.jpeg)
رواية يمكن خير كاملة جميع الفصول
_اختك جالها عريس
طيب الف مبروك
_ غريبة يعني مسألتيش مين
هعمل اي يا ماما هو انا هعرفهم حتى لو قولتيلي!
_ عالعموم هما جايين بكرا ياريت تخرجي من قوقعتك وتقعدي معانا
مردتش عليها و لما اليوم التاني جه كنت انا في اوضتي مخرجتش ليه لان دا انا! انطوائية زيادة عن اللزوم وخجولة زيادة
فجأه لقيتهم وافقوا عالعريس وقالوا كويس وعسول ومحترم وحافظ للقرآن وما إلى ذلك
اتفقوا على موعد اللي نجيب فيه الدهب رحت معاهم وانا جاهلة تماما عن افراد اسرته وعنه هو شخصيا واحنا في الباص سمعتهم بيتكلمو ان اخوه مش جاي
هنا بدأت حواسي تشتغل اخوه هو ليه اخ
لما وصلنا محل الدهب كان في شاب جميل واقف على الباب مستني لما قربنا سمعتهم بيتكلمو معاه اي دا انت جيت!! الحمدلله كنا بنحسبك مش جاي
رد عليهم بصوت واضح منه الهزار وانا اقدر مجيش بردو
كان شكله اصغر من اخوه بكتير! وانا كل الوقت دا معرفش لا اسم العريس ولا عنده كام سنة ولا اي معلومات غير انهم بيشتروا الدهب انهاردة
دخلت بعديها وحاولت اني اكون اجتماعية للحظه من الوقت بس مقدرتش وقعدت وكنت محرجة جدا وعايزة امشي دا مش مكاني!
اخواتي وقفوا واختارو الدهب وفي الوقت دا انا كنت قعدة عيني على شخص واحد واقف برا المحل فضولي كان عايز يعرف اكتر مين دا اكيد انه اخوه بس عايزة اعرف اكتر! وفجأه بصلي !! عيني كانت في عينه للحظات لحد ما استوعبت الوضع وكنت في وضع لا احسد عليه كمية احراج لا توصف
وبعد الريأكشن الغريب اللي ظهر عليه أخوه العريس ناداه وهو كان جوا دخل وانا كنت بحاول انكمش على نفسي بقدر الإمكان عشان ميخبطش فيا! بس مع ذلك خبطني بصتله انه عالاقل يقول آسف لا ابدا بصلي ببرود وعدى من غير ما يتكلم خالص! ااه!! اي دا قليل ذوق بيبصلي كدا ليه دا!
دماغي كانت ھتنفجر رغم انه موقف بسيط بس انا كمان كنت بسيطة اوي..
قمت خرجت لماما وهو خرج اشترى مشروبات ورجع يوزعها على اللي موجودين اللي انا وحده منهم!
كنت واقفه ماسكة في ماما وبقولها عايزة أمشي وهي لسه هترد كان هو وصل لينا اداها وحده وبصلي ببرود اكتر واداها وحده كمان قالها لبنتك نعم انت فعلا كدا قليل ذوق!!
واحنا راجعين كنت ماشية جنب أصغر خالاتي سألتها مين دول
قالتلي دا عريس اختك اسمه أدهم عنده 26 سنة و دي اخته اسمها
فاطمة عندها 24 سنة ودي اخته بردو اسمها سارة عندها 20 سنة
و سكتت وهي بتبصلي بنظرات انا فهماها كويس!
حاولت اني امسك نفسي ومسألهاش بس فضولي غلب
وقولتلها ودا مين دا يا خالتو
ضحكت وقالتلي بهمس دا بقى ياستي اللي اراهنك هيبقى عريسك في المستقبل
وفضلت تضحك وانا عمالة ابرطم مضايقة ومحرجة
رجعت قالتلي دا زين لسه صغير عنده 18 سنة بس مناسب ليكي دا انتي كلك على بعضك 14 ونص
اخيرا عرفت مين دا!! اي الراحة دي!!
لأ لحظه راحة دي بتقول مناسب ليا يااربي على الاحرااج!! اي اليوم اللي مش بيخلص دا!!
ركبنا الباص وكان راكب معانا المرة دي وانا فعلا كنت محرجة ومش قادرة افضل في نفس المكان وعايزة أدخل اوضتي بأسرع وقت
اول ما وصلنا البيت نزلت بسرعه ودخلت البيت وقبل ما
استوعب في اي كنت وقعت على طرابيزة الاكل اللي هما محضرينها للضيوف..!
في اللحظه دي بس انا فوقت من ذكرياتي على صوت رنة تليفوني..
_الو
مبترديش عالواتس ليه
_ حاضر ي حبيبي هفتح اشوف
...._الو
مش بتردي على الواتس ليه!
_ حاضر ي حبيبي هفتح اشوف
قفلت المكالمة وفتحت اشوف لقيت باعتلي رسايل كتير جدا ومتصل كتير! هنتخانق يالهوي!
رديت بسرعة
_ اسفه والله مكنتش فاتحه
كنتي بتعملي اي
_ مكنتش بعمل حاجه بس ممسكتش الفون وانت عارف اني بعمله صامت
طيب طمنيني عاملة اي دلوقتي
اي داا متخانقش مزعقليش في حاجه غريبة!! مش طبيعته!!!
_ انا الحمدلله كويسة
عايز اشوفك
_ طيب احنا بالليل! بكرا نتقابل
وانا قولت عايز اشوفك
اه كدا هو كويس
_ طيب نتكلم فيديو كول
......
فلاش باك
_ ماماا ياا ماامتيي
خيير
_ حددتوا الخطوبة امتى
يا سبحان الله !! انتي كويسة يابنتي سبحان مغير الأحوال بقا انتي بتسألي !!
_ في اي ياماما خلاص مش عايزة اعرف
يوم الجمعة الجاية هتلبسي اي بقا
_ طيب هدخل انا اوضتي بقاا شكر الله سعيكم لحد كدا
دخلت اوضتي وقعدت على السرير بفكر ألبس اي حاجة ملفته عشان ألفت نظره بس مبحبش حد يبصلي! فتحت التليفون اللي كان مفتوح على صفحته عالفيس وكل تفكيري انه ازاي حلو كدا ازاي قادر يخطف قلبي من اول نظرة انا اول مرة أحس بالشعور دا! يا ترى ليه كان بيبصلي كدا
عدى أيام لحد ما وصلنا يوم الخطوبة كنت لابسه فستان لونه فاتح ومبهج وواسع حطيت ميكب خفيف ولفيت حجابي وبقيت قعدة محرجة ازاي اخرج قدامهم كدا فضلت قعدة لحد ما صحابي وصلو ودخلولي و بدال ما انا اللي اخدهم واقف معاهم خدوني هما وكنت انا اللي عاملة زي الغريبة وسط أهلي
مكنتش مركزة في اي حاجة غير اني عايزة الاقيه! بين كل دول لازم اشوفه!!
ومفيش لحظات الا ولقيته واقف في ركن وماسك تليفونه رافعه ناحيتي كأنه بيصور! عيني جت في عينه وانا مصدومه اي دا! هو بيعمل اي! اكيد مش بيصورني انا صح
بصلي ببرود وانا لسه وفجأه ابتسم!! ابتسامته حلوة اوي!!
نزلت عيني بسرعه و سيبت صحابي ورحت أبعد ركن في المكان وقعدت فيه مخبية نفسي عشان ميشوفنيش تاني
بعد شوية لقيت فاطمة اخته جت ووقفت جنبي وقعدت تتكلم معايا دي طيبة اوي! من النوع اللي انا ارتاحله واعرف اتكلم معاه! حبيتها جدا وهزرنا شوية لحد ما لقيته شاورلها من بعيد فهي استئذنت وقامت
في آخر الليلة والكل بيتصور
جت فاطمة وقالتلي ما تيجي اصورك
ابتسمت بخجل وقولتلها مبحبش اتصور والله
قالتلي بعفوية ليه بس دا انتي زي العسل!! تعالي بس اصورك وقبل ما ارد عليها نادت ل زين اللي كان واقف جنبها اصلا
كان في نوع من النظرات المبهمه ما بينهم حاولت افهم بس مقدرتش
قالتله ما تيجي اصورك مع ريم تعالو تعالو هصوركم صورة حلوة مع بعض
انا اعصابي سابت! نعم اتصور مع مين لا مش ممكن! حقيقي مش ممكن مش هقدر لأ!!
لسه بيرفع تليفونة عشان نتصور صحبتي نادتلي
ابتسمتلهم بتوتر وقولت انا اسفه بعد اذنكم ثواني
لمحته بسرعة قبل ما امشي لقيت نظرته ليا كلها ضيق!
بس كانت فرصة مناسبة اني اهرب وأكيد مش هضيعها!!
اليوم خلص بس مشاعري الوليدة اتجاهه بتزيد! تفكيري اللي بقا معظمه هو وعن قد اي هو شخص غريب مفراقش بالي
حكيت لأصحابي الاتنين وعرفتهم وقتها اقترحوا عليا فكرة كانت السبب في مشاكل كتير
_اعمل اي عايزة أفهم ليه كان بيبصلي كدا وهو فعلا كان عايز يتصور معايا ولا تهيؤات!!
تهيؤات اي يابنتي بس انتي مشوفتيش كان بيبصلك ازاي!!
اه والله دا كان سرحان فيكي خالص!
ما تكلميه يا ريم
_
هه اكلمه انتو عارفين انه حرام نكلم اولاد!
وهو دا غريب!! دا أخو خطيب اختك! مش بتشوفي كل الناس بيبقو عاملين ازاي عادي يابنتي!!
اه والله
مټخافيش انتي اعملي أكونت فيس بإسم غريب وندخل نكلمه اي رأيك
_ لأ لأ انا خاېفة اوي!! مش هقدر!!
يابنتي متخفيش!!
ومن امتى وانتي مش خاېفة طول عمرك پتخافي اي الجديد!! بقولك اي!! هتعملي اللي بنقولك عليه لو عايزة تعرفي هو ناوي على اي و صدقيني مش هتندمي!
_ طب خلاص نجرب! بس لو حصل حاجه هقول انتو السبب!!
خلاص ماشي ومتخفيش مفيش حاجه هتحصل خير خير
.......
عودة من الفلاش باك
.
ريم ياا ريم! اصحي تليفونك بيرن ومش ظاهر مين!!
قومت مڤزوعة بسرعه
_ هه تليفوني وريني كدا يا ماما
فتحت التليفون لقيته باعتلي رسايل ومتصل يجي 8 مرات
اي يابنتي مين بيرن عالصبح كدا!
_ دي نور صحبتي ياماما كانت قايلة هتجيلي عشان نخرج شوية
فتحت رديت عليه وانا متضايقة
_ في اي
حد يقول في اي كدا مش تقولي صباح الخير الاول
_ صباح النور ي حبيبي في اي بقا
هتخرجي انهاردة فين
_ هنروح نتمشى شوية بدال الخنقه اللي الواحد فيها دي
خنقة
_صحبتي جت.. سلام
._ماماا انا خارجة
ماشي خلي بالك بس
مجرد ما خرجت من باب البيت رنيت عليه
_الوو
صباح الخير انت لسه صاحي
_ ....
هتروح الشغل امتى انهاردة
_ ...
هتفضل ساكت كدا
_عايزاني أرد اقول اي
اي حاجه بس متسكتش بالله عليك
_ انتي عملتي اكتر حركة عارفة اني بكرهها متوقعة ارد ليه
حقك عليا حقيقي كنت مخڼوقة ومحبتش أتقل عليك
_ تتقلي اهو شوفتي بتغلطي بردو ازاي
مش قصدي والله بس...
_ خلاص مش مشكلة الاول طمنيني انتي نزلتي
أيوه اتصلت بيك اول ما خرجت
_ فطرتي ولا خرجتي كدا وخلاص
عادي ي حبيبي مكنش ليا نفس هبقى افطر هناك لما اوصل
_ طب انا هقابلك هناك نفطر سوى
ماشي هستناك سلام عشان هركب دلوقتي
_ خلي بالك من نفسك
قفلت المكالمة وانا مرتاحة نفسيا انه هشوفه انه فهمني ومطولش في زعله زي كل مرة واهتمامه زاد مش زي العادة قليل الاهتمام!
ركبت الباص وقعدت في مكاني المنعزل المفضل اللي محدش فيه بيخليني أوصل أجرة ولا غيرها! وبدأت افتكر..
فلاش باك
كنت قعدة مع اخواتي بنتكلم عن ليلة الخطوبة امبارح وبنضحك وفجأة تليفون اختي رن وقامت ترد
_ الو ازيك يا أدهم
...
_ هههه صباح النور
....
_ اه الحمدلله و
↚
انت
...
_ ايوه موجودين هنا من امبارح حد هيجي ياخدهم
....
_ زين جاي امتى طيب
...
_ طب خلاص هستناه انهاردة
بالليل ياخدهم
انا مجرد ما سمعت اسمعه تلقائيا قلبي نبض اوي!! هو انا بيحصلي اي!
وهو فعلا هيجي انهاردة عايزة اشوفه!!
جت اختي بعد ما خلصت المكالمة وماما سألتها
ماما اي يا روان مين جاي
روان دا زين يا ماما جاي بالليل بعد العشا ياخد الحاجات اللي نسيوها امبارح في الخطوبة
خلاص الخبر بقا اكيد!! انا لازم انا اللي اخرج افتحله الباب!! بس ازاي الكل موجود انهاردة حتى اختي نرمين المتجوزة وبنتها!! لازم اتصرف!
بعد المغرب
كان لازم ابدأ اسربهم في الوقت دا لازم كلهم يخرجو عشان افتح انا!
وبدأت افكر ازاي اخليهم يخرجو
انا مامااا
ماما نعم يا زفته بتعلي صوتك ليه!
انا خالتو كانت تعبانة اوي انهاردة مش هتشوفيها ولا اي!!
ماما اه صح كويس انك فكرتيني! تعالي معايا طيب بدل ما اروح لوحدي !
انا ما انتي عارفة ياماما هو انا بعرف اقعد مع ناس!! خدي فرح معاكي ولا روان انا لأ
ماما طب براحتك هاخد فرح و روان ونتمشى شوية وانتي خليكي هنا
انا هههههه بتغظيني كدا يعني! عادي ولاا فارق معاياا
بعد شوية كانو مشيوا التلاتة فعلا وكانت العشا أذنت وكان بس فاضل نرمين وبنتها حاولت معاها لحد ما اقنعتها تنام شوية في الهدوء دا واللي نادرا ما يبقى موجود
لبست وفضلت قعدة مستنية ساعه اتنين
تلاتة!! اهلي رجعو! هو مجاش ليه!! الوقت اتأخر اوي!!
حسيت بخيبة امل كبيرة اووي وكنت متضايقة جدا
دخلت نمت وكان عندي مدرسة اليوم اللي بعده ويوم طويل يععع!!!
رجعت من المدرسة وحقيقي كمية ارهاق! دخلت نمت في الصالة حتى ومكنش في حد ف البيت غير ماما نايمة
صحيت على رن الجرس الباب بيخبط اي الازعاج دا حد يشوف!!
اووف!! محدش بيخرج ليه!!
قومت وكان شكلي لا يوصف وحجابي اللي باظ من النوم ولبس المدرسة!
فتحت الباب وبقول مين لقيته في وشي!!
انا هه!!!!
_ يلا اللي نازل هناا!!
عودة من الفلاش باك
اه انا نازلة لو سمحت!!
نزلت وانا بضحك لما افتكرت نفسي و منظري وقتها كان عامل ازاي! انا ازاي كنت كدا بجد!
المفروض نتقابل هنا
قعدت على الرصيف مستنياه يوصل بعد ما كلمته وقالي قدامه ربع ساعه ويكون عندي
. فلاش باك
انا
هه!!!!
زين بضحكة هه اي بس!
دا بيكلمني انا! عااععع سبته بسرعه ودخلت زبطت نفسي في وقت زمني قصير يدخل في موسوعة جينيس !
خرجتله تاني و
انا بخجل انا آسفه تعالى اتفضل
زين بإبتسامة لا ياستي شكرا عايز الحاجات اللي سيبناها هنا من يومين
انا حاضر ثواني
دخلت جيبتهم ووقفت خدت نفس عميق وخرجت مع ابتسامة خفيفة
انا اتفضل
زين بإبتسامة كبيرة متشكر همشي انا بقا
ابتسمت وقولت ماشي
لف وقال بصوت مسموع ي خړابي عالعسل!
اي داا هو بيقول اي دا!! يالهوي!!
دخلت بسرعه وقفلت الباب وجريت على اوضتي وقلبي بينبض اوي! شعور غريب اول مرة اجربه! بس دا ميمنعش اني حاسة بفرحة عمري ما حسيتها قبل كدا!
بعد يومين
انا خلاص قررت! هعمل الاكونت زي ما قولتو!
مريم وهي بتضحك اشطاا حلو جداا بس اي الحوار هه هه وحشك مش كدا
انا بإبتسامة ولهانة بصراحة اه وحشني جدا وعايزة اكلمه عايزة اشوف بس لو بيكلم بنات ولا بيحب حد! ما يمكن اكون مش في دماغه اصلا وكل دا
خيال من دماغي بس!!
ريماس خيال اي يا هبلة!! ما قولنالك باين عليه! بصي ياستي انتي تكلميه كأن مش انتي ونشوف هيرد وبتاع بنات ولا اي حواره
مريم بصي انا كنت عاملة اكونت قبل فترة تعالي نغير الاسم ونظبطة ونشوف
بعد ساعه
_ هاي
مين
_ مين عالطول كدا! طب رد الهاي الاول!
ومالو هايات ياستي مين بقا
عودة من الفلاش باك
_ريم! ياارييم
اي في اي!.. اي دا انت وصلت!
_ وصلت!! دانا بقالي ساعه بنادي عليكي! سرحانة في اي كدا!
ابتسمت وقلتله ولا حاجة كنت بفتكر عندي كام محاضرة انهاردة
_ هاي
مين!
_ مين عالطول كدا ما ترد الهاي الاول طيب
هايات ياستي مين بقا
_ مش حد تعرفه
يا سلام! اومال مين ولا عرفتيني ازاي ي قمر
_ لا دانا شوفت الاكونت بتاعك من فترة وبصراحة مخبيش عليك مز جاامد
هههه دا انتي شكلك عسل اوي اسمك اي بقا
انا كنت برد عليه وقلبي بيغلي! قمر وعسل واسمك اي هو بيرد كدا على اي بنت غريبة تبعتله!!
_ وانت بتسأل على اسمي ليه
مش احنا هنبقا صحاب مسألش على اسمك ليه!
_ مين قال اننا هنبقى صحاب!
لأ انا مش مستحملة!! ازاي بيتكلم كدا بصيت لصحابي وانا بعيط انه خيب أملي
ريماس اهدي يا ريم عادي كل الولاد كدا
مريم يعني اي كل الولاد كدا!! عرفيه مقامه عشان يبقى محترم بعد كدا!
انا واحنا
مالنا يا جماعه محترم لنفسه قليل ادب لنفسه بردو بعدين دا ملحقش يقول حاجه لسه
مريم وريني كدا التليفون هعمل حاجه
انا هتعملي اي
مريم وريني بس! انا هتصرف
خدت مني التليفون وكان رد
اصل بصراحه شكل دمك خفيف ازاي منبقاش صحاب يعني!
مريم ردت _ تصدق انك قليل ادب وبتاع بنات!
ليه بس يا جميلة حصل
اي
واحده بقا ولا واحد قول انت مين احسنلك
_ ولو مقولتش يعني
صدقني هجيبك ووقتها مش هيحصلك طيب
_ ولا تقدر تعمل اي حاجه وعلفكرة انا بنت مش ولد
اه مين بقا
في الوقت دا
انا بتعملي اي يا مريم بعتيله اي
مريم هجيبهولك عند رجلك بس استني
انا اي يامريم الكلام دا انا مالي وماله يابنتي ما قولتلك خلاص! وريني بس بعتيله اي!
شديت منها الفون ولما قرأت اللي هي بعتته انفعلت اووي
انا انتي اټجننتي يا مريم!! هتوديني في داهية لو عرف انه انا!!! الله يسامحك ليه كدا بس!!
مريم يابنتي مټخافيش وهو هيعرفك منين يعني!!
ريماس وانتي فاكراه هيسكت يعني هيعرف يوصل علفكرة وباين عليه مش سهل
بصيت في التليفون لما سمعت صوت الاتصال
انا اهو بيتصل مسنجر اهو!!
ريماس اقفلي عادي و روحي شوفيه بعت اي
لأ ما انت ترد يا حلو عشان مبدأش اتصرف من دماغي
طب براحتك ومترجعش ټعيط
_ في اي! قفلت شوية عاادي!!
اه رد كدا زي الشاطر وقولي بقا مين
_ طيب انا هرجع البيت وأرد عليك و آسفه والله هفهمك لما ارجع بس متتصلش
مريم بتقوليله كدا ليه!! هيفكر دلوقتي انك خۏفتي!
انا يفكر اللي يفكره انا لازم أحل الموضوع كفاية اوي هبل لحد كدا انا هعرفه اللي حصل وهعمله بلوك وانا كنت غلطانة من الاول اني
عملت الهبل دا سلام انا ماشية
سيبتهم ومشيت وانا ماسكة دموعي بالعافية مش قادرة استوعب اكيد هيكرهني لما يعرف انه انا!
وصلت البيت ودخلت اوضتي بسرعه وقفلت الباب
اي كل دا
_ معلش انا اسفه
قول بقا انت مين
_ والله العظيم انا بنت!
حد اعرفه
_ بص انا هقولك اللي حصل بس بالله عليك ما تكرهني ولا تقول لحد!
خير اتكلمي
حكيتله اللي حصل كله وفضلت اعتذر اوي بس فاجئني ب رده!!
يعني انتي ريم
_ اه والله
طيب قوليلي كنتي لابسه اي في خطوبة اختك
_ اشمعنا يعني
ردي وخلاص
_ كنت لابسه فستان فاتح وواسع!
اه طيب يا ريم ممكن اطلب منك طلب
_ اكيد اتفضل
عايز اقابلك
_ نعم
اي عايز اقابلك! هقولك على حاجه بس
قلبي نبض اوي!! عايز يقول اي هيزعقلي مثلا اكيد لأ!!
_ عايز تقول حاجه قولها هنا
لا الحاجه اللي عايز اقولها مينفعش غير قدامك
_ طيب هفكر وأرد عليك
رحت بسرعه للجروب وبعت
_ الحقوني عايز يقابلني!!
مريم اي اللي حصل
ريماس اشمعنا يعني انتي قولتيله اي
انا حكتله اللي حصل بس والله لقيته سألني طب كنت لابسه اي وبعدين لما قولتله قالي عايز اقابلك!!
مريم طب وانتي قولتيله اي
انا ثواني ابعتلكم اسكرين
ريماس اوباا شكله بيحبك!!
مريم شوفتي ياستي!! اهو جبناه ولا لأ في الآخر! اراهنك هيقولك بحبك
انا اي التفاهه اللي بتقولوها دي!! يا خۏفي لو يهزقني على اللي حصل دا!
ريماس يهزقك اي يابنتي اكيد لأ طبعا
انا هو احنا بنتكلم كأني هروح اقابله فعلا ليه دا مستحيل!!
مريم بصي انتي تقوليله يقابلك في حته ميكونش فيها ناس عشان لو حد شاف هتبقا مشكلة
انا يعني انتي عارفة انه لو حد شافني هتبقا مشكلة ومع ذلك بتقوليلي اقابله!!!
مريم ما هو بصراحه عايزين نعرف هيقولك اي
ريماس بصي يا ريم واحنا راجعين من درس الانجلش انا وانتي هنروح عند مريم والمنطقة عندها هناك زراعية وهادية مفيش حد خليه يقفلك هناك وانا هقف معاكي بس بعيد شوية بحيث اخلي بالي م الجو
مريم اه فكرة حلووة اوي دي!! يلا عرفيه يا ريم عشان الدرس يوم الاربع صح
انا اه بعد يومين
ريماس طب خلاص الحقي عرفيه دلوقتي
انا قلقانة اووي والله
مريم متخفيش يابنتي!
خلصت كلام و روحت بعتله
_ زين
ها فكرتي
_ اه
طب اي
_ يوم الاربع الساعه 5 وممكن انا اتأخر شوية على 5 وربع مثلا
اشمعنا
_ عندي درس هخلصه و اقابلك
طب تمام فين بقا
قولتله المكان واتفقنا و رغم اني كنت خاېفة جدا الا ان جزء مني كان مبسوط اوي اني هشوفه تاني ليه عشان وحشني!
......
يوم الاربع الساعه 3 30
ريماس البسي الفستان دا حلو اوي يا ريم ومعاه طرحته وبنطلونه بتبقي قمر في الطقم دا
انا بجد يعني مفيش احسن منه متأكده
ريماس دا جميل اووي وهادي هيبقى تحفه
انا تمام ثواني ألبس
ريماس طب والله قمر!! خدي حطي مسكرة بس خفيفه اوي ها! وحطي مرطب شفايف
انا ليه يعني وانا راحه اتجوز!! لأ مش حاطه حاجه!
ريماس يابنتي خفيف اووي متخفيش بس تعالي هحطلك انا ولو لقيتيه باين امسحيه
انا
↚
ما طالما مش هيبان
احط ليه اصلا!! يووه!!
الساعه 5 05
انا خاېفة اويي يا ريماس يلا نروح والنبي!!
ريماس انتي جاية في الوقت اللي خلاص تلاقيه واقف فيه مستنيكي!! يلا قربنا نوصل!!
انا الحقي ياا ريمااس واقف هنااك اهوو
ريماس اه!! ههههه الله يعينك الحقي دا شافنا! بصلك!
انا مش شايفة كويس استني البس نضارتي
ريماس متلبسيهاش!! بتبقي احلى من غيرها عشان الطرحه متبوظش بس يلا انا هسبقك اقف بعيد
قربت منه لحد ما شوفته كويس دا فعلا بيبصلي! اوي!!
نزلت عيني في الارض بسرعه وانا محرجه جدا
زين ياه!
انا هه
زين لا لا مفيش ازيك ياريم
رديت بإبتسامة خفيفه وانا عيني في الارض لسه الله يسلمك
زين كنتي في درس اي
انا درس الانجلش
سكت شوية وهو لسه بيبصلي اوي مش فاهمه اي سر النظرات دي عايز يقول اي!! هو ليه متكلمش في الموضوع!
لما لقيت سكوته طال قولتله كنت عايز تقابلني ليه
زين ...
صباح الخير يا ماما
صباح النور عندك محاضرات انهاردة ولا اي
انا اه انهاردة عندي يوم ضغط اوي عايزة بقا افطر عشان بصي على اخري
ما انتي جيتي نمتي امبارح من غير عشا حتى!! اعملك اي يعني!
انا تعمليلي بيض بالبسطرمة ومرسي كتير خالص
امشي يابت انتي اي دا ياربي واعدني ببنات غريبة والله
رديت وانا بغسل سناني سمعااكي عالفكرةة
اهو بتتكلمي ازاي والمعجون في بؤك! صبرني يارب!!
يلا انا ماشية يا ماما
بالسلامة ربنا يحفظك يارب
خرجت وفتحت التليفون بعتله
_ صباح الخير انا لسه خارجة دلوقتي عالجامعه لو انت صحيت رن عشان اخد بالي ولو فاضية هرد
قفلت التليفون وركبت الباص وانا بفكر يا ترى لسه بحبه زي زمان
قاطع تفكيري السواق وهو بيقول يلا اللي ناازل هناا
وقتها انتبهت اني وصلت!! امتى انا لسه راكبة! معقول التفكير خدني اوي كدا
وصلت الجامعه ولبست الكاب والكمامه خاېفه انه يشوفني!! فضلت أبص حواليا وانا ماشية لحد ما وصلت قاعة المحاضرات والحمدلله مكنش موجود وكانت فاضية ما هو لسه فاضل ساعه عالمحاضرة الاولى!
طلعت كتبي وبدأت احضر فصل انهارده وبعد شوية وانا بقاوم النعاس اللي غلبني حسيت بحد دخل قومت بسرعه
بصيت عالباب ملقتش حد اوف! الحمدلله الواحد مش ناقص عالصبح
هو انا مزعج للدرجادي
بصيت بسرعه لقيته في نفس البينچ.. معايا!!
لمېت كتبي بسرعه من غير ما ارد و لسه جاية اخرج
رفعت ايدي وضړبته على وشه
وقولت هتلاقي رد فعل ميعجبكش
وفي نص امتحانات الميد رجعت بالبارت الخامس من روايتي يمكن_بحبك
نبدأ بسم الله
_ لو سمحت عيب اللي انت بتعمله دا!! سيبني!!
ابتسم بخبث وقال ولو مسبتكيش
رفعت ايدي وضړبته على وشه وقولت هتلاقي رد فعل ميعجبكش
وسبته وخرجت بسرعه وروحت الحمام فضلت اعيط كتير جداا كنت خاېفة اووي !! ودلوقتي خاېفة اكتر ! اكيد مش هيسكتلي عالقلم دا !!
بعد وقت ولما اتأكدت أن المحاضرة بدأت روحت ودخلت وحاولت على قد ما اقدر
اخفي اي
أثر للدموع
وبعد اليوم ما خلص بفتح الفون لقيت زين باعتلي
صباح النور ي حببتي عاملة اي لما توصلي طمنيني عليكي
رديت عليه وقولتله اني كويسة ولسه مخلصة محاضرات وهروح وقفلت الفون قبل ما استناه يرد حتى
وانا عند البوابة لقيت نفس الشخص بتاع الصبح واقف !! طيب أخرج ازاي دلوقتي اووفف !! لقيت مجموعة بنات خارجة روحت بينهم وعملت نفسي ماشية معاهم وفعلا قربت أخرج !! شعور فرحة رائع بصراحة .
ركبت الباص واتأكدت أنه مش ماشي ورايا وسندت راسي عالشباك وغمضت عيوني ارتاح
فلاش باك
سكت شوية وهو لسه بيبصلي اوي مش فاهمه اي سر النظرات دي عايز يقول اي ! هو ليه متكلمش في الموضوع
لما لقيت سكوته طال قولتله كنت عايز تقابلني ليه
زين مكنتش مصدق بصراحة انك اخت روان وكنت عايز اقابلك عشان اتأكد
حسيت بخيبة أمل كبيرة اووي وقولتله انا اسفه اوي والله بس فعلا زي ما قولتلك انا مكنتش اعرف ان كل دا حصل انا بعتذرلك مرة تانية
قالي بإبتسامة خفيفة عادي يابنتي بس بطلي تعتذري كتير كدا !
رديت انا بعتذر عشان غلطانة فعلا اتمنى متزعلش وأوعدك انا هتصرف معاهم والله والكلام دا مش هيتكرر تاني سلام بقا عشان وقفتنا كدا غلط
قال وعلى وشه ابتسامة كبيرة لا مش غلطانة وصدقيني كنت مبسوط لما عرفت أنه انتي ومكنتش اعرف انك حلوة اوي كدا من قريب !
اتحرجت جداا وقولتله بسرعه طب س سلام بقاا
ومشيت بسرعه وكنت سمعاه بيضحك !
روحت لريماس وخدتها ومشيت بسرعه وهي عمالة تسألني قالك اي اي اللي حصل وشك قالب الوان ليه قالك بيحبك صح
بصتلها بعصبية وسكت وصلنا عند مريم ودخلنا واول ما قعدت اتلمو عليا الاتنين يسألوني حصل اي ! حكيتلهم كل حاجة فقالت ريماس يادي النيلة !! هو الواد دا رخم ليه كدا
انا مش رخم ولا حاجة هو عنده حق يعني كان لازم يتأكد أن دا انا اصل طبيعي مش اي حد يقولك انا كذا تصدقي ! بس احنا اللي دماغنا راحت بعيد
قالت مريم بضحكة وهي بتغمزلي بس حلوة اوي من قريب هه
رجعت البيت بعد ساعتين بفتح الفون لقيته باعتلي
زين انا اسف على اسلوبي فوق بس الموضوع كان غريب
بجد وعلفكرة كنتي قمر انهارده
وكانت دي البداية !!
عودة من الفلاش باك
بعد ربع ساعة فتحت عيوني ومكنتش خدت بالي م الطريق خالص وصحيت مړعوپة ببص عالطريق لقيت اللي جنبي بيقولي متخفيش لسه بدري
برفع عينه ببصله وانا كلي فزع وهو على وشه ابتسامة شړ وبيقول اي مالك اټرعبتي ليه
سكت ومردتش وبصيت للشباك بحاول أتمالك اعصابي وافكر اتصرف ازاي حاولت اتجاهل وجوده وكلامه وفتحت اللوكيشن بشوف انا فين وفاضلي مسافة قد اي لقيته شد مني الفون قفله وقالي وهو بيضحك ما قولتلك لسه بدري ولا انتي مبتثقيش فيا
بصتله كدا وابتسمت ابتسامة خفيفة وانا في دماغي فكرة يا تنجح يا تقلب عليا انا وحظي !!
عاااععع انت ياا قليلل الادب ياا متحررش !! لم نفسك ياا حيوواان !!
لقيت شباب العربية انتبهوا وقالولي في اي !
عليت صوتي وقولت قليل الادب داا من اول ما ركبت وانا حاسة بحاجة مش طبيعة ودلوقتي بيلمسني وخد تليفوني !!!!
قام ولد من اللي قاعدين شد منه التليفون واداهولي وقالي اقعدي انتي حقك علينا ياست البنات وانت يلا انزل يا هتشوف اللي عمرك ما شوفته
رد عليه مش نازل !! وريني هتعمل اي يا فالح !!
قام كذا شب من اللي قاعدين وقالوله هنقوملك كلنا ياحلو !!
السواق وقف الباص وقاله بقولك اي يا هندسة احنا على طريق الله يرضى عنك ويلا اتفضل انزل عشان مقلش ادبي عليك انا والرجالة دي !
بصلي وقالي ههه حلوة الحركة دي بس وربي ما هحلك
قام شب وضربه بوكس وقعه عالارض وقاله ماا قولناا انزل بالذووق !!
دلوقتي العين كلها عليا !! الكل بيبصلي وانا باين عليا الفرحة دلوقتي !! حطيت ايدي على وشي بسرعه وعملت نفسي بعيط لقيت التمثيل قلب جد وبقيت بعيط جدا فعلا !!
حاولت أهدى واتماسك ومسحت دموعي لقيتها بتقولي انا عارفة الولد دا بجد واحد مش محترم خالص وسمعت عنه كتير أنه مزهق نص بنات الكلية ازاي علق معاكي بس
وانا عيوني كلها دموع قولتلها يعني هو فعلا كدا صح يعني مظلمتهوش باللي عملته فيه دا صح
ضحكت وقالتلي لا خالص دا يستاهل اكتر م البوكس دا كمان بس قوليلي انتي في سنة كام ولا قسم اي
رديت انا فرقة اولى لسه في فنون جميلة
بصتلي بدهشه وقالت انا بردو !! ازاي مخدتش بالي منك قبل كدا انا
ياستي اسمي روز وانتي
ابتسمتلها وقولت انا حسيت اني شوفتك قبل كدا ف القسم انا ريم اسفه بقا انك شوفتي المنظر دا
ضحكت وهمست في ودني شكلك قمر وانتي بټعيطي كان لازم تتصوري علفكرة
فضلنا نهزر واخدنا ارقام بعض واتفقنا نتقابل بكرا بردو وكدا كسبت اول صديقة ليا في الجامعه وكانت فرحة كبيرة اوي بالنسبالي وحسيت بالآمان شوية
رجعت البيت ودخلت لقيت اخواتي روان ونرمين هنا ومعاهم عيالهم ولما شافو شكلي كدا اتلمو عليا يسألوني في اي مقدرتش امسك نفسك وعيطت جامد بردو وحكيتلهم كل اللي حصل من لما بدأ يرخم عليا لحد انهاردة
لقيت روان ضحكت جامد وقالت بس والله حركة حلوة اووي منك شاطرة
وقالت نرمين ويستاهل قلم وبوكس ف يوم واحد دا شكله بقا وحش اوي دلوقتي ومتخفيش لو عايزة تحولي من الكلية احنا معاكي
روان مع اني اشوف أن دا حلمك اللي وصلتيله بصعوبة وانتي طلعتي بتعرفي تتصرفي أهو ولو الموضوع زاد ممكن تاخدي اخوكي معاكي مرة يربيه
وبعد مناقشة ولما الكل مشي دخلت اوضتي نمت شوية ولما صحيت بالليل بفتح الفون لقيت اتصالات كتير ورسايل اكتر من زين
وصلتي
انا خرجت بدري م الشغل انهاردة
لما تفتحي طمنيني عليكي
لسه موصلتيش يابنتي
ريم !!
انتي كويسة
اي اللي حصلك دا
انتي ازاي متعرفنيش ياريم
للدرجادي انا ولا حاجة في حياتك
اصحي مش وقت نوم دلوقتي !!
ياابنتي !
ما هو ازاي يحصل كل دا والموضوع بقالو شهرين اهو ومتعرفنيش !!
انا هتجنن بجد !
رديت عليه وقولتله انا اسفه لسه صاحية حالا في اي بس
وروحت بسرعه اتصلت على روان وانا متعصبة جداا
روان ألوو
انا انتي لحقتي تحكي يا روان هو انا بحكي لأختي ولا
↚
بحكي لأهل جوزها مش فاهمه انا !!
روان اي دا انتي عرفتي منين !
يمكن_بحبك البارت 5 روان اي دا انتي عرفتي ازاي !
انا ولا عرفت ازاي ولا معرفتش الله يسامحك بجد !!
روان هو كلمك تاني ولا اي !
انا اه يا روان كلمني وكان متضايق جداا
روان معلش يابنتي والله ما جه في بالي أنه هيبعتلك ولا حاجة وكنت بتكلم مع حماتي تحت وهو الموضوع جه لوحده !
انا جه لوحده ااه اكيد طبعا سلام يا روان الله يكرمك
قفلت معاها وفتحت الشات عنده لقيته باعتلي
زين أهلا بحضرتك !! لسه فاكرة تردي
انا والله يا زين كنت نايمة اليوم كان مرهق اووي انهاردة
جيت ھموت وانام بجد
زين بصي يا ريم انا كنت متعصب ومتضايق انك ازاي تخبي عني حاجة زي كدا وتحديدا أن دا شخص معاكي ف الجامعه يعني هتشوفيه كل يوم تقريبا !! بس لما فكرت واعصابي هديت لقيت انك اكيد كنتي خاېفة ومحتارة ومش عارفة تعملي اي ! بس دا ميبررش انك تخبي
عليا لمدة شهرين والله اعلم كنت هتخبي لحد امتى لولا اختك قالت
انا حقيقي انا مش عارفة اقولك اي وانا فعلا كنت ومازلت خاېفة ومعنديش رغبة انزل الكلية كنت برد عليك وانا هناك بعيط وبقولك اني كويسة ! كنت بفكر الف مرة في الثانية اقولك ولا لأ كنت خاېفة من رد فعلك انت شخصيا وهل هتتقبلني بعد اللي بيحصل دا ولا لأ !
زين اي يا حبيبتي اللي بتقوليه دا بس ! انتي على عيني وراسي من فوق مهما حصل والله ! وعلفكرة فرحت جدا برد فعلك
ضحكت
وانا مبسوطة وحاسة براحه اخيرا وقولتله شجاعة انا صح شوفت دا أقل حاجة عندي اصلا يابني
ضحك وقالي قمر يا جمل المهم بقا ڠصب عنك أو بمزاجك انا نازل معاكي الكلية بكرا وخليني اشوف الحلو دا
اتوترت جدا وجه لبالي اسئلة كتير اجابتها مستحيل تكون مطمئنة ! قولتله بلاش بكرا يا زين عشان خاطري ! انا لسه متصاحبة انا وبنت امبارح اكيد هتستغرب لو لقتني جاية مع ولد وهتفكر اني مش كويسة !
بانت العصبية في كلام وهو بيقول ما تفكر اللي تفكره يا ريم واحنا مالنا ! يعني عايزاني اسيب الزفت دا يتجاوز حدوده معاكي اكتر من كدا !!
في الحقيقة أنا مكنش فارق معايا تفكر فيا اي بالرغم اني مبسوطة جدا اني صاحبت بس ملهاش الحق تفكر فيا وحش ! كل اللي كنت خاېفة منه ان زين والولد دا يتخانقو !!
قولتله بهدوء مصطنع يحبيبي أهدى بس واسمعني بعد اللي حصل انهاردة واللي عملته فيه دا مظنش هيجي بكرا ولو جه فمش هيظهر نفسه قدامي عشان يلملم كرامته اللي اتبعثرت وبعدين يرجع فمتخفش والله وانا لو شوفته قرب مني بس هبعتلك فورا أهدى بقا و روق
حسيته هدي فعلا لما قال بس تخلي بالك ياريم !
انا حاضر ي روحي
زين عايز عندك عيون في قفاكي سامعه
انا عينيا حاضر
انا حاضر انا اسفه
زين لو لمسك تاني هقتله و اخد فيه حكم بسببك يا ريم !
ضحكت وقولت ما قولنا خلاص حاضر ياعم في اي !
واخيرا بعد شوية كلام قدرت أهديه خالص والحمدلله نمنا !!
فلاش باك
بعد مقابلتنا وعلاقتنا بقت لطيفة ! لا هي فعلا لطيفة يعني لا حب ولا صداقة ولا أخوه ! مش معروفة احنا كنا اي غير لطف ! وكترت المواقف بينا اللي فعلا اثبتتلي اني بحبه ! وكان لازم أنهي الكلام ما بينا قبل ما يتطور اكتر ! لحد ما جه في يوم كانت ضړبة قاضية بالنسبالي
كنت راجعه من الدرس ومعايا مريم وريماس وكنا بنضحك وبنهزر وصلنا البيت وماما فتحتلي الباب حسيت ملامحها مش مطمنة خالص دخلت اصحابي ولقيت ماما بتقولي ريم اطلعي ل روان فوق عاوزاكي
حسيت قلبي
وقع ! خير
قولتلها حاضر يا ماما في حاجة ولا اي !
قالتلي اطلعي وانتي تعرفي
طلعت وانا قلبي بيوجعني مع كل خطوة بطلعها مش اول مرة تناديني بالشكل دا بس اول مرة اخاڤ انا كدا !
طلعت لقيتها بتقولي بهدوء خلصتي دروسك ولا عندك حاجة تاني لسه
قولتلها لا لسه جينا نستريح انا وصحابي لحد
الدرس التاني
قالتلي طب تعالي بتكلمي زين ليه يا ريم !
انا كنت بي لايك اللي خوفنا منه حصل
قلبي وقع وقولتلها عادي يعني ! هو انا بكلمه ازاي !
هو اي اللي انا بقوله دا ! اكيد كلام من غير تفكير لانه مش عادي فعلا اني أكلمه !!
بصتلي وهي بتحاول تتمالك أعصابها وقالتلي ريم متستهبليش !! من امتى و دا عادي عندنا !! انتي عارفة اي المشاكل اللي هتحصل بسببك دلوقتي !
اكيد وقتها انا كنت غافلة عن المشاكل اللي ممكن أسببها !
قولتلها بإنفعال خفيف هو انا عملت اي يعني ! وبعدين هو شوفتيني بكلمه كلام حب وغرام !! وغير كل دا انتي عرفتي ازاي !!
محستش بنفسي غير وانا بعيط ! ازاي فعلا غفلت عن كل دا ! ازاي ضحيت بأختي عشان سعادتي الوهمية ! ازاي هحط عيني في عين اخويا بعد اللي حصل دا !!
وقبل ما اتكلم لقيت مريم بتناديلي من تحت والحمدلله بجد انها أنقذتني !
بصيت لأختي بحزن على حالي ونزلت وسيبتها وخدت صحابي وخرجت سألوني في اي ! ليه اتأخرت وليه شكلي كأني كنت بعيط !
وكل اللي قولته كان اهلي عرفو اني بكلم زين
عودة من الفلاش باك
صحيت الصبح وكان مزاجي رايق بسبب ليلة امبارح فتحت الفون وبعتله صباح الخير ي حبيبي انا لسه صاحية اهو وهقوم عشان ألحق اروح
قومت جهزت و وأنا خارجة افتكرت روز ! رنيت عليها و
الو !
انا الو انا ريم يا روز عاملة اي يحبيبتي
روز صباح الخير يجميلة انا الحمدلله تمام انتي اخبارك اي
وبعد التحيات سألتني وهي بتضحك ها مستعدة لمعركة انهاردة
ضحكت وقولت لها والله الواحد خاېف بجد ربنا يستر !
قالت بصوت مبتهج متخفش يا بطل اومال انا معاك بعمل اي ويلا سيبك من كل دا وقوليلي عملتي الشيت ولا لأ
وصلت الجامعه وانا متوترة بس اكيد مش هيجي لو هو انسان عاقل يعني !!
دخلت الحمام غسلت وشي وفضلت واقفه قدام المرايا أشجع نفسي ! انا قوية ! متخفيش !
ايوه حصل انتي قوية فعلا
بصيت وانا مصډومة بدور على مصدر الصوت لحد ما لقيته واقف ورا الباب وهو مقفول