انتي ازاي تمشي وتسبيني وانا بتكلم !!!
شديت ايدي بعصبيه،
-اياك تمسك ايدي تاني انت فهمت وانا معرفكش علشان اتكلم معاك اصلا
بعصبيه ،
-طب بصي بقي ياحلوه علشان تكوني عارفاني ان..
قاطعت كلامه واتكلمت ببرود
-مش عايزه اعرف اي حاجه عن حضرتك
وسيبته ومشيت وقولت هطلع المدرج علشان ارتاح منه بس لقيت صوته ورايا ونبرته متعصبه
-التكبر ده ميمشيش معايا ياحلوه
صوته كان عالي مبصتلهوش وكملت طريقي ولكنه اجه وقف قدامي ولسه هيتكلم ادخل محمود لانه كان قريب مننا
بهدوء ،
-في حاجه ولا اي ؟!
مروان ،
-لا مفيش حاجه يادكتور ده انا بتناقش مع زميلتي
بصلي وكأنه بيسألني كلامه حقيقي،
اتكلمت بعصبيه وانا ببص لمروان،
-لا بيكذب انا معرفهوش وهو الي ماشي ورايا في كل مكان
مروان بغيظ مكتوم،
-انا كنت عايز اسألك علي حاجه في الماده وانتي الي مش عايزه تسمعي
محمود،
-لو عايز تفهم حاجه يبقي مني او من الدكتور الي انت مش فاهم منه لكن مش من طالبه!!
بصتله بغيظ،
-تقصد اي يعني اني مبفهمش!!
بصلي ،
-يعني انتي فاهمه الي اتشرح انهارده!!!
بصتله بغيظ
-ملكش دعوه
سيبته ومشيت بجد اي الناس الي بتخليني افقد اعصابي
بصيت في الموبايل كان لسه نص ساعه والمحاضره التانيه تبدء اتصلت علي حد من صحابي ولكن للاسف محدش بيرد حسنت الظن وقولت يمكن نايمين او مشغولين دمعه نزلت من عيني الي هو صعبت عليا نفسي وانا لوحدي بالشكل ده
-انتي ياانسه
بصيت ورايه وكان هو محمود هو انا اخلص من الاول يجيلي ده
ببرود ،
-نعم
-احم اي ده انتي بتعيطي؟!
بتوتر وانا بمسح وشي ،
-لا انا مبعيطش اصلا وشي بس اح…
وقفت كلامي وانا بتكلم باستفزاز،
-وانت مالك اصلا بعيط ولا مبعيطش ولا حت
وقف كلامي ،
-اي اي كل ده مكنش سؤال اي الراديو الي فتح ده !!
ببرود ،
-كويس ياريت بقي متتكلمش معايا تاني
-خدي بالك انا ممكن اسخن عليكي الدكاتره فخلي اسلوبك حلو معايا
خلص كلامه وحسيت في نبرته التهديد منكرش اني خوفت بس حاولت اعمل عكس كده
-والله براحتك انت وضميرك بقي
تنشط كلامي وسأل ،
-الولا ده بيضيقك؟!
-اه وهشتكي عليه وعليك كمان
خلصت كلامي وانا بمشي من قدامه
رفع حاجبه باندهاش وهو بيشاور علي نفسه
-وعليا!!! دي مجنونه
دخلت المدرج ودخل دكتور تاني ومروان ده كان في البيدچ الي قدامي وعمال يلف ويبص عليا وبجد كنت عايزه اديله بوكس من تصرفاته دي
بعد ساعه المحاضره خلصت وانا خلصت معها بجد صدعت علي الفاضي ومش فاهمه ولا كلمه طلعت وانا بجري علي الكافيه اشرب منه كوبايه قهوه وبعدين هروح
طلبتها وقعد علي التربيزه استني وببص قدامي لقيت محمود وحواليه مجموعه شباب وشكله كده بيشرحلهم وهما كانو مندمجين اوي طريقه شرحه حلوه الصراحه بس مفهمتش منها حاجه
شربت قهوتي وحاسبت وقومت علشان اركب واروح
خضني صوت اجه من جمبي
-للدرجه فهمتي مني؟!!
بصيت قدامي بملل بعد لما عرفت صوته اتكلمت ببرود،
-شرحك وحش جداً اصلا افهم ازاي!!! وبعدين انا مكنتش مركزه مع شرحك ده
بصلي وهو بيرفع حواجبه واتكلم بثقه ،
-لا والله وطالما مش مركزه عرفتي ازاي ان شرحي وحش!!!
اتوترت ويخربيت كده بجد وقعني في الفخ ابن الي اي
-يعني صوتك كان عالي ودايقني اصلاً
-اممم طيب بقولي لاعمال السنه معلش صوته كان مدايقني
خلص كلامه وهو بيمشي من قدامي برقت بخوف بعد مافهمت كلامه بصيت عليه لقيته بيركب عربيه واتحرك ومشي يلهوي عليا هسقط خلاص كده
ركبت وروحت ودخلت غيرت وروحت لماما في المطبخ
احكلها
-وانتي ازاي تتكلمي معاه كده
-هو اي ده ياماما الي ازاي هو يكون مين يعني
-يابنتي ده يعتبر دكتور تحت التدريب وانتي لازم تتكلمي معاه باحترام زي الدكاتره التانين بالظبط
بخوف،
-انت متأكده من الي بتقولي ده ياماما
-ايوا ياختي هو انا معرفش يعني
-استغفر الله طب اعمل اي دلوقتي
-اتكلمي بطريقه محترمه معاه وتحاولي تقوليله بطريقه كويسه ان مكنش قصدك حاجه
-طيب حاضر مع انه ميستهلش
-لما تسقطي يبقي حلو يابنتي الكليه غير الي فات
بخوف ،
-خلاص بقي ياماما خوفتيني كرهت الكليه من اول يوم اهي
-لسه بدري يختي امسكي ودي الاكل
مسكت الطبق وانا منشكحه للحياه
-ايوا بقي ده الي هيرجع مودي
-اخلصيييي الاكل هيبرد
-خلاص ياماما خضتيني
=مامااااا
-ايي
-بابا وعبدالرحمن فين
-ابوكي طالع اهو واخوكي في الشغل مش هيتغدي معانا النهارده
-اممم ياخساره هيرجع مش هيلاقي اكل
-لا ياحبيبتي عنتله الاكل في الفرن
بصتلها بابتسامه صفرا وهي بصتلي بندم وهي بتحط ايديها علي بوقها
-اوعك ياامل تيجي جمب الطبق الهي ربنا يسترك يابنتي
بتمثيل الطيبه ،
-بقي كده انتي تعرفي عني اني باكل اكل حد من البيت !!
-احمم لا لا ياحبيبتي يلا خلينا ناكل
خلصت اكل وروحت نمت شويه وصحيت علي بليل
مسكت الموبايل وبفتح الداتا اشوف حد من صحابي سأل عني او اي حاجه لقيت الجروب بتاعتنا باعت رسايل فرحت جداً ودخلت اشوفهم بيقولو اي ابتسمتي كبرت وانا بشوفهم بيسألو عليا وبيقولو لبعض اني اتصلت عليهم وفعلا زي ماقولت لنفسي كلهم كانو مشغولين
كتبت وانا قلبي بيدق بفرحه انهم افتكروني
-لا عادي مزعلتش كنت عارفه انكو اكيد مشغولين في حاجه
بعتها وكتبت تاني
-بس بصراحه زعلت من اني حسيت ان لوحدي وده احساس وحش اوي ياجماعه
بعتها
لقيت ريم صاحبتنا بعتت،
-انتي مش لوحدك ومش كليه الي هتبعدنا وعلشان اثبتلكو ده تعالو ننزل نتمشي ولانروح في اي حته المهم اشوفكو
ساره بعتت،
-لا لا ياجماعه مش معقوله ريم بنفسها بتقولنا ننزل ده احنا فكينا قعدتها مبقتش بيتوته خلاص
ضحكت علي رساله ساره
وقولتلها جدعه
روان بعتت،
-خلاص انا مواقفه شوفو اليوم وننزل
بسرعه بقي قبل ما ريم تفهم صعوبه الي قالته
ريم،
-لا يختي ننزل علشان خاطر عيون امل
سلمي ،
-بجد وحشتوني جداً وعايزه اشوفكو
علا ،
-مجتيش لي ياسلمي انهارده الكليه
سلمي،
-مقدرتش انزل
كتبت ،
-كده من اول يوم بس تعرفي والله ياريتني انا كمان مانزلت
ريم،
-لي كده ؟!
-لما اشوفكو بقي باحكيلكو
سلمي ،
-تمام بكره يناسبكو ننزل
-حلو جداً بعد الكليه حلو؟!
روان ،
-كويس ناكل مع بعض بقي
علا،
-اهم حاجه بطنك انتي
روان ،
-الاساس يابنتي
-تصدقي ياروان فكرتيني في طبق محشي ماما عينا لاخويا هقوم اكله
روان بتشجيع،
-انتي ازاي تسيبي بس كل ده روحي يابنتي ابلعي
ضحكت وقولتلها ،
-امال فين فاطمه
ريم،
-هتلاقيها نايمه في سابع نومه
فرهدت يعيني من الكليه النهارده
علا وسلمي وروان في نفس الكليه
وريم وفاطمه في نفس الكليه
ساره لوحدها زي في كليه تانيه
بس انا مبقدرش اتعود علي مكان لوحدي
لكن ساره قويه وبتعرف تتعامل
قومت اخد شاور وفرحت جداً باني هنزل بكره مع صحابي بكره فتحت الدولاب علشان اجهز الطقم الي هلبسه بكره
قعد علي السرير وروحت في غيبوبه تاني
صحيت الصبح علي المنبه طفيته وقومت غسلت وشي ولبست وعرفت ماما اني هخرج مع صحابي
ماما ،
-متنسيش ياحبيبتي تتكلمي باسلوب كويس مع الشاب ده
-حاضر ياماما مع اني مبحبش اعمل نفسي بتأسف لحد
-هو انتي كده هتتأسفي!!!!
-امال ده اسمه اي
-قوليله انك امبارح مكنتيش كويسه واسلوبك مكنش احسن حاجه
-واااو ياماما بجد الفديوهات ودتك في حته تانيه
بثقه ،
-طبعا ياحبيبتي يلا امشي ربنا يسهلك
ابتسمت وانا بكلم بابا ،
-شوفت مراتك بقت فنانه في الكلام
ضحك ،
-هتنزلي دلوقتي
-اه هلحق بقي اركب
-استني اوصلك
ضحكت بفرحه وانا بابوسه ،
-حبيبي يابابا والله معرفش من غيرك كنا روحنا فين
ماما ،
-والله ياختي
بوستها هي كمان ،
-ست الكل انتي
بابا ،
-يلا ياحبيبتي بدل ماامشي
نزل وانا جريت ورا هو اي الرجاله الي مستعجلة دي
بابًا وصلني ودخلت الكليه ولسه جايه ادخل المحاضر وقفني محمود ،
-مينفعش تدخلي
بصتله بدهشه،
-نعم!!!
-حضرتك عامله الشيت!!!
-شيت اي ده الي من اول يوم !!!!!
-شكلك مش عاملا يبقي الاحسن انك متدخليش
بضيق من طريقه كلامه ،
-اول حاجه كده انا معرفش والسبب لان الدكتور نفسه مقالش حاجه امبارح وتاني حاجه انت مش مسمحولك مدخلنيش المحاضره
-بصي علشان وقتي ميضعش انا طلبته امبارح علي الجروب وده شيت مراجعه كده خفيفه بتبين الناس الفاهمة هااا
حسيته بيلمح بحاجه بس مردتش اخد كل حاجه علي اعصابي
-تاني حاجه انا الدكتور حضرتك
خلص كلامه وهو بيدخل المحاضره
وسابني وانا باصه في الفراغ مصدومه من كلامه
-ايييي دكتور مين ده شكله بيكذب عليا
عيني دمعت حسيت اني فاشله بجد واي شيت ده كمان من اول يوم …ده اكيد بيهرج مودي اتقلب وروحت اقعد علي كرسي بعيد معمل لما محاضرته تخلص
بعد ساعه قومت علشان ادخل المحاضره التانيه لقيته طالع ومبصليش اصلاً
دخلت وقعد جمب بنت لقتها بتقول ،
-الدكتور ده طيب اوي ومقالش حاجه للي معملش الشيت المراجعه ده
بصتلها بذهول من الي سمعته،
-يعني هو مقالش حاجه للي معملهوش
-لا بس شدد ان المره الجايه يكون معمول عن محاضره انهارده
عضيت علي شفايفي بغيظ ،
-بجد واحد مستفز
-بتقولي اي ؟!!
بصتلها بتركيز ،
-انتو اخدو حاجه انهارده؟!!
-ايوا وهنعمل عليه شيت المره الجايه
-معلش سؤال مش الدكتور ده كان مساعد دكتور امبارح كده
-لا معرفش الصراحه انهارده اول يوم ليا
هزيت راسي وانا متعصبه جداً من انه منعني احضر ولا كمان مقالش لحد حاجه بجد انسان بااااارد
حضرت المحاضره وانا عقلي في حته تانيه
خلصت المحاضره وطلعت ادور علي حد اسألهم علي الشيت ده واخدو اي ولا اي حاجه بس معرفتش اروح بجد واسأل حد مبعرفش اتعرف علي حد واتكلم مع حد معرفهوش كنت واقفه عماله ابص حواليا وانا مش فاهمه عايزه اي وده اكتر احساس بيخليني مش كويسه وعايزه اعيط دلوقتيييي
-بدوري عليا ولا اي؟!!
لفيت بخضه كان الشاب مروان الغلز ،
-علفكره بقي انت زودها وانا هروح اشتكيك
-لا لا لي بس كده ده انا كنت جاي اقولك محضرتيش لي
وكنت هقولك تعملي الشيت عن اي ولا ازاي
بصيت بعيد وانا بفكر اخليه يساعدني ولا لاء
لقيته قرب من وشي جامد وبيبصلي بقوة،
-اي ياعسل تيجي افهمك؟!!
رجعت لورا بسرعه واتكلمت بعصبيه ،
-انت عبيط بجد والله العظيم انت لو جيت قربت مني تاني ولا فكرت تكلمني والله كمان مره انا هشتكيك
-خلاص روقي انا غلطان اني عايز اساعدك
مشي وانا روحت قعد دماغي وجعتني لسه هحضر محاضره وهمشي بقي
لقيت محمود ده قعد علي تربيزه قدامي بصيتله وبصيت في موبايلي بشرود وانا بفكر اعمل اي اروح اقوله يفهمني ولا مروحش ولا اروح ازعقله ولا اشتكي ولا أسأله بقي دكتور ازاي ولا اي بالظبط
بصيتله ولسه جايه اقوم لقيت بنت بتكلمه فهمها بسرعه وهي مشت روحت بسرعه قبل اما حد يجي يسأله تاني
-احم استاذ م
اتكلم وهو عينه علي الورق الي معاه،
-دكتور محمود لوسمحت
بصيتله بغيظ مكتوم،
-انت لي مخلتيش احضر؟!!
-اسلوبك امبارح
-ماله !!!
بصلي ببرود ،
-معجبنيش
-مش مبرر علفكره
-والله ماشي بقولي لاعمال السنه كده
ضغط علي ايدي بغيظ،
-طب حضرتك دلوقتي عرفني الشيت ده عن اي ؟!
-اسألي حد من صحابك
ضغط علي ايدي وانا بحاول اتملك دموعي
-لو سمحت عرفني انت علشان مستعجله
-والله مستعجله ولا عايزه تتكلمي معايا وخلاص
بدهشه ،
-وانا هبقي عايزه اتكلم معاك لي؟!!.. انا مش من البنات دي
كملت بعصبيه ،
-وكمان انا بقولك تفهمني ولا تعرفني الزفت ده عن اي
مش بقولك هاتلي رقمك تمام
خلصت كلامي وانا عصبيتي وصلت لاعلي قمه خرجت من الكليه ومقدرتش اتحكم في عياطي عيط والناس عماله تبص وقفت في حته بعيده وقعد علي الرصيف بعد عن الطريق وفضلت اعيط وكأن مصدقت حد يقولي كلمه
"هو"
اي الي قولته ده هي شكلها مش كده بس انا كنت بحاول اضايقها
محسش انه مرتاح طلع ودور بعينه عليها ملاقهاش طلع بره الكليه وفضل يمشي لقدام شويه بيبص جمبه صدفه لقها قاعده في حته جوه وحاطه ايديها علي وشها وعماله تعيط
زعل من نفسه انه وصل حد للنقطه دي!!
قرب منها وقعد جمبها
-زفت بتقولي علي الشيت بتاعي زفت!!
بصيت جمبي بخضه وقومت ،
-انت اي الي جابك هنا
كان لسه هيتكلم قاطعته ،
-خلاص مش عايزه اعرف ومتمشيش ورايا زي مروان ده كمان
بضيق ،
-انتي بتشبهيني بمروان د ده!!
سيبته ومشيت خطوه وقف قدامي ،
بضيق،
-ابعد من وشي والا والله هلم عليك الناس هخليهم يدوك علقه محترمه
بص حواليه وبعدين بصلي واتكلم بثقه،
-هو انتي مش واخده بالك انتي فين ؟!!!
بصيت ملقتش حد وفعلا كنا في شارع ضايق مختش بالي وانا بدخلها
حاولت اداري خوفي ،
-هخاف يعني ولا اي ابعد من وشي اديني بكلمك باحترام
-لا والله هتعملي اي يعني
عيوني دمعت
-لو سمحت ابعد من وشي
بحنيه لملامحها ،
-طيب خلاص همشي وتمشي ورايا انتي فاهمه
-نعم وهمشي وراك لي
-هطلعك علي الطريق انا غلطان
سكت ومردتش عليه وهو مشي وانا مشيت وراه وانا ببص حواليا انا فين
وصلنا لسوبر ماركت قالي استني هنا
كلمت صحابي اشوفهم فين قالو اننا هنتقابل في مطعم
كنت هركب واطنشه ولكني استنيت لما اشوفو عايز اي
-امسكي
بصيت علي الي في ايده كانت شكولاته
لفيت وشي ،
-لا شكرا مش عايزه
-متخافيش مش هخطفك
بخوف وانا بفكر انه ممكن يعملها،
-فعلا انت ممكن تخطفني !!!
ضحك واول مره اشوف ضحكته ،
-مش هخطفك واحنا قريبن من الكليه يعني !!!
خلص كلامه وهو بيشاور علي الكليه
بصيت جمبي لقيت الكليه فعلا وانا مختش بالي لاني لمًا ببقي مع حد مبركز في الطريق اي ده ثواني وانا اي الي خلاني اثق فيه كده قد اي انا مغفله
-يلا خديها محدش غيرك هياكلها
-بجد شكراً م
قاطعني ،
-لو مخدهاش مخصوملك درجات اعمال السنه
ضحكه فلتت مني بصتله لقيته مسهم وبيضحك
كشرت ،
-مالك؟!!!!
حك في شعره بحرج،
-يلا خديها بقي ايدي وجعتني
باحراج ،
-بجد مبعرفش اخد حاجه من حد وانا معرفكش
-خلاص افتحي شنطتك احطها
-واي الفرق؟!!!
-الشنطه هي الي هتاخدها
-لا والله
-خديها يلاا
-بمناسبه اي يعني؟!!!
-مكنش قصدي اقولك كده انا عارف انك مش من البنات دي انا حبيت اضايقك بسبب اسلوبك الي محدش بيكلمني كده بس مش اكتر
عيني دمعت ،
-ايوا بس مش سبب يخليك تكلمني بالطريقه دي وتقولي الكلام ده
-خلاص متزعليش
-طيب
-والشكولاته؟!
-لا
-والله هزعل
-نعم
-قصدي الشكولاته عايزاكي
- هو انت دكتور ازاي يعني مش امبارح كنت مساعد الدكتور
-خدي الشكولاته الاول
اخدها منه
بفرحه حسيتها في نبرته لاني مكنتش بصاله باصه بعيد،
-انهارده اول يوم ليا ابقي دكتور تحت التدريب
قاطعني صوت التلفون رديت
-ايوا ياريم
-فينك يابنتي عايزين نطلب الاكل
-طب تمام هركب بسرعه اهو قولتلي المطعم اسمه اي؟!
-*******
-اه تمام
-بسرعه بقي هااا روان هتموت وتطلب واحنا مسكنها بالعافيه
ضحكت بصوت عالي ،
-طيب ماشي
اتلكم بضيق ،
-صوت ضحكتك عالي علفكره
اتكلمت باحراج ،
-من غير قصدي ،طب يلا مع السلامه
-راحه فين مش هتحضري وراكي محاضره
-لا صحابي مستنيني
-تمام
-انت واقف لي؟!
-هستني اما تركبي
بتوتر ،
-لا شكراً امشي انت
-انا واقف بعيد مش هضايقك
عماله افرك في ايدي بتوتر من وقوفه ومن اني مش لاقيه تاكسي لان الكليه في مكان مفيهوش موصلات بتعدي لازم امشي شارع علشان الاقي تاكسي
-بقولك اي
بصتله بانتباه ،
كمل كلامه
-تعالي اوصلك بعر
قاطعته،
-لا طبعا مش هينفع
-تمام طب انتي مش في الجروب؟
-لا
-طب هاتيلي رقمك ادخلك فيه
-تمام وياريت تعرفني الشيت عن اي ؟
-ماشي
اخد رقمي وانا لقيت تاكسي وقفته بسرعه ولقيته بيركب قدام بصيتله باستغراب مش فاهمه هو اي ركبه معايا ؟!
وصلني مسج في وقتها
لقتني دخلت الجروب ولقيت رقمه دخلت عليه وقولتله -ركبت معايا لي ؟!
بتوتر رد ،
-الحته مقطوعه وانتي شبه اختي
-ده تاكسي حته اي !!
-ايوا ماهو جاي في حته مفيهاش حد يبقي التاكسي الله واعلم
بخوف كتبت من غير ماافكر ،
-يلهوي ممكن انت تكون خاطفني مع التاكسي
ضحك بعلو صوته وانا بصيتله في المرايا بخوف
اتكلمت بخوف
-انت بتتكلم جد!!!
لقيت التاكسي بيبصلي في المرايا باستغراب
بعتلي ،
-بهزر معاكي والله اهدي
قفلت الفون وفضلت مراقبه كل حركه منه بخوف فعلا حسيته بيهزر ولكني خوفت اصدقه
وصلنا وهو نزل من التاكسي ومرداش ابداً احاسب
-انت لي دفعت انا الي جايه هنا
-اكيد يعني مش هخليكي تدفعي
-طب شكراً اتفضل امشي
-انت عارفه المكان
بتوتر،
-اه المطعم اسمه*** همشي من هنا هلاقي علطول
-لا والله المطعم قدامك اهو
بصيت علي اسم المطعم باحراج
-ايوا كان قصدي ده
بمشاكسه،
-اه اه واضح طيب يلا ادخلي
-ماشي خد بقي الفلوس
ملقتش رد فعل ولاني مش بصاله من فرق الطول بصيت عليه لقيته بيبصلي بقوة
-خلي فلوسك معاكي مش هاخد حاجه
-والله ماينفعش ان
قاطعني ،
-خلاص ادخلي يلا وتعالي بكره الكليه بدري افهمك الي اخدنا انهارده
-تمام شكراً
بابتسامه،
-العفو
استني اما دخلت المطعم وبعدين مشي
ريم ،
-اي ياقطه كل ده فرفرنا من الجوع
-معلش والله مكنش فيه تاكسي خالص
روان ،
-يلا ونبي ياجماعه شوفو هتاكلو اي لانا خلاص هموت واكل
طلبنا اكل وفضلنا نحكي وقولتلهم علي محمود من امبارح لنهارده
ساره،
-طلع انسان كويس اهو في الاخر
-كويس ولا لاء المهم انه ميسقطنيش وخلاص ياساره
علا،
-شطوره ياامول ركزي في دراستك
-بحاول والله بس بجد من غيركو صعب اوي ياجماعه
ريم ،
-احنا هنبقي مع بعض ديماً وهنتقابل ومكانكو والله ياجماعه هيفضل في قلبي
ضحكنا كلنا واكدنا علي كلامها
روان ،
-يلا بينا نتصور
سلمي،
-وهاتي تيك توك
ساره ،
-بس ياريت من غير موسيقي
-اه ياريت علشان انا كمان معتش بنزل حاجه بموسيقي
علا،
-الله ياجماعه بجد كان نفسي في صحاب زيكو كده نعين بعضنا الحمدلله رزقني بيكو
حضنا بعضنا كلنا واحنا فرحنين جداً
روان ،
يلا ياولاد خلينا نتصور بقي
اتصورنا وعملنا فديوهات بدون موسيقي وبجد كانو تحفه
سلمي ،
-انا لازم اروح دلوقتي ماما كلمتني
علا،
-وانا كمان انتو هتعملو اي
كلنا قولنا اننا هنروح خلاص
روحت وانا مبسوطه جداً من اليوم غيرت هدومي وكالعاده روحت حكيت لماما عن يومي وهي كانت مبتسمه علشان انا فرحت
-الدكتور ده طلع طيب والله شكلك انتي الي ظالما
-هو كل ده علشان جبلي شكولاته ياماما
-اي ده شكولاته!!!!
وهي فين دي
حطيت ايدي علي بوقي بندم ،
-يلهوي عليا كان نفسي اكلها لوحدي
بدراما ،
-هتاكليها من غير مامتك حبيبتك
-خلاص ياماما هقوم نقسمها
-نقسمها!!!!
-اي ماما عايزاها كلها ولا اي
قمت جبتها وقسمنها
-والله العظيم الدكتور ده شكله طيب خالص
-مكنتش شكولاته ياماما يعني
-عيب عليكي مش انا قولتلك من الاول
-امم مع علينا دلوقتي انا هروح بكره بدري علشان يشرحلي محاضره انهارده
-ماشي ربنا ييسرلك طريقك ويارب تفهمي
-تقصدي اي ماما اني مبفهمش !!!
-هو انا قولت كده؟!!! لا اله الا الله
-انا داخله انام عايزه حاجه
-لا شكرا مع السلامه
-مع السلامه ياست
-ست!!! تقريباً يعني كده بيقولو اني امك
ضحكت وبوست راسها ،
-كان قصدي اقول ست الكل
ضحكت،
-ماشي ياسكر يلا روحي نامي
دخلت نمت علي السرير ومسكت الموبايل
وسجلت رقم دكتور محموده ده
ودخلت الجروب لقيت مسدجات من دكاتره بمواعيد بكره
دخلتله خاص من غير اما افكر وكتبت
دلوقتي اول محاضره الساعه ٩ اكيد يعني مش هاجي قبلها!!
بعتها وانا مستنيه الرد دقيقه دقيقتين ورد
-خلاص بعد المحاضرات
-تمام
نمت وصحيت علي الساعه تسعه وبرقت بدهشه وانا ببص للساعه قومت جري اغسل وشي ولبست في ثانيه
ونزلت جري
وصلت عاشره الا تلت قعد استنيت بره معمل لما المحاضره تخلص روحت اشرب قهوه
"1”
يتبع…
↚
-ممكن اقعد
بصيت لقيته دكتور محمود
-اتفضل
-مدخلتيش لي؟!
-ملحقتش جيت متأخر
-امم
شربت بق قهوه وانا باصه في الموبايل
اجه في بالي سؤال بصتله بسرعه وحسيته اتخض من تحولي
-هو انت كنت في كليه اي
-الكليه دي حقوق
برقت بدهشه وانا بسند ايدي علي التربيزه ،
-بتهزر بجد يعني ممكن اطلع منها دكتوره
ضحك لرأكشن وشها،
-اكيد لو تعبتي هتوصلي
باحباط،
-مانا ديماً بتعب وفي الاخر اي !!
-اكيد خير ومش كل حاجه بنبقي عايزينها بتبقي كويسه علشانا
-اكيد الحمدلله
-يلا هقوم ورايا محاضره
هزيت راسي
قام وقف ومشي خطوه بعدين رجع تاني
-احسنلك تقومي دلوقتي علشان انا مش بدخل حد ورايا
خلص كلامه ومشا
جريت بسرعه وراه كان قدامي
ولسه جايه ادخل قاطع طريقي مروان
-اي ياعسل هو حلو للدكتور ووحش لينا ولا اي ؟!!
عقد حواجبي ولسه جايه ارد لقيت دكتور محمود وقف بينه وبيني ,
-تقريباً انا حذرتك مره بالذوق مش كده
المره الجايه هوديك عميد الكليه ساااامع
-تمام يادكتور
خلص كلامه ولفلي بسرعه وانا من الخضه رجعت خطوه
بحده،
-وانتي لو كلمك تاني تيجي تقوليلي
هزيت راسي بخوف وانا مش فاهمه بعمل اي
مشيت بسرعه ودخلت قعد في البيدچ السادس
وثواني فضلت افكر في كلامه هو حذره قبل كده انه ميكلمنيش !!!!
دخل وبدء يشرح وخلاص وعد نفسي اني هفهم والصراحه شرحه تحفه بس برده مفهمتش من زن العيال الي ورايا
المحاضره خلصت ومكنش فيه محاضرات تانيه
طلعت قعد علي التربيزه وفضلت ادور عليه بعيني ملاقيتهوش كنت هقوم اروح بصراحه لقيته بيحط شنطته علي التربيزه
-كنتي هتروحي بسهوله كده وانا اجي بقي ادور عليكي
قعد تاني ،
-بصراحه زهقت
-طيب يلا نبدء
-تمام
بدء يشرح وانا كنت متوتره من قربنا الي كان بالنسبالي قريب اوي كل لما يشرح جزء يبصلي ويقولي فاهمه كنت بتوتر اكتر واقوله اه وانا عايزه اعمل بيبي من توتري
بعد ساعتين
-كفايه كده انهارده علشان شكلك هيستي
-اه فعلاً بس انت شرحت محاضره انهارده مش كده؟!
-ايوا
بفضول ،
-طب لي انا حضرت
-حسيتك مفهمتيش
ضحكت،
-لا برافووو بتفهم
بصلي وضحك وانا رجعت لوضعي بعد مااخد بالي قولت اي
-اقصد يعني انك دكتور شاطر
اقصد محترم ..يعني كويس يووووو مش كده
ضحك جامد ،
-خلاص والله فاهمك
بتوتر،
-طيب شكراً ليك جداً
-العفو لو احتاجتي حاجه عرفيني
-تمام
قومت علشان اروح وهو قام ولكن بنت اجت تكلمه
وانا بلم حاجتي عملت نفسي علي الوضع البطئ علشان اسمع هي عايزه اي
-دكتور عايزاك تديني كورس برايفت
بهدوء،
-انا لسه تحت التدريب وللاسف مش بدي كورس
ممكن تقولي لدكتور كريم وتعرفي منه التفاصيل
باصرار ،
-لا بس عايزاك انت
بصتلها بدهشه من جرائتها وكنت خلاص تكه وارد بس الحمدلله اتراجعت اصل انا مين علشان ارد
-للاسف مش هينفع
خلص كلامه وهي بصتله بحزن
وجه كلامه ليا ،
-هتروحي ؟!
بصتله بانتباه وبعدين بصيت للبنت الي بصتلي ببرود ،
-اه
-طيب يلا
استغربت طريقته ولكني حطيت الحاجه في الشنطه وبعدين مشيت وهو كان ماشي قدامي
وقف معايا لغيت اما ركبت تاكسي
كنت مبتسمه في الطريق معرفش لي
اي ده فوقي ياامل اكيد يعني دي طريقته وهو شكله بيحب يقف مع الناس اهدي كده ومتفكريش في حاجه تانيه
وصلت البيت وكالعاده اكلت بس مقدرتش اتكلم مع ماما روحت نمت علطول وصحيت بليل مسكت الفون لقيت مسدجات من رقم دخلت عليه باستغراب
-بصي بقي ياحلوه انا مبحبش الشغل ده هاا
-مش تبقي ماشيا مع الدكتور وانا يبقي كخه
-والله لو عرفت انك قولتي للدكتور حاجه
اعرف دكاتره في الكليه هخليهم يسقطوكي
-وانا دلوقتي عايز ارتبط بيكي فاهمه
قعد علي السرير وانا عماله اقرء الكلام تاني وتالت ودموعي نازله بيقول اي ده ماشيه مع دكتور مين !!
عملتله بلوك
ونمت تاني وانا عماله افكر هعمل اي وقررت اني معتش هكلم الدكتور ده تاني علشان اتفهمت غلط
صحيت الصبح لبست ونزلت وانا سرحانه وصلت الكليه وكانت اول محاضره هتبدء بعد ١٠ دقايق
قعد علي التربيزه اطلب القهوه لقيت حد سحب الكرسي وقعد وكان مروان ده
-بقي انا تعمليلي بلوك!!!
بعصبيه،
-بص بقي علشان انا اتخنقت علي الاخر انا انهارده هشتكيك بجد بقي
ببرود ،
-الساعه كام
بدهشه ،
-انت باااااارد اوي يعني
قومت وانا متعصبه وكنت خلاص هروح اشتكيه
لقيت دكتور محمود قدامي
-بقولك اي هو انا عايزه اشتكي علي حد اروح فين؟!!
كنت بتكلم بانفعال وخلاص جبت اخري
اتكلم وهو بيتفحص ملامحي،
-طيب اهدي قوليلي هتشتكي مين ؟!!
بغيظ،
-الزفت الي مش سايبني في حالي ده
بحده،
-هو كلمك تااااني ؟!!
-اه وع
مكملتش كلامي ولقيته بيمشي وهو بيدور بعينه في كل مكان فهمت انه بيدور عليه جريت وراه بسرعه
ولكني ملحقتش شاف مروان ومسكه من التيشرت وعروقه ايده ظهرت
اتكلم بعصبيه ،
-انت يالا كلمتها تاني!! شكلك مبتفهمش باللسان بقي
ضربه في وشه وانا شقهت بخضه
مروان بغيظ،
-لاء مش هو انا لما اجي اكلمها ترفض وانت مدوراها معاك
عيوني دمعت من قسوه الكلام ومكنتش اتمني في يوم حد يقول عليا كده
نزل عليه ضرب ومش سايبله فرصه يتكلم وكله عمال يتفرج والي يصور ادخلت ومسكت دراعه جامد وقولت
-خلاص بالله عليك هيموت في ايدك
مكنش سامعني
مسكته من وسطه وزقيته جامد ونجحت اني ابعده عنه وقف بعدم توازن وانا يعتبر كنت في حضنه
بصلي وانا بصتله ودي كانت اول مره ابصله فيها واركز
في عيونه
بعد عنه باحراج وهو زعق للي واقفين يتفرجو وبس والعميد اجه وزعق وطلبنا علي مكتبه
العميد ،
-انا عايز افهم الي حصل انهارده يادكتور محمود
محمود حكي كل حاجه
العميد بصلي ووجه كلامه ليا
-وحضرتك مجتيش تشتكي لي من الاول ؟!
بدموع حاولت اكتمها،
-قولت اني حذرته خلاص معتش هيكلمني بس امبارح بعتلي وقالي ان للدكتور حلو وانا كخه وانه يعرف ناس هنا في الكليه وهيسقطني لو قولت لدكتور محمود
خلصت كلامي ودموعي نزلت
العميد،
-يعني انت يااستاذ مروان عارف ان الدكتور هيزعلك لو دايقتها تاني صح
مروان بغيظ،
-حضرتك هي بتقولي مش بتكلم ولاد وهي بتكلم الدكتور
محمود بحده ،
-والله العظيم لو معدلتش كلامك هديك علقه محترمه تاني
العميد ،
-دكتور محمود لو سمحت اطلع بره وانتي ياانسه كمان
طلعت بره وارتحت لما دكتور محمود رد عليه
قعد علي رصيف في الكليه بس بعيد عن الدوشه
حسيت بحد بيقعد جمبي
-لي مقولتليش انه بعتلك وقالك الكلام ده ؟!
عيط لمًا افتكرت ،
-لاني مكنتش اتوقع ان حد يقولي الكلام ده
بهدوء وهو بيمدلي بمنديل،
-طب خلاص اهدي حقك عليا
اخد منه المنديل،
-شكراً
-خلاص بقي متعيطيش
-انا خايفه لتضر في شغلك انا بجد اسفه
-لا متقلقيش العميد اكيد عارف ان مروان ده طالب مناكش وساقط بقاله سنتين
-انت تعرفه؟!
-يعني دورت في سجله
-لي
بانفعال ،
-علشان كان بيدايقك وانا كلمت العميد عليه بس شكله نسي ونام
ضحكت والدموع في عيني وهو بصلي وضحك
رجعت لوضعي وانا بلعب في الخاتم
-طب معلش معتش تتكلم معايا
-نعم!!!
-يعني لانه فهم غلط وانا مبحبش كده نهائي
بحده ،
-انا دكتورك علفكره وانا كنت بشرحلك الي فاتك مش اكتر مش فاهم انتي شكلك فهمتي زيه ولا اي !!!
بصتله بدهشه ولكنه كان خلاص مشي
عيط تاني وانا بجد مش عارفه ازعل منين ولا منين
روحت نمت علطول وانا عماله اعيط كل ماافتكر كلامه
بيدايقني حسسني اني فعلا فكرت في حاجه بس انا فعلاً مش بحب نهائي معاملات مع الرجاله ومعاملتي معاه كانت علشان دكتوري وبيفهمني وبس مش اكتر
هو"
عمال يكلم نفسه رايح جاي في الاوضه
-قال معتش تكلمني قال!!!
سيف اخوه وهو قاعد علي السرير
-خلاص يامحمود دوشتني
بغيظ وهو بيضغط علي ايده،
-انااا يتقالي كده انا!!!
-ماهو اتقالك عادي اهو
وهو بيخبط الحيطه بايده ،
-هي فكرتني من الولاد الطايشه دي ولا اي
-شكلها كده
بصله بعصبيه وهو بيمسكه من التيشرت
-هتخرس ولا اموتك مكانك
بخوف ،
-خلاص ياعم اهدي كده
-متقولييشش اهدددي
-ط طب خلاص متهداش البت دي غلطانه في حقك
ساب التيشرت وقعد علي السرير الي جمبه ،
-وانا بقول كده
-طب روق كده انا بس بحاول اطبلك علشان تهدي
بصله يضيق
سيف قام من علي السرير ،
-خلااااص انا طااالع
صحيت تاني يوم الساعه ١٢ الضهر وقولت مش هروح الكليه انهارده صحيت اتوضيت وصليت ورتبت واخد شاور وقعد علي السرير انشف شعري ومسكت موبايلي
لقيت ان محاضرات انهارده كان علينا فيها وحمد ربنا اني مروحتش لاني مش عايزه اشوفه
هو"
فضلت ادور عليها بعيني في المدرج
طالب ،
-دكتور حضرتك كويس؟!
-احم اه يلا نبدء
بدء محاضره وهو بيرفض لعقله انه كان عايز يشوفها وندم علي رد فعله وكلامه بس عصبته بكلامها ده
دخلت علي الجروب اتكلم مع البنات يمكن مزاجي يرجعلي اتكلمنا شويه والاغلب مكنش فاضي فاروحت لعند ماما في المطبخ
-ماما
-اي؟!
-عامله اي النهارده
-كشري
بضيق،
-بس انا مبحبوش ياماما مانتي عارفه
-خلاص كلي سندوتش جبنه
عينيا دمعت،
-والله ماااشي
سيبتها وطلعت اتفرج علي التلفزون
ماما اجت قعدت جمبي
بهدوء ،
-من غير لف ودوران مالك؟!
بصتلها وعينه مدمعه وحكلتها
-ومقولتليش لي علي الولا الزفت الي كلمك ده؟!!
-ياماما هو ده الي همك انا مدايقه من كلام الزفت الدكتور محمود ده
-بصي هو اكيد فكر في انك فكرتي زي الولا ده بس انتي كلامك صح يمكن طريقتك كانت وحشه
-خالص
-طب ريأكشن وشك!
-خالص
-طب اسلوبك!
-ياماما ماهي هيها طريقتي
-طب اي!!
-ولا حاجه هو الي كلامه زي السم شبه
-طب خلاص سيبك منه ومتحطيش كلامه في دماغك ولسه انتي في بدايه السنه ركزي فيها وسيبي كله وراكي
-تمام صح
-احطلك تاكلي كشري؟!
-ياماما مش بحبه
-حد مبيحبش الكشري
-اه انا
بابا وعبدالرحمن اجو وماما حطت اكل واحد في طبقه
بابا ،
-اي يااموله مش ناويه تجربي الكشري
اتكلمت وانا ماسكه الريموت بقلب والايد التانيه ماسكه سندوتش جبنه بالطماطم
-لا يابابا مش بحبه
عبدالرحمن اجه قعد جمبي علي الكنبه وهو ماسك طبق الكشري والايد التانيه شد مني الريموت علي غفله
اتكلمت بضيق،
-عبده بطل رخامه وهات الريموت
-هش ابت عايز اتفرج علي الماتش
بتذمر ،
-يابابا خليه يديني الريموت بقي
بابا،
-مين الي هيلعب انهارده ياعبده؟!
-المصري والزمالك يابابا
-ياجدعان محدش سامعني ياماما !!
ماما،
-نتفرج علي الماتش بس وبعدين اتفرجي ياامل
سند بضهري علي الكنبه باحباط وبدأت اندمج معاهم في الماتش
-اوباااا
قمت وانا بسقف بايدي ،
-يلهوي بقي الولا ده مبيعرفش يلعب
عبدالرحمن،
-امل اقعدي بقي واهمدي
-كمان رائيي ممنوع!
بعد عشر دقايق،
سقفت بفرحه،
-جووووون
بابا،
-وقال اي مش بتحب الكوره
-اعمل اي بقي لما بتفرج عليها بتشد
عبدالرحمن ،
-طب كوبايه شاي بقي
-اسكت بقي
-قومي اعملي ولو المصري كسب هجبلك شوكلاته
قمت بسرعه ،
-في ثوااني
ضحك،،
-بتموتي في الرشوه
بعد ساعه ،
-يلا عبده فين الشوكلاته
باستعباط ،
-هو المصري كسب!!!
-امال اي؟!
-لا ده لسه فيه تكمله
-والله مش عليا الكلام ده يلا قوم انزل هاتلي
-بكره هجبلك دلوقتي تعبان عايز انام
-والله العظيم معتش عملالك شاي علشان انت كداب
خلصت كلامي وروحت اوضي وعيوني مدمعه وكأني عايزه اي حاجه علشان اعيط وخلاص
بعد نص ساعه الباب خبط وفتح علطول وكان عبدالرحمن
لفيت راسي وبصيت في التلفون تاني
-احلا شكولاته لي احلا اموله في حياتي
ضحكت اصل مبعرفش اتقل اكتر من كده
-ماشي شكراً ياسيدي
-ونبي معتيش تقلبي وشك تاني بتبقي بومه
ضربته في كتفه،
-ده انا سكر في كل احوالي يابارد
-مين ضحك عليكي وقالك كده
-مش لازم اسمع من حد انا عارفه كده
-جدعه ابت طالعه لاخوكي
-ليك!! وانت شايف نفسك ازاي
-مفيش منه اتنين
-محصلش
-هاتي الشوكلاته دي
-خلاص ياعم بهزر انت مفيش منك واحد حتي
-هااا رخمه
-زيك
-بقولك اي
-اي
-ماتقومي تعمليلي شاي
-انا عايزه انام وورايه كليه بكره يلا تصبح علي خير
-كليه ههه البت مفكره نفسها مهمه
-ايوا ياحبيبي بكره هتشوفني ومش هتعرف تسلم عليا
ضحك،
-ده انا لسه جايبلك شكولاته ياندله
-خلاص ياعم مكنتش شوكلاته
ضربني علي قفايا وطلع يجري وانا جريت وراه وحاولت اضربه وبرده مختش حقي رجعت تاني اوضي وقفلت النور ونمت
صحيت تاني يوم علي الساعه ١٠ كانت اول محاضره الساعه ١١
لبست فستان بيج وطرحه بني وشطه تايجر بعت لنفسي بوسه في المرايا
-شياكه وربنا
-مش عايزين حاجه
بابا وماما ،
-خلي بالك من نفسك
عبدالرحمن ،
-ركزي ياطفله
-ماشي ياكبير
نزلت وانا مبسوطه حبتين تلاته الواحد اي ميكونش فرحان وجنبه عيلته بصحه كويسه وبخير اي يزعل نفسه علي اتفه الحاجات بجد بقيت بفكر نفسي بده علشان مفيش حاجه تستاهل اني ازعل عليها
ركبت تاكسي ووصلت ودخلت الكليه وانا عيني شبه ما يدور عليه وفي نفس الوقت مش عايزه اشوفه روحت الكافيه طلبت قهوه علي الواقف لان المحاضره مكنش عليها غير ١٠ دقايق والقهوه اتاخرت كان فيه زحمه حبتين بصيت في الساعه وانا ببرق كانت ١١ ودقيقتين وسمعت ان الدكتور ده مش بيدخل حد بعده قولت اجرب حظي مشيت بسرعه وسيبت القهوه
خبط علي الباب وفتحت
الدكتور ،
-اتفضلي اطلعي محدش بيدخل بعدي
بتوتر،
-يعني مينفعش احضر؟!
-هو انتي مبتفهميش!!
-لو سمحت م
قاطعني
-اطلعي لاني مش فاضيلك
قفلت الباب ولفيت لقيت محمود جاي نحيتي تجاهلته وجايه امشي وقفني صوته
-مدخلتيش لي؟!!
حاولت امسك دموعي ،
-مرضاش يدخلني
-طب تعالي
-نعم!!
مشي ناحيه الباب ورجع بصلي ،
-تعالي ادخلك
-خلاص مش عايزه احراج
ولاكأنه سمع كلامي وفتح الباب ودخل دقيقه خرج وقالي ادخل
بصتله باستغراب وكنت هسأله قاله اي ولا ازاي بس قليل الذوق مشي
دخلت بتوتر
الدكتور بابتسامه ،
-مش كنتي تقولي انك تبع دكتور محمود
عقد حواجبي باستغراب ومردتش اسأل قولت اكيد كذب ولا حاجه علشان يدخلني قعد وبدأت اركز البت الي جمبي اتكلمت ،
-معقول انتي تبع دكتور محمود المز ده
غمض عيني ببرود ،
-مش فاهمه قصدك يعني اي انتي دي !!!
-يعني المفروض ياخد واحده بشعرها كده وحلوه زي كده
بغيظ،
-وهو كده هيكون راجل ازاي وهو واخد واحده بيستعرضها للناس
وبعدين انتي بتتكلمي كده لي كأني خطيبته!!
-يعني انتي مش خطيبته!!
-لا مش خطيبته ولا ح..
مردتش اكمل علشان مكذبهوش
بفرحه،
-طب كويس والله فرحتيني
بهدوء ،
-لو سمحت سبيني اركز
المحاضره خلصت وانا علي اخري منه طلعت دورت عليه بعنيا ملقتهوش سألت عليه قالولي مكتبه هناك
روحت وخبط وفتحت علطول مستنتش رد
بص وهو في ايده اوراق
-انا قولت ادخل!!
دخلت وقفلت الباب ورايا بضيق ،
-هو انت قولت للدكتور اني تبعك !!
حط عينه في الاوراق تاني
-انا مش فاضي دلوقتي
-وانا بسألك ؟!
رفع عينه وبصلي
بصيت بعيد مبقدرش ابص في عينه ولا في عين اي راجل
-طب ولي قولت اني تبعك وكذبت!!!
-علشان تدخلي المحاضره اتفضلي بقي بره مش فاضي
بغيظ،
-علفكره البت الي جمبي فكرتك خطيبي وبتقولي المفروض انه ياخد واحده بشعرها و…
قاطعني صوت تخبيط علي الباب
بصلي وقالي وهو بيقف
- اقفي ورا الباب الي هناك ده
بعند ،
-واقف هناك لي ان شاء الله
قام وقرب مني
-اخلصي لو حد شافك هنا هيفهم غلط
بضيق،
-ويفهم غلط لي ان ….
بصلي بقوه ،
-امل اخلصي اقفي هناك ومتطلعيش
كنت هرد ولكن الباب خبط تاني روحت ببرود وقفت اما اشوف اخرتها
"2”
يتبع…
↚
الباب اتفتح وسمعت صوت بنت طلعت وشي بفضول لقيتها البنت الي كانت كلمتني النهارده قلبت عيني بملل وانا فاهمه دماغها
بصوت رقيق،
-دكتور كنت محتاجه منك تفهمني الشيت الي طلبته
اتكلم وهو بيقعد مكانه علي الكرسي وبص في الساعه،
-فيه محاضر بعد نص ساعه هقول فيها تاني
اتكلمت بنبره رقيقه خلتني عايزه اروح اشدها من شعرها
-طيب شكراً ليك جداً
وهو بيقلب في الورق،
-اي خدمه
طلعت وانا طلعت من ورا الباب بغيظ مش فاهمه سببه
-اي المياعه دي؟!!!
بصلي بعدم فهم،
-نعم
ببرود،
-دي البنت الي هتموت عليك علفكره
ضحك بثقه،
-ماده الطبيعي فاي مكان بروحو يعني
-ثقتك مش في محلها علفكره
-لا والله
-اه والله
-طب اتفضلي بقي اطلعي بره
-طالعه اصلاً
طلعت وانا مش فاهمه مالي مضايقه كده لي
وفضلت ماشيه لغيت الكافيه وقعد وانا مودي مقلوب وافتكرت اني برده مفهمتش لي عمل معايا كده ودخلني
بهمس لنفسي وانا بفكر وعيوني بضيق،
-اكيد يعني بيعمل معايا معروف عادي شكله عايزني ابقي مديونه ليه ابن ال اي
قاطع صوت تفكيري ،
-ده انتي اتهبلتي بجد بقي ؟!
بصتله وكان هو اتكلمت ببرود ،
-هو انت ماشي ورايا
بسخريه وهو بيقعد علي نفس التربيزه وبيحط الورق وادواته عليها ،
-هو انا جاي وراكي بيتكو!!!
دي كليه حضرتك
وبعدين المكتب خنقه قولت اجي في الهوا
برفعه حاجب ،
-والله وقاعد معايا علي نفس التربيزه لي ان شاء الله !!
بص حواليه،
-مش شايفه كلو مليان
-ماتقعد مع اي حد تاني
-استغفر الله دي التربيزه الوحيده الي انتي قاعده عليها لوحدك اكيد مش قاعد من حبي فيكي
بصيت حواليا فعلاً مكنش في غيري الي قاعد لوحده
باستفزاز،
-اهو بسليكي بدل مانتي قاعده لوحدك
بصتله بغضب وحاولت اتحكم في نبرتي علشان متعلاش،
-انا مش لوحدي تمام ومش انت الي هتسليني
خلصت كلامي وانا ببص عليه باحتقار
بصلي وعض علي شايفه بغيظ ،
-طب اتظبتي بدل ماازعلك في اعمال السنه
بغيظ،
-هو انت هتفضل تهددني في اعمال السنه دي !!!
ببرود،
-اه في مانع ؟
ضغط علي ايدي وانا بفكر نفسي انه دكتور ومينفعش ارد مسكت موبايلي علشان الهي نفسي ومتعصبش عليه
بعد نص ساعه قومت علشان المحاضره وهو كان قاعد زي ماهو بيتشتغل في الي معاه
دخلت وكان دكتور جديد اسمه ياسر بديل لدكتور تاني واظن انه صغير واظن كمان انه في التلاتين وطبعاً البنات هتموت عليه وهمسات مابتخلص وانا مش فاهمه ازاي مش بيزهقو بجد بدء يعرفنا علي نفسه وشرح وبصراحه فهمت كان شرحه كويس خلصت المحاضره وطلعت وانا دماغي وارمه قعد علي التربيزه وانا مش قادره امشي حاسه ان هيغمي عليا وافتكرت ان لسه في طريق همشي علشان مفيش موصلات بسهوله قدام الكليه دماغي وجعتني اكتر اتصلت بعبدالرحمن يجي ياخدني
-اي ياامل
-عبودي حبيبي
-خير اخلصي
بترجي،
-ممكن تيجي تاخدني من الكليه !!
-انا في الشغل
-بعد لما تخلص
-لسه ساعه
-مش مهم مستنيه
-اتشليتي ولا اي
-الله واكبر الموصلات نادره قدام الكليه وانا تعبانه
-مالك يختي كنتي بتفحتي في الارض
-خفه ياض يلا اخلص لما تيجي رن اطلعك
-اقفلي يابومه
-قفلت يابورص
فضلت العب في الموبايل لغيت لما يجي ببص صدفه قدامي لقيت محمود قاعد وجمبه الدكتور الجديد بتاع النهارده وشكله كده صاحبه
بس اي ده ماله محمود
بيبصلي كده لي !! ريأكشن وشه كان مضايق
ودكتور ياسر بيكلمه ولكنه كان بيبصلي انا ؟!!
بصيت علي الموبايل وانا بحاول الهي نفسي عن نظراته دي.. عيني بصتله تاني لقيت دكتور ياسر قام بعد اما سلم عليه وبعدين لقيت محمود جاي عليا
اي ده !! عملت نفسي مش واخده بالي
-عارف انك واخده بالك
بصتله بتمثيل الاستهبال،
-نعم !!!
قعد علي التربيزه واتكلم بنبره سخريه،
-معجابينك كتير
بعدم فهم ،
-مش فاهمه انت عايز تقول اي؟!!!
-دكتور ياسر السكر معجب بنابهتك وتركيزك المميز
كان بيتكلم بنبره سخريه علي ضيق
ضحكت من طريقته ومن الكلام ،
-وهو اي الي عرفه بيا
-كان بيديكي محاضره مختيش بالك ولا اي
-اه لا عارفه هو بصراحه شرحه حلو وفهمت بس كله كان مركز يعني مش لوحدي!!!
عقد حواجبه وهو بيلف الكوبايه ،
-معرفش بقي لو حابه روحي اسألي
نهي كلامه بسخريه
ببرود،
-وانا هسأله في اي ؟!!
بسخريه،
-اشمعني انا معجب بيا يادكتور؟!
رفعت حاجبي ،
-طب ماتسأله انت
-نعم!!!
-الله مش انت عايز تعرف اشمعني انا ؟! روح اسأله
بتوتر،
-وانا مالي انتي ولا غيرك
بعدم اهتمام ،
-وانا كمان مالي يعجب ولا ميعجبش!!
بصلي بتساؤل،
-يعني انتي مش هامك؟!
-خالص
هز راسه بتفهم وتلفوني رن وكان عبدالرحمن رديت وقولتله اني طالعه اخد شنطتي طلعت وهو كان قاعد مكانه
"هو"
استغربت ان مش هاممها ومستغرب نفسي اني مهتم وانا مالي بس معجب ولا ميعجبش مش فاهم انا شاغل دماغي علي اي اسكان هي مش هاممها حاجه
قومت اخلص شغلي وبعدين روحت
-اي ياطفله اخبار الشغل اي
باستغراب وانا بركب وبرجع الكرسي لورا علشان اقعد براحتي
-شغل اي ؟!
-الشلل الي جالك فجأة ده بسبب الشغل ؟!
-لا ياخفه دماغي وجعاني ومش قادره امشي
-لو كنت اعرف ان الموضوع كده مكنتش جيت
-لا والله وبعدين انا مش اختك ده المفروض تقولي هوصلك وارجعك يااختي العزيزه
خلصت كلامي بدراما
ضربني علي دماغي ،
-ونبي بلاش شغل الهطل بتاعك ده
-انا هطل ماشي ياعبود
-عبود!!! بقولك اي معتيش تدلعيني تاني
-اي لي ان شاء الله ده حتي عبود جميل وشاب خلوق
باستغراب وهو بيبصلي ،
-مين عبود ده ياختي ماتتظبتي
ضحكت بصوت عالي ،
-انت عبيط يالا…. هو في غيرك عبود في حياتي بس؟!!
-اه بحسب وضحي الكلام
-لا بتعب
-حد قالك ان دمك خلاص قالب للعسل
-لا الصراحه انت اول واحد
-بكذب عليكي وربنا اوعك تصدقي
بصتله بقرف وانا بلف وشي،
-عيل غتت
رجعت بصتله بضحكه،
بس قولي اي الچنتله دي شكلك يهبل
ضحك بغرور،
-اقل حاجه عندي يابنتي
=بتعملي اي يازفته حد قالك اني خطيبك!!!
كنت ماسكه ايده وبصورها
-الله مش اخويا عيوني انزل هات بقي شكولاته علشان انزلها واكتب اخويا حبيب قلبي
-لا لا خليكي في ايدي احسن.. يابنتي مفيش ماديات بين الاخوات
-لا فيه عادي
-حقيره
-متعرفش ماما عامله اي علي الغدا
-كشري
-نعمممم!!! بتهزر صح
ضحك،
-اكيد بهزر لسه عاملا من قريب مش هتعمله تاني علشان عارفه اني مش بحب اكله علطول
بصتله بغيره،
-اه ماانت ابنها حبيبها بتشوف بتحب اي وتعمله لكن انا اكل عيش وجبنه عادي
-والطماطم الي مع الجبنه؟!! ظلمتي الست
بسخريه ،
-لا تصدق كتر خيرها
وصلنا البيت وغيرنا وبابا اجي وبدأت احط الاكل مع ماما وبدأنا ناكل وبعدين قعدنا وطلبهم المعتاد الشاي دخلت عملتلهم وقعد معاهم في الصالون نتفرج علي التلفزون مسكت الموبايل وانا سامعه صوت رسايل كانو صحابي اتكلمنا شويه وكنت مبسوطه حاسه ان احنا مبعدناش وكأننا مع بعض عادي
عبدالرحمن بتوتر،
-كنت عايز اقولكو حاجه ياجماعه
بصينا كلنا بتركيز
بابا،
-خير يابني
اتكلم بشويه لاعبكه
-في واحده يعني شوفتها اعجبت بيها وكنت عايز ان شاء الله نروح نتقدم
بابا بفرحه،
-علي خيرت الله
-اخيراً ياحبيبي يارب ترضي هي بس
ضربني علي دماغي ،
-بس يابومه
ماما بابتسامه،
-ربنا يفرح قلبك ياحبيبي عرفت العنوان طيب علشان نروح نتقدم
-احم لا الصراحه انا لسه شايفها النهارده طالعه من كليه بس بكره ان شاء الله هعرف معلوماتها من الكليه ولو عرفت هاخد رقم ابوها
خلصنا القاعده وعبدالرحمن دخل اوضه وانا جريت ورا وانا بقعد قدامه علي السرير واتكلمت بفضول،
-قولي بقي شوفتها فين وهي كانت بتعمل اي وانت كنت بتعمل اي وخبطها بقي بالعربيه والكتب وقعت ولا اي الحكايه؟!!
-اي كل ده واي الفيلم الهندي البايظ ده!!!
-طب قول طيب اي الي حصل
-مفيش حاجه عادي هي كانت طالعه من الكليه وعلشان كان فيه اشاره مرور وكنت واقف علشان كده اخد بالي كانت محترمه ولبسها كمان فاحسيت ان…
بصلي باستغراب وانا مسهمه وبضحك
-انتي بتضحكي كده لي ياهبله
بتكشيره،
-الله كمل ياعبود وقفت لي
ضحك،
-شكلك عبيط بكلمك بأمانه
كمل وهو بيشد البطانيه عليه
-وبعدين انا بحكيلك لي
وانا بشد البطانيه من عليه ،
-والله ماانت نايم غير لما تحكي قوم وبطل غتاته يلا
وبعد زني رجع يكمل
-حسيت اني عايز اتجوزها وعايزها ليا خلاص ياست امل ممكن انام ؟!!
ضحكت بفرحه،
-ايوا بقي علي المحن لولووووولي
كتم بوقي،
-يخربيت صوتك
شيلت ايده،
-شوفت ياعم وشي حلو ازاي لما قولتلك تيجي تاخدني
-بصراحه اول مره استنفع بحاجه بسببك
وبعدين اقفلي الموضوع لغيت لما يتم الله واعلم
بضحكه،
-ان شاء الله خير ياعبود وبعدين ده انت اول لما شوفتها عايزها ليك وان شاء الله لو هي خير هتبقي ليك
خلصت كلامي بغمزه
-ماشي يافنانه يلا بقي سيبيني انام
-ماشي
وانا واقفه علي الباب اتكلمت بصوت عالي ،
-تصبح علي خير ياعرررريس
حدف عليا المخده ولكني قفلت الباب بسرعه
روحتي اوضي واحساس الفرحه جوا قلبي كدهو بجد فرحانه جداً وعماله ادعي ربنا يتممله علي خير ويجعلها زوجه صالحه يارب
نمت علي نفسي وانا عماله افكر هلبس اي في الخطوبه
ايوا عارفه ان لسه وقت ولكني بحب افكر من بدري
صحيت تاني يوم علي المنبه وكالعاده ملحقتش اشبع نوم صحيت وانا دماغي وجعاني دخلت الحمام ورجعت افتح الدولاب سمعت ماما بتقول ،
-تقلي هدومك الجو ساقعه بره
ضحكت بفرحه وانا باخد الكوت البيچ وتحته بيزك اسود وطرحه وشنطه سودا وشوز ابيض
لبست وانا مبسوطه وشكل انهارده الجو تحفه عشقي بجد
وانا بفتح الباب ،
-انا نازله ياماما
-ماشي متتاخريش طب استني اجبلك سندوتش
-لا لا يدوبك الحق اركب
-في رعايه الله ياحبيبتي خلي بالك من نفسك
-في رعايه الله وحفظه حاضر
نزلت وركبت تاكسي طبعاً انا مش غنيه بس علشان مفيش مواصله غيره وصلت ونزلت ولقيت دكتور ياسر لسه هيدخل الكليه اول لما شافني وقف مشيت ولسه هدخل وقفني بابتسامه هاديه ،
-اخبارك
بصتله باستغراب و رديت بهدوء،
-بخير شكراً لحضرتك
بنفس الابتسامه وتوتر حسيتها في صوته ،
-انا وراكي المحاضره الاوله
-ايوا عارفه معلش هدخل بعد اذنك
وهو بيشاورلي ،
-اه طبعاً اتفضلي
سمعت صوت جاي علينا ونبرته عاليه ،
-اي ياحبيبي
حضنه ياسر،
-عامل اي
بادله الحضن وهو بيبصلي ومفهمتش بيبصلي بضيق كده لي
-بخير وانت
-بخير
مشيت انا وروحت قعد في الكافيه كان لسه عشر دقايق علي المحاضره
-في حاجه ولا اي كنت واقف لي كده؟!
-اي لا ولا حاجه اتكلمت كلمتين مع امل
مش قولتلك اني معجب يعني
خلص كلامه بابتسامه
رفع حاجبه،
-وانت قولتلها ولا اي ؟!
-لا مش بالسرعه دي شويه بس
-امم تمام ربنا يسهلك
-حبيبي يلا تعالي ندخل ورايه محاضره
شوفتهم معدين وشكلهم رايحين مكتبهم باين
اي ده وانا مالي ؟!!
اصل بصراحه معرفش غيرهم في الكليه اكيد هبقي واخده بالي اكيد مش مهتمه بحاجه يعني
دخلت المحاضره وقعد في البيدچ مكنش فيه مكان جمب البنات نهائي ولقيت بيدچ في بنتين جمب وولد وانا قعد من الطرف وجمبي الولد بس فيه مسافه
الدكتور ياسر دخل وسمعت ورايا البنات
-انا جايه انهارده مخصوص علشانه
-قولتلك مش هتندمي
-خالص ده شكله چينتل اوي بجد
-شكله محترم كمان
-خلاص بقي شيلي عينك مش انتي مخطوبه
-الله انا قولت اي بس
انا سامعه وكل مره بتفاجئي بكلام البنات انا فهمت دلوقتي لي البيدچ كله مليان اكيد علشانه
مهتمش وقولت لازم افهم النهارده بقي
بعد ساعه المحاضره خلصت وفهمت الصراحه شكلي كده لما حطيت في دماغي افهم بفهم فعلاً لسه نص ساعه والمحاضره التانيه تبدء وكانت لدكتور محمود ده
طلعت استمتع بالجو السما كانت مغيمه وشكلها كده هتشتي قعد علي التربيزه الي اتعود عليها وفضلت اتفرج علي السما وسرحت وانا ببتسم حسيت بحد بيقعد علي الكرسي بصيت لقيته دكتور ياسر
بابتسامه،
-شكلك بتحبي الجو ده
اتعدلت في قعدتي ،
-اه
-اسف لو ضايقتك
وانا بقوم،
-لا لا كده كده كنت داخله المحاضره
-بس لسه نص ساعه عليها
قعد تاني باحراج اي الزنفه الزفت دي
بصيت لقيت محمود واقف بيطلب حاجه وماسك الموبايل قاطعني هو
-انتي فهمتي انهارده لو مش فاهمه قوليلي وانا معاكي
حسيت فعلاً من كلامه انه مش دكتور ده بيتكلم بطريقه تانيه ومحمود كان عنده حق
رديت،
-لا شكراً لحضرتك فهمت
-العفو علي اي معاكي في اي وقت
ابتسمت بهدوء وانا بلعب في موبايلي
-اي ياياسر وراك محاضره لسنه تانيه
بصيت لقيت محمود
ياسر برقله وهو بيقوم،
-اه طالع اهو عايزه حاجه ياامل
رديت،
-لاشكراً لحضرتك
طلع ومحمود قعد علي الكرسي في وشي
بصتله ،
-نعم قاعد معايا لي ؟!
ببرود،
-براحتي اقعد في المكان الي عايزه
بغيظ وانا بلعب في الموبايل،
-استغفر الله
-استغفري يمكن ذنوبك تتمسح
مردتش عليه اتكلم تاني
-شكلكو ثنائي رائع
بصتله وانا فاهمه قاصده ،
-تقصد اي بكلامك ده !!!
-دكتور ياسر وانتي
-ده دكتوري في الماده مش اكتر ولو سمحت متجبش سيرتي مع راجل ماشي؟!!!
-لا والله وانتي قاعده معا لي ان شاء الله !!!
-حبيبي هو قعد وانا كنت هقوم بس احرجني لما قالي ان لسه نص ساعه علي المحاضره بس وكمان مكناش بنتكلم وثواني وانا بشرحلك لي اصلاً
رجع ضهره لورا واتكلم بخبث،
-حبيبك؟!!!!
-نعم!!
-انتي قولتي حبيبي ليا
باحراج وانا ببص بعيد ،
-اكيد مش قصدي ا اتلغبط
بضحكه لعوبه،
-لا عادي ولا يهمك بس اخر مره تتكلمي معايا انا كده ممكن اسقطك في اعمال السنه خدي بالك انك بتكلمي دكتورك
بصتله بغيظ،
-لما تتكلم عني بالشكل ده فامستحيل اسكت تمام
خلصت كلامي وانا ببص في الموبايل تاني
عض علي شفايفه بغيظ وضغط علي ايده
قومت ادخل المحاضره وكان نفس المنظر كله مليان ولا كأن حد اتحرك انهارده يوم العروض باين قعد في نفس مكاني الاول دخل ولسه هيبدء يشرح اتكلم الشاب الي جمبي
-لو سمحت معاكي قلم
طلعت القلم من الشنطه ومديته لي من غير لما ابصله
اخده مني ومسك ايدي وهو بياخده
شديت ايدي بسرعه وانا بتكلم بعصبيه وصوتي علا
-انت عبيط ؟!!!
لقيت كله بيبص علينا
دكتور محمود،
-في اي هناك؟!!
الشاب،
-مفيش يادكتور كنت باخد منها قلم
بعصبيه وانا ببص لدكتور محمود،
-لا فيه وانا بديله القلم مسك ايدي
-كذاااابه
لقيته قرب علينا وهو بيقوله،
-قوم اطلع بره
-محصلش يادكتور دي بت كذابه
زعق،
-احترم نفسك واتكلم عليها باسلوب حلو ولا اقولك متجبش سيرتها
كلو عمال يبص ويتهامسو
الشاب طلع وانا بصراحه مش هستحمل وجيت اطلع
-راحه فين ؟!!
لفيت وانا خلاص تكه واعيط،
-طالعه
بعصبيه،
-مش بمزاجك تطلعي اتفضلي اقعدي مكانك
خلص كلامه وانا رجعت مكاني وشكلي بيبي كله عمال يبص واتخرجت جداً قعد بس ضحكت لما افتكرت دفاعه عني حاسه اني عايزه احضنه واقولو شكراً
بدء يشرح وشتمت افكاري الهبله
وانا ركزت وفهمت اخيراً والمحاضره خلصت وفي نص المحاضره الدنيا شتت وانا كنت هموت واطلع بره
لما طلعت الدنيا كانت بطلت مطره مشيت وانا راحه الكافيه وببص باعجاب علي السما وقد اي فرحانه قعد وطلبت قهوه كان فيه لسه محاضره قولت لو الدنيا مطرت مش هخش وفضلت ادعي تمطر تاني علشان مدخلش
فضلت قاعده اصور في السما
قاطع عليا تصويري وهو بيقف قدام الموبايل
و بيقعد قدامي ،
-كفايه هريتي السما تصوير
بنفاذ صبر ،
-وحضرتك مالك !!!
-نعم قولي كده تاني
-لا مش قادره الصراحه
-جبانه
-لا بس عارفه هتقول الشريطه المعتاده
-لا شاطره وبتفهمي
-اه طبعا بفهم خصوصاً الشرايط دي
-طب كويس علشان تكوني حاطها في دماغك
-لا مش محتاجها
-هتحتاجيها
-لا مش محتاجها
-قولت هتحتاجيها ومتكتريش علشان مسقطكيش بجد
بصتله ببرود وهو فونه رن وانا بصيت في الموبايل وانا بتفرج علي الصور الي صورتها وانا فرحانه
وطبعا الشريطه دي
**ممكن اسقطك في اعمال السنه
وهوب لقيت الدنيا بتشتي قومت وقفت وانا طالعه من الكافيه وانا فرحانه
بص باستغراب عليها بهمس لنفسه،
راحه فين في الشتا
-طب خلاص هكلمك تاني
-استني راحه فين !!!
لفيتله بضيق وانا مش عايزه اللحظه الحلوه دي تضيع عليا
-في اي حضرتك!!
-باستغراب ،
-الدنيا بتشتي راحه فين؟!
-ايوا مانا شايفه وطالعه ممكن بقي تسبني اركز في اللحظه دي
-تركزي!!! لي هو انتي هتلمي الميه ولا اي
-استغفر الله وحضرتك مالك انا بحب اقف تحت المطر
-مينفعش طبعاً
-نعم!!!
-اقصد هتخدي برد
-نعم!!
-هتتعبي يعني
-ياعم سيبني في حالي
طلعت ومستنش كلامه وفضلت واقفه تحت المطر وانا بضحك هدومي كلها اتغرقت شويه والمطر ذات اكتر
ولقيت حد بيحطلي الشاكت فوق دماغي ولسه هبص مين لقيته شدني من دراعي لبره الكليه
"3”
يتبع…
↚
-سيبني الله انت مين؟!!
بعد الشاكت بعنف وكان هو محمود
-انت بتعمل اي !
قرب تاني وهو بيحط الشاكت فوق دماغي وبيزقني للعربيه هو فاكر نفسه السوبرمان بتاعي ولا اي !!!
فتح الباب وقالي ،
-ادخلي
-لا طبعاً مينفعش
-ادخلي دلوقتي بس علشان الشتا
دخلت وانا متلجه الصراحه قولت اول لما تبطل مطر هنزل علطول
ركبت وانا عماله انفخ في ايدي من الساقعه
-قولتلك هتاخدي برد
عطست،
-عادي انا بحب كده
-ايوا بس هتتعبي
-بصتله وضحكت
-في اي ؟!
-شكلك بيضحك وانت متغرق
-هاا وانت عامله شبه الفار المبلول
-وانت شوفت الفار مبلول فين معلش!!!
-قدامي اهو
بهمس وانا ببص علي السما وهي لسه بتشتي ،
-غتتت
بصتله تاني ،
-ادعي بحاجه انت عايزها
فضلنا ساكتين عشر دقايق لقيت الدنيا بطلت مطر وكأن كان فيه حرب وخلصت بنصرنا
-شكراً علشان انهارده
-علي اي ؟
-علشان الولد الي ضايقني وانت طرده
-الشكر لله مفيش حاجه
هزيت راسي و فتحت الباب ونزلت لقيت دكتور ياسر طالع من الكليه وهو جاي عليا اتكلم باستغراب ،
-انتي كنتي راكبه العربيه مع محمود؟!
بصتله باستغراب من سؤاله ،
-اه علشان المطر
بعصبيه،
-ازاي يعني تركبي معا
بدهشه من تدخله وطريقه كلامه ،
-معلش حضرت..
قاطعني محمود وهو بينزل من العربيه وبيقرب مننا
-في اي ياياسر ؟!!
بصله بغيظ،
-هي كانت راكبه معاك لي يامحمود؟!
-ياسر اهدي مفيش حاجه الدنيا كانت بتشتي وانا قولتلها تقعد في العربيه معمل لما للدنيا تهدي
قرب عليه بهمس ،
-يعني مفيش حاجه بينكو؟!
وهو بيغمض عينه بضيق،
-لا مفيش حاجه ودي مش طريقه تتكلم معاها ياياسر
بصتلهم باستغراب علي الحديث الي ملهوش قيمه بالنسبالي كنت همشي وقفني دكتور ياسر
-انسه امل
لفتله ببرود ،
-نعم
-انا مكنش قصدي اكلمك كده يعني انفعلت
-حضرتك انفعلت لي اصلاً عموماً مفيش حاجه
-تمام تحبي اوصلك ؟!
محمود سمع اقتراحه وضغط علي ايده بضيق
-حضرتك دكتوري وانا مليش تعامل مع راجل غير بحدود فااسفه مش انا الي في دماغك
-تمام انا بحترم النوع ده جداً
-تمام ربنا يعينك
مشيت وانا بضحك علي جملتي طلعت مني بتلاقئيه
ياسر باستغراب،
-ربنا يعيني!!
محمود قرب وهو مبتسم،
-اي مالك
-شكلها مش سهله
بضيق من كلامه ،
-وانت عايزها سهله لي؟!
-هو انت نسيت قولتلك اني معجب بيها
-ايوا اه طب انا هروح عايز حاجه
-لا
روحت البيت وغيرت هدومي وروحت لماما المطبخ احكلها الي حصل
-خلي بالك من دكتور ياسر ده
-ده علي اساس دكتور محمود ده اي !!
-لا مش كده يعني بس ياسر بيسألك بمناسبه اي يعني؟!
-مش عارفه انا استغربت طريقته ولا كأني خطيبته
-اه صح فكرتيني يوم الجمعه الجايه ان شاء الله هنروح نتقدم لاخوكي
بفرحه ،
-بجد اخدو معاد
-لسه ابوكي هيكلم ابوها انهارده
-طب هلبس اي
-اي حاجه من عندك
-لا طبعا عايزه اجيب حاجه جديده
-قولي لابوكي يديكي فلوس
-ماشي بابا حبيبي هيديني عادي
-ايوا ياختي حبيبه ابوكي انتي
باب دخل المطبخ
-شكلي جيت في وقت مش مناسب
ضحكت،
-ده الوقت المناسب جداً كنت خطاب منك فلوس
وهو بيلف ويرجع،
-مش انا قولت وقت مش مناسب
ضحكت،
-يابابا بقي
حط ايده في جيبه ومدلي ايده ،
-خدي ياختي عارفك زنانه
ماما،
-ماشاء الله الفلوس بتطلع بسرعه اهي اشمعنا معايا معلقه
بمشاكسه،
-نصيبك بقي هتعترضي
-لا والله !!
-لا ياحبيبتي مفيش حاجه تغلا عليكي
-حبيبي كفايه وجودك روح غير معمل لما احط الاكل تعالي ياامل ساعديني
ابتسمت وانا بشوف تحولها وازاي بابا قدر يبسطها رغم انه معملش حاجه غير انه قالها مفيش حاجه تغلا عليكي فهمت هنا ان الكلمه بتفرق وكتير جداً
حطيت الاكل وعبدالرحمن اجي وبدائنا ناكل واحنا بيتكلم اننا هنروح يوم الجمعه وهنبدء نجيب تجهيزات اي كنت مبسوطه جداً ودعيت ان ربنا يباركله في حياته الجديده
سيف اخو محمود وهو في تالته ثانوي اتكلم بغمزه وهما قاعدين علي السفره مستنين ابوهم علشان يبدئو اكل ،
-اي شايفك مبسوط انهارده
-ياشيخ اعوذ بالله عليك سيبني اقعد حبه رايق
امه ضحكت ،
-صحيح سيب الولا اما صدقنا
-اي ياماما هو انا مبضحكش ابداً
-الصراحه لاء
اخته خديجه في سنه تالته اعداي ،
-اي سر الرواق ده بقي
-مش كده ياجدعان والله مافي حاجه
ابوه وهو بيقعد علي الكرسي ،
-مش معقول محمود بياكل معانا
ضحك،
-في اي ياجماعه مش للدرجه
بدئو ياكلو وكل واحد يفتح موضوع
خلصو اكل ودخل اوضه هو ويوسف مع بعض
-ممكن تسبني اقعد مع نفسي شويه
-اوضي ياعم زي ماهي اوضك
-اخرس متفكرنيش
-ده ليك الشرف ياسطا
-ياسطا انت عارف اني دكتور يالا انت !!
-دكتور اي اسنان ولا باطنه هعههه
حدف عليه المخده ،
-دمك زفت يالا
خلصت اكل ودخلت اوضي مسكت موبايلي لقيت رسايل من الجروب
وساره بتقول ان جايلها عريس وهيجي يوم الجمعه وعايزنا ضحكت بفرحه وكتبت
-مبروك ياسرسوره ياحبيبي
=اخويا برده يوم الجمعه هيروح يتقدم
كله باركلي وساره اكدت اننا نيجي كلنا
كتبت،
-ساره هحاول اكيد لو عرفت هجيلك
ساره ،
-ان شاء الله ياحبيبتي هستناكي
قفلت معاهم ولقيت رساله من الجروب كانت من دكتور محمود ،
-محدش يتأخر بكره في سيكشن مهم
نمت و صحيت تاني يوم علي صوت ماما وهي بتصحيني
-اي ياماما مش عارفه انام
-الساعه ١١ بازقته
قومت وانا بجري علي الحمام
-هيييي بتهزري مصحتنيييش لي يامامااا
-مانا صحيتك اهو
غسلت وشي بسرعه وطلعت وانا بفتح الدولاب
-اتأخرت جامد اوي
لبست وجريت وانا بلبس الكوتش علي السلم
ركبت تاكسي بسرعه ونزلت اجري وقفني دكتور ياسر بقلق ،
-في حاجه ولا اي ؟
بنهجان،
-اتأخرت علي المحاضره بعد اذنك
خلصت كلامي وانا بكمل مشي بسرعه
خبط علي الباب وفتحته وانا مرعوبه من رد فعله ومش قادره اخد نفسي من الجري
-احم ممكن ادخل
بحده،
-اي الي اخرك؟!
بتوتر ،
-اسفه راحت عليا نومه
-اتفضلي ادخلي واخر مره محدش بيدخل بعدي مفهوم للكل
دخلت وانا مش مصدقه انه دخلني اصلاً
جيت اقعد جمب شاب وقفني صوته،
-تعالي اقعدي هنا
روحت قعد في البيدچ الاول زي ماشاور وانا مضايقه جداً لاني مبحبش اقعد قدام
كنت حاسه اني متوتره وهو عمال يبص عليا وهو بيشرح قولت طبيعي اي مدرس ولا دكتور بيبص علي الي قدامه
واخيراً المحاضره خلصت طلعت ولقيت ياسر واقف علي الباب تجاهلته لقيته بيقف قدامي ،
بابتسامه،
-المحاضره كانت كويسه ؟!
بضيق ،
-كويسه شكراً
بتوتر ،
-طب ممكن نشرب قهوه مع بعض
-قولت لحضرتك ان م…قاطعني صوت محمود من ورايه وهو بينده علي ياسر
-طب بعد اذنك
مشيت وانا بحمد ربنا انه خلصني منه
-في اي يامحمود
-اي كنت عايزك في سؤال في الورق
بص علي الورق ،
- اي يامحمود مانت عارف لي بتسألني
-عادي قولت أتأكد منك
بفضول ،
-انت كنت بتكلم امل في اي ؟!
بابتسامه،
-كنا لسه هنشرب قهوه مع بعض وكنت هعزمها علي خطوبه اختي بكره في كافيه زمرد وانت كمان تعالا
-امم ان شاء الله
-هروح انا الحق اقولها
-ماشي
كنت لسه هطلع من الكليه لان مكنش ورايه غير محاضره واحده
-انسه امل
وقفت وانا بلف بضيق،
-نعم!!
-كنت عايز اعزمك بكره ان شاء الله علي خطوبه اختي في كافيه زمرد علي البحر
-مبروك بس ممكن معرفش اجي
-لي كده انا ممكن اجي اخدك
-لا طبعاً مينفعش طب خلاص هشوف ولو عرفت هاجي
بابتسامه ،
-كويس جداً هستناكي تمام
بصيت جمبي لاقيت محمود معدي وهو بيصلنا بضيق لف وشه وانا قولتله تمام وطلعت شوفته وهو بيركب العربيه ومشا بسرعه فضلت اتمشي شويه لقدام لقيت كافيه شكله قديم بس فيه ناس وشكله مريح دخلت وقعد وطلبت قهوه وفضلت ابص علي المكان بابتسامه
ببص لقيت محمود طالع من جوه الكافيه ومعاه راجل كبير
-بس انا مش عارف مالي اضيقت لي؟
بابتسامه وهو بيطبطب علي ضهره،
-شكلك حبيتها
-لا مش ل
وقف كلامه لمًا لاقها قاعده وبتبصله بدهشه
-ثواني ياعم محمد راجعالك
-خد راحتك
قرب منها باستفهام،
-انتي جايه ورايه لي؟!
باستغراب ،
-وانا هاجي وراك لي دي شغلتك انت
-لا والله وسيبتي ياسر والحديث الشيق ومشيتي
فهمت انه قصده لما شافنا وهو طالع استغربت هو بيضايق لي منه ومعلق عليه كده لي
-ياسر مين وبتنجان مين وبعدين انت لي كل شويه تجيب سيرته !! وانت بتكلمني لي اصلاً
بص انا قايمه وسيبالك المكان كله
-استني بس هو كان بيقولك اي ؟
بصتله باستفهام وانا ببصله
-اقصد يعني كنتو بتتكلمو في اي
-هو كده السؤال فرق !!
-بالنسبالك اه
-ده ازاي
بهمس ،
-الغباء يعني
-نعم بتقول اي
-المهم دلوقتي هو عزمك علي الخطوبه
-اي ده وانت عرفت منين
-علشان عزمني سهله يعني
-طب كويس انك عرفتني علشان مجيش
-لي كده بس ده حتي ياسر يزعل
-متخلنيش اشتم ياسر ده كمان
-لو سمعك هيزعل خدي بالك
-مايزعل يعم هو كان من بقيت اهلي
بخبث،
-تقصدي انه مش فارقلك ؟!
-وهيفرقلي لي وبعدين انت اي الي يخصك في كده!!
بتوتر وهو بيبص لعم محمد وبينهدله قرب عليهم اتكلم ،
-عم محمد دي طالبه متشرده عندي في الكليه
ابتسم وهو بيبصلي وانا بصيت لمحمود بضيق
-ازيك يابنتي المكان نور والله
-شكراً ياعمو بنورك
-المكان هنا تحت امرك
باعجاب ،
-هو بتاع حضرتك ؟!
-ايوا انتي امل مش كده؟!
بدهشه ،
-ايوا حضرتك تعرفني !!!
محمود بيبرقله وهو بيتكلم ،
-عم محمد في حد بينده عليك
-طيب ماشي هرجعلكو
بصتله بغيظ،
-بقي بتقول عليا متشرده
-طلعت بتلاقئيه بقي
-لا والله وهو عمو عرف اسمي ازاي
بلاعبكه،
-وانا اي الي عرفني هتلاقي قالها صدفه
بعدم اقتناع ،
-صدفه!!
-انتي عرفتي المكان ده ازاي
-معرفش كنت ماشيه لقيته قدامي
-امم
-انا ماشيه بقول لعمو السكر اني مشيت
-راحه فين
-نعم!!
-اقصد يعني ان عم محمد هيزعل استني لما يجي
-همشي هجيله تاني اكيد
بصلها وهي طالعه فاق لما عم محمد قعد قدامه
-شكلها محترمه فعلاً
بصله بعتاب ،
-كده كانت هتفهم اني بتكلم عليها معاك
-وعرفت؟!
-لا قولتلها انك قولت اسمها صدفه
-ياعم كنت اعترفتلها وخلاص
-مفيش حاجه اقولها ياعم محمد
-ازاي بس عنيك بتقول غير كده بلاش تضيع الفرصه ياحبيبي
وهو بيلعب في كوبايه المايه ،
-بس زميلي شكله بيحبها وقالي
-وهي اي ؟!
-شكلها لاء يعني مش معجبه حتي مظنش
-طب وانت بتحس بايه لمًا بيكلمها
بضيق ،
-بحس اني عايز امسكه ادعكه
ضحك،
-كل ده ومش عارف لو كنت بتحبها
-هي صغيره مظنش انها توافق
-جرب حظك سيبك من المبررات الفاسكو دي
بصله بلخبطه،
-طب وزميلي ده هكون في نظره اي مش خنته!!!
-خنت مين ياعم هي مراته
-بس ياعم محمد بالله عليك متقولش مراته دي
ضحك بصوت عالي
-بتضحك علي اي؟
-اصلك حمش اوي
-ايوا طبعا مش هتبقي مراتي
رفع حاجبه ،
-اي التغير ده بس تعرف مفيش احسن من النطه دي خليك مكمل
ضحك،
-انا بقول كده برده
-ربنا يسهلك امرك ياحبيبي
-يارب ياعم محمد ادعيلي
-حاضر ياحبيبي
وصلت البيت وانا عامله افكر محمود بيضايق لي من ياسر ولي بيسألني الاسئله دي وبيبقي عنده فضول
دخلت اوضي وغيرت
-بس انا مش عايزه اروح علشان دكتور محمود ده رايح
ماما،
-وانتي مالك وماله بس
-معرفش بيضايقني
-هو حد بيعرف يضايقك ده انتي تزهقي بلد
-لا والله
-روحي وسيبك منه
وانا بضيق عيني،
-صح وانا مالي بيه اصلاً طب دلوقتي عايزه اجيب فستان
-انزلي هاتي
-مش هتنزلي معايا
-لا مش قادره شوفي حد من صحابك
قومت كلمت العيال في الجروب ومكنش فيه غير ريم الي فاضيه اتفقت معاها ونزلنا جبت فستان فستقي والطرحه نفس اللون شكله تحفه ورقيق جداً
-شكراً بجد ياريم
-علي اي بس احنا اخوات واكيد في يوم انا كمان هحتاجك
حضنتها،
-حبيبتي ياريموو
روحنا وانا مبسوطه كان بكره الخميس قولت مش هروح الكليه وهروح علي الخطوبه علطول
نمت وصحيت تاني يوم صليت ورتبت وفضلت اعمل مسكات لغيت معاد الخطوبه لبست الفستان ولبست الطرحه واي بقي السكر ده
بهمس لنفسي وانا ببص في المرايه،
-تحفه وربنا
نزلت بعد لما عرفت ماما قولتلها تيجي معايا ولكنها مكنتش فاضيه ركبت تاكسي ونزلت في المكان وانا محرجه جداً من اني معرفش حد قعد علي تربيزه فاضيه والمكان كان تحفه الصراحه كان علي البحر وجو ليلي جميل قاطع شرودي صوته وهو بيقعد قدامي
-مش علي اساس مكنتيش جايه !!!
بصتله وكان هو لابس قميص ابيض وبنطلون اسود وشكله جميل
قاطع شرودي وهو بيشاور بايده قدامي ،
-عرفت اني حلو
بصتله ببرود وباحراج من شرودي ،
-مكنتش ببصلك اصلاً وبعدين انت بتقعد معايا لي ؟!!
-اه حوله يعني
-احترم نفسك
-خدي بالك انا ممكن اسقطك في اعمال السنه
قلبت عيني بملل ،
-انا قرفت من اعمال السنه مش عايزها
-هتسقطي
-احسن برده
-بايعه يعني
-بقولك اي ممكن تسبني في حالي
-مانتي حالي
-نعم ياخويا
-اقصد مفيش غيرك اعرفه هنا
-طب مانا كمان معرفش غيرك بس مش عايزك تقعد معايا
-حلو اوي خليكي متعرفيش حد غيري
-خد بالك ان…
قاطعني بابتسامه ،
-اي هتسقطيني ؟!!
ضحكت بتلاقئيه وهو ضحك
قاطعنا ياسر وهو بيقرب علينا بابتسامه،
-ازيك ياامل مبسوط انك جيتي نورت يامحمود
ردينا عليه ولاحظت من نظرات محمود الي فيها حده
والخطوبة بدأت وكانت جميله وهاديه بعد ساعه لقيت ياسر بيقرب مني وكان محمود علي وضعه واقف جمبي او قاعد جمبي برده
-امل ممكن تيجي اعرفك علي امي
معرفتش ارد اقوله اي وحسيت اني متلخبطه
بصيت علي محمود الي اتكلم
-معلش ياياسر لازم نروح ام امل كلمتني وقالت اوصلها دلوقتي حالاً
مستناش رده ولقيته بيبصلي باني امشي قدامه ومشيت فعلاً معرفش ازاي حسيت باني مغناطيس بس فرحت بانه انقذني من الوضع ده
وقفنا قدام عربيته اتكلمت باستغراب ،
-لي كذبت وقولت كده
بضيق ،
-يعني اسيبك تروحي تسلمي علي امه وبعدين يروح يتقدملك
-هو مين ده دكتور ياسر ؟!!!
-امال مين غيره.. امه الي هتتجوزك
ضحكت ،
-لا مش كده بس هو كان عايزني اسلم علي امه عادي
-مين قالك انه عادي
-ومين قالك انه مش عادي
-علشانه معجب بيكي
-بس انا مش موافقه
-السبب
-علشان مش حابه دلوقتي
-اه يعني عادي ممكن كان توافقي عليه مش كده؟!
-معلش ثواني هو انت مضايق لي؟!
-وانا هاضيق لي انتي شبه اختي وطبيعي هخاف عليكي
-اختك!!! بصراحه كده بقي مش عاجبني الاجابه وحاسك بتكذب لانه بقالك فتره كده و..
قاطعني وهو بيبص في عيني بقوه ،
-لاني حبيتك
وقفت كلامي وانا ببصله بدهشه كنت حاسه ان في حاجه مش طبيعيه وفعلاً اهو طلع بيحبي بس ثواني هو انا قلبي بيدق كده لي !!!
بلخبطه في كلامي ،
-ا ا نا هرو ح
مسح علي شعره بضيق من تسرعه
ندهه عليها بس مردتش مشا وراها
-امل استني الطريق هنا ضلمه هطلع معاكي علي الطريق
مردتش عليه وفضل ماشي قدامي وكل شويه يبص ورا يتأكد بأني ماشيه ورا طلعنا علي الطريق وركبني تاكسي ومشي ضحكت وانا مش فاهمه مالي فرحت لي بس لاء مش معقول اكون كمان حبيته اكيد لاء انا بس فرحت لما قالها فجأة
روحت ونمت علطول وانا بحضن المخده وعماله افتكر كلامه وشكله وهو بيقولها
صحيت تاني يوم وماما بتزغرط قومت بكسل وانا بسأل
في اي ،
-شكل الفرحه هتبقي فرحتين
روحت غسلت وشي ورجعت لماما وانا بسأل باستفسار،
-في اي ياماما فرحتين اي الي بتقولي عليها ؟!
-في عريس اتقدملك واخوكي هيروح يتقدم انهارده وكده بقو فرحتين
بفضول ،
-مين محمود؟!!
-لا اسمه ياسر
بصدمه ،
-مين!!!! لا طبعا مش موافقه
-لي يابنتي كده ده شكله غير لما حكيتي خالص
-نعم هو انتي شوفتي
-لا ابوكي قالي انه محترم وانسان خلوق
-خلوق ولا مش خلوق بقي ده لنفسه
-بت تعالي هنا هو انتي كنتي عايزه محمود ؟!
بتوتر. ،
-وانا هكون عايزا لي
-امال لي حسيتك فرحتي وانتي بتسالي ان كان هو
-عادي ياماما انا فكرت هو
-ولو كان هو كنتي وافقتي ؟!
اي السؤال ده بقي لا فعلاً في المرمي اقول اي دلوقتي هل فعلاً كنت هوافق
وانا راحه اوضي بتوهان،
-معرفش ياماما
قعد علي السرير وانا سرحانه ومكنتش اتوقع ان دكتور ياسر يتقدم حسيت اني متلخبطه ومعرفش انا عايزه اي فعلاً دكتور ياسر محترم ولكني مش حابه ومحمود معرفهوش كويس بس بحس معا اني مرتاحه عكس دكتور ياسر يوووه بقي يارب وديني للطريق الصح فوقت علي صوت عبدالرحمن وهو بيندهلى
-عايز اي
بتوتر وهو بيلف حوالين نفسه ،
-البس ده ولا ده ؟!
=ولا انزل اجيب حاجه تانيه
ابتسمت وانا بقرب وبمسك قميص ابيض ،
-اهدي كده ده لسه جديد وشكله جميل البس ده
علي البنطلون الرمادي ده
-طب اطلعي خليني اجرب
طلعت وندهه عليا تاني ودخلت
-واوووو تحفه
وهو بيبص في المرايا ،
-بجد حلو
-اه والله جميل جداً
باس راسي وجري علي الباب ،
-انا هروح احلق شعري بسرعه
ضحكت،
-استني هتروح بالطقم ؟!
رجع تاني للاوضه وقفل الباب في وشي علشان يغير
طلع في ثواني ونزل
روحت اجهز نفسي لغيت لما اجي الليل وبدائنا نجهز
ماما ،
-يلا ياجماعه هنتأخر علي الناس
طلعت من اوضي وانا لابسه فستان نبيتي وطرحه بيضا
-انا خلصت
عبدالرحمن ،
-وانا كمان خلصت
بابا ،
-يلا بينا
-حطيت برفيوم ياعبود
-اه حطيت
قربت عليه وانا ماسكه ازاره البرفيوم وبرش عليه،
-حط تاني كل ماتكتر كل اما توافق اسرع
بابا وعبده ضحكو
ماما،
-خلاص يابت هتخنقي
بصلتها بشر،
-انتي هامك علي ابنك مش كده!!
-امال هيكون همي عليكي يعني
-شوفت يابابا محدش بيحبني
بابا وهو بيحضني ،
-لا ياحبيبت قلبي انتي السكره بتاعتي
ضحكت وانا ببص لماما لاغظاتها
-طب يلا بابتاعت ابوكي
نزلنا ووصلنا وبدأنا نسلم علي مامت العروسه ودخلنا الاوضه علشان الرجاله قاعدين
ماما العروسه ،
-سلميي ياساره علي ام عبدالرحمن
بصيت بدهشه وكانت ساره صحبتي
صوت بفرحه وانا بحضنها ,
-ساره هو انتي
ضحكت بدهشه ،
-هو اخوكي
-ايوا
فضلنا نتكلم لغيت لما ندهو عليها طلعت وشويه وودعناهم ومشينا
-ولا ياعبده تعرف انها صحبتي
وهو بيشدني من دراعي.
-بتهزري ومقولتيش لي
-ياعم لسه عارفه دلوقتي بس تعرف اختارت صح ساره دي بنت جدعه ومحترمه
بابتسامه،
-وحلوه
رفعت حاجبي بشويه غيره،
-وانا اي !!
-ياستي قمر وستين قمر
ضحكت بتصنع الكسوف،
-حبيبي ياعبود
-بالله عليكي بلاش عبود دي
-دي جميله ده انا حتي هقولها انك بتحب عبود جداً
-وربنا هموتك ياامل اوعك
-خلاص محدش غيري هيقولك عبود حلو كده
-مش حلو خالص ابعدي عن وشي
ركبنا عربيه عبدالرحمن وبابا اصر اننا نتعشا بره بالمناسبه الحلوه دي خرجنا وانبسطنا واليوم كان لذيذ خالص وقف لحد لما بابا قال واحنا مروحين في الطريق
-اي ياامل امك قالتلي انها قالتلك علي العريس رائيك اي؟!
بتوتر في نبرتي ،
-بصراحه انا مش مرتاحه لدكتور ياسر هو محترم وكل حاجه بس يعني مش متقبله
-طب ماتفكري وتشوفي وتجربي
ماما انقذتني ،
-خلاص ياعبدالله بلاش تضغط عليها سيبها علي راحتها
بابا،
-يعني اقوله لاء
بارتياح انه اقتنع،
-ايوا يابابا
عبدالرحمن بمرح،
-اي ياجدعان دي لسه طفله علي الكلام ده
بصتله وانا برفع حواجبي،
-طب ماساره قدي ياسكر
بابا ضحك وهو بيقول ،
-مش سهله البت دي
رديت،
-ايوا يابابا عيب عليك
عبد الرحمن ،
-بت صعبه
روحنا وكل واحد دخل اوضه يرتاح وانا محتاره اروح بكره الكليه ولا لاء نمت علي نفسي وانا بفكر وصحيت تاني يوم وانا بقفل المنبه لبست ونزلت وانا تايهه ومش عارفه اعمل اي لو ياسر كلمني
دخلت الكليه وانا بدور بعيني عليه ولقيته قاعد علي التربيزه الي بقعد عليها ديماً روحت قعد وانا عامله نفسي مش واخده بالي منه
رفع عينه من علي الورق وهو بيبصلي،
-قاعده معايا لي !!!
بصتله وانا عامل نفسي لسه واخده بالي منه ،
-مخدش بالي انا متعوده اقعد هنا
مردش عليا وقام راح قعد علي تربيزه تانيه
استغربت تصرفه وانا مضايقه
لقيت ياسر جاي عليا فهمت انه هيسألني علي رائي
بابتسامه ،
-ازيك
-بخير
-مردتيش عليا رائيك اي ؟!
-تقصد في الي قولتو لبابا
-ايوا بالظبط
-انا عرفت بابا وهو هيقولك
-طب اي؟! بصراحه انا مستعجل
-بابا هيعرفك بس انا مش مستعده لحاجه دلوقتي
-طب تعالي نجرب
بضيق من اصراره قمت وقفت ،
-اسفه يادكتور انت سألتني عن رائيي وانا قولتلك بعد اذنك
-طب استني بس
مستنتش ومشيت بصيت علي محمود لقيته مركز في الاوراق اضيقت جداً ومشيت وانا متعصبه معرفش من اي
ياسر قام وراح قعد جمب محمود واتكلم بضيق،
-رفضت
-نعم؟!
-امل رفضت ارتباطنا
-امم
-مش عارف اعمل اي
-انت شايف انها ممكن تقبل لو اصريت
-مش عارف اظن ممكن
-بس مش بالعافيه
قام مشا وهو مضايق
ومحمود خبط التربيزه بعصبيه والكل بصلو باستغراب مسح علي شعره وقام طلع بره الكليه خالص وركب عربيته ومشا
وانا كنت شايفا وهو بيطلع بره الكليه مودي اتقلب ومبقاش عندي نفس احضر المحاضرات ومش فاهمه انا مالي مضايقه من تغيره لي
وانا ببرق بعد بعد لما فهمت اتكلمت بهمس لنفسي،
-معقول زعل علشان ياسر اتقدم ايوا اكيد هو الموضوع كده
في الكافيه
-انا حاسس اني مش قادر اتنفس
عم محمد وهو بيضبطب علي ضهره،
-اهدي طيب مش هي رفضت
-انا خايف لو هو اصر ممكن توافق !!
-مظنش لو كانت حابا من الاول اكيد كانت وافقت
مسك راسه بارهاق،
-انا شايف اني ابعد علشان مش هقدر اشوفهم مع بعض
-ياحبيبي بلاش تتوقع الوحش ماهي يمكن كمان بتحبك
وهو بيقوم بتوهان ،
-مش عارف ياعم محمد
-محمود
وقف ولفله
-استعين بالله وان شاء الله خير والله
ابتسم بهدوء وهو بيهزله راسه
طلع ورجع للكليه ولاقهم واقفين وبيتكلمو غمض عينه بضيق وهو رايح مكتبه
ياسر،
-انا اسف ياامل لو ازعجتك
-لا مفيش حاجه
-انا عرفت ان محمود بيحبك
بتوتر،
-عرفت ازاي
-من نظراته ومن ضيقه وانا بتكلم معا عنك
سكت وهو اتكلم تاني
-اظن اني كنت معجب مش اكتر يعني فتره وخلاص
ومتقلقيش انا هعرفه كده برده
بلخبطه،
-هو مفيش حاجه مابنا علشان تعرفه يعني وعموماً حصل خير
قولت كلامي ومشيت وهو كمان مشا وراح مكتب محمود
محمود بنار وهو بيبص لياسر الي قاعد قدامه،
-خير وافقت ؟!! هتعزمني علي الخطوبه
-لاء مفيش نصيب وكمان كلمتها وقولتلها اني عارف بان محمود بيحبك
بدهشه ،
-مين قالك اني بحبها ؟!
-نظراتك وتصرفاتك واضحه جداً
-طب لي قولتلها كده يعني انت مبقتش عايزها
-لا خلاص كانت فتره مش اكتر
بارتياح اتكلم وهو بيضيق عينه ،
-انت متأكد
-جداً
بفضول ،
-طب وانت لما قولتلها كده قالتلك اي ؟!
اتكلم بخبث وجديه في نبرته ،
-قالتلي ان مفيش الكلام ده وانها مش حاسه بحاجه نحيتك
ضغط علي ايده وهو بيحاول مينفعلش ،
-هي قالتلك كده ؟!!!
-ايواً اظن آنك شوفتنا واحنا بينتكلم
بتوهان ،
-شوفت وانا مش بحب حد شيل من دماغك الفكره دي
بابتسامه شر ،
-ربنا يكتبلك الي فيه الخير ياصاحبي
قام وقف ،
-انا ورايه محاضره انا طالع
بابتسامه نصر ،
-ماشي ياحبيبي
طلع ودخل المحاضره شافها قاعده في البيدچ وسرحانه
بدء يشرح وهو بيتجاهل انه يبصلها ولد وقفه
-دكتور حضرتك اتلغبط في نقطه
مسح علي شعره بضيق،
-طب انا دلوقتي تعبان نكمل المحاضره الجايه
بصتله وهو بيطلع ومستغربه ماله اكيد ياسر قاله اني رفض ماله بقي مضايق لي مش علي اساس بيحبني مش المفروض برده يكون فرحان ولا اي
ده الكلام الي كنت بقوله لنفسي
روحت ونمت علطول ومصحتش غير علي صوت المنبه تاني يوم قومت ولبست ونزلت دخلت الكليه وانا بدور بعيني عليه كالعاده بقيت بحس اني بأمان وانا شايفه
وده احساس مضايقه منه لاني مبحبش اثق في حد
دخلت اول محاضره وكانت لي محمود
شكله زي امبارح مضايق ونظراته مختلفه المره دي فيها تجاهل وب وبرود عايزه اديله بالقلم واقوله مالك بجد ؟!
حاسه ان فيه حاجه و… وخلاص بقي معتش ليه دعوه بيه مكنش كلمه قالها هتعملي بيها زي ياسر ده واحد معجب فتره وخلاص اكيد هو كمان زيه كده
بدء يشرح وانا سرحانه ومفهمتش اي حاجه خلصت المحاضره ومطلعتش استنيت المحاضره الي بعدها
وبعديها روحت وانا عامله اهري نفسي من التفكير ومبقتش فاهمه حاجه
"4”
يتبع…
↚
بعد اسبوعين
ونفس الوضع هو معتش ليه كلام معايا وده معصبني ودكتور ياسر شكله مبقاش يجي كده كده مش هاممني
حضرت محاضرته ومكنتش فاهمه نقطه في الكتاب
قولت هسأله علشان معتش غير كام يوم علي امتحان الشهر ..طلعت ادور عليه بعيني مكنش موجود في الكافيه قولت اكيد في مكتبه
خبط علي الباب وسمعت صوته وهو بيقول ادخل
دخلت ولقيت واحده قاعده قدامه
بصلي ببرود ،
-في حاجه ؟!
بتوتر وانا ببص للبنت دي ،
-لاء خلاص هاجي في وقت تاني
ردت البنت ،
-لي ياكتكوته تعالي قولي عايزه اي
بغيظ من طريقتها بصيت لمحمود ،
-لمًا تبقي حضرتك فاضي عرفني كنت هسألك علي حاجه
وانا مش كتكوته ياعسل
وجهت اخر كلامي للبنت دي وانا بمشي بعصبيه وراحه اطلب قهوه
وهو ابتسم بجانبيه
-مين البنت دي يامحمود
-طالبه عادي ياميرنا
-امم
كملت بابتسامه ،
-طب رائيك يامحمود في كلام خالتك؟
بعدم تركيز
-انهي كلام !!
-انت نسيت مش لسه قيلالك ان مامتك حباني اكون مراتك
خلصت كلامها بكسوف
اتكلم وهو بيقوم يخرج ،
-ميرنا انتي شبه خديجه بالظبط ومش هيكون في حاجه اكتر من كده ولو سمحت معتيش تيجي هنا ده مكان شغلي
طلع وهي طلعت ورا
-محمود علشان خاطري ممكن تفكر
-ميرنا مش انتي المفروض الي تتكلمي وتقولي كده
بلاش تذلي نفسك بالطريقه دي انتي تستاهلي حد كويس
-مانت يامحمود كويس وانا بحبك
-لو سمحت متضغطيش عليا
-طب بص انا هسيبك انهارده وفكر وقولي بلاش تقول حاجه دلوقتي
خلصت كلامها ومشت وهو مسح علي وشه بنفاذ صبر منها وانا شايفه كلامهم من بعيد وعماله افرك في ايدي بضيق وحسيت اني ممكن احرق المكان دلوقتي حالاً
شافها وهي قاعده راح عندها واتكلم وهو بيقعد علي الكرسي
-كنتي عايزه اي ؟!
فتحت الكتاب وشاورلته علي الي مش فاهما ووسط ماهو بيشرح اتكلمت بإنفعال ،
-مين دي ؟!!!
بصلي بعدم فهم ،
-مين؟
-البنت الي كانت في المكتب
بعدم اهتمام وهو بيبص في الكتاب من تاني ،
-دي ميرنا بنت خالتي بس انتي مالك؟!
خلص كلامه وهو بيبصلي وانا اتوترت ومختش بالي من اندفاعي وسألته السؤال ده
-علشان يعني شكلها مش عندنا في الكليه مش اكتر
-امم طيب ركزي بقي
بعد خمس دقايق قاطعته وانا بتكلم ،
-شكلها بتحبك مش كده ؟!
بنفاذ صبر وهو بيبصلي ،
-هي مين دي كمان !!
-ميرنا دي
-اه فعلاً بس انتي مالك
-وانت اي
-اي في اي ؟!!!
-بتحبها ؟
-انتي عايزه اي
-ممكن ترد علي سؤالي
-لا مش بحبها بس انتي عايزه اي برده !!!
ابتسمت ،
-بجد
باستغراب من فرحتها ،
-هو في اي ؟!!
-لا مفيش حاجه ده سؤال عادي
رجع ضهره لورا وهو بيسألها باستفسار،
-وانا كمان عايز اسألك هو انتي بتحبي ياسر
-لا مش بحبه ورفضه
-ولا بتحبي غيره
بتوتر،
-لا
وهو بيضيق عينه ،
-هو قالك حاجه اخر مره عني وهو اني بحبك مش كده ؟!
فركت ايدي بارتباك،
-ايوا
-وانتي قولتله اي
اتكلمت باحراج وانا مش عارفه اجمع ،
-قولتله ان مفيش حاجه بينا علشان تعرفه ..لانه قالي انه هيروح يقولك اني رفضه وانا قولتله كده
بدهشه وهو بيطلع بجسمه لقدام ،
-بس ده الي قولتيه؟!!!!
باستغراب من دهشته،
-ايوا
-انتي متأكده مقولتيش حاجه تانيه
بتفكير ،
-لا والله مقولتش حاجه تانيه انت خلتني اشك في نفسي
ضحك وهو بيمسح علي شعره واتكلم بهمس ،
-طب لي قال كده
اتكلمت وهي بتعقد حواجبها ،
-هو قالك حاجه ؟!
بصلها شويه وبعدين قام ،
-بعدين انا همشي دلوقتي
باستغراب من حاله ،
-طيب
مشا خطوه ورجع ياخد مفاتيحه الي نساها من علي التربيزه وكان عامل زي الطفل الي اجاله لعبه من بابا
وانا ضحكت بفرحه ان هو مبيحبش ميرنا وكان عندي فضول ياسر قاله اي
قمت دخلت المحاضره
دخل الكافيه وهو مبتسم ،
-عم محمد
-في اي
-طلعت مقالتش حاجه
-هي مين دي امل ؟!!
-ايوا مقالتش انها مبتحبنيش
-طب حلو يعني فيه فرصه اهو
-فيه طبعاً انا مبسوط اوي ومعرفتش اعمل غير اني اجي اقولك
حضنه بفرحه،
-ربنا يسعد قلبك يلا ياابني متضيعش الفرصه وروح اتقدملها
-اكيد ده انا هروح انهارده
ضحك علي جنونه،
-مش كده اطلب الاول معاد
-ماشي انا هروح دلوقتي مع السلامه
-مع السلامه ياحبيبي
طلعت من المحاضره لقيته في وشي كنت هقع بس مسكت نفسي
-خضتني واقف كده لي؟!
-مستنيكي
-نعم
-هاتي رقم باباكي
-لي هتعرفه انك هتسقطني في اعمال السنه
-لا هعرفه اني هاخد بنته
بصتله بدهشه وانا فاتحه بوقي
=اقفلي بوقك بس
-بنت مين
-انتي طبعاً
بتوتر،
-هتاخدني فين
-لا بصي فوقي معايا مش عايز غباء
مشيت خطوه بقمص وقف قدامي بسرعه
-اي ده انتي بقي بتتقمصي
بصيت بعيد ومردتش عليه
=طب خلاص متزعليش
ابتسمت بهدوء
-ممكن بقي رقم الوالد
اديتله الرقم ومشيت وانا مش قادره من الفرحه
روحت وغيرت هدومي وانا مستنيه بابا يجي يقولي
وفعلاً هو مضيعش وقت واتفقو علي يوم الجمعه هيجي هو واهله وانا لبست فستان احمر وشكلي واوووو بجد
-يلا ياحبيبتي طلعي القهوه
بتوتر،
-ماما ماطلعيها انتي انا محروجه اوي
وهي بتزقني علشان تطلعني،
-يلا اطلعي متخافيش انا وراكي
بسخريه ،
-لا تصدقي اطمنت
-لسانك ميرتحش صح لازم تسخري مني
ضحكت بصوت من غير قصدي ،
-اسخر اه الفديوهات مأثره جامد
-يخربيتك وطي صوتك فضحتنينا
طلعت وقدمت القهوه لمامته وباباه واخويا وبابا وعمي وولاد عمي وخالي وولاد خالي ايوا احنا بنقول للناس كلها كان ناقص عمو بتاع الكشك الي قدامنا
قعد جمب بابا وبدائنا نقرء الفاتحه ماشاء الله وانا اصلاً مقولتش موافقه كل ده وانا مش قادره ابصله كنت هموت واشوفه لابس اي
فوقت من سرحاني وبابا بيقولي ان اروح اقعد جمب محمود وكله نزل مفيش غير اهله الي موجودين وعبدالرحمن وبابا كلهم مشغولين وبيتكلمو
قومت وانا محرجه وقعد جمبه اتكلم بهمس وهو بيديني الورد ،
-الاحمر جموده عليكي
ضحكت بهدوء وانا ببص للورد كان لونه زي الفستان احمر
-الله جميل اوي شكراً
نبرته اتغيرت وهو بيقولي ،
-هو انتي الي ضحكتي جوا كدا؟!
-اي ل لاء دي ماما
وهو بيضيق عينه،
-قولي والله
-بصراحه انا
بضيق ،
-انتي تعرفي ان الولا البايخ ابن خالك ضحك لاء و عمال يبصلك بام الفستان ده
-مين قصدك زيزو
-اي ياختي ز زيزو في عينك
-ده سكر وصغون
-بقولك اي اتظبتي بلا صغير
-الله ده في اعداي
-الصبر من عندك امل صوتك خدي بالك منه ماشي
-حاضر
-والفستان ده اخر مره يتلبس
رفعت عيني وبصتله بطفوله،
-لي مش حلو
-ماهو ده المشكله انه يهبل
بفرحه ،
-بجد
ضحك علي ضحكتها ،
-اه وربنا
-وانت كمان شكلك ماشاء الله
كان لابس بنطلون اسود وقميص ابيض
-حبيبت قلبي
بصيت بعيد باحراج
ضحك علي احراجها
=طب اي مش هنتصور ؟!
-ماشي
محمود قال لعبدالرحمن يصورنا
عبدالرحمن بغيره ،
-لا طبعاً مينفعش تقربو وتتصورو كمان
محمود،
-مفيش لمس اصلاً متقلقش
عبدالرحمن ،
-برده مينفعش
بابًا قاله يصورنا واحنا مش هنلمس بعض اكيد
صورنا وهو عينه بطلع نار وخليت محمود يصورنا وانا بحضن عبدالرحمن وبرده محمود كان بيطلع نار
مش فاهمه اي الرجاله الي بطلع نار دي بس
استأذنو انهم يمشو وهو استأذن من بابًا انه يكملني فون
وخلص اليوم وانا بنام علي السرير لقيت رساله منه
-مبروك عليا انتي
وحاط جمبها قلوب كتير
ابتسمت ورديت ،
-شكراً ليك يامحمود
نمت وصحيت تاني يوم متأخر قولت مش هروح الكليه
-بت ياامل تعالي اقولك
قربت عليها باستغراب ،
-في اي ياماما
-محمود طلب من ابوكي كتب الكتاب
-نعم من غير ماياخد رائي!!
-يعني انتي موافقه
بارتياح ،
-يعني ده افضل علشان اعرف اتعامل براحتي اكتر
-طب تمام هقول لابوكي يظبط معاه
بغيظ،
-طيب بس انا هكلمه برده واهزقه علشان معرفنيش
ضحكت ،
-والله شكلك انتي الي هتتهزقي
-بقي كده
-اي يامحمود
-ايوا ياحبيبي
-حبيبك ؟!
-عايز اي بس
-هو انت بتكلمني
-ايوا هو في غيرك
بغيظ،
-هو انا واحد صاحبك !!
-لا طبعا متقولش كده
-محمود متعصبنيش الله
ضحك جامد،
-طب خلاص روقي مالك في اي ؟!
-انت عايز تحدد كتب الكتاب من غير ماتاخد رائي!!
-لا طبعاً كنت هقولك بس انتي سبقتيني
-امم بس انا بقي مش موافقه
-وده لي ان شاء الله
-نتخبطب الاول
-لاء انا معنديش وقت
-وقت لاي هو انت اخد جهاز
-ماهو انا بصراحه مش هستحمل شكراً يامحمود دي
قالها بضيق طفولي ضحكت وانا بفتكر الرساله بتاعت امبارح
-مالها شكراً مش حلوه؟!
-لا
-والله طب انا بقي مش موافقه يامحمود علي كتب الكتاب
"بارك الله لكما وبارك عليكما وجمع بينكما في خير"
كله ردت ورا وهو قام بسرعه البرق ومحستش بنفسي غير في حضنه
ابتسمت بفرحه ،
-انا بحبك جداً يامحمودي
-قلب محمودك من جوه وانا بحبك موت
ضحكت بكسوف وهو بصلي وباسني من خدي حطيت ايدي علي صدره باحراج
-محمود
-عيونه
-الناس الله
-امال انا كاتب لي كتب الكتاب
-علشان تبوسني يامحمود!! طلعت قليل الادب
ضحك بعلو صوته،
-شوفتي انتي الي دماغك في حته تانيه
-لا ياشيخ علشان فهماك ها
-بس قوليلي اي الفستان التحفه ده
لفيت حوالين نفسي بفرحه كنت انا وهو لابسين ابيض،
-حلو مش كده
-يهبل
-وانت كمان تحفه التحف
-حياتي انتي
قاطعنا ابن خالي زياد وهو جاي يسلم علينا ولسه جاي يحضني محمود وقف قدامه
-اي ياحبيبي رايح فين ؟!
ببساطه،
-هحضن امل
-لا ياحبيبي معتش فيه الكلام ده
-لي بس كده انا بحب امل اوي
ضحكت علي شكل محمود الي ضرب الوان
-تعرف انت بس علشان صغير مش هرد عليك يلا ياحبيبي روح كل جاتو
-لي بس كده يامحمود زيزو طيب
-اسكتي ياامل دلوقتي الكلمه ضربت في دماغي
-طب خلاص روق
-قال بحب امل قال !!حبه برص
مسكت ايده وانا بضحك علي غيرته الطفوليه،
-وامل مبتحبش غير محمود
بصلي وضحك وهو بيتبت علي ايدي،
-مفيش نقاش في الموضوع ده
-طبعاً
-والا هسقطك في اعمال السنه
رفعت حاجبي ،
-تقدر تعملها
-بصراحه لاء
قاطعنا دخول ميرنا بنت خالته وهي جايه ووشها مضايق وكأنها معيطه
-ازيك يامحمود مبروك
مسك ايدي بابتسامه،
-الله يبارك فيكي عقبالك
-عقبالي ده المفروض كان يبقي معاك يامحمود
خلصت كلامها ودمعه بتنزل علي خدها
بصتلها بدهشه من جرائتها تقول كده وانا جمبه
حاولت امسك اعصابي وغمض عيني لثواني ورديت بهدوء وسبقت محمود
-ميرنا حبيبتي انتي هيكون ليكي شخص جميل زيك فامتزعليش صدقيني
بحزن ،
-لا انا متأكده مش هلاقي زي محمود
-بلاش تقولي كده اقوالكم تأخد من افوهاكم يعني الي بتقولي هو الي هيحصل
بصيت عليها كانت لسه زعلانه كملت كلامي ،
-ربنا يسعد قلبك ياميرنا وصدقيني هنحضر خطوبتك علي شخص كويس زيك
هزت راسها وهي بتمشي وكأنها مش مصدقه كلامي
محمود بصلي بابتسامه
-بتضحك كده لي ؟!
-تعرفي انك انسانه جميله جداً وانا دلوقتي بحمد ربنا اني اختارتك انتي
ابتسمت ،
-صعبت عليا ومعرفش ازاي مزعقتش
بس ده مينكرش اني اتعصبت
خلصت كلامي بشر وانا ببصله
-هي طيبه فعلاً ومش من النوع الخبيث بتفهمي انتي برده
رفعت حاجبي بعصبيه،
-اي ايي !!! قول كده تاني انتي بتمدح فيها؟!!
بخوف من تحولها ،
-لاء لاء والله ولا بمدح ولا حاجه انا بس بقولك انك بتفهمي
-لا انت مدحت فيها يامحمود سيب ايدي
تبت علي ايدي اكتر،
-والله مايحصل واركزي بقي الناس بتبص
-محمود بقولك سيب ايدي مش طايقاك
بمسايره،
-طيب استني بس ناخد الصوره دي
=تعالي ياحبيبي صورنا
ضحكت للكاميرا والصوره اتخدت
-شيل ايدك بقي
-اي ده الحقي عمتي جايه تسلم علينا اضحكي بقي
قرب مني وهمس في ودني
-انتي الوحيده الي قلبي اختارك وربنا ياامولتي
ضحكت بكسوف وهو ضحك علي احراجها باستمتاع
قربت عليه بتوعد،
-اوعك تمدح واحده انت فاهم
-ازاي بس مش هقدر
-نعم ياعنيا
-ما هو انتي بصراحه حلوه وانا مش هعرف ممدحش فيكي
-هو انا واحده يامحمود
-انتي الواحده الوحيده الي في حياتي
-لا ثبتني ياولااا
غمزلها
-عيب عليكي ياقلب الولااا
بس وطي صوتك بقي لحد يسمع
ضحكت ليه وانا مش مصدقه ان ربنا رزقني بشخص جميل زيه كملنا اليوم وانا بهري صور وخرجنا ووصلني لغيت تحت البيت
-محمود توعدني تخليك جمبي ومش هترعلني ابداً
ومش هتخليني اندم اني وثقت فيك و..
انت بتبصلي كده لي ؟
بابتسامه ،
-انا فاهم دماغك وعارف انك مش عايزه تتخذلي ومني خصوصاً وكمان انتي عارفه اننا اكيد هنتخاتق بس مش عايز للزعل وعيزاني حبي ليكي ميقلش بعد مرور السنين وهو فعلاً ده الي هيحصل بس مش علشان انتي طلبتي كده علشان انا هعمل كل ده من نفسي لاني مرضاش في يوم تزعلي مني بعد لما لقيتك استحاله اضيعك ده انتي وصيه الرسول
خلص كلامه وهو بيبوس ايدي
ابتسمت وانا بسمعه وعرفت هنا اني اختارت صح
-ماهو انا بقي خايفه لكلامك ده يتغير
ابتسم بتفهم،
-متخافيش خليكي واثقه فيا
-واثقه فيك يامحمودي
-قلب محمودك وربنا
طلعت البيت ولقيت رساله منه ،
-اوعدك باني هحافظ عليكي ياعيوني
ويابختي بيكي والله
ابتسمت بحب وفهمت هنا ان الي بيطمنك وبيحتوي خوفك احسن مليون مره من الي بيقولك كلامات حب
"5”
تمت بحمدلله